Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Другие методич. материалы / "Рахмет саған әліппе !"

"Рахмет саған әліппе !"

  • Начальные классы

Поделитесь материалом с коллегами:

Тақырыбы: Рахмет саған, Әліппе!

Мақсаты: Оқушыларға әліппе мен ана тілі пәнінің маңызын

түсіндіру. Ата-аналарға балаларының игерген білімдерін

көрсету. Әліппеге деген сүйіспеншілік сезімін тудыру.

Эстетикалық талғамдарын тереңдете түсу.



1 - бастаушы: Өзгеріп жатыр бүгін қала, қырым,

Құп алып елімнің даналығын.

Бет алып болашаққа бара жатыр,

Аяулы алты жасар балалығым.

2 - бастаушы: Мен бүгін бұрынғыдан саналымын,

Қоңырау болып күмбірлейді жаңа күнім.

Дәптердің жазылмаған ақ парағы,

Аяулы алты жасар балалығым.

3 - бастаушы: Үйретіп алғаш бізге әліппені,

Мұғалім ғылымға жол салып берді.

Адамның ой-арманы, мақсаттары,

Оқудың сәулесімен жарық көрді.

1 - бастаушы: Бүгін біз шексіз қуаныштымыз, өйткені алғаш хат танытып сауатымызды ашқан әліппені бітірдік.

3 - бастаушы: Мен енді өзім-ақ оқып, жаза аламын.Ертегі, әңгімелерді өз бетімен оқитын болдым.

Бәрі: Біздер кітап оқуды, өлең жаттауды, сурет салуды, ән айтуды үйрендік.

Мұғалім: Жарайсындар, балалар! Балалар мына жұмбақтың шешуін таба қойыңдаршы.

Бар білімнің бастауы,

Бар ғылымның бастауы.

Жас балаға нұр шашқан.

Қандай кітап тіл ашқан?

Бәрі: Әліппе!

Мұғалім: Дұрыс, балалар,енді ортамызға өздеріңнің сүйікті достарың Әліппені шақырайық.

Балалар: Келіңіз, Әліппе, келіңіз!

Әліппе: Сәлеметсіңдер ме, менің сүйікті достарым!

-Мен әуелі әріптерімді түгелдеп алайын.

-Дауыстылар қайдасыңдар?

-Біз мұндамыз!

-Дауыссыздар қайдасыңдар?

-Біз мұндамыз.

-Жіңішкелік белгісі мен айыру белгісі жоқ қой?

1-оқушы: Олар ойнап жүр!

Әліппе: Олар тойға қатыспай неге ойнап жүр?

1-оқушы: Біз барлық сөзде жазыла бермейміз деп өкпелеп жүр.

-Біреуің барып шақырып келе қойыңдар!

-Жіңішкелік белгісі, айыру белгісі, сендердің де өз ойларың бар. Қапа болмай, орындарыңа тұрыңдар!

-Балалар, мені оқыдыңдар, менен не үйрендіңдер?

Барлығы:

- Дыбысты танытып, буыннан сөз құрауды, сөзден сөйлем құрауды, ана тілімізде дұрыс сөйлеуді үйреттіңіз!

1-бастаушы: Әліппе, балалар өзің туралы өлең, тақпақ үйренді. Енді соны тыңдасаңыз.

1-оқушы: Әріптерді жаттаймыз, есте мықты сақтаймыз.

Ұмытпаймыз бәрін де - атын, затын, түрін де.

Ата-ана атын сен, бізге үйреттің Әліппе!

Бізге нағыз жақын сен, сенен білдік әріпті.

2-оқушы: Ыстық әрбір беттерің

Жазуыңды ұғамын.

Ақыл бердің, Әліппе

Ақылды сен, мұғалім.

3-оқушы: Ізгілікті ойға тоқитын,

Шәкірт боп үздік оқитын.

Әліппе атты кемемен,

Кеземін білім мұхитын.

4-оқушы: Үйретті бізді әліппе

42 дербес әріпке.

Сөз, сөйлем құрап әріптен

Лайық болдық дәріпке.

5-оқушы: Оқитын әрі жазатын,

Білімге қол созатын,

Оқушы болдық сауатты,

Білімнің кенін қазатын.

6-оқушы: Іші толы әріпке, мынау әйбат әліппе,

Барлық ілім-білімнің әжесі осы әліппе.

Іші толы әріпке, жақсы кітап - әліппе,

Әліппені ашамыз, мектепке біз барамыз.

7-оқушы: Әліппе даңғыл жол ашты,

Жаңадан пәндер жалғасты.

Әліппе сырын ұқтырған.

Бәрі: Рахмет, ұстаз алғашқы!

Ән. "Мұғалім - ол біздің"

Әліппе: Жақсы достар, тағы қандай өнерлерің бар?

Оқушылар: Жұмбақтар үйрендік, кейбіріміз жұмбақ құрастырдық.

8-оқушы: Сүңгіген жетер әрең,

Теңіздей түбі терең. (Оқу)

9-оқушы: Қабат-қабат қаттама,

Ақылың болса аттама. (Кітап)

10-оқушