Работа детей, которая представлена на конкурс "Мой любимый учитель"

   «Синтэм писейесты» дышетиз гожъяськыны но лыдзиськыны…

Туннэ кадь ик тодамы ваиськом нырысети классэ мынэммес. Нырысети дышетисьмы Ольга Владимировна милемыз школа азьын пумитаз. Лякыт но чидась луэмзэ  соку ик валамы. Со милемлы кыкети анай интыын вал. Ми шумпотэммес но, куректонмес но солы вераны тыршылим. Нош дышетисьмы лач-лач кылзиськыса, милемлы зеч сямъес юнматыны тыршиз урокын, валэктонъесмес сак кылзыса, зеч кылъес вералляз. «Синтэм писейесты» дышетиз гожъяськыны но лыдзиськыны, вераськыны но кырзаны, ужез яратыны.

   Али витети классэ вуыса ни, выльысь но выльысь берытскиськом покчи классъесы. Мусо, чебер дышетисьмес нокинэн но номырин ом воштысалмы.    Урокъёсаз празднике кадь ветлимы, портэм чошатсконъесы, научно-практической конференциосы пыриськылимы. Котькуд дышетскон ар ортчем бере, экологической походэ ветлылим. Огъя вераса, котькуд минутмес пайдае ортчытъямы.

Али солэн нырысети класс, но милемыз уг вунэты. Котькуд переменае ми со доры бызьыса мыниськом, нош со юа милесьтым дышетсконмес. Туж мозмиськом солэн урокъёсызлэсь, нош  визь-нод сётэм кылъёсыз милемлы юртто азьлань вамыштыны.

Ольга Владимировна, ти  сабырлы дышетись, визьмо анай, зечкыласьком Анайлэн нуналэныз. Сизиськом юн тазалык, сюлмады котьку мед луоз яратон, вань ужъёсты мед пормозы, малпанъёсты мед быдэсмозы, нырысети классты шумпотон гинэ мед ваёз.

  5-ти класс

Сарсак-Омга черкогурт

Агрыз ёрос