Психологиялық жаттығулар 5 сынып

Психологиялық жаттығулар жинағы

ЕРЕКШЕ ҚАСИЕТ» жаттығуы

Нұсқау: «Әрқайсыңыз адам бойында қандай қасиетті ерекше бағалайтындықтарыңызды ойыңызға түсіріңіз. Өз таңдауыңызды жасағаннан кейін, сіз таңдаған қасиет туралы ақпарат беретін қысқа әңгіме, оқиға, мысал, ертегі ойлап табыңыз (немесе есіңізге түсіріңіз). Сіздің әңгімеңізді тыңдаған (оқиға, мысал) топтың басқа мүшелері қандай қасиет туралы айтылғанын түсінуі керек».

         Әр әңгіме аяқталған сайын жаттықтырушы топқа «Сіздің ойыңызша, қандай қасиет туралы айтылды?» (немесе «Сіздің ойыңызша, келесі топ бізге қандай қасиет туралы әңгімеледі?») деген сұрақтар қояды. Топ мүшелері өздерінің пікірлерін ортаға салғаннан кейін, жаттықтырушы әңгімелеуші топтан қандай қасиетті таңдағанын айтып беруін өтінеді.

Дайындалу уақыты – 10 минут.     

«ЖҮРЕК ТАЗАЛЫҒЫ» жаттығуы

    Нұсқау: Өзіңізді (5-6 жас) жас баланың кейпінде елестетіңіз. Жақындап көзіне терең үңіліңіз. Көздің тереңіндегі мұңды көруге тырысыңыз, өйткені бұл сізге деген махаббат мұңы. Әлгі кішкентай баланы өзіңізге жақын тартып, кеудеңізге қысыңыз. Сондай жақсы көретініңізді айтыңыз. Оның ақылына бас иетініңізді, қателіктер жіберсе де, жөндей білетін жан екендігін айтыңыз. Шындығында бәрі қателеседі. Қандай да бір көмек керек болса, қасынан табылатыныңызды айтыңыз. Енді осы баланы кішірейтіңіз. Бұршақтай боп кішірейгенде алыңыз да, жүрегіңізге салып қойыңыз. Оның орны – жүректе.

Кішкене сәбиді жақсы көргендей ұлы сезім болмас, сірә! Сіз оларды сондай сүйесіз. Жүрегіңізде оларға деген орын әрқашан дайын. Жүрегіңізде бүкіл әлемді тазартатын махаббат бар. Әуелі өзімізді тазартудан бастаған жөн. Денеңізге жылу тарап, мамыражай рақатты сезінсеңіз, өміріңіздің басқа жақсы арнаға бұрылғаны деп біліңіз.

           Оқытушы: Адам баласын ертең не күтіп тұрғанын ешкім білмейді, ешкім оған дайын да емес. Мұндай жағдайдың сенің де басыңнан өтпесіне кім кепіл. Сондықтан мейірімділік адамның жақсы қасиеттерінің бірі болып есептеледі.

           Адам өмір сүру барысында біреудің көмегін қажетсінеді немесе өзі біреуге көмек қолын созады. Біздің қазақ “Адамның күні адаммен” деп тегін айтпаса керек. Олай болса, мейірімділік біздің өміріміздің жазылмаған үлкен заңдарының бірі болуға тиіс. Мұны мойындаған, орындаған адам өз-өзіне сенімді болады. Бір-бірімізге сенімді болайық. Өз басына өлім төніп тұрса да, жүрегі мейірімді жан қайырымдылықты ұмытпайды.

Адамның қалыптасуы бала кезден басталады. Жақсылық та адам бойына нақ сол бала кезден егіледі. Сондықтан да, өмір біреуге  жеңіл көрінсе, екінші біреуге ауыртпалығын ала келеді. Өмірде адам неғұрлым ақылды, мейірімді болған сайын, соғұрлым өзгенің жақсылығын да бағалағыш келеді. Сондықтан да өз бойларына жоғары адамгершілік қасиетті бүгіннен бастап сіңіре білу, адал, арлы болу әркімнің парызы. Адам жақсылыққа жамандық істеу арқылы жете алмайды, қашан да қайырымдылық қажет. Өйткені, адамның асыл қасиеті – оның жасаған жақсылығы.

