Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Рабочие программы / Программа внеурочной деятельности эстетического направления

Программа внеурочной деятельности эстетического направления

  • Начальные классы

Поделитесь материалом с коллегами:

Аңлатма язуы


Дәрестән тыш үткәрелә торган чаралар укыту-тәрбия эшенең иң мөһим өлеше һәм укучыларның буш вакытын оештыруның бер формасы булып тора. Бүгенге көндә яңа дәүләт стандартларының икенче буынына күчү чорында дәрестән тыш эшчәнлекне тагын да камилрәк итү өстендә эш алып барыла.

“Гүзәллек дөньясында” исемле сәнгати-эстетик юнәлештәге программа башлангыч урта белем бирүнең Федераль дәүләт белем бирү стандартына һәм Россия гражданнарын әхлакый шәхес итеп тәрбияләү Концепциясенә нигезләнә. Әлеге программа укучыларны социаль, мәдәни, иҗади үсешенә, дөньяви һәм туган як мәдәнияте белән танышуга этәргеч бирә.

“Гүзәллек дөньясында” программасының әһәмияте: әлеге программа әхлакый сыйфатларны, акыл үсешен, гражданлык позициясен, хөрмәт хисен тәрбияләүне бер бөтен система буларак үз эченә алып, укучыларга музыка буенча белем бирү, гүзәллекне күрә, тоя белү, социаль, әхлакый, мәдәни үзаң, иҗади үсешкә китерүгә шартлар тудыра. Программа түбәндәге эчтәлектән гыйбарәт:

Яхшы әхлак кагыйдәләре

Этикет (үз-үзеңне тоту) кагыйдәләре

Яхшылык һәм Матурлык иленә сәяхәт

Музыка иленә сәяхәт

Яшәгән ди рәссам

Шигърият дөньясында

Гүзәллек дөньясында” эш программасы укучыларның индивидуаль практик эшчәнлеген оештыру дәресләре белән коллектив эшчәнлек дәресләрен аралаштыруны күз алдынла тота.

Гүзәллек дөньясында” программасының максаты: эстетик-эмоциональ эчке дөньясы формалашкан, иҗтимагый яшәеш шартларына яраклашкан әхлакый шәхес тәрбияләү, балаларның иҗатта, сәнгатьнең төрле өлкәләрендә үзләрен сынап карауга шартлар тудыру.

Бурычлар:

  • башлангыч сыйныф укучыларының яңа социаль мөхиттә үз урыннарын таба алу;

  • коммуникатив культура, аралашу һәм аңлашу күнекмәләрен формалаштыру;

  • үз-үзеңне тоту, тәртип һәм эшчәнлек өлкәсендә ихтыяри һәм эмоциональ регуляция күнекмәләрен үстерү;

  • сәхнә осталыгын үстерү;

  • сәнгать әсәрләрен тыңлау, күрү, аңлау һәм анализлау күнекмәләренә өйрәтү;

  • сәхнә осталыгы өлкәсенә караган терминнарны дөрес куллану, төшенчәләргә дөрес аңлатма бирүгә өйрәтү;

  • әхлакый, тәрбияле шәхес тәрбияләү.

Гүзәллек дөньясында” программасын тормышка ашыру вакыты:

Гүзәллек дөньясында” программасы башлангыч белем бирү мәктәбенең 1 – 4 сыйныф укучыларына каралган. Катнашучыларның яше – 7-10 яшь. Атнага 1 сәгать исәбеннән төзелеп, курс 132 сәгатькә каралган.

Иҗади эшчәнлекне оештыру формалары төрле: төркемнәрдә эш; индивидуаль-коллектив эш вакытында уртак нәтиҗәгә ирешү өчен һәркем үзенә бирелгән өлеш өчен җаваплы. Мондый уртак иҗади эшчәнлек укучыларда килешә белү, уртак бурычлар кую һәм аларга ирешү юлларын табу, бер-береңне аңлау, иптәшеңә карата хөрмәт һәм кызыксыну хисләре генә уятып калмый, ә ирешелгән уртак уңай нәтиҗә алга таба үз-үзеңә ышаныч тудыра һәм киләчәккә иҗади стимул булып тора. Күп очракта мондый иҗади эшчшнлек нинди дә булса зур темага, бүлеккә йомгак ясый һәм аны яңача, тулы, күпкырлы итеп ачарга ярдәм итә.

Көтелгән нәтиҗәләр:

  • укучыларның ял, сәламәтләндерү һәм буә вакытларын оештыруның эффектив формаларын куллану;

  • тәрбия эшчәнлегендә уңай психологик һәм социаль халәт тудыру;

  • укучыларның сәламәтлеген ныгыту;

  • һәр укучының иҗади активлыгына ирешү;

  • мәктәп һәм гаилә арасындагы элемтәләрне ныгыту.

Курска характеристика:

Программа түбәндәге төп бурычларга ирешүгә юнәлдерелгән:

  • җәмгыятьтә үз-үзеңне тоту, сөйләм культурасы, аралашу, этикет кагыйдәләре белән таныштыру;

  • коммуникатив күнекмәләр үстерү;

  • әхлакый һәм әстетик хис-кичерешләр тәрбияләү;

  • иҗади эшчәнлек сәләте үстерү.

Дәрестән тыш эшчәнлек тәрбияви нәтиҗәләргә ирешүгә дә юнәлдерелгән:

  • укучыларда социаль тәҗрибә булдыру;

  • төп иҗтимагый кыйммәтләргә уңай караш тәрбияләү;

  • мөстәкыйль иҗтимагый эәчәнлек тәҗрибәсе булдыру.

Мәктәпкәчә уку-укыту, тәрбия бирүгә хәзер аеруча игътибар бирелә. Бу, иң беренче чиратта, белем бирүдәге үзгәрешләргә, мәктәпкәсә әзерлекнең әлеге концепциягә кертелүе белән бәйле. Мәктәпкәчә белем бирү кешелек мөнәсәбәтләренә әзер, гүзәллек дөньясын танып белә һәм аның белән гармониядә булырга теләүче шәхес тәрбияләүгә юнәлдерелгән гомуми белем бирүнең мөһим бер баскычы буларак карала башлады.

Мәктәпкәчә уку-укыту һәм тәрбия бирү теориясе һәм практикасының безнең илдә дә, чит илдә дә тирән тамырлары бар: А. Дистервег, Ж. Пиаже, Л.С. Выготский, Д.Б. Эльконин, В.В. Давыдов. Бүгенге көндә дә бу юнәлештә диалог кору, үсеш, креативлык, һәр балада мәдәни-иҗади башлангычны күреп, устереп, аны шәхес буларак тәрбияләүгә нигезләнгән яңа гуманитар технологияләр кулланылышка кертелә башлады.

Шуннан чыгып, программа максатка илтүче бурычлар куя:

  • башлангыч сыйныф укучыларында җәмгыятьтә үз-үзеңне тоту, сөйләм культурасы, аралашу, этикет кагыйдәләре формалаштыру;

  • сөйләм күнекмәләрен формалаштыру;

  • сәнгать әсәрләренә уңай эмоциональ караш тәрбияләү;

  • дөньяви мәдәни кыйммәткә ия булган әсәрләргә кызыксыну уяту.

Курс түбәндәге эчтәлектән гыйбарәт:

Яхшы әхлак кагыйдәләре

Этикет (үз-үзеңне тоту) кагыйдәләре

Яхшылык һәм Матурлык иленә сәяхәт

Музыка иленә сәяхәт

Яшәгән ди рәссам

Шигърият дөньясында

Гүзәллек дөньясында” дәрестән тыш программасы этикетның барлыкка килү тарихын өйрәнү белән башлана (көнбатыш, көнчыгыш этикет, Россиядә тәрбия бирү традицияләре), кешеләрнең аралашу кагыйдәләрен һәм аларның традицияләрен үз эченә ала. Этикет кагыйдәләре иҗтимагый урыннарда үз-үзеңне тота белү кагыйдәләренә кереш булып тора.

Музыка дөньясына сәяхәт” бүлеге музыка грамотасы белән таныштыру, музыка уен кораллары тарихы, күренекле мәдәни һәм сәнгать әсәрләрен өйрәнүне, шулай ук балалар музыка мәктәпләре тарафыннан үткәрелгән концертларга йөрүне күз алдында тота.

“Яшәгән ди бер рәссам” бүлеге. Укучылар бу бүлектә рәсем сәнгате буенча башлангыч белем алалар, рәссамнарның тормыш юллары, иҗатлары, Россиядә яшәүче халыкларның фольклор, этнокультур гореф-гадәтләре, халык авыз иҗаты әсәрләре белән танышалар

Шигърият дөньясында” бүлеге башлангыч сыйныф укучыларында китапка хөрмәт, мәхәббәт хисе тәрбияли, әдәби әсәрләр аша тирә-яктагы матурлыкны күрә белергә өйрәтә; китапханәләргә йөрүне кү алдында тота.

Курсның эчтәлеге концентрик төзелешкә ия, ягъни ел саен һәр бүлек яңадан өйрәнелә. Мондый төзелеш укучыларның кабул итәргә әзерлек дәрәҗәсен исәпкә алып, елдан-ел материалны катлауландыру, тулыландыруны таләп итә һәм теоретик, практик эшчәнлекне комплекслы алып барырга ярдәм итә.

Гүзәллек дөньясында” программасыннан көтелгән нәтиҗәләр:

I баскыч (1 сыйныф) җәмгыять төзелеше һәм анда үз-үзеңне тоту кагыйдәләре белән таныштыра. Дөньяви мәдәният белән танышу. Нәтиҗәлекне укучыларның үз-үзләрен тотышлары, тәрбиялеге, кешеләр белән аралашуында күреп була.

II баскыч (2-3 сыйныф) җәмгыятьтәге төп кыйммәтләргә, аеруча белем алу һәм өстәмә белем алуга уңай караш булдыру. Нәтиҗәлек тәрбия кагыйдәләрен үтәү, рәсем сәнгате, музыка, шигърият өлкәсендәге беренче адымнар, шулай ук мәгъләматларны системага салу һәм эзләнү эшләрен дөрес, төгәл, таләпләргә туры китереп башкаруда күренә.

III баскыч (4 сыйныф) җәмгыятьнең бер кечкенә кисәге буларак мөстәкыйль эшчәнлек алып бару, шул җаваплыкны тоя белү, үз-үзеңне тота белү кагыйдәләре формалаштыру. Бары тик мөстәкыйль иҗтимагый күренештә генә кеше чыннан да гражданин, мөстәкыйль һәм тәрбияле кеше була. Бу баскычның нәтиҗәлегенә ирешү өчен укучы мәктәптән тыш төрле социаль субъект әгъзалары белән аралашырга тиеш (концерт, күргәзмә һ.б.).

Бер баскычтан икенче баскычка күчешнең тәрбияви нәтиҗәсе өзлексез, уйланылган булырга тиеш.

Өч баскычта да куелган максатларга ирешү укучыларга әхлакый тәрбия бирүнең нәтиҗәлеген күрсәтә: Россиянең бер өлеше булуын таныган, төп милли кыйммәтләргә ия булган, әхлакый үзаңы үсеш алган, социаль-психологик яктан сәламәт, тормышка уңай караган, кешеләргә һәм җәмгыятькә ышаныч белән караган шәхес тәрбияләү.

Программа эчтәлегенең тәрбияви кыйммәте:

  • мәктәптә әхлакый тәрбиянең төп бурычы – баланың әхлакый-тәрбияви үсеше, димәк, анда кешелеклелек кыйммәтләре, яхшылык һәм дөнья гүзәллеген күрә белү сыйфатлары тәрбияләү;

  • программаның мәдәни әһәмияте гражданлык һәм милләтпәрвәрлек хисе тәрбияләүдә. Бала, иң беренче чиратта, туган як сәнгате, соңрак башка халыклар сәнгате белән таныша;

  • программа “туган нигездән гомумкешелек кыйммәтләргә” прнцибына таяна. Россия – күп яклы, күпкырлы дөньяның бер өлеше. Бала дәрестән дәрескә Россиядә яшәүче төрле милләтләрнең мәдәнияте белән таныша һәм дөньядагы бар халыкларны гомумкешелек кыйммәтләре берләштерә икәнлегенә инана. Табигать һәм яшәеш – дөньяга карашның төп нигезе булып тора;

  • сәнгатьнең кеше тормышы белән бәйләнеше, аның көндәлек яшәештә, җәмгыятьтә тоткан урыны, һәр кеше үсешендә сәнгатьнең әһәмияте – курсның төп баганасы;

  • программа сәнгатьнең тормыш тәҗрибәсенә нигезләнгән булуын күрсәтә, укучыларның шәхси тәҗрибәсенә дә таяна. Күзәтү алымына нигезләнүе һәм тирә-юньне эстетик яктан бәяләү – программа материалының мөһим шарты булып тора. Әйлә-тирәдәге күренешләргә үз бәяңне бирү фикерләү дәрәҗәсен үстерә;

  • төп максатларның берсе булып кешенең эчке дөньясы белән кызыксыну хисе тәрбияләү, үз-үзеңне танып белү, эчке кичерешләреңә бәя бирә белү тора. Бу исә, башкаларның хис-кичерешләрен уртаклаша, аңлый белүгә китерә;

  • сәнгатькә багышланган һәр тема танышып, өйрәнелеп кенә калмый, үз хис-кичерешләрең аша үткәрелеп, тоелып, бәя бирелеп барылырга тиеш. Ә моңа үз шәхси тәҗрибәңә нигезләнеп кенә ирешеп була. Бары тик шул очракта гына сәнгать буенча алган белем һәм күнекмәләр шәхси шһәмияткә ия, чынбарлык, тормыш белән бәйләнгән була һәм шәүес күңеленә барып җитеп, аның дөньяга үз карашын формалаштыра ала;

  • сәнгати мәгълүматның үзенчәлекле сыйфаты – аны сүзләр белән җиткереп, аңлатып булмый. Эмоциональ, хис-кичерешкә бай сәнгать әсәрләрен, сәнгати образны сәнгать вакыйгалары эчтәлегенә куеп, үзең аша үткәреп, тоеп, сиземләп кенә була. Моның өчен тел-сурәтләү чаралары, сәнгати чаралар белән таныш булу зарури. Сәнгатьнең үзенчәлеге һәм көче дә шунда чагылыш таба: сәнгать әсәренең эчтәлеге баланың үз хис-кичерешләре аша үткәрелеп кабул ителә. Шул рәвешле, хис-кичерешләр үсеше, буыннар бәйләнеше һәм эмоциональ кыйммәтләр барлыкка килә.

Курсны өйрәнүнең нәтиҗәсе

Программа башлангыч сыйныф тәмамлаучыларда шәхси, предметара һәм предмет нәтиҗәләренә ирешүгә китерә.

Шәхси, предметара һәм предмет нәтиҗәләре

Гүзәллек дөньясында” курсын өйрәнү дәвамында башлангыч сыйныфларда билгеле бер нәтиҗәләргә ирешү күздә тотыла.

Шәхси нәтиҗәләр укучыларның шәхси сыйфатларында чагыла:

  • туган ил, туган халыкның мәдәнияте һәм сәнгате өчен горурлык хисе;

  • башка халыклар мәдәнияте һәм сәнгатенә хөрмәт хисе;

  • мәдәният һәм сәнгатьнең иҗтимагый һәм шәхси тормыштагы мөһим ролен аңлау;

  • эстетик хис-кичерешләр, сәнгати үзаң, күзәтүчәнлек һәм фантазия формалаштыру;

  • эстетик кыйммәтләр формалаштыру – сәнгать, табигать белән аралашу әһәмияте, әйләнә-тирәгә иҗади якын килү, мөстәкыйль иҗади эшчәнлек булдыру;

  • укытучы җитәкчелегендә төркемнәрдә, коллективта иҗади эш күнекмәләре булдыру;

  • уртак эшчәнлек вакытында иптәшең белән хезмәттәшлек итә, уртак фикергә килә белү;

  • үзеңнең һәм сыйныфташларыңның эшчәнлеген анализлау, дөрес бәя бирү.

Предметара нәтиҗәләр

  • танып белү һәм практик эшчәнлектә куллана белүдән чыгып, универсаль эшчәнлекләрнең формалашуын характерлый;

  • рәссам күзаллавыннан чыгып, чагынтыра, анализлый, мөһимне аера, гомумиләштерә белү;

  • диалог алып бару, иҗади эшчәнлек вакытында коллектив эчендә бурычлар һәм рольләрне бүлеп бирү;

  • өстәмә сәнгати материал эзләүдә информацион технологияләр куллану, рәсем сәнгате, графика, моделирование буенча иҗади проектлар әзерләү;

  • куелган максат-бурычлардан чыгып, уку эшчәнлеген планлаштыру һәм оста алып бару, төрле сәнгати-иҗади мәсьәләләрнең чиәү юлларын табу;

  • мөстәкыйль иҗади эшчәнлек өчен эш урыны булдыру, вакытны рациональ файдалану;

  • яңа белем һәм күнекмәләр алуга, югары нәтиҗәләргә ирешүгә омтылу.

Предмет нәтиҗәләре укучыларның тәҗрибәсен сәнгати-эстетик эшчәнлектә куллануны характерлый.

  • әдәп, аралашу, этикет кагыйдәләрен үтәү;

  • сәнгати эшчәнлек төрләрен белү;

  • сәнгать төрләре һәм жанрларын белү;

  • сәнгатьнең образлы өлкә булуын аңлау;

  • табигать күренешләренә, тирә-яктагы вакыйгаларга эстетик бәя бирү;

  • алган белем һәм күнекмәләрне сәнгать әсәрләрен башкарганда куллану;

  • рус һәм дөнья мәдәниятенең берничә күренекле әсәрләрен тану, тоя белү, сурәтләү һәм эмоциональ бәя бирә белү;

  • эчтәлек, сюжет һәм сурәтләү чараларыннан чыгып, сәнгать әсәрләрен анализлау;

  • туган якның һәм Россиянең күренекле сынлы сәнгать музейлары исемнәрен белү;

  • өйдә, урам, театр, бәйрәмнәрдә визуаль-сәнгать үрнәкләрен күреп алуга ирешү;

  • кешенең эчке матурлыгын, бай әхлакый дөньясын, акыл гүзәллеген сурәтләүче сәнгать әсәрләрен мисалга китерә белү;

  • музыкаль грамота нигезләрен, белем һәм күнекмәләрне куллану.

Укучылар эшләре күргәзмәсен оештыру

1 сыйныф (1 сәгать)

Укучылар ел дәвамында өйрәнгән темаларны искә алалар, үз эшләрен эзләп табалар. Үзләре иң яхшы дип тапкан әсәрләрне һәм аларның уңышлы якларын аңлаталар. Оста җитәкчелек иткән очракта, иҗади проектлар яклауны да үткәрергә була.

2 сыйныф (1 сәгать)

Проектлар яклаганда укытучы укучыларның үзара аралашуын активлаштыра, алар биремнәрнең темалары, дәрестә алган яңа белемнәре белән уртаклашырга тиеш.

3 сыйныф (1 сәгать)

Өч ел дәвамында белем алган укучылар яшьтәшләре эшләренең уңай якларын күрсәтеп үз фикерләрен әйтәләр. Өстәвенә, алар иҗади эшләрнең уңышсыз якларын да күрсәтә алалар. Шул рәвешле, ел дәвамында алган белем һәм күнекмәләрне практикада ныгыту бара.

4 сыйныф (4 сәгать)

Ирешкән нәтиҗәләр коллективның үзенә, шулай ук аның һәр әгъзасына бәя бирү мөмкинлеге бирә. Укытучы ярдәме белән укучылар иң яхшы нәтиҗәләргә ирешкән яшьтәшләрен билгели.




Выберите курс повышения квалификации со скидкой 50%:

Краткое описание документа:

“Гүзәллек дөньясында” исемле сәнгати-эстетик юнәлештәге программа башлангыч урта белем бирүнең Федераль дәүләт белем бирү стандартына һәм Россия гражданнарын әхлакый шәхес итеп тәрбияләү Концепциясенә нигезләнә. Әлеге программа укучыларны социаль, мәдәни, иҗади үсешенә, дөньяви һәм туган як мәдәнияте белән танышуга этәргеч бирә.

“Гүзәллек дөньясында” программасының максаты: эстетик-эмоциональ эчке дөньясы формалашкан, иҗтимагый яшәеш шартларына яраклашкан әхлакый шәхес тәрбияләү, балаларның иҗатта, сәнгатьнең төрле өлкәләрендә үзләрен сынап карауга шартлар тудыру.

Бурычлар:

-                                башлангыч сыйныф укучыларының яңа социаль мөхиттә үз урыннарын таба алу;

-                                коммуникатив культура, аралашу һәм аңлашу күнекмәләрен формалаштыру;

-                                үз-үзеңне тоту, тәртип һәм эшчәнлек өлкәсендә ихтыяри һәм эмоциональ регуляция күнекмәләрен үстерү;

-                                сәхнә осталыгын үстерү;

-                                сәнгать әсәрләрен тыңлау, күрү, аңлау һәм анализлау күнекмәләренә өйрәтү;

-                                сәхнә осталыгы өлкәсенә караган терминнарны дөрес куллану, төшенчәләргә дөрес аңлатма бирүгә өйрәтү;

-                                әхлакый, тәрбияле шәхес тәрбияләү.

“Гүзәллек дөньясында” программасын тормышка ашыру вакыты:

“Гүзәллек дөньясында” программасы башлангыч белем бирү мәктәбенең       1 – 4 сыйныф укучыларына каралган. Катнашучыларның яше – 7-10 яшь. Атнага 1 сәгать исәбеннән төзелеп, курс 132 сәгатькә каралган.

Автор
Дата добавления 09.03.2015
Раздел Начальные классы
Подраздел Рабочие программы
Просмотров221
Номер материала 434058
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх