Проектная работа по окружающему миру "Нәрсә ул Ватан?" бумажный вариант

Проект эше

Нәрсә ул Ватан?

I. Башлам өлеше

Эшне башкардылар: 1 сыйныф укучылары Камалов Г.Ә., Гыйльфанов Р.М.

Проект җитәкчесе: I категорияле башлангыч сыйныфлар укытучысы Гарипова Л.К.

Проектның төре – информацион-иҗади.

Проектның срогы – ирекле.

Максат. Гуманлы, рухи яктан бай шәхес, үз иленең чын патриотын тәрбияләү

Бурычлар:

- укучыларда үз туган җиренә, төбәгенә карата мәхәббәт хисе формалаштыру;

-  Россияне туган ил дип тануны формалаштыру;

- илнең, республиканың символикалары аша гражданлык, патриотлык хисләре тәрбияләү.

 II. Төп өлеш

-   Хәерле көн, залда утыручылар, комиссия членнары! Без сезне үзебезнең проект эше белән таныштырырга телибез. Проектның исемен “Нәрсә ул Ватан?” дип атадык.

-   Бу хезмәтне Шәрип башлангыч мәктәбенең 1 сыйныф укучылары Камалов Гадел белән Гыйльфанов Рушат башкарды.

-   Проектның җитәкчесе укытучы апабыз – Ләйсән Котдусовна.

-  Проектның түбәндәге максат, бурычларын билгеләдек. Сез аларны экранда күрә аласыз.

-  Ватан дигәч, иң беренче безнең илдә яшәүчеләрнең күз алдына “Россия” сүзе килеп басадыр. Ә Россия ул – ил. Без яшәгән ил.

-  “Минем Ватаным – Россия” дип әйтү генә җитә микән?

-  Нәрсә ул Ватан?

-  Ватан нидән башлана? Әлеге эшебездә без бу сорауларга җавап табарга тырышырбыз.

-  Россия дигәннән, нинди ил соң ул Россия?

-  Россия - дөньядагы иң зур ил.

-  Илебезнең башкаласы бик матур һәм зур шәһәр – Мәскәү.

-  Һәр илнең үз флагы, гербы һәм гимны була. Ә Россиянеке түбәндәгеләр.

-  Илебезнең президенты – В.В. Путин.

-  Россиядә дөньядагы иң матур республика – Татарстан бар. Республиканың да үз флагы, гербы, гимны бар.

-   Аның башкаласы – данлы Казаныбыз

-   (Казанны бөтен дөнья татарларының мәркәзе дип тә әйтәләр). Татарстан Республикасы – татар халкының Ватаны. Димәк безнеке дә.

-  Президентыбыз – Р.Н. Миңнеханов.

-   Республикада 43 район бар. Ә без яшәгәне аккошлар иле – Актаныш. Димәк, Актаныш районы да безнең Ватаныбыз.

-  Алга таба карасак, һәр районда авыллар бар. Минем өчен Актаныш районында иң матур авыл – Шәрип авылы. Шул авылда минем туган йортым, гаиләм, әти-әнием.

-  Актаныш районында тагын бер гүзәл авыл бар, ул – Мерәс авылы. Монда минем туган йортым, гаиләм – әнием.

III. Йомгаклау, рефлексия

-  Болар барысы да изге сүз “Ватан” сүзе астында.

-  Димәк, нәтиҗә ясап, шуны әйтә алабыз: Ватан ул гаиләдән башлана. Ватан ул – туган йорт, гаилә, әти-әни, туган авыл, район, туган Республика, туган ил.

-  Рушат, “Ватан” сүзе “ил” сүзен алыштыручы булса да,бәлки Җир планетасын да Ватан дип атарга була торгандыр? Чөнки туган илебез дә планетаның бер өлеше бит. Минем шәхси фикерем шундый.

-  Дөрестән дә, бу кызыклы сорау: “Җир шары минем Ватаныммы?” Гадел, руслар әйтмешли “Это уже другая история” Әйдә бу сорауга киләсе очрашуга җавап табып килербез. Ә бүген без үзеббезне кызыксындырган сорауга җавап таптык шикелле.

-  Игътибарыгыз өчен зур рәхмәт! Сау булыгыз!