Өз болашағын елестету

Мақсаты: оқушылардың болашаққа деген талпынысын бағдарлау.

Нұсқау:Көздеріңізді жұмып, іштей 1 минут 1 жыл аралығындағы болашақтарыңды  көз алдарыңызға елестетіңіздер. Одан кейін 5 жыл, одан кейін 10 және 15 жылдық болашақтарыңды көз алдарыңызға елестетіңіздер. Тренинг барысында баяу, жағымды көңіл – күй сыйлайтын әуен қосылып тұруы керек. Уақыт аяқталғаннан кейін, көздеріңізді ашып, өздеріңіздің қалауыңыз бойынша елестеткен болашақтарыңызды бейнесін сурет немесе жазбаша түрде салып немесе жазыңдар.Тапсырма орындалғаннан кейін, психолог салған суреттер бойынша ойларын біледі.Ал, жазған оқушы болса онда оны оқып беруін өтінеді.Содан кейін психолог 1 жүректі алып,тілек айтып бірінші тұрған  оқушыларға береді. Оқушылар жүрекшені қолына ұстап тұрып қасындағы оқушыға тілегегін тілеп келесі оқушыға беріп тізбектейді. Соңғы оқушы өз тілегін мұғалімге айтып жүрекшені тапсырады.

Қорытынды: оқушылардың өз болашағын елесте білуге, алдағы өмірге деген құлшынысын арттыруға, көңіл –күйлерін реттей білуге, өзара ой бөлісіп, мақсат қоя білуге, өзінің арманының орындалуына бағыт беруге мол мүмкіндік береді.

Менің адам бойындағы бағалайтын қасиетім

Мақсаты:  Тілдесу барысында бірін-бірі жақынырақ қабылдау үшін жағдай жасау, шығармашылық қиялын дамыту.

Тапсырма:  Әрбір қатысушының адам бойындағы бағалайтын қасиетін айқындау.

Нұсқау:  Адам бойындағы қандай қасиетті бәрінен жоғары бағалайтыныңызды ойланып көріңіз. Осы қасиет көрініс беретін әңгіме, хикая, аңыз, ертегі, өлең немесе әнді еске түсіріңіз не ойдан шығарыңыз. Өз қалауымен шығып сөйлеушілер әңгімелерін айтқанда, қалғандары қандай қасиет туралы айтылғанын табу керек.

Талдау:

1.     Қандай қасиет жайлы әңгімеленді?

2.     Сіз оны қандай белгілері бойынша таптыңыз?

3.     Әңгімелеушінің пікірі сіздің пікіріңізбен сәйкес келе ме?

4.     Қасиетті баяндау түрі әңгімелеушінің айтқысы келгенін тереңірек түсінуге көмектесті ме?      

Сәлем, бұл - менмін

Мақсаты: Өзін-өзі таныстыру дағдысын дамыту, тілдесу үшін жағымды байланыс  орнату.

Тапсырма: Өзі туралы айту, өзінің қайталанбас дара тұлға екендігін, тренингке қатысушылармен бірге жұмыс жасап, тілдесуге  дайын екендігін  көрсету.

Нұсқау: Өзіңді көрсет, өзің туралы айтып бер. Өзіңді өзің таныстыру үшін әртүрлі әдістерді пайдалануға болады. Мысалы: жарнама, газеттегі хабарландыру, өзі туралы әңгіме, өлең, ән, афоризм.

Жаттығуды талдау:

1.     Қай қатысушының өзін-өзі таныстыруы сізге көбірек ұнады, неліктен?

2.     Тренингке қатысушы туралы қандай жаңа мәлімет алдыңыз?

3.     Шығып сөйлеу барысында сіз адамның ашық, тілектестік қарым-қатынасқа бет бұрғандығын сезіндіңіз бе?