Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Свидетельство о публикации

Автоматическая выдача свидетельства о публикации в официальном СМИ сразу после добавления материала на сайт - Бесплатно

Добавить свой материал

За каждый опубликованный материал Вы получите бесплатное свидетельство о публикации от проекта «Инфоурок»

(Свидетельство о регистрации СМИ: Эл №ФС77-60625 от 20.01.2015)

Инфоурок / Другое / Рабочие программы / Рабочая программа по коми-пермяцкой литературе для 6 класа
ВНИМАНИЮ ВСЕХ УЧИТЕЛЕЙ: согласно Федеральному закону № 313-ФЗ все педагоги должны пройти обучение навыкам оказания первой помощи.

Дистанционный курс "Оказание первой помощи детям и взрослым" от проекта "Инфоурок" даёт Вам возможность привести свои знания в соответствие с требованиями закона и получить удостоверение о повышении квалификации установленного образца (180 часов). Начало обучения новой группы: 28 июня.

Подать заявку на курс
  • Другое

Рабочая программа по коми-пермяцкой литературе для 6 класа

Выбранный для просмотра документ !!! 6 к-п литература поясн зап.docx

библиотека
материалов

hello_html_m776123f0.jpg



Пояснительнöй записка

Литература – гуманитарнӧй предметтэз коласісь ӧтiк предмет, кӧда отсалӧ зорӧтны да быдтыны бытшӧм, ыджыт сьӧлӧма рам мортӧс, ассис чужанін радейтісьӧс да зорӧтісь-дорйисьӧс. Литература мыччалö олансö образнöя, быд ладорсянь, сыкöт тöдсасьöмыс чужтö пыдын думаэз, бур чувствоэз да стремленнёэз. Кыдз учебнöй предмет сiя лоö вына воспитательнöй средствоöн, отсалö буржыка вежöртны олан, зорöтны челядьын художественнöй вкус.

Цель: Зорöтны челядьлiсь сёрни, художественнöй вкус, творческöй способносттез, сетны нылö эстетическöй вежöртас.

Литература велöтӧмын сулалöны ыджыт моггез:

  1. Велöтiкö колö чужтыны велöтчиссезын быдкодь бытшöм, вына чувствоэз. Эстöн бура отсалö выразительнöя, сьöлöмсянь лыддьöтöм, художественнöй произведеннёэз кыв вылын удж.

  2. Художественнöй произведеннёлiсь идейно-тематическöй содержаннё осьтiкö колö тӧдсӧтны челядьöс ас народкӧт, сы история да культураӧн, зорöтны велöтчиссезын морт мывкыдiсь медколана чертаэз: горт, родвуж, роднöй му дынö радейтöм; отир дынö, удж дынö бур отношеннё; мир вылö, олан вылö пыдына да паськыта видзöтöм.

  3. Литература уроккез коста колӧ велӧтны челядьӧс кужны бӧрйыны литературнӧй произведеннё, медбы бытшӧмжыка вежӧртны сійӧ, а эта понда буржыка тӧдны теоретическӧй вежӧртассэз.

Велӧтан предметлӧн ӧтласа характеристика/ Общая характеристика учебного предмета

Коми-пермяцкӧй литература кыдз предмет зэлыта йитӧм коми-пермяцкӧй кыв велӧтӧмкӧт, сёрни зорӧтӧмкӧт. Литература зорӧтӧ рам да юра мортӧс. Сійӧн произведеннёэз бӧрйӧмӧсь сідз, медбы вӧлісӧ челядьлӧ вежӧртанаӧсь ны возраст сьӧрті.

Программа сьӧрті материал янсӧтӧм сэтшӧм торрез вылӧ:

Коми-пермяцкӧй устнӧй народнӧй творчество (фольклор).

Коми-пермяцкӧй художественнӧй литература.

Финно-угорскӧй литератураэзісь произведеннёэз.

Главнöй предметöн, кöда йылiсь программаын мунö басни, лоö художественнöй литература. 6 класс понда программаö пырöны торья произведеннёэз, гижиссезлӧн дженыт биографияэз нето ныись торрез, литература теория сьöртi вежöртассэз. Произведеннёэз торйöтöмӧсь велöтöм да гортся лыддьöтöм понда.

6 классын велӧтӧм понда произведеннёэз бӧрйӧмӧсь тематическöй принцип сьöртi,

Коми-пермяцкöй литература историяись босьтӧмӧсь буржык произведеннёэз, а сiдзжö программаас пыртӧмӧсь мöдiк финно-угорскöй литератураэзісь мукöд произведеннёэз.

Бöрйöм произведеннёэз тöдсöтöны челядьöс коми отирлöн кöркöся да öння оланöн, отсалöны зорöтны роднöй край дынö интерес да радейтöм, осьтöны быдкодь темаэз: 6 классын одзжыкся олан, отирлöн удж, челядь кад, роднöй крайлöн вӧр-ва да сы дынö отношеннё, животнöйез йылiсь, мам, семья, комиэз оланын ассямаыс, челядь понда сатирическöй кывбуррез, Велöтiсь сiдзжö мыччалö, что коми-пермяцкöй литература лоö уна национальностя литературалöн колана торӧн.

«Литература» предмет велӧтікӧ результаттэз

Личностнӧй результаттэз:

- велӧтчисьлісь, личностьлісь духовно-нравственнӧй качествоэз зорӧтӧм, уна национальностя чужанін дынӧ да мӧдік отиррез культура дынӧ радейтӧм зорӧтӧм;

- велӧтчӧмын вильсӧ тӧдікӧ быдкодь источниккезӧн (словаррез, энциклопедияэз, интернет) уджалӧм (используйтӧм).

Метапредметнӧй результаттэз (предметтэз коласся)

- лэбтыны проблема, сувтӧтны гипотеза кужӧм, ассит позиция доказывайтікӧ аргументтэз адззӧм, устнӧй да письменнӧй сёрниын причинно-следственнӧй йитӧттэз адззӧм, выводдэз керны кужӧм;

- ӧткӧн ассит велӧтчан удж организуйтӧм, сійӧ донтны кужӧм, ассит интерессэзісь кытш адззыны кужӧм (вежӧртны, мый тэныт интересно);

- быдкодь источниккезісь информация адззыны кужӧм, сійӧ анализируйтӧм да используйтӧм.

Предметнӧй результаттэз

Познавательнӧй сфераын

- коми-пермяцкӧй литератураись да фольклорись, сідзжӧ финно-угорскӧй литератураэзісь произведеннёэзын ключевӧй проблемаэз адззӧм;

- литературнӧй произведеннёэз да кад коласісь, кӧр нія гижӧмӧсь, йитӧттэз адззӧм, произведеннёэзын пырся дон адззӧм, нылісь ӧння шыасьӧм, ӧння кадкӧт йитны кужӧм;

- литературнӧй произведеннё бӧрйыны кужӧм: литературнӧй род да жанр тӧдӧм, тема да идея адззӧм, произведеннёись нравственнӧй пафос, геройезлісь характер аддзӧм; ӧтік или кынымкӧ произведеннёись геройезӧс ӧтамӧд сьӧрті – мыйӧн вачкисьӧны, мыйӧн не ӧткодьӧсь – видзӧтӧм (ордчӧтӧм);

- сюжетісь элементтэз, тэчас (композиция), изобразительно-выразительнӧй кыв средствоэз тӧдӧм, произведеннёись идейно-художественнӧй содержаннё осьтӧмын нылісь роль адззӧм (филологическӧй анализісь элементтэз);

- литературнӧй произведеннё бӧрйикӧ литературнӧй терминнэз пыртны кужӧм.

Ценностно-ориентационнӧй сфераын:

- коми-пермяцкӧй литератураись да культураись духовно-нравственнӧй ценносттез дынӧ интерес зорӧтӧм, мӧдік отиррезлӧн культураэз сьӧрті – мый ӧтласа, мый неӧткодь – сы вылӧ видзӧтӧм (ордчӧтӧм);

- коми-пермяцкӧй литератураись произведеннёэз дынӧ ассит отношеннё мыччавны (сёрни пырйӧт) кужӧм, нылӧ дон сетны кужӧм;

- велӧтӧм литературнӧй произведеннёэз (мукӧдпырся) асмозӧн (не сідз, кыдз быдӧнныс) дон сетӧм;

- авторлісь позиция вежӧртӧм, аслат отношеннё сы дынӧ.

Коммуникативнӧй сфераын:

- не ӧткодь жанра произведеннёэз кывзікӧ нійӧ вежӧртӧм, ассит чувствоэз мыччалӧмӧн нійӧ лыддьӧтӧм;

- прозаическӧй произведеннёэз или ныись торрез образнӧй кылӧн висьтасьны кужӧм, лыддьӧтӧм текст сьӧрті очакыв видзны кужӧм (ответ сетны кужӧм), быдкодь устнӧй сёрни (монолог) аркмӧтны кужӧм; кык морт коласын серни нуӧтны кужӧм (диалог);

- велӧтӧм произведеннёэзлӧн тематика да проблематика сьӧрті сочиненнёэз да изложеннёэз гижны кужӧм, классын да гортын творческӧй удж, литература да ӧтласа культура темаа рефераттэз гижӧм.

Эстетическӧй сфераын:

- литература кыдз кыв искусство вежӧртӧм, литературнӧй произведеннёэз эстетическӧя (сьӧлӧмсянь) примитӧм;

- кывлісь эстетическӧй функция да, художественнӧй образзэз аркмӧтікӧ, сылісь роль вежӧртӧм.

Литература уроккез вылын сёрни зорöтöм сьöртi удж

Литература велöтöм отсалö зорöтны челядьлiсь устнöй да письменнöй сёрни. Сёрни зорöтан уджыс мунö быд урок вылын. Эта понда сетсьöны и торья чассэз. Медперво колö вынсьöтны сознательнöя да выразительнöя лыддьöтан навыккез. Велöтiсь видзöтö, медбы лыддьöтiкö челядьлöн вöлi ятнöя шуöм, медбы нiя кужисö янсöтны предложеннёэзын, текстын логическöй удареннёа кыв, керисö паузаэз, лыддьöтiсö колана интонацияöн. Абу умöль ошкыны быднёж челядьлiсь эмоциональнöя лыддьöтöм – сiя отсалö пыдынжыка вежöртны литературнöй произведеннёлiсь содержаннё.

Литература уроккез оз туй чулöтны словарнöй уджтöг. Осьтны кывлiсь значеннё, мыччавны, кыдз сiя вежсис кад сьöрна, кыдз кужöмöн сiйöн пользуйтчöны гижиссез – ыджыт да важнöй мог, кöда сулалö быд литература урок одзын. Литература уроккез вылын позьö паськыта тöдсöтны челядьöс роднöй кывлöн фразеологическöй богатствоöн да быдкодь изобразительнöй средствоэзöн.

Медперво литература велöтiкö велöтчиссезлöн зорамö монологическöй сёрни. Этаö туйдöтö произведеннё текст вылын быдкодь удж: текстсö торрез вылö янсöтöм, быдкодь планнэз лöсьöтöм, текстлiсь содержаннё висьтасьöм, изобразительнöй средствоэз адззöм и с.о.

Сёрни зорöтöмын отсалö сiдзжö изложеннёэз да сочиненнёэз вылын удж. Нiя öддьöнжыксö чулöтсьöны литературнöй произведеннёэз сьöртi. Мукöд коста сочиненнёэз понда сетсьöны и свободнöй темаэз. Творческöй уджжез керикö челядь велалöны анализируйтны литературнöй произведеннё, сетны сылö дон любöй формаын (аннотация, рецензия, отзыв), пользуйтчыны мöдiк литератураöн, компьютерöн (лöсьöтны презентацияэз сетöм тема сьöртi, исследовательскöй уджжез и с. о.) Вежöртана, что быдöс эта уджын уна зависитö велöтiссянь: сiя тöдö класс да сылiсь возможносттез, ачыс бöрйö колана материал, асмозöн чулöтö сёрни зорöтан уроккез.

Литература теория сьöртi вежӧртассэз вылын удж

Литература теория сьöртi основнöй вежöртассэз сетсьöны произведеннёэз велöтiкö. Нiя отсалöны вежöртны произведеннёлiсь содержаннё да художественнöй ладорлiсь ассямасӧ. Программаын висьталöм, кытшöм теоретико-литературнöй вежöртассэз колö сетны быд классын. Мукöд сведеннёэз классiсь классö повторяйтчöны, сетсьöны паськытжыка да пыдынжыка.

6 классын велöтсьöны то кытшöм сведеннёэз:

- устнöй народнöй творчество да художественнöй литература йылiсь вежöртас;

- произведеннёлöн тема, шӧр дума, автор;

- произведеннёлöн тэчас, сюжет;

- прозаическöй да стихотворнöй сёрни;

- литературнöй герой, художественнöй образ;

- поэтическöй кыв: сравненнё, эпитет, метафора, олицетвореннё, аллегория, ритм, рифма;

- стихотворнöй размер;

- литературалöн роддэз да жанррез: эпос (висьт, басня, очерк, повесть, роман), лирика (кывбур, сонет, ода, сьыланкыв, элегия, поэма), драма (комедия, трагедия, драма);

- произведеннёлöн основнöй компоненттэз: повествованнё, портрет, пейзаж, интерьер, характеристика, диалог;

- литература кыдз искусство;

- художественнöй литературалöн кыв;

- гижисьлöн кыв йылiсь вежöртас;

- художественнöй перевод йылiсь вежöртас.

Кöр велöтчиссез бура тöдöны да вежöртöны литература сьöртi теория, нiя кужöмöн анализируйтöны быд произведеннё, нылö абу сьöкыт сетны дон гижисьлöн творчестволö.







Литература да мöдiк предметтэз коласын йитсьöм

Коми-пермяцкöй литература велöтöмыс топыта йитсьö роднöй кыв велöтöмкöт: литература уроккез коста мунö произведеннё кыв вылын ыджыт удж.

Роднöй литература велöтöмын отсалас и роч литература велöтöм, роч литератураись босьтöмöсь быдöс литературоведческöй терминнэз.

Литература уроккез вылын коланаöсь мукöд историческöй да географическöй сведеннёэз – нiйö велöтiсьлö колö кужны адззыны да пыртны уроккезö. Литература уроккез сьöкыт чулöтны изобразительнöй искусство произведеннёэзтöг, а сiдзжö музыкальнöй произведеннёэзтöг. Энö произведеннёэсö велöтiсь босьтö сы понда, медбы нiя отсалісӧ буржыка осьтны литературнöй произведеннёлiсь содержаннё.

Гортся лыддьöтöм

Программа тшӧктӧ велöтiсьöс бытшöма туйдӧтны гортся лыддьöтöм дынӧ. Гортся лыддьöтöм да бöрйöм понда сетöмöсь торья произведеннёэз да чассэз.

Велöтiсьлö колö тöдны, кыдз и мый лыддьöтны челядьлö, йитны гортся лыддьöтöмсö роднöй литература сьöртi внекласснöй уджкöт. Оз ков ордйыны и виль произведеннёэз, кöдна петöны годiсь годö, но озö на пырö программаö.

«Коми-пермяцкӧй литература» курслӧн места

План сетӧ основнӧй школаын коми-пермяцкӧй литература велӧтӧм понда 204 час: 5 классын – 34 час, 6 классын – 34 час, 7 классын – 34 час, 8 классын – 34 час, 9 классын – 68 час.














6 класс (34 часа)

  1. Введеннё – 1 час

Художественнöй литература пыр отирлiсь олан мыччалöм. Литературнöй герой.

Литература теория. Художественнöй литература йылiсь вежöртас.

II. Устнöй народнöй творчество – 2 час

Сьыланкыввез. Частушкаэз.

Том кад да радейтöм йылiсь сьыланкыввез. Семейно-бытовöйöсь. Серöмсора да кулитан сьыланкыввез.

Нывкаэзлöн да зонкаэзлöн частушкаэз. Нюжвыла частушкаэз. Серöмсора да кулитан частушкаэз.

III. Художественнöй литература

Литература теория. Морт художественнӧй литератураын – 1час

Важ оланiсь – 4 час

А. Н. Зубов. Гажажык, комиэз, олö. Комиэз – воннэз. Коми мортлö.

Псевдоним.

Гижисьöн коми-пермяккезöс векся узьöмись саймыны да лоны оланын чорытжыкöн, увереннöйöн, смевмыны, мунны асланыс туй вылöт, зорöтны коми кыв да литература, лыддьöтны коми книгаэз.

М. П. Лихачёв. Виль оланлань. Вундан кадö. Ытшкисян кад.

«Виль оланлань» кывбурын комиэзлӧн виль олан туй вылö сувтöм. Кывбурын виль оланлӧн ассямаыс.

«Вундан кадö» кывбурын коллективнöй удж. Ыб вылын отирлӧн да машинаэзлӧн öтласа удж. Арся природалӧн мич.

«Ытшкисян кадö» кывбурын отирлöн коллективнöй уджын аскодьыс. Ассяма выразительнöй кыв.

Т. П. Фадеев. Тöдiсь.

Висьтын геройезлöн мывкыд. Иван дедлöн образ.

Челядьлöн олöм – 8 час

Гижиссезлӧн челядь кадiсь серпассэз (В. Рычков, Л. Гуляева)

И. А. Минин. Ва увтын пос.

«Ва увтын пос» кыдз приключенческöй повесть. Зоночкаэзлöн мывкыддэз. Дед Петрованлöн да Пельтöм Сельколöн образзэз.

Литература теория. Прозаическöй да стихотворнöй сёрни.

Повесть.

В. Климов. Видзчись, деду.

«Видзчись, деду» висьтын Леналöн образ. Деревня гöгöрись вöр-валӧн мич. Роднöйез понда нылочкалöн тöждöм.

Литература теория. Конфликт. Портрет.

Вӧр - ва да морт – 6 час

Н. В. Попов. Роднöй местаэзын.

Вӧр - валӧн да гортлӧн серпассэз. Деревнялӧн кӧркӧся да талуння олан.

Литература теория. Кывбура сёрни йылiсь вежӧртас. Ритм. Рифма. Двусложнӧй (кык слогись) стихотворнӧй размеррез.

М. Вавилин. Вöра край.

Кывбурын роднöй край радейтöм. Коми крайын да сы столицаын вежсьöммез. Кывбурлöн ассяма кыв.

С. А. Федосеев. Ар да тöв.

Висьтын вӧр-ваын вермасьöммез. Мортлӧн вӧр-вакӧт пессьöмын вын.

В. Исаев. Зыбунын. Челядьлöн животнöйез понда тöждöм, нылö отсöт.

Сьöкыт ситуацияись петны кужöм. Вовалöн да Митялöн образзэз.

Г. Бачева. «Тэ, менам коми муö…» «Жагöник йöр пельöсын пакмö…» «Тöвся шондiлöн гöрд дон…»

Кывбуррезын роднöй край да вӧр – валӧн мича серпассэз. Поэтическöй сёрнилöн средствоэз.

Литература теория. Пейзаж.

Чужанiн да горт йылiсь – 3час

В. Климов. Россия миян, менам Парма.

Гижисьлӧн ыджыт да учӧт чужанiн дынӧ радейтӧм.

А. Истомина. Парма йылiсь сьыланкыв.

Парма кыдз чужанiн и оланiн, мортлö меддона места. Парма кыдз «Россия пытшкын сьöлöмшöр». Автор гордитчö аслас чужанiнöн.

Л. Никитин. «Вот дона менам чужанiн…» «Пашмöм юра шондi…»

Кывбуррезын чужанiн кыдз мортлӧ меддона места. Вӧр-валӧн мич. Гижисьлöн быдöс сы гöгöрсяыс дынö рам отношеннё.

Н. Исаева-Бадина. Катшасиннэз. Горадзуль.

Кывбуррезын дзоридззез пыр вӧр - ва сьылöтöм. Выразительнöй средствоэзлӧн этаын роль.

Ф. Истомин. Пельняннез керöны. Кöртала мамöкöт корось.

Учӧт кывбуррезын гортся удж. Челядьлöн эта уджö пай пуктöм.

Литература теория. Метафора.

Шынь-серöма произведеннёэз – 5 час

Л. А. Старцева. Богатöй ар.

Висьтын шынь-серöма геройез. Коми-пермяклӧн ассяма мывкыд.

В. В. Климов. Кöр оз шед чери.

Висьтын пöрись чери кыйиссезлӧн образзэз. Шынь-серöма висьттэзын геройезлӧн мывкыддэз.

В. Я. Баталов. Кыр да варыш. Панько. Арся рытöн.

«Кыр да варыш» висьтын вöрись олiссез образзэзын мортлӧн чертаэз. Варыш мывкыдын лёк мортлӧн чертаэз.

«Арся рытöн» – кöин да дзодзог образзэзын морттэзлӧн чертаэз. «Панько» висьтын Ниндуль Сенялӧн надз, горш мывкыд.

Басня кыдз литературнӧй жанр.

Н. В. Пахоруков. Басняэз. Кӧч. Курӧг да катша.

Басняэзын дыш, невежöртiсь, хитрöй отир. Эта вылын сералöм.

Л. Гуляева. Кык подружка. Ошшасись морттэзлӧн образзэз.

Öтiк кывпозiсь отирлöн литература – 3 час

И. Г. Торопов. Шуриклö шыд.

Коми челядьлöн война кадся олан. Коми-пермяккезлöн да комиэзлöн öткодь чертаэз. Федя Мелехинлöн мывкыд, сылöн учöтжык воннэзлö отсöт.

В. Тимин. Чужан кыв. Кывбурын чужан кыв дынӧ отношеннё.

Гортын лыддьöтöм произведеннёэз сьöртi уроккезлöн темаэз – 4 час

  1. Горт менам зарниа.

Литература.

    1. Г. Бачева

«Ме донта муöс, кöда пыр цветитö…»

«Ме локта сэк, кöр менö од видзчисьö…»

«Тэ менам коми муö…»

«Локтi гортö рытся кадö…»

  1. Н. Исаева

Гортын

Учöтик деревня да уна родня

Кыв менам, горт менам

3. А. Ельцова. «Шуда колян, чужанiн…»

4. А. Мишарина. «Коми муöй менам…»

5. Л. Никитин. «Вот дона менам чужанiн…»

«Мый бура донтан…»





  1. Оланiсь меддона морт.

Литература.

1. Г. Бачева. «Он ни вермы, мам…»

2. О. Ермакова. Мамöлö.

3. В. Петров. Мамöлö.

4. Н. Исаева. «Кыйö мамö половиккез…», «Иван Васькаöн шуин асьтö тэ…»

  1. Гажа рöма челядь кад.

Литература.

1. В. Попов. Челядь кад. «И пыр челядь кад менам тöдвылын…».

2. М. Меркушева. Пармаын.


  1. Зорам, роднöй литература.

Литература.

Челядь йылiсь медбöрья годдэзö петöм произведеннёэз.


Сёрни зорӧтан уроккез понда темаэз:

  1. Лӧсьӧтны неыджыт удж «Мый ме тӧдi сьыланкыввезiсь коми отирлӧн кӧркӧся олан йылiсь», «Менам отирлӧн сьыланкыввезын ассямаыс» темаэз вылӧ.

  2. Лӧсьӧтны газетаӧ статья, кӧдаын висьталӧ ассиныт отношеннё чужан кыв дынӧ.

  3. Керны неыджыт исследовательскӧй удж «Нинкӧм – коми-пермяккезлӧн важся кӧмкӧт» тема вылӧ.

  4. Лӧсьӧтны неыджыт висьт «Менам оланiсь медгажа и медгажтӧм серпас» тема вылӧ.

  5. Лӧсьӧтны главалiсь висьт сетӧм план сьӧртi.

  6. Сетӧм тор сьӧртi лӧсьӧтны висьт «Таинственнӧй вӧр олӧ аслас оланӧн» тема вылӧ.

  7. Дженыта висьтасьны главалiсь пытшкӧссӧ.

  8. Лӧсьӧтны висьт «Пӧрись отирлӧ менам отсӧт», «Мый йылiсь висьтасьӧ фотография», «Менам деревняын олiссез» темаэз сьӧртi.

  9. Лӧсьӧтны текст «Мыйӧ велӧтӧ эта неыджыт висьтыс» тема сьӧртi.

  10. Ордчӧтны кывбур да художниклiсь сетӧм серпас.

  11. Тулысся приметаэз сьӧртi аркмӧтны неыджыт небӧг асланыт серпассэзӧн.

  12. Лӧсьӧтны висьт «Парма – дона менам горт» тема вылӧ.

  13. Гижны сочиненнё «Менам дона пельӧсок» или «Менам чужанiн» темаэз вылӧ.

  14. Лӧсьӧтны презентация «Менам горт» тема вылӧ.

  15. Керны исследованнё «Поэтлӧн кывбуррезын ассяма кыв».

  16. Поэтлiсь изобразительнӧй кыввез пыртӧмӧн лӧсьӧтны художниклӧн серпас сьӧртi висьт.

  17. Керны неыджыт исследованнё «пельнянь» кыв аркмӧм йылiсь.

  18. Лӧсьӧтны шынь-серӧма висьт «Кыдз ме ӧтпыр гожумнас чериалi» тема вылӧ.

  19. Лӧсьӧтны презентация кайез йылiсь.

  20. Лӧсьӧтны висьт вӧрпиэзлӧн да вӧрпӧткаэзлӧн олан йылiсь.

Велӧтны наизусть

1. Г. Бачева. «Тэ, менам коми муӧ…»

2. Л. Никитин. «Вот дона менам чужанiн…»

3. Н. Исаева. Катшасиннэз.

4. А. Зубов. Гажажык, комиэз, олӧ.

6 классын велöтчиссезлö колö тöдны:

- мый сэтшöм фольклор, сьыланкыв да частушка кыдз фольклорлöн жанр;

- мый сэтшöм художественнöй литература, прозаическöй да стихотворнöй сёрни, кывбурлöн ассяма выразительнöй кыв;

- басня, сылӧн признаккез;

- произведеннёлöн тема да шöр дума, литературнöй герой, портрет, олицетвореннё, эпитет да сравненнё;

- мый сэтшöм висьт, сюжет, тэчас (композиция);

- мый сэтшöм юмор;

- авторрезöс да нылiсь произведеннёэз;

- произведеннёэзлiсь содержаннё да геройезöс.


6 классын велöтчиссезлö колö кужны:

- висьтасьны подробнöя, дженыта, бöрйöмöн;

- лöсьöтны текст дынö план;

- висьтасьны произведеннёись герой йылiсь лöсьöтöм план сьöртi;

- тöдмавны тема да шӧр дума;

- висьтасьны самостоятельнöя лыддьöтöм произведеннёлiсь содержаннё;

- висьтасьны выразительнöя наизусть велöтöм произведеннё.

Коми-пермяцкӧй литература сьӧртi примернӧй тематическӧй план лӧсьӧтӧм сэтшӧм велӧтчан небӧгг сьӧртi:

1. Васькина Т.А., Косова Л.А., Четина М.В. Коми-пермяцкӧй литература. 6класс, Кудымкар, 2011









Коми-пермяцкӧй кыв да литература кыбинетын колӧны то кытшӧм техническӧй средствоэз:

1.Мультимедийнӧй компьютер.

2.Мультимедиапроектор.

3.Электроннӧй почта, Интернет.

4.Сканер.

5.Принтер лазернӧй.

6.Копировальнӧй аппарат.

7.Экран.

8.Видеоплеер, телевизор.

Сетӧм программа реализуйтны отсаласӧ сэтшӧм комплекттэз:

Велӧтчан небӧг

Мӧдiк пособиеэз

Электроннӧй дисккез

1. Васькина Т.А., Косова Л.А., Четина М.В. Коми-пермяцкӧй литература. 6класс, Кудымкар, 2011

литература. 9класс, Кудымкар, 2013.



Серия «Коми-Пермяцкӧй округись гижиссез»:

1.Васькина Т.А., Галкина М.Е., Меркушева Т.Н., Федосеева В.В. Караваев Степан Иванович. Кудымкар, 2009.

2. Васькина Т.А., Галкина М.Е., Меркушева Т.Н., Федосеева В.В.Климов В.В., Кудымкар, 2009.

3. Войлокова Л.М., Новикова Н.Ю. Попов Николай Васильевич. Кудымкар, 2012.

4.Косова Л.А., Ермаков А.И., Зубов Андрей Никифорович. Кудымкар, 2010.

5. Косова Л.А..Художественнный мир современной коми-пермяцкой поэзии (очерки). Кудымкар, 2007.

6.Литература Пермского края. Новые имена. Сб. статей под ред. В.Е.Кайгородовой, Пермь, ПГПУ, 2012.

7.Мальцева Н.А.Комплект «Коми-пермяцкие писатели» ч.1, ч.2, Кудымкар, 2006.

8. «Парма» газеталӧн литературнӧй листбок «Парма ру», Кудымкар,2013.

9.Пахорукова В.В. Коми-Пермяцкая литература 20 века. Кудымкар, 2011.

10.Писатели Коми-Пермяцкого автономного округа. 1992(комплект портретов).

1. Боталов М.А., Ратегова Л.П. О Парме и народной культуре (Беседы с Василием Климовым, фольклористом, писателем, поэтом). Кудымкар,2012

2. Васькина Т.А., Галкина М.Е. Ловья шы (Живой голос). Кудымкар,2012

3. Томилина Л.И. Жизнь и творчество Лихачёва М.П. Кудымкар,2012






15

Выбранный для просмотра документ !!! коми.лит ктп 6 кл.docx

библиотека
материалов

8

п/п

Уроккезлöн темаэз

Чассэз

Уроклöн тип

Урок дынö требованнёэз

Гортся удж

Урок чулöтöм

1

Устнöй народнöй творчество

С.З.У Сьыланкыввез, частушкаэз

1

Сёрни зорöтан урок

Тöдны устнöй народнöй творчестволiсь аскоддясö, частушкаэзлiсь тематика.

Кужны выразительнöя лыддьöтны сьыланкыввез.



Художественнöй литература. Важ оланiсь


2

Вн. Лыд. А.Н.Зубов да М.П.Лихачёвлicь

кывбуррез

1

Комбинированнöй

Тöдны художественнöй литератураын морт мыччалöм; А.Н.Зубовлiсь да М.П.Лихачёвлiсь олан да гижан туй.

Кужны выразительнöя лыддьöтны да анализируйтны кывбуррез.

С. 22-30, выр.лыд.


3

Т.П.Фадеев «Тöдiсь» висьтын важ кадö олöм

1

Комбинированнöй

Тöдны Т.П.Фадеевлiсь олан да гижан туй.

Кужны отвечайтны проблемнöй юасьöммез вылö.



Челядьлöн олöм




4

В. Рычков висьттэзын челядь кадiсь серпассэз

(«Гажа гожум» , «Гажтöм юöр»)

1

Комбинированнöй

Тöдны Виктор Рычковлöн рассказлiсь «Гажа гожум», «Гажтöм юöр» содержаннё.

Кужны составитны устнöй пересказ; отвечайтны проблемнöй юасьöммез вылö

С. 40-42


5

Л.Гуляева висьттэзын челядь кадiсь серпассэз («Медгажа лун», «Гажтöм лун»)

1

Комбинированнöй

Тöдны Людмила Гуляева рассказiсь «Медгажа лун», «Гажтöм лун» содержаннё.

Кужны составитны устнöй пересказ; отвечайтны проблемнöй юасьöммез вылö

С. 43-46


6

7

С.З.У. Сочиненнё «Менам оланiсь медгажа и медгажтöм серпас»

2

Сёрни зорöтан урок

Тöдны сочиненнё-описаннёлiсь ассямасö.

Кужны гижны тема сьöртi, мыччавны гижöм дынö отношеннё; составляйтны план, самостоятельнöя редактируйтны и уджавны текст сьöртi.



8

И.А.Минин «Ва увтын пос». Беда эна нывкаэзкöт

1

Комбинированнöй

Тöдны И.А.Мининлiсь олан до гижан туй; повестьлiсь вежöртас.

Кужны составитны устнöй пересказ; составитны юасьöммез глава дынö.

«Серёжкалöн настроеннёыс абу».


9

И.А.Минин «Ва увтын пос». Глава «Тöдтöм баб» , «Кöр чериыс оз кокав».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

Невежöртана басни».


10

И.А.Минин «Ва увтын пос». Глава «Умöлик олан», «Виль лун - виль делоэз».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

Мый понда павкис Öльöшкалö».


11

И.А.Минин «Ва увтын пос». Главаэз «Гажтöм думаэз.

Талисман».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

«Виль тöдсаэз».


12


И.А.Минин «Ва увтын пос». Глава «Герой могила дынын». «Мыля нiйö нуöтiс Пельтöм Селько»

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

Öльöшкалö öддьöн умöль».



13

И.А.Минин «Ва увтын пос». Глава «Важ мельница сайын», «Монастырскöй расын».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

«Нюрыс косьмöма».


14

И.А.Минин «Ва увтын пос». Глава «Разведка пондöтчö».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

С. 92-101


15

И.А.Минин «Ва увтын пос». Глава «Пыдöстöм нюр сайын».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

С. 101-107


16

И.А.Минин «Ва увтын пос». Глава «Бедолага», «Ва увтын пос».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

С. 107-110


17

И.А.Минин «Ва увтын пос». Глава «Кöр эта вöлi».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

«Öльöшка пондiс баитны


18

И.А.Минин «Ва увтын пос». Главаэз

Мый эшö висьталiс Öльöшка», «Тревога! Тревога!»

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

Быдöс лоас бур».


19

И.А.Минин «Ва увтын пос». Главаэз «Старуха шедiс.

Бöра Важ мельница сайын».

1

Комбинированнöй

Тöдны главалiсь содержаннё.

Кужны составитны устнöй пересказ; отвечайтны проблемнöй юасьöммез вылö

«Вот сiя, врагыс».


20

Повесть «Ва увтын пос» сьöртi обобщающöй урок

1

Комбинированнöй

Тöдны повестьлiсь содержаннё.

Кужны отвечайтны юасьöммез вылö быдöс повесть сьöртi.

Составит

ны тест


21

22

С.З.У. Сочиненнё

«Повестьлöн мöдкодь пом»

2

Сёрни зорöтан урок

Тöдны сочиненнё-описаннёлiсь ассямасö.

Кужны гижны тема сьöртi, мыччавны гижöм дынö отношеннё; составляйтны план, самостоятельнöя редактируйтны и уджавны текст сьöртi.



23

В.В.Климов «Видзчись, деду» висьтын геройлöн рам да вежöра мывкыд

1

Комбинированнöй

Тöдны В.В.Климовлiсь олан да гижан туй.

Кужны составитны устнöй пересказ; выразительняя лыддьöтны гленитчöм торрнез; отвечайтны проблемнöй юасьöммез вылö

С. 253-257


24


Вн.лыд. Гажа рöма челядь кад

1


Тöдны челядь кад йылiсь произведеннёэз..

Кужны составитны устнöй пересказ; отвечайтны проблемнöй юасьöммез вылö



Вöрва да морт


25

Н.В. Попов «Роднöй местаэзын» кывбурын деревнялöн олöм

1

Комбинированнöй

Тöдны Н.В.Поповлiсь олан да гижан туй; кывбура сёрни йылiсь вежöртас.

Кужны анализируйтны «Роднöй местаэзын» кывбур.

Кывбура сёрни йылiсь вежöртас


26

М.Д.Вавилин «Вöра край» кывбурын горт мулöн чужöм

1

Комбинированнöй

Тöдны М.Д.Вавилинлiсь олан да гижан туй.

Кужны анализируйтны «Вöра край» кывбур.

С.А.Фесеев «Ар да тöв»


27

В И. Исаев «Зыбунын» висьтын подалö отсöт

1

Комбинированнöй

Тöдны В.И.Исаевлiсь олан да гижан туй.

Кужны опишитны геройлiсь вывтыр лыддьöтöм сьöртi.

Рассказ «Зыбунын» мöдiк герой нимсянь висьтасьöм»


28

Вн лыд. «Оланiсь меддона морт»

1

Комбинированнöй

Кужны выразительнöя лыддьöтны кывбуррез.

Исаева-

лiсь или Гуляева-

лiсь кывбур наизусть


Чужанiн да горт йылiсь



29

В.Климов «Россия миян, менам Парма…»

1

Комбинированнöй

Тöдны «Россия миян, менам Парма…» кывбурлiсь содержаннё.

Кужны выразительнöя лыддьöтны; анализируйтны «Россия миян, менам Парма…» кывбур.

выр.лыд. на выбор


30

Вн.лыд. «Горт менам зарниа».

1

Комбинированнöй

Тöдны А.Ю.Истоминалiсь олан да гижан туй.

Кужны выразительнöя лыддьöтны; анализируйтны «Парма йылiсь сьыланкыв»кывбур.

Кывбур «Чужанiн» наизусть


31


С.З.У. Сочиненнё «Менам дона пельöсок»

1

Сёрни зорöтан урок

Кужны гижны тема сьöртi, мыччавны гижöм дынö отношеннё; составляйтны план, самостоятельнöя редактируйтны и уджавны текст сьöртi.



Шынь-серöма произведеннёэз




32

Л.А.Старцева «Богатöй ар» висьтын коми мортлöн ассяма кыв да мывкыд

1

Комбинированнöй

Тöдны Л.А.Старцевалiсь (Косова) олан да гижан туй.

Кужны объяснитны, мыля автор бöрйис рассказлö сэтшöм юрним; кыдз йитсьö пытшкöс сэтшöм юрнимкöт.

В.Климов «Кöр оз шед чери»


33

В.Я.Баталов «Кыр да варыш», «Арся рытöн», «Панько»

1

Комбинированнöй

Тöдны В.Я.Баталовлöст олан да гижан туй.

Кужны ордчöтны висьтiсь геройезöс; висьтавны основнöй дума; сетны характеристика геройезлö ны поступоккез сьöртi.

С. 211-220, кужны висьтась

ны


34

Н.В.Пахоруковлöн да Л.Гуляевалöн басняэзын сералöм

1

Комбинированнöй

Тöдны баснялiсь вежöртас; Н.В.Пахоруковлiсь олан да гижан туй.

Кужны выразительнöя лыддьöтны басняэз; адззыны нылiсь мораль.

С. 222-226, выр.лыд.

1 наизусть


Быдöс: 34 час

С.З.У.:6 час

Вн.лыд.: 4 час








Подайте заявку сейчас на любой интересующий Вас курс переподготовки, чтобы получить диплом со скидкой 50% уже осенью 2017 года.


Выберите специальность, которую Вы хотите получить:

Обучение проходит дистанционно на сайте проекта "Инфоурок".
По итогам обучения слушателям выдаются печатные дипломы установленного образца.

ПЕРЕЙТИ В КАТАЛОГ КУРСОВ

Автор
Дата добавления 17.09.2016
Раздел Другое
Подраздел Рабочие программы
Просмотров99
Номер материала ДБ-198335
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх