Р дыбысы мен әріпі ашық сабақ

Сабақтың мақсаты: Оқушыларға Р дыбысы мен әрпін таныту, меңгерту, оқыту, жазуға үйрету.
Міндеттері: 
Білімділік: Оқушыларға Р дыбысы мен әрпін таныту, ол арқылы берілген сөздерді оқу және жазуға үйрету.
Дамытушылық: Көркем, таза, әдемі жазуға дағдыландыру. Қызығушылықтарын арттыру. Оқуға бейімдеу. Есте сақтау, есту, көру қабілеттерін дамыту.
Тәрбиелік: Отансүйгіштікке, адамгершілікке, табиғатты аялап, сүюге, сыныптастарын, үлкендерді сыйлауға білімділікке тәрбиелеу.
Сабақтың түрі: жаңа сабақ
Көрнекілігі: Қима қағаздар, кеспе әріптер, плакат, сюжетті суреттер.
Сабақтың формасы: сұрақ – жауап, түсіндірмелі, хабарлау, әңгімелеу.
Сабақтың барысы:
І. Ұйымдастыру кезеңі:
а) оқушылармен амандасу
ә) журнал бойынша тексеру
б) психологиялық дайындық
ІІ. Психологиялық дайындық:
1,2,3, бойға жинап күш, 
Жалқаулықты тастаймыз,
Сабақты біз бастаймыз!
ІІІ. Өткенге шолу:
- Ғ – дыбысын және әрпін сұрап өту;
-Ғ – дыбысының жазбаша және баспа түрін бір оқушыға тақтаға жазғызу;
- Осы әріптің сөздің қай жерінде кездесетіні жайлы сұрау;
- Мысал келтірту;
- Сөйлем құрату;

IV. Жаңа сабақ:
- Бүгін балалар біз Р-дыбысымен танысамыз. 
- Р-дыбысының жазба, баспа, бас, кіші әріптері көрсетіледі.
Рр– баспа түрі, Р – бас әрпі
Рр – жазба түрі р – кіші әрпі
- Бірнеше рет қайталанып айтылып оның дауыссыз екенін анықтаймыз.

Сергіту сәті: 
Тербелейді ағаштар,
Алдымнан жел еседі, 
Кіп-кішкентай ағаштар,
Үп-үлкен боп өседі.

Кітаппен жұмыс: 
42-беттегі тапсырма:
- Радио туралы әңгімелеу, сөйлем құрату.
- Оң жақтағы суреттен не көріп тұрмыз?
- Бал арасы туралы не білетіндерін сұрау. 
- Сөйлемдер құрату.
Ра-буынының алдына а дыбысын қойсақ, ара деген сөз шығады. Ара сөзіне сөйлем құрату. Ара туралы әңгімелету.
Ра а ра
Сергіту сәті: 
Ұзын құлақ сұр қоян,
Естіп қалып сыбдырды, 
Ойлы-қырлы жерлермен,
Ытқып-ытқып секірді 
V. Жаңа сабақты бекіту:
Төменгі тапсырмамен жұмыс:
- Тізбектеп оқыту:
ра а ра та ра тар ар па 
ға а ға та ға нар ар на



ара тар арпа
тара нар арна

Төменгі тапсырмамен жұмыс:
Сөз құрату:
- р дыбысының қай буында тұрғанын анықтату.
Ғ – дыбысы сөздің қай жерінде кездесетінін анықтау.
Радио,ракета, ара,арпа, теледидар, қар сөздерін айтып р дыбысының сөздің қай жерінде кездесетінін айту.
Ендеше Р-дыбысы сөздің басында да ортасында да және соңында да кездеседі екен. 
Дәптермен жұмыс:
- дәптердегі әріптерді бастырып, әрі қарай жалғастырып жазу;
- астындағы суреттердің атын жазып, бояу.
VI. Қорытындылау:
- сонымен Р дыбысы сөздің қай жерінде кездеседі?
- басында кездесетін сөз айт!
- ортасында кездесетін сөз айт!
- және соңында кездесетін сөз айт!
VII. Үй тапсырмасы: 42 бетті оқу. Қосымша дәптердегі тапсырманы орындау.
VIIІ. Бағалау:
Әр оқушыны мақтау.