Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Классному руководителю / Рабочие программы / Рабочая программа по крымскотатарскому языку

Рабочая программа по крымскотатарскому языку



57 вебинаров для учителей на разные темы
ПЕРЕЙТИ к бесплатному просмотру
(заказ свидетельства о просмотре - только до 11 декабря)


  • Классному руководителю

Поделитесь материалом с коллегами:

21


Пояснительная записка

Рабочая программа составлена в соответствии с Программой по крымскотатарскому языку для 1-4 классов (авторы: Бекирова А.Р., Мамутова М.Р.)

Рабочая программа по крымскотатарскому языку составлена для учащихся 2-А класса и рассчитана на 68 часа (2 часа в неделю). Для реализации Рабочей программы используются учебники «Элифбе» («Букварь»), автор С.И. Харахады, «Ана тили» («Родной язык») авторы С.Сеттарова, М.Сеттарова. Учебники соответствуют требованиям общеобразовательного стандарта.

Программа по крымскотатарскому языку начальной общеобразовательной школы реализует основные идеи Федерального государственного общеобразовательного стандарта. Её характеризует направленность на достижение результатов освоения курса крымскотатарского языка не только на предметном, но и на личностном и метапредметном уровнях, системно-деятельностный подход, актуализация воспитательной функции учебного предмета «Крымскотатарский язык».

Содержание курса крымскотатарского языка направлено на реализацию следующих целей:

  • формировать у младших школьников элементарные знания о речевом высказывании (тексте), речевые умения, необходимые для общения в устной и письменной форме;

  • формировать начальные знания и умения из разных разделов языковой теории;

  • развивать интерес к крымскотатарскому языку.

Учебные задачи начального обучения крымскотатарскому языку заключается в том, чтобы:

  • дать учащимся объем знаний и умений из разных разделов языковедческой науки, которые способствовали бы развитию у них коммуникативных умений;

  • обеспечить практическое усвоение учащимися основных произносительных орфографических и пунктуационных правил крымскотатарского языка;

  • обогащать словарный запас и совершенствовать грамматический строй устной и письменной речи школьников;

  • развивать навыки диалогической и монологической речи (устной и письменной), этику речевого поведения, умения контролировать правильность и целесообразность своих высказываний;

  • совершенствовать у учащихся каллиграфические навыки, прививать им культуру оформления письменных работ;

  • учить распознавать, сопоставлять, квалифицировать и обобщать языковые явления.

Вместе с развитием у детей основных видов речевой деятельности (чтения, письма, слушания, говорения) начальный курс крымскотатарского языка предусматривает решение общедидактических задач, среди которых наиболее важными являются:

  • расширение представления об окружающем мире;

  • эстетическое, трудовое, морально-этическое, экологическое воспитание школьников;

  • развитие их образного и логического мышления;

  • формирование у учащихся общеучебных умений и навыков.

Начальный курс языка,который изучается после периода обучения грамоте, состоит из таких разделов: «Устная и письменная речь», «Звуки и буквы», «Текст», «Предложение», «Слово». При этом ведущей идеей начального курса родного языка является формирование у младших школьников коммуникативных умений, необходимых для построения собственных высказываний, умений планировать свою речь, использовать соответствующие языковые средства, контролировать правильность сказанного, исправлять допущенные ошибки.

Орфографический материал не выделяется отдельно, а усваивается в связи с изучением того или иного раздела.

Составной частью обучения родному языку в начальных классах является формирование и совершенствование у учащихся графических навыков. Цель этой работы- научить детей правильно писать буквы и их соединения, списывать с рукописного и печатного текстов, писать под диктовку.

1. Устная и письменная речь

Начальный курс крымскотатарского языка предусматривает ознакомление учащихся с элементарными сведениями о возникновении речи, о знаковой природе языка, о существовании различных языков. Младшие школьники учатся различать устную и письменную речь, понимать значение общего тона устной речи, темпа, громкости (силы) голоса; с нормами оформления устной речи на письме.

2. Звуки и буквы

Во 2-4-х классах учащиеся закрепляют и расширяют сведения о звуках и буквах, полученные в период обучения грамоте в 1-м классе. В начальных классах учащиеся получают представления о гласных и согласных звуках и буквах, которыми они обозначаются, о твердых и мягких согласных, о звонких и глухих согласных (парных и непарных).

В ходе работы над этим разделом учащиеся знакомятся с основными орфоэпическими нормами крымскотатарского языка и некоторыми орфографическими правилами. Кроме этого, на протяжении обучения во 2-4-х классах учащиеся усваивают определенное количество слов (предусмотренного программами для каждого класса), произношение и правописание которых следует запомнить.

3. Текст

Младшие школьники знакомятся с текстами различных типов: повествованием, описанием, рассуждением учатся правильно их строить, ведут наблюдения за особенностями художественных, научных и деловых текстов.

Важно, чтобы в организации речевой деятельности школьников на уроках создавались такие речевые ситуации, которые вынуждали бы учащихся к непосредственным высказываниям (созданию собственных текстов). С этой целью необходимо использовать сюжетно-ролевые игры, которые требуют как дословного повторения предложенного текста, так и его импровизации. При этом учитель варьирует представляемые места действий (в классе, в автобусе, в лесу, в магазине), собеседников (товарищ, младший братик, мама, дедушка и т.п.) и цель высказывания (о чем-то рассказать, описать какой-то предмет, убедить в чем-то, доказать свою мысль).

Связные устные и письменные высказывания школьники учатся строить по сюжетным картинкам, иллюстрациям в учебниках, по содержанию прослушанного и прочитанного самостоятельно, по кадрам диа- и кинофильмов, по собственным наблюдениям и т.д. При этом обращается внимание на формирование умений устанавливать логическую и грамматическую связь между предложениями, соблюдать структуру текста (зачин, основную часть, концовку). В работе над текстом учитель организует, с одной стороны, работу, направленную на предупреждение ошибок, а с другой - на усовершенствование построенных высказываний как по содержанию, так и по форме.

4. Предложение

В начальных классах учащиеся знакомятся с предложениями, различными по цели высказывания – повествовательными, вопросительными, побудительными. Кроме того, учащиеся наблюдают за предложениями, которые произносятся с восклицательной интонацией. В 3-м классе для таких предложений вводится термин «восклицательные».

Школьники учатся слушать и понимать значение повышения и умения, которые касаются предложений. Важно, чтобы учащиеся овладели умением определять главные члены предложения (подлежащее и сказуемое), устанавливать связь слов в предложении, ставя вопрос от слова к слову.

Со 2-го класса учащиеся практически знакомятся с предложениями, осложненными обращениями, усваивают интонацию предложений с обращением и разделительные знаки при них (запятая, восклицательный знак).

В 4-м классе программой предусмотрено ознакомление учащихся с однородными членами предложения – главными и второстепенными, связанными между собой при помощи интонации (без союзов) и союзов и, а, но без повторений, усваиваются пунктуационные правила, связанные с однородными членами предложения.

В начальных классах учащиеся не получают сведений о сложном предложении, однако сложные конструкции используются в текстах упражнений, в связанных высказываниях учащихся, особенно устных, поэтому необходимо учить их практически строить разные виды сложных предложений по образцу графической модели с опорой на сюжетную игру, рисунок.

5. Слово

В начальном курсе родного языка большое внимание уделяется обогащению, развитию и активизации словарного запаса учащихся, формированию умений замечать в тексте точное, образное, правильное и уместное употребление слов.

