Психология " Суицид екінші жарты жылдық жұмыс жоспары "2016-2017оқу жылы

Мектеп  психологының

 қызметінің 2016-2017 оқу жылына арналған суицид  және оның алдын алу тақырыбына арналған екінші жарты жылдық жұмыс жоспары

Мақсаты: Әрбір баланың жас кезеңімен байланысты болатын өзгерістері анықтап, оның жеке тұлға болып қалыптасуына жағдай жасау.

№	Жүргізілетін іс-шаралар	Өткізілу әдісі	Мерзімі
1	Орта буын оқушыларымен  жұмыс	М.Фергюсон мен Д.Расселдің жалғыздықтың сезімінің анықтау әдістемесі	Ақпан
2	Тақырыбы: «Өмір, қымбатсың маған!» 6-7 сынып	Дәріс	Наурыз
3	Айзенк, Кэттелла диагностикалық жұмыс    7сынып	Тест	Сәуір
4	4-ш сынып оқушыларымен жұмыс «Өмір,қымбатсың  маған»	Тренинг Слайд	Мамыр
5	Шығармашылық сайыстар «Өмір неткен керемет!», «Өмір сүру білу-әрбір адам үшін үлкен сынақ»	Шығарма	Мамыр

М.Фергюсон мен Д.Расселдің жалғыздықтың сезімінің анықтау әдістемесі

Нұсқау:Рет-ретімен оқи отырып,олардың жиі көрініс беруіне қарай,өзіңізге сәйкес келетін жауапты мына 4жауап нұсқалары арқылы беріңіз: «жиі», «кейде», «сирек», «ешқашан».Тандаған нұсқаны «+»белгісімен белгілеңіз.

Жауаптартардың әр нұсқалары жеке саналып , «жиі»-жауабы-3-ке, «кейде»-2, «сирек»-1, «ешқашан»-0 көбейтіледі. Шыққан сандар қосылады. Ең жоғары ұпай -60ұпай.

40ұпай -60ұпайға –жоғары деңгейдегі жалғыздық

20ұпай-40ұпайға –орташа деңгейлік жалғыздық

0ұпай-20ұпайға –төменгі деңгейдегі жалғыздықты көрсетеді.

№	Пікірлер	Жиі	Кейде	Сирек	Ешқашан
1	Мен бақытсызбын, барлық нәрсені жалғыз өзім істеймін
2	Менің сөйлесетін ешкімім жоқ
3	Мен жалғыздыққа төзе алмаймын
4	Маған қарым-қатынас жетіспейді.
5	Шындығында да, ешкім өзін-өзі түсіне  алмайтын тәрізді
6	Мен маған біреу хат жазар немесе телефон соғар деп күтемін
7	Қол ұшын берер ешкім жоқ
8	Мені қоршаған адамдар менің идеяларымды және қызығушылығымды  бөліспейді.
9	Мен өзімді біреу тастап кеткен тәрізді сезінемін
10	Қазір мен ешкімге жақын емеспін
11	Мен айналамдағыларымен қысылып –қымтырылмай,емен-жарқын сөйлесе алмаймын
12	Мен өзімді мүлдем жалғыз сезінемін
13	Менің байланыстарымның,әлеумет -тік қатынастарымның барлығы үстірт
14	Маған ұжымдық қарым-қатынас жетіспегендіктен қысыламын
15	Шындығында мені ешкім білмейді,мен өте жасырын адаммын
16	Мен өзімді басқалардан оқшау сезінемін
17	Мен қоғамнан шеттетілген секілдімін
18	Маған достар табу қиын
19	Басқалар мені ортадан аластап, оқшаулап тастаған тәрізді сезінемін
20	Адамдар мені қоршап тұр, бірақ олар менімен емес

Сабақтың тақырыбы: Өмір, қымбатсың маған!

 Мақсаты:Өмірдің құндылық ретіндегі мәнін түсіндіру;

Өмірге  құштарлықты арттыру;

Өмірді  сүюге тәрбиелеу.

Сабақтың көрнекілігі:Плакаттар,түрлі түсті қағаздар,слайд

Сабақтың әдісі: Сыныптан тыс жұмыс, топтық жұмыс

Сабақтың барысы: І. «Шаттық шеңбері» (өміршеңдік ережесі)

ІІ. Сұрақ жауап

ІІІ. Миға шабуыл

ІV. Өмір, қымбатсың маған!(бейне ролик) Н.Вуйчич

V. Жағдаят талдау

 VІ. Ақиқат орындығы

 VII. Шығармашылық жұмыс

Ұйымдастыру: Сәлемдесу, түгендеу Әр топ өз ұранымен, топпен таныстыру Шаттық шеңберінде өміршеңдік ережесін түзу

*Өмір – сенің мүмкіндігің, пайдалана біл;

 *Өмір – сұлулық, сүйсіне біл;

*Өмір – арман, жүзеге асыр;

*Өмір – парыз ,орындай біл;

*Өмір – ойын, ойнай біл;

*Өмір – байлық, бағалай біл;

 *Өмір – махаббат, ләззат ала біл;

*Өмір – құпия ,сырын аш;

*Өмір – қайғы , көтере біл;

*Өмір – күрес, жеңе біл;

*Өмір – бақыт, баянды ет;

*Бәрі сенің қолыңда;

Өмір деген – екі өзен.

Мұң –қуаныш, Толқыны: Шындық-жалған, Күлкі-Намыс. Өмір деген тұрмайды қап-қарадан. Өмір деген тұрады ақ-қарадан.

ІІ. Сұрақ жауап

-Өмір туралы не білеміз?

-Өмірдегі қиыншылықтар, кедергілер жайлы не білеміз?

-Жасөспірімдердің суицидке бару себептері қандай болуы мүмкін?

-Суицид дегеніміз не?

-Өмірді мәнді сүру үшін қажет құндылықтар?

ІІІ. Миға шабуыл. Аңыз әңгіме. Екі қасқыр

  Ерте ерте ертеде бір қария немересіне өзі түйген өмір шындығын ашыпты: – Әр адамның ішінде жемтікке таласқан екі көкжал қасқыр сияқты талас жүріп жатады. Бірі – жамандық, қызғаныш, көре алмаушылық, өзімшілдік, қара ниет, өтірікті білдіреді. Екіншісі – жақсылық; махаббат пен мейірімділік, сенім мен үміт, шындық пен ақиқат, ақ ниетті білдіреді. Атасының айтқанын ұйып тыңдап отырған немересі ойланып қалады да: – Ата, соңында қайсысы жеңіп шығады? – деп сұрайды. Атасы мырс етіп күледі де: – Қайсысына көбірек көңіл беріп, асырасың, сол жеңеді, – деп жауап берген екен. Қызыққа толы қас-қағым Теңіз жағасында ну орманда қартайған, үш жүз алпыс бес жыл өмір сүрген емен тұратын. Ағаш жылдың үш мезгілінде сергек, ал бір мезгілінде ұйқыға кетеді. Қыс – оның ұйықтайтын уақыты. Жаздың шуақты бір күні шаттанған, масайраған біркүндік көбелек демалмақ болып,еменнің жапырағына қонады: – Байғұс-ай! Сенің бар өмірің бір-ақ күндік! Сондай қысқа... Аянышты өмір-ай, – деді емен. – Не айтып тұрсың? Айнала жап-жарық, жып-жылы керемет! Жаным шаттыққа толы, сондай рақат! – деді көбелек. – Мен сенің мың күндік өміріңдей өмір сүремін, менің өмірімнің ұзақтығын сен санап тауыса алмассың! Сенің өмірің қаншалықты ұзақ болса да, мен өзімнің шаттыққа, бақытқа толы сәттерімді ешнәрсеге айырбастамаймын. Осылайша біркүндік көбелек мәңгі ұйқыға кетті.

IV. Өмір, қымбатсың маған! (бейне ролик) Ник Вуйчич

V. Жағдаят (Өмір туралы аңыз желісімен) – Менің не істегеніме қарап, нені меңзеп отырғанымды түсіндіріп беріңдер. І-ші ыдысқа:

1. Үлкен шыныны ірі тастармен ернеуіне дейін толтыру Ыдыс толды ма?

2. Ұсақ тастарды салып, ақырын шайқау Ыдыс толды ма?

3. Құм салу.

 4. Су құю. ІІ-ші ыдысқа

1. Құммен тығыздап толтыру

2. Ірі тастардың бірін енгізуге тырысу.

 Қорытынды: – Егер адам құммен толтырылған ІІ-ші ыдыс сияқты, өз өмірін ұсақ-түйекпен өткізетін болса, маңызды құндылықтарды жүзеге асыруға орын қалмайды. Ал өмір адамға маңызды істер мен құндылықтарды жүзеге асыру үшін берілген. Сондықтан ірі тастарыңды қадірлей біліңдер!

VI. Ақиқат орындығы (карточкамен жұмыс)

-Мен үшін үлкен қорқыныш бұл, ...?

-Мен ренжимін егер, ...?

-Маған қиын егер, ...?

-Мен шешім қабылдай алмасам...?

-Өмір, қымбатсың маған! Себебі...?

-Мен өмірді сүйемін! Себебі...?

-Мен бақыттымын, себебі...?

-Мен қиындықтардан қорықпаймын...?

VII.Шығармашылық жұмыс

Бүгіннен жарқын – болашаққа!  Жүректен жүрекке