Программы предусматривают практическое ознакомление младших школьников с наиболее употребительными синонимами, антонимами, многозначными словами, употребляемые в прямом и переносном значении (с употреблением соответствующих терминов в 3-м классе) с наиболее распространенными омонимами (без термина) и фразеологическими оборотами.

Состав слова

Изучение состава слова тесно связывается с работой по обогащению словарного запаса учащихся, с усвоением ими орфоэпических, грамматических и орфографических норм литературного языка. В частности, учащиеся прорабатывают такие важные темы, как произношение и правописание слов.

Части речи

В начальных классах школьники изучают такие части речи, как имя существительное, имя прилагательное, глагол, предлог, местоимение, наречие, учатся практически употреблять союзы (и,да,а,но).

Изучение частей речи должно обеспечить тесную взаимосвязь лексических, грамматических, орфоэпических, орфографических знаний, речевых умений и навыков учащихся.

С целью проверки качества сформированности орфографических умений и навыков проводятся контрольные диктанты.

Текстовой материал для занятий по языку по своему содержанию должен быть близким интересам детей, развивать их познавательные способности, воспитывать любовь к языку.

Материально-техническая база

Рабочая программа по крымскотатарскому языку для 1 класса составлена в соответствии:

  • Программа по крымскотатарскому языку для 1-4 классов (авторы: Бекирова А.Р., Мамутова М.Р.);

  • Учебник «Элифбе» («Букварь»), автор С.И. Харахады, «Ана тили» («Родной язык»), авторы С.Сеттарова, М.Сеттарова;

  • Контрольные работы для начальных классов общеобразовательной школы, автор Мамутова М.Р., Симферополь. Издательство «Антиква»,2011.


Предполагаемые результаты

Учащийся по окончании 2-го класса должен знать:

  • алфавитные названия букв и звуков, которые они обозначают; звуки гласные и согласные, твердые и мягкие согласные, правила переноса слов;

  • наизусть семь-восемь стихотворений.

Учащийся по окончании 2-го класса должен уметь:

  • сознательно и правильно читать текст учебника вслух целыми словами (темп чтения примерно 35-50 слов в минуту);

  • подробно пересказать прочитанное по плану и самостоятельно;

  • самостоятельно знакомиться с детской книгой опираясь на три основных внешних показателя содержания книги (фамилия автора, заглавие, иллюстрация), читать ее под наблюдением учителя;

  • оценивать использование в речи громкости и темпа как средства выразительности;

  • использовать в собственной речи слова вежливости, благодарности и приветствия;

  • отличать разрозненные предложения от текста;

  • определять тему текста;

  • подбирать заглавие к тексту, сюжетному рисунку;

  • составлять (устно) тексты (4-5 предложений), близкие интересам учащихся, по образцу, по опорным словам, по отдельным эпизодам кинофильма, по началу и т.п.;

  • различать гласные, согласные звуки, твердые и мягкие, глухие и звонкие согласные звуки;

  • определять ударения в словах;

  • делить слова на слоги, переносить с одной строчки на другую;

  • распологать слова в алфавитно порядке по первой и второй буквам;

  • определять границу предложения в устной и письменной речи; обознаать на письме начало и конец предложения, а в устной речи ─ интонировать;

  • определять слова, которые обозначают названия предметов, действия предметов, признаки предметов, служат для связи слов в предложении (предлоги);

  • распростронять предложения с помощью вопросов и без них;

  • восстанавливать деформированные предложения из четырех-пяти слов;

  • каллиграфически правильно списать с доски и учебника текст;

  • написать под диктовку текст в 35-40 слов.


Анълатма тезкереси

Рус тиллеринде окъугъан талебелерге къырымтатар тили экинджи тиль сыфатында огретиле.

Окъутувнынъ эсас макъсады: башлангъыч дереджеде къонуша бильмеге огретмек, къырымтатар тили ве имлясы акъкъында адий бильги ве беджериклик ашламакъ, талебелернинъ тюшюнюв къабилиетлерини осьтюрмек ве халкъшынаслыкъ, халкъ медениети акъкъында бильгилер бермек.

Нутукъ фаалиетининъ эр бир тарафыны керекли дереджеде менимсемек ичюн окъутув мундериджеси къонушма, нутукъ, тильшынаслыкъ, халкъшынаслыкъ ве халкъ медениети ёнелишлерине айырыла.

Эсас макъсад ве девлет стандартынынъ мундеридже ёнелишлерине коре окъутув, инкишаф эттирюв, бильги берюв ве тербиелев макъсадлары къоюла.

Окъутув макъсадлары:

талебелернинъ нутукъ фаалиети беджерикликлерини эр тарафлама шекиллендирмек ве инкишаф эттирмек;

къырымтатар тилини динълемеге ве анъламагъа бильмек;

программада бельгиленген мевзулар дереджесинде акъранларынен ве буюклернен къонушмагъа бильмек;

къырымтатар тилинде окъумагъа ве язмагъа бильмек;

къырымтатар тили ве имлясы акъкъында адий бильгилер ве беджерикликлерни менимсемек.

Инкишаф эттирюв макъсадлары:

талебелернинъ тюшюнюв, фикир эттирюв къабилиетлерини инкишаф эттирмек;

эдебий къырымтатар тилининъ хусусиетлерини шивелерде олгъан хусусиетлерини рус тилининъ хусусиетлеринен тенъештирмеге бильмек, оларны талиль этмек, нетидже чыкъармакъ.

Бильги макъсадлары:

къырымтатар тили акъкъында адий бильгилер ашламакъ, къырымтатар тили буюк тюркий тиллер терегининъ бир пытагъы олгъаны акъкъында бильгилер ашламакъ;

къырымтатар халкъ медениетинен, урф-адетлеринен, мерасимлеринен, халкъ агъыз яратыджылыгъынен, белли шаир ве языджыларынен, тарих ве медениет эрбапларынен таныштырмакъ.

Тербиевий макъсадлар:

къырымтатар халкъына, тилине, эдебиятына, медениетине, тарихына меракъ, урьмет ве севги ашламакъ; башкъа миллетлер ве оларнынъ медениетине толерантлы (сабырлы) мунасебетте олмакъ, эдеп эсасларыны, къонушма медениетини шекиллендирмек.

Тиль огретме мундериджесининъ къонушма (коммуникатив) ёнелиши энъ эсаслыдыр. Чюнки бу бильгилер адамларгъа бири-бирлеринен агъзакий ве язма шекильде багъланабилюв алышкъанлыгъынынъ темелини къоя.

Агъзакий къонушма лаф эткен адамны динълемеге ве анъламагъа, къонушма адетинде къуланылгъан сёзлерни менимсеге, акъранларына ве буюклерге мураджаат этюв чешитлерини менимсемеге, лакъырды эткен вакъытта незакетлик бильдирмеге, незакетли суаль бермеге ве джевап къайтармагъа, разы олгъаны я да олмагъаны бильдирип айтмагъа огретмекни козьде тута.

Язма шекильде къонушма башлангъыч сыныфларда бир де-бирине тезкере (записка), даветнаме, илян язмагъа ве шу ишлерни безетмеге огретмекни козьде тута.

Окътувнынъ тильшынаслыкъ ёнелиши талебелер къырымтатар тили ве имлясы акъкъында адий бильгилер менимсемелерини, къырымтатар ве башкъа тюркий тиллернинъ арасындаки фаркъны анъламагъа, оны рус тилинен тенъештирип, хусусиетлерини айыра билювни огретмекни козьде тута. Агъзакий ве язма нутукъны менимсемек ичюн орфоэпия, лексик, граммматик, имля къаиделерини билип къулланмагъа огретмек.

Халкъшынаслыкъ ве халкъ медениети ёнелишинде талебелерни къырымтатар миллий медениетинен таныштырув, миллий урба, савут, емек, адетлерни бильдирген сёзлерни менимсев, аталар сёзю ве айтымлар, масалбашлары, текерлемелерни огренип, эзберден айтмакъ, манасыны анълатмакъ, халкъ оюнларынен, йырларынен, масалларынен, белли шаир ве языджыларнен ве башкъа медениет ве тарих эрбапларынен таныштырмакъ козьде тутула.

Башлангъыч сыныфларда къырымтатар тилини огретюв шу ёнелишлерде алынып барыла: “Нутукъ фаалиети”, “Тиль акъкъында бильгилер ве тиль беджериклиги”, “Имля, имля къаиделерини къулланув беджериклиги ве алышкъанлыкълары”.


I. НУТУКЪ ФААЛИЕТИ

Къырымтатар тилинде нутукъ фаалиетини шекиллендирюв эки шекильде алынып барыла – агъзакий (динълев ве анълав, лакъырды этюв) ве язылы (окъув ве язув). Агъзакий шекильде (динълев) ве язылы шекильде (окъув ве язув) хабер, идрак этмек ве анъламакъ, акъранларынен ве буюклернен лакъырды этмекнен нутукъ фаалиети талебелернинь бильги алув ве къонушув фаалиетлерини шекиллендире ве инкишаф эттире. Бойлеликнен къырымтатар тили дерслеринде нутукъ фаалиетининъ эп шекиллерини ишлетмели. Шуны да эсапкъа алмакъ керек ки, чокъусы балалар мектеп чагъына къадар агъзакий къырымтатар тилини бильмейлер я да етерли дереджеде бильмейлер. Онынъ ичюн 1-2-нджи сыныфларда динълемеге ве анъламагъа, имля кьаиделерини керек дереджеде менимсеп лакъырды этмеге, сёз байлыгъыны арттырмагъа ве буларнынъ эсасында къонушма нуткъыны инкишаф эттирмеге ве окъумагъа, язмагъа огретюв эсас ер тута.

Бу беджерикликлер ве алышкъанлыкълар 4 йыл девамында шекиллене ве инкишаф этиле. Окъутувнынъ биринджи йылында (1-нджи сыныф) эсас вазифе агъзакий нутукъны шекиллендирмектен ибарет: динълемек ве анъламакъ, лакъырды этмек, къонушмакъ. Экинджи йылы окъутувнынъ вазифелери юкъарыда бельгиленгинен берабер язма нутукъны инкишаф эттирюв, яни къырымтатар тилинде окъумагъа ве язмагъа огретюв ве язмагъа огретювден ибарет ола (имля къаиделери берильмей, тек амелий ишлениле).

Учюнджи ве дёртюнджи йыллары тиль акъкъында бильгилер ве имля къаиделерини менисев, грамматик беджерикликлерни ве алышкъанлыкъларны менимсев, агъзакий ве язма нутукъ, къонушма нуткъы, язув ве окъув беджерикликлерини мукеммеллештирюв вазифелери къоюла. Учюнджи ве дёртюнджи сыныфларда окъув беджерикликлерини мукеммеллештирюв ве инкишаф эттирюв, тильге меракъ ве севги ашлав макъсадынен къырымтатар тили ве окъув дерслери айры кечириле.


1. Агъзакий нутукъны динълев ве анълав (аудирование).

Агъзакий нутукъны динълев ве анълав ишлери талебелернинъ нутукъ эшитюв ве идрак этюв къабилиетлерини инкишаф эттирювге догърулта, айтылгъан лакъырдыны дикъкъатнен динълемек, эшиткен сонъ чешит вазифелер япмагъа бильмек (сеслер акъынтысында косьтерильген элементлерни айырмакъ: бенъзеген, лякин манасы бир олмагъан сёзлер, бир эджадан ибарет олгъан сёзлер, джумлелерде токътавлар ве иляхре).

Динълегенини анъламасына айры эмиет бермели: метнде айры элементлернинъ манасыны анъламакъ (сёзлернинъ, сёз бирикмелерининъ, джумлелернинъ); метнни толу анъламакъ. Шу макъсаднен дерснинъ вазифелерине, мевзусына, колемине, муреккеп дереджесине келишкен метнлер сайлап алына, я да оджа озю уйдурып тизе ве динълев, анълав алышкъанлыкъларыны инкишаф эттирмек ичюн махсус вазифелер бере. Джанлы нутукъны я да магнитофонда язылы нутукъны динълев башкъа ишлернен, меселя, субетнен болюнмемек керек. Талебелерни кет-кете саде метнлерден узунджа, муреккепче метнлерни динълемеге огретмек ве метнни бир кере динълеген сонъ анъламагъа огретмек керек.

Динълемек ичюн бедиий-эдебий, ильмий-бедиий эдебият, тиль акъкъында оджанынъ икяеси (мисаль, бир де-бир сёз манасынынъ пейда олув тарихы, бир де-бир меракълы вазифени бильмек усулы ве иляхре). Динълемек ичюн метнлер къырымтатар халкъынынъ адетлери, бала оюнлары, чалгъы алетлери, шаир ве языджылары, рессамлары, чалгъы усталары, миллий урбалар, савутлар ве башкъа эшьяларнынъ хусусиетлери акъкъында олмалы.

Метнни динълемезден эвель махсус ишлер кечирмек керек: метнде расткельген базы сёзлернинъ манасыны анълатмакъ, метнде олгъан вакъианы яшайышта олгъан ве онъа келишкен вакъианен къиясламакъ, балаларнынъ дикъкъатыны динълемеге догърулткъан суаль ве вазифелер бермек ве иляхре.

Балалар чешит къоранталарда чешит шивелерде лакъырды эткенлери себебинден азырланув ишлеринде айры сёзлернинъ чешит шивелерде айтылувынен тенъештирмек ве тилимизнинъ шу шивелернен байлыгъыны анълатмакъ керек. Бундан да гъайры балалар кунь девамында чокъусы башкъа тиллерде (рус, украин) айтылгъан нутукъларны эшителер, онынъ ичюн метнни окъугъанда, лакъырдыда, азырланув ишлеринде де бунъа эмиет бермели.

Балалар метинни толу анъламаларыны субет, тестлер чезюв, мундеридже боюнджа ресим япув усулларынен пекитмек мумкюн.

Анълавны тешкермек ичюн шу усуллар къулланыла:

бир кере динълеп, музакере этмезден эвель мундеридже боюнджа ресим япмакъ;

айтылгъан анълатма, ачыкълама эсасында иш, арекет япмакъ;

эшиткен метн мундериджеси эсасында суалерге 1-2 сёзден ибарет къыскъа джевап бермек;

оджа берген бир къач джевапнынъ ичинден догъуру джевапны сайламакъ.


2. Лакъырды

Лакъырды этмеге огретюв талебелерни субет этмеге, фикирни тюзгюн ифаде этмеге, къыскъа икяе тизмеге огретмекни козьде тута. Бунен берабер ишни балаларымыз мектепкедже чагъында рус тилинде лакъырды эткенлерини ве этрафларында даима башкъа тиллерни эшиткенлерини де козьде тутып алып бармакъ керек.

Лакъырды нуткъы эки дереджеде ола биле. Биринджи – махсулдарсыз дереджедир, бунда талебелер оджа берген метнни текрарлайлар, гъайрыдан икяе этелер, акъыллларында къалгъаныны айталар. Экинджи дереджеде исе махсулдар олып, талебелер мустакъиль шекильде джумле къурмагъа, суаль бермеге, бир де-бир шей акъкъында икяе этмеге билелер. Махсулдарсыз (репродуктивный) беджерикликлер махсулдар нутукънынъ инкишаф этювине эсас ола, чюнки онынъ эсасында сёз байлыгъы арта, нутукъ темели олгъан элементлер шекиллене.

Махсулдар нутукъ ишнинъ сонъки нетиджесидир ве инсанларнынъ бири-биринен багъланмаларынен, яни къонушмаларынен багълыдыр: онынъ эсасында, биринджиден, нутукънынъ кереклигини козьде тута бильмек (бир де-бир хаберни айтмагъа я да сорамагъа истек олмакъ керек), экинджиден лакъырды олгъан дурумны, динълейиджини, субет эткен адамны козь огюне алмагъа бильмек, ве, учюнджиден, лакъырды эткен адам лакъырдынынъ нетиджесини билип къонушмакъ тура. Онынъ ичюн къонушма нуткъыны огреткенде юкъарыда берильген нутукъ къысымларыны эсапкъа алмакъ керек. Бундан гъайры къонушма нуткъыны шекиллендирюв турмуш сёзлюгини менимсемекни, лакъырды вакъытында озюни тута биледжек къаиделерини бильмекни козьде тута.

Лакъырды нуткъыны инкишаф эттирюв бир къач ёнелиште эльде этиле:

талебелер къыскъа метнлерни эзберден огренелер: тапмаджа, сайы, текерлеме, аталар сёзлери, къыскъа шакъалы диалог, къыскъа лятифе, масал парчасы, оюнларда айтылгъан материал ве иляхре;

динъленильген я да окъулгъан метнни гъайрыдан икяе этмек; бу ишни къолайлаштырмакъ ичюн ярдымджы материал ишлетмек мумкюн (метннинъ планы, мундериджесини анълаткъан эсас сёз бирикмелери, ресим сырасы ве иляхре).

оджанынъ ярдымынен лакъырды тизмек (диалог, монолог); эвельден талебелернен оладжакъ лакъырды не акъкъында юрютиледжегини музакере этмек, манасыны бельгилемек, сёзлернинъ ве сёз бирикмелерининъ теляффузы устюнде чалышмакъ, айры джумлелер тизип, оларны бири-биринен багъламакъ, тизильген метнге къыймет кесмек, керекли тюзетмелер япмакъ ве ишленильген метнни текрарламакъ:

балаларнынъ яшайышына, мерагъына якъын олгъан мевзуларда диалог ве монолог метнлерини мустакъиль тизмек.

Лакъырды нуткъыны инкишаф эттирмек ичюн талебелерни ойле алгъа къоймакъ керек ки, олар озь фикирини, дуйгъуларыны бильдирмеге, оларны меракъландыргъан меселени музакере этмеге меджбур олсунлар. Балаларны бир де-бир адисе, ал акъкъында озь фикирини айтмагъа, айткъанларыны тасдикъламагъа, башкъаларнынъ фикирини динълемеге ве озь фикиринен келиштирмеге ве бунен берабер къонушма медениетини, озюни тутмагъа билюв къаиделерине риает этмеге огретмек керек.

Бойле ишни экевлешип, группаларгъа топланып алып бармакъ мумкюн. Лакъырды этмеге огретювде сюжетли роль оюнлары, сыныфтан тыш тербиевий ишлер (тиль байрамлары, халкъ байрамлары, эдебий байрамлар, корюшювлер) саналаштырмалар кечирмек керек.


Язма лакъырды (окъув ве язув)

Окъув

Къырымтатар тилинде окъумагъа огретюв ишлери экинджи сыныфтан башлана. Къырымтатар ве рус тиллеринде алфавит кирилл элифбесине эсаслангъаны ичюн бу иш енгиллеше, чюнки балалар биринджи сыныфта рус тили дерслеринде арифлерни энди огрендилер. Онынъ ичюн къырымтатар тили дерслеринде махсус огретюв ишлери къырымтатар тилине хас сеслерни бельгилеген арифлерни (у, о, къ, гъ, нъ, дж) теляффуз эттирюв, окъув къаиделери рус тилининъ къаиделерине келишмеген арифлер огрениле (ы, и, я, е, ю, ё). Къалгъан арифлерге кельгенде исе, бу эснада балаларнынъ олгъан бильгилери пекитиле ве инкишаф эттириле. Шуны да эсапкъа алмакъ керек ки, къырымтатар тилинде сес ве арифлернен таныштырув усуллары рус тилинден фаркълыдыр. Онынъ ичюн рус арифлеринен окъутув усулларына дикъкъатнен янашып, фаркълыгъыны анълатмалы. Меселя, рус тилинде къатты ве йымшакъ тутукълар окъувнынъ башында анълатылсалар, къырымтатар тилинде эсас эмиет индже ве къалын созукъларгъа ве оларнынъ теляффузы ве окъулувына берильмели, бундан гъайры къырымтатар тилинде бир сес эки ишаретнен бельгиленгенине де айрыджа эмиет бермек керек. Ы-И арифлеринен сёзлер окъулгъанда да рус тилинен тенъештирип догъру теляффуз этмеге ве окъумагъа огретмек лязим. Балаларнынъ бойле инджеликлерни бильмегени, рус тили дерслеринде огренген арифлернен окъугъанда чешит янълышлар япа билелер: ы-и арифлери олгъан сёзлерни рус тилине хас суретте узатып, инджертип теляффуз этелер, окъугъан вакъытта ургъуларны сёзнинъ башында, ортасында къойып, къырымтатар тилине келишмеген теляффузнен окъуйлар ве иляхре.

Онынъ ичюн окъумагъа огретювнинъ ильк девиринде эсас вазифе – догъру окъумагъа ве окъугъаныны анъламагъа огретмектир. Бу девирде тез окъувгъа чокъ эмиет бермемек керек, чюнки догъру теляффуз этип догъру окъугъан вакъытта окъув сурьаты бусыз да яваш-яваш тезлеше. Окъумагъа огретювнен берабер талебелернинь сёз байлыгъыны арттырув, агъзакий нутукъны инкишаф эттирюв, къонушма медениетини мукеммеллештирюв боюнджа да ишлер алып барыла.

3-4-нджи сыныфларда къырымтатар тили ве окъув дерслери айры-айры кечириле.

Окъумагъа огретюв ашагъыда косьтерильген беджерикликлерни инкишаф эттирмекни козьде тута:

догъру, анълап, ифадели, адий агъзакий нутукъ тезлигинде, динълейиджиге догърултып тюземли давушнен окъув;

тезлиги давушнен окъувдан зияде сурьатнен ичинден окъув, окъугъаныны анълав;

мундериджесининъ муреккеплиги анълап оладжакъ киби агъырлыкъта таныш олмагъан метнни давушнен ве ичинден окъугъанда тез ве догъру эсас фикирни идрак этмек; айры бедиий хусусиетлерини сечип къыймет кесмек (дюльбер ифадели сёзлер, сёз бирикмелери, къыяславлар ве иляхре);

китапханеде ишлемек, окъумакъ ичюн китапларны мустакъиль сайламакъ ве китапнен чалышмакъ.

Окъумагъа огретювнинъ муим бир вазифеси талебелернинъ тасавур эттирюв къабилиетини инкишаф итмек, метнде айтылгъаныны козь огюне кетирмек ве онынъ акъкъында озь фикирини бильдирмек, окъугъаныны озь яшайышында олгъанынен тенъештирмек.

Окъув материалыны ойле сайлап алмакъ керек ки, о къырымтатар эдебиятыны окъумагъа меракъ ашламагъа, эдеп, намус акъкъында бильгилер бермеге, тербиелемеге, миллий рух ве ватанперверлик дуйгъуларыны ашламагъа имкян берсин. Балагъа окъумакъ ичюн берильген материалда къырымтатар халкъ агъыз яратыджылыгъы, классик къырымтатар шаир ве языд-жыларынынъ эсерлери, земаневий муэллифлернинъ эсерлери эсас ерни алмакъ керек. Бундан гъайры окъутувда ильмий-бедиий, саде популяр-бедиий эсерлер, илян, анълатма, куньделик дефтер язылары, мектюплер, хайырлав метнлери къулланыла. Бойле кениш метнлер мектеп окъутувыны этрафтаки яшайышнен багъламакъ ичюн къулланыла.

Окъутувнынъ башында оджа тарафындан биринджи кере метнни окъувнынъ буюк эмиети ола. Бу ал окъувгъа меракъ догъурмагъа, метн мундериджесини анъламагъа ярдым эте ве бойлеликнен балалар ифадели окъув нумюнесини эшителер. Лякин таныш олмагъан метнни мустакъиль окъув кет-кете зиядедже ер ала ве 4-нджи сыныфкъа келип, баягъы вакъытны талап этмек керек.

Окъумагъа огретювде ифадели окъув ве окъув техникасыны инкишаф эттирюв ишлери де буюк ер ала.

Язув

Язмагъа огретюв окъумагъа огретювнен берабер башлана. Элифбемизнинъ эсасы рус элифбеси иле бир олмакънен берабер тек къырымтатар тилине хас олгъан арифлерге зияде эмиет бермек керек, бу – ы-и арифлерининъ теляффузы ве язылувы, индже ве къалын созукълар, я, ё, ю, е арифлерининъ теляффузы ве язылувы, къ, гь, нъ, дж арифлерининъ теляффузы ве язылувы, г-гъ,к-х-къ, ж-дж, н-нъ ариф ве сеслерининъ теляффузыны ве язувыны айырмакъ ве иляхре. Экинджи сыныфта къырымтатар дерслери къарышыкъ тарзда кечириле, яни бир бир дерске эм окъув, эм язув, эм нутукъ инкишафы кире, онынъ ичюн дерс вакътындан догъру файдаланмакъ керек. Эм окъув, эм язув ишлери алынып барылгъанда рус тилинде менимсенильген бильгилерден фай-даланмакъ керек (буюк арифлерни язув, арифлерни бири-биринен багълав ве иляхре) ве айрыджа къырымтар тилине хас бильгилер бериле. Башлангъыч девир ишлери булардыр: язып алмакъ (язгъан вакъытта язгъаныны теляффуз этмек), корюв ве эшитюв диктантлары, акъылда къалгъаныны язув. Язув алышкъанлыкъларына талаплар рус тили дерслеринде олгъаны кибидир ве шу дерслерде каллиграфия беджерикликлерине, дефтерлерде, куньделик дефтерлер-де язувны безетюв къаиделери пекиле. Къырымтатар дерслеринде шу беджерикликлер янъыдан шекилленмейлер, тек мукеммеллешелер, онынъ ичюн темиз язув дакъкъалары кечирильмей. Керек олса, къыйналгъан айры балаларнен индивидуаль чалышмакъ мумкюн. Шу себептен къырымтатар тили дерслеринде каллиграфия ишлери ерине язылувы теляфузына келишмеген къыйын сёзлерни язмагъа огретмек тевсие этиле. Бойле ишлерде язылувы акъылда къаладжакъ сёзлернинъ устюнде чалышмакъ, теляффузыны язылувынен келиштирмек, язгъаныны нумюнен тенъештирмек киби вазифелерге буюк эмиет бериле.

3-4-нджи сыныфларда метнни язып алув, диктант киби ишлернен берабер иджадий язув ишлери де алынып барыла (инша). Бу ишлерде талебелерге озь фикирини, дуйгъуларыны, оларгъа муим ве меракълы олгъан шейлерни, сыныфдашларынен, оджанен, якъынларынен пайлашмагъа истеген дуйгъуларыны языда ифаде этмеге огренмек чокъ муимдир.

Бойле ишлерни тешкергенде эсас къыйметни язынынъ имлясына дегиль де, мундериджесине, озь фикирини языда ифаделеп олгъан дереджесине бермек керек.


II. ТИЛЬ АКЪКЪЫНДА БИЛЬГИЛЕР ВЕ ОЛАРНЫ НУТУКЪТА

КЪУЛЛАНУВ

1. Метин ве джумле

Къырымтатар тили экинджи тиль оларакъ огренильгени ве бу мевзудаки ишлер рус тили дерслеринде терен огренильгени себебинден талебелерде олгъан бильгилерге эсасланып тюзгюн метн къурулувына, онынъ эсас фикирине, джумленинъ догъру тизилювине, сёзлерни догъру сайлап алувгъа ве келишикли тезликте окъувгъа, давушнынъ кучюне буюк эмиет бериле. Тильнинъ шу хусусиетлерини менимсев талебелернинъ анълав, субет ве икяелер тизюв, озь нуткъыны лакъырды макъсадынен ве шараитинен келиштирмеге билювлерининъ эсасы ола. Лакъырдынынъ макъсады: акъранынен я да буюкнен лакъырды этрюв, анълатув, сорав, истек, тешеккюр бильдирюв, афу эттирюв, къаидырув ве иляхре.

Джумле устюнде чалышув чешит макъсады олгъан джумлелерни анъламагъа, тизмеге ве къулланмагъа огретювни козьде тута. Суаллер ярдымынен джумледе сёзлернинъ багъыны бельгилемеге, джумлени кенишлетмеге, сёзлерни бири-бирине ярдымджы сёзлернен багълап, джумлеге кирсетмеге бильмек. Адий ве муреккеп джумлелер тизмек.


2. Сеслер ве арифлер

Сёзнинъ сесленювини ве язылунвмы менимсемек, эшитюв ве теляффуз этюв къабилиетини инкишаф эттирмек: сёзни оджаларгъа больмек, ургъу тюшкен созукъ сесни тапмакъ, къырымтатар тилине хас олгъан сеслерни догъру теляффуз этмек, оларны рус тилиндеки сеслернен тенъештирип фаркъларыны айырмакъ, сес ве арифни келиштирип, догъру бельгилемек. Лякин экинджи тиль оларакъ къырымтатар тилини огренювде программа сес ве ариф талилини толусынен кечмекни талап этмей, чюнки бу ишнинъ эсасы рус тили дерслеринде ола. Къырымтатар тили дерслеринде исе тек фаркълы олгъан алларда талиль этиле. Мисаль: «орьнек», «одун» сёзлерини дикъкъатнен динъле ве айт. Шу сёзлернинъ биринджи сеслерини теляффуз эт. «Орьнек» сёзюнде о сеси индже, «одун» сёзюнде о сеси къалын.

3. Сёзнинъ манасы

Бу болюкни оджа талебелерни сёз манасыны анъламакъ ишлерине терен янаша. Шу ишнинъ эсас вазифелери - талебелернинъ сёз байлыгъыны зенгинлештирмек ве нутукъта фааль къулланмакъ, сёзнинъ манасыны анъламакъ ве онынъ тасвирий, ифаде къуветини фаркъламакъ; таныш олмагъан сёзлерни айырып оларнынъ манасыны анъламагъа истек догъуртмакъ ве нутукъта догъру къулланмакъ. Шу иште рус тили дерслеринде огренильген бир маналы, акс маналы, чокъ маналы сёзлер къулланмакъ. Программа сыкъ къулланылгъан фразеологизмлерни (термин къулланмайып) мевзуларнен багълы сёз сыраларыны ишлетмекни козьде тута. Къырымтатар медениетине хас олгъан мевзуларнен багълы сёзлер сырасына айрыджа эмиет бермек керек (миллий урбаларнынъ, савутларнынъ, эшьяларнынъ, оюнджакъларнынъ адлары ве иляхре).

Сёз ишлернинъ даа муим бир вазифеси – талебелерни чешит лугъатлардан файдаланмагъа огретмектир.


4. Сёз теркиби

Къырымтатар тили дерслеринде сёз теркиби боюнджа ишлер рус тили десрлеринде менимсенильген бильгилерге эсаслана. Сёз теркиби талили эсасен оджанен берабер алып барыла. Оджанынъ суаллери ярдымынен сёз тюрлене ве сёзнинъ тамыры ве ялгьамалары айырыла; оджа ярдымынен сойдаш сёзлер сайланып алына, алынгъан сёзден онынъ шекиллери айырыла.

Сес теркибини талиль этюв сёз япув элементлеринен берабер олмалы. Бойле иште балалар сёз япувда ялгъамаларнынъ эмиетини анълайлар. Сёз япувнен багълы вазифелерни талебелерге сыкъча бермек керек. Мисаль: «гуль» сёзюнден башкъа сёзлер яп: -лер, -зар, -лю (гуллер, гульзар, гуллю). «Гуль» сёзюнден даа чешит адлар япмакъ мумкюн (Гульсум, Гульнар, Гульшен, Гульджиан, Гульпемпе, Гульзар ве иляхре).

Сёз теркибини талиль эткенде сёз япув ишлери сёзлернинъ манасыны терендже анъламагъа ярдым эте. Сойдаш сёзлерге чешит ялгъамалар сёзлернинъ манасы денъишкенини корьмеге огретмек керек (эв – эвчик, эвли), бир ялгъамалы сойдаш олмагъан сёзлернинъ манасы бираз якъынлашкъаныны анъламагъа огретмек (отурма, барма, ятма - чешит сёзлер бир-де-бир арекетни бильдирелер, я да таначыкъ, чаначыкъ, чорапчыкъ - чешит шейлернинъ кучюк олгъаныны бильдире, я да демирджи, айдавджы, сатыджы – зенааатларны бильдире ве иляхре).

Демек, сёз теркибини талиль этюв ишлеринде тек сёзнинъ теркибини талиль эттирюв дегиль де, сёз байлыгъыны арттырув, сёзлерни догъру къулланмагъа огретюв, теляффуз эттирюв, къырымтатар тили имлясы эсасында догъру язув ишлери чокъ ер ала.


III. ИМЛЯ. ИМЛЯ БЕДЖЕРИКЛИГИ

Башлангъыч сыныфларда талебелер къырымтатар тилининъ саде имля къаиделерини менимсейлер. Къырымтатар тилинде эсас имля къаиделери фонетик эсасындадыр. Онынъ ичюн шу бильгилерни огретюв талебелернинъ фонетик бильгилерине эсаслана (мисаль: сёзнинъ тамырында индже созукъ олса чокълукъ -лер аффикси языла, къалын олса -лар. Дерс – дерслер, бала – балалар). Шу болюкнинъ эсас ерини талебелерге земаневий бедиий тильни огретюв ишлери ала. Балаларны огреткенде къырымтатар тилининъ земаневий бедиий тилининъ хусусистлерини эсас учь шивенен тенъештирип, керек олгъанда озьбек тили хусусиетлеринен тенъештирмели. Бойле ишлерни алып баргъанда бойле шиведе янълыш айтыла, онынъ ичюн догъру айтып язмакъ керек, деп огретмек янълыштыр. Чешит шивелерде сёз шекиллерининъ нумюнелерини кетирип тилимизнинъ къадимий, зенгин олгъаныны, амма шимдики заманда эпимиз бир догъру язмамыз ичюн язув къаиделеримиз бар, деп анълатмакъ керек. Чюнки бир де-бир шиведе лакъырды этмек янълыштыр, деген алда талебелернинъ къырымтатар тилине меракълары эксиле, лакъырды къоркъусы пейда ола ве олар къолайлыкънен рус тилинде лакъырды этмеге башлайлар. Бу ишни энъ эсасы – оджанынъ догъру, дюльбер лакъырды этмеси, классик эдебияттан ифадели, дюльбер нумюнелернен тильни севдирмектир.

Бир тильде чешит шивелерде лакъырды эткен балаларгъа имля къаиделерини менимсеп догъру язмагъа огренмек къыйындыр, онынъ ичюн шу ишлерни эр бир дерсте сабырнен алып бармакъ керек. Бу ишлер де миллий мектеплер ичюн программагъа эсаслана, лякин балаларнынъ тиль бильгиси дереджеси эсапкъа алынса, мевзунынъ муреккеплиги де онынънен багълана.


Къырымтатар тили

2 сыныф (68 саат)

афтада 2 саат

I.Нутукъ фаалиетининъ алышкъанлыкъларыны инкишаф эттирюв



Окъув материалынынъ

теркиби


Талебелернинъ

умумтасиль севиелерине

девлет талаплары

1. Динълев ве анълав (аудирлев)

Метинни дикъкъатнен динълемек ве анъламакъ (диалог я да монолог метинини оджа, талебелер окъуйлар я да магнитофондан динълейлер).

Ресимни ве метинни я да метин парчасыны нисбетлештирюв.

Ким ве не акъкъында икяе этильгенини анълап айырмакъ, баш къараманны айырмакъ. Янъы сёзлерни фаркълап, оларнынъ манасы акъкъында сорамагъа бильмек.

Окъув вазифелеринен я да оюн, мешгъулиет вазифелеринен багълы анълатмаларны динълеген сонъ анълаябилюв.

Теляффуз этмек ичюн огренильген сеслер эсасында сёзлерни фонетик хусусиетлерине коре группаларгъа айырмагъа бильмек. Янълыш айтылгъан сёзлерни фаркъламагъа бильмек.

Эшиткен метинге я да парчагъа ад къоймагъа бильмек.

Талебе:

эшиткен метинни идракъ эте ве анълай, ичинде таныш олмагъан сёзлерни тапып, манасыны сорап бильмеге биле;

суаллерге джевап бере;

динълеген метинни я да эсер парчасыны ресимнен келиштире, берильген ресимлер сырасында эшиткен метинге келишкенини айыра;

анълатмаларны динълеп анълай ве ишнинъ насыл япыладжагъыны айта;

къырымтатар тилининъ хусусий сеслерини айдын теляффуз эте;

эшиткен сёзлерни бельгиленген аляметлерге коре группаларгъа айыра;

янълыш айтылгъан сёзлерни фаркълай;

метин я да окъулгъан парчагъа мевзусына келишкен серлева къоя.

2.Лакъырды алышкъанлыкъларыны инкишаф эттирюв.

Субет этюв (диалог). Икяе этюв (монолог).

а)Орфоэпия беджерикликлерини мукеммеллештирюв ве инкишаф эттирюв.

Сес, эджа, ургъу, созукъ сес, тутукъ сес терминлеринен таныштырув.

- Ы-И сеслерини догъру теляффуз этмек.

- О-ö сеслерини догъру теляффуз этюв, индже ве къалын созукълар термининен таныштырмакъ.

-У-ÿ сеслерини догъру теляффуз этмек ве бири-биринден айырмакъ.

- Къ сесини догъру теляффуз этмек ве к-х-къ сеслерини бири-биринден айырмакъ.

- Гъ сесини догъру теляффуз этмек ве г-гъ сеслерини бири-биринден айырмакъ.

- Дж сесини догъру теляффуз этмек ве дж-ж сеслерини бири-биринден айырмакъ.

- Нъ сесини догъру теляффуз этмек ве н-нъ сеслерини бири-биринден айырмакъ.

- В сесинден сонъ ве эвель кельген сеслерни теляффуз этюв хусусиетлерини анълап догъру теляффуз этмек.

- Л сесини нъ ве н сеслерден сонъ кельгенде догъру теляффуз этмек.

Рус тилинен тенъештирип ургъуны догъру къоймагъа бильмек.

б)Грамматик беджерикликлерни мукеммеллештирюв ве инкишаф эттирюв.

Джумле, нокъта, суаль ишарети, нида ишарети термимлеринен таныштырув.

Бу, шу, о, ана о, олар киби замирлерни ве оларнынъ шекиллерини (онынъ, онъа, манъа, санъа, мени, сени, меннен, онынънен) къулланмагъа огретмек (терминлер берильмей).

Огюнде, артында, янында, ичинде, этрафында, якъында, тюбюнде сёзлерини чешит шекиллерде къулланмагъа огретмек.

Исимлерни чешит шекиллерде къулланув беджерикликлерини мукеммеллештирмек. Исимлерни келишлерде тюрлендирип къулланмакъ (терминлер берильмей).

Фииллерни чешит шахысларда ве чешит заманларда, мусбет ве менфий шекильде къулланмакь.

Сайыларны манасына коре догъру къулланувны мукеммеллештирмек.

Сыфатларны чешит дереджеде къулланмакъ.

-Лы, -ли, -лу, -лю ялгъамаларынен сыфат япмакъ ве нутукъта къулланмакъ (къарлы, кирли, тузлу, джанкойлю): -сыз, -сиз, -суз, -сюз ялгъамаларынен сыфатлар япмакъ ве нутукъта къулланмакъ (урбасыз, этсиз, тузсуз, чёльсюз).

Талебе:

окъулгъан метинни я да парчаны сёзме-сёз айта;

эзбердеп тезайтымлар, сайылар, шиирлер, текерлемелер, тапмаджалар айа, масал мундериджесине коре иджра эте;

оюн къаиделерини анълатмагъа биле;

берильген нумюнеге эсасланып икяе эте:

масал саналаштырмасында иштирак эткенде субет этмеге биле;

оджа берген суаллерге догъру джевап къайтара;

метинде ким ве не акъкъында айтылгъаныны икяе эте;

окъулгъан я да эшиткен метинни къыскъадан икяе эте;

ресим мундериджеси боюнджа икяе этмеге биле;

озю, аркъадашы, аилеси, анасы, бабасы, эви, сокъагъы акъкъында икяе эте;

сыныфта, мектепте: не вакъыт, къайда, насыл бармакъ мумкюн олгъаны акъкъында малюмат алмакъ макъсадынен субетке къошула;

саатни сорамакъ макъсадынен субетке къошулмагъа биле (саат къач? саат къачта? саат къачкъа?);

субет вакъытында ифаде васталарынен истек, айрет, теклиф, кедер, севинч дуйгъуларыны бильдире;

бир-де-бир керегини истемеге, къандырып айтмагъа биле (мен ресим япмагъа истейим, манъа боя керек);

оджа берген суаллерге джевап къайтара;

3-4 къаршылыкълы лакъырдынен субет эте:

окъугъаныны сёзме-сёз ве къыскъартырып айта;

буюклерге, акъранларгъа ве озюнден кучюкке мураджаат этмеге биле;

ресим боюнджа, берильген суаллерге эсасланып, берильген мевзуда сёз бирикмелери ве джумлелер тизе;

4-5 джумледен тюзгюн лакъырды тизе;








Талебелер:

бири-бирине истекнен, суальнен мураджаат этмеге; афу сорамагъа, тешеккюр бильдирмеге; муляйим незакетли сёзлер къулланмагъа билелер.

3. Окъув

Къырымтатар элифбесинен таныштырув, рус элифбесинен тенъештирюв. Эки элифбеде фаркъы олгъан арифлерни айырмакъ. Язылышы бир олып, сеслеринде фаркъы олгъан арифлернен таныштырмакъ;

- Э-е арифлернинъ сесленювини анълатмакъ ве сёзлер окъумакъ;

- У-ю арифлернен эджалар, сёзлер окъумакъ, теляффузда фаркъыны анъламакъ:

- О-ё арифлеринен эджалар, сёзлер окъумакъ, теляфузда фаркъларыны анъламакъ;

- Ы-и арифлеринен эджалар, сёзлер окъумакъ, догъру теляффуз этмек;

- Я, ё, ю, е арифлери эки И + созукъ сес бильдирген алларда эджалар, сёзлер окъумакъ (ельнен, сание, ястыкъ, ёл, юзюм);

- Ъ къаттылыкъ ишаретининъ айырыджы эмиетини анълап сёзлер окъумакъ;

- К-къ арифлерини догъру окъумакъ ве теляффузда фаркъыны айырмакъ;

- Г-гъ арифлерини догъру окъумакъ ве теляффузда фаркъыны айырмакъ;

- Дж-ж арифлеринен эджалар, сёзлерни догъру окъумакъ, теляффузда фаркъыны анъламакъ;

- Н-нъ арифлеринен эджалар, сёзлерни догъру окъумакъ ве теляффуз этмек.

Окъув ве окъуганыны анълав беджерикликлигини инкишаф эттирюв.

Талебе:

толу сёзлерни догъру, айдын, анълап окъуй; узун, къыйын сёзлерни эджалап окъуй;

окъугъан вакъытта сёзлерни догъру айта, ургъуларны догъру къоя;

огренильген арифлернен сёзлерни догъру окъуй;

къырымтатар тилининъ сеслерини догъру теляффуз эте;

мундериджеси анълайышлы олгъан къыскъа метинлерни окъуй;

джумленинъ сонъунда тургъан токътав ишаретине коре (икяе, суаль, нида) метинни ифадели окъуй;

сеснен джумленинъ сонъуны, виргюль олгъан ерини бильдире;

эджалар, сёзлер, сёз бирикмелерини, джумлелерни окъуй;

шиир, тезайтым, аталар сёзлери, тапмаджалар, мундериджеси саде олгъан икяелер, тасвирий икяелер, халкъ масаллары, балаларнынъ бильгисини кенишлеткен метинлер, буюклернинъ яшайышыны ве ишини косьтерген, къырымтатар халкъ адетлери, айванлар ве осюмликлер дюньясынен таныштыргъан, табиаткъа, Ватангъа севги дуйгъулары ашлагъан, догърулыкъ, намус, мераметлик, эмексеверлик дуйгъуларыны тербиелеген метинлерни окъуй.


4. Язув

Рус тили дерслеринде менимсенильген язув алышкъанлыкъларыны пекитмек.

Къырымтатар тилинде фаркъы олгъан арифлерни язмакъ (къ, гъ, нъ, дж).

Тахтадан, дерсликтен метинлерни догъру язып алмагъа, сёзлерни, джумлелерни, къыскъа метинлерни диктант алтында язмагъа огретмек.

Мустакъиль уйдурылгъан джумлелер язмагъа, ресим тюбюнде язысыны язмагъа, аркъадашларынен бераберликте тизильген къыскъа метнлерни язмагъа огретмек.

Талебе:

огренильген арифлернен 25-30 сёз язып алмагъа, диктант алтында ве мустакъиль оларакъ 15 сёз яза биле;

берильген сёзлерден джумле тизе;

берильген ресимге джумле тизе биле;

кочюрип язувда джумленинъ сонъунда токътав ишаретини къоя;

джумлени суаллернен кенишлете;

оджа теклиф эткен мевзуда сёзлер тапып яза биле;









Дерснинъ мевзусы

Окъув материалынынъ теркиби

Талебелернинъ талаплары

Дерснинъ кечирильген куню

1

Мектеп — бизим эвимиз!




Нутукъ


2

Агъзавий ве язма нутукъ

Агъзавий ве язма нутукъ акъкъында малюматларны активлештирюв

Талебе агъзавий ве язма нутукъ акъкъында малюматларны менимсей


3

Нутукъ медениети


Нутукъсеслери


4

Сеслер ве арифлер

Нутукъ сеслернинъ эмиети

Нутукъ сеслерини биле, языда сеслерни арифлерни бельгилей; элифбе сырасындан файдаланып, огренип, лугъаттан сезлерни тез тапмагъа огрене.


5

Элифбе

Элифбе сырасындан файдаланып огретюв.

Нутукъ сеслерини биле, языда сеслерни арифлерни бельгилей; элифбе сырасындан файдаланып, огренип, лугъаттан сезлерни тез тапмагъа огрене.


6

Созукъ ве тутукъ сеслер.

Оларны языда ифаделеген арифлер

Созукъ ве тутукъ сеслерни арифлернен бельгилев.

Созукъ сеслерни биле, арифлернен бельгилей; къалын ве индже сеслерни айыра.


7

Эджа

Сёзлерни эджаларгъа больмеге билюв.



8

Сёзлерни сатырдан сатыргъа авуштырув




9

Ургъу

Терминлерни менимсев. Къырымтатар ве рус тиллеринде ургъу хусусиетлерининъ фаркъысынен таныштырув.


Сёзнинъ лексик манасыны козете, манасыны биле, чокъ маналы сезлерни козете, манасы якъын ве манасы къаршылыкълы сёзлерни биле ве къуллана.


10

Къалын ве индже созукъ сеслер

Оларны языда ифаделеген арифлер.

Созукъ сеслерни биле, арифлернен бельгилей; къалын ве индже сеслерни айыра.


11

Къалын созукъ сеслер

Оларнынъ языда ифаделеген арифлер.

Метин къурулыши акъкъында биле, метиннинъ мевзусы, эсас фикирини бельгилемеге огрене.


12

Индже созукъ сеслер


13

Дудакълы созукъ сеслер

Оларны языда ифаделеген арифлер.

Дудакълы ве дудакъсыз сеслерни айыра, язмагъа биле; сезлерни эджагъа боле, догъру ургъу къоя.Лакъырды макъсадына коре джумле чешитлери (икяе, суаль, эмир, нида) биле.


14

Е, ё, ю, я арифлери

Языда –я, -е. –ю, -ё арифлерини догъру ишлетмеге билюв.



15

Э арифи




16

Янъгъыравукъ ве сагъыр тутукъ сеслер

Оларны арифлернен бельгилев.

Янгъыравукъ ве сагъыр тутакъларны айыра, догъру яза, теляфуз эте, азаллерге джевап бере.



17

Гъ, къ, нъ, дж арифлери

Гъ, къ, дж, нъ сеслерини догъру теляфуз этюв ве арифлернен бельгилев.


18

Ч, ш арифлери

Ч, ш сеслерини рус тили къаиделеринен тенъештирип догъру язмагъа билюв.

Ялгъамаларны бельгилей; суаллерге догъру джевап бере.


19

Йымшакълыкъ ишарети (ь)




Метин


20

Метин акъкъында малюмат

Метин акъкъында малюмат. Метиннинъ эсас фикри.

Исимлерни таный ве ишлете, нутукъта къуллана ве джумлелер тизе.


21

Абзац

Метиннинъ къурулышы. Абзац.


Джумле


22

Джумле акъкъында малюмат

Джумле акъкъында малюмат.

Икяе, суаль, эмир джум-лелери.

Нида джумлелери.

Джумле азаларыны биле, муптеда ве хаберни бельгилей.


23

Икяе джумлеси


24

Суаль джумлеси


25

Эмир джумлеси


26

Нида джумлеси


27

Джумленинъ баш ве экинджи

дередже азалары

Джумленинъ баш азалары.

Муптеда ве хабер.

Джумле азаларыны биле, муптеда ве хаберни бельгилей.


28

Джумледе сёзлернинъ

бири-биринен багъы

Оларны джумледе.

Тапув ве бельгилев.

Джумленинъ экинджи дередже азаларыны биле ве къуллана нутукъта.


Сёз


29

Буюк арифнен язылгъан сёзлер

Пекитюв умумийлеш-тирюв.

Сез тамырыны бельгилей, тамырдаш сёзлернинъ мисаллерини кетирге.


30

Ким? кимлер? не? нелер? суаллерине

джевап берген сёзлер

Исим.

Хас исимлер.

Исимлерде сайы.

Исимлерни таный ве ишлете, нутукъта къуллана ве джумлелер тизе.


31

Не япа? не япалар? киби суаллерге

джевап берген сёзлер

Фииль.

Фииль заманлары.

Фиильнинъ мусбет ве менфий шекиллери.




Фииллерни таный, нутукъта къуллана, джумлелер тизе.


32

Насыл? суалине джевап берген сёзлер

Сыфат.

Сыфат. Аудирлев.

Сыфат.

Сыфатларны таный, язмагъа биле ве нутукъта къуллана.


33

Сёзнинъ тамыры. Тамырдаш сёзлер




34

Текрарлав.

Кечильген дерслерни тек-рарлав.

Умумийлештирюв. Нетидже дерси.

Кечкен дерслернинъ мевзуларыны текрарлай.





57 вебинаров для учителей на разные темы
ПЕРЕЙТИ к бесплатному просмотру
(заказ свидетельства о просмотре - только до 11 декабря)


Автор
Дата добавления 24.10.2015
Раздел Классному руководителю
Подраздел Рабочие программы
Просмотров219
Номер материала ДВ-093461
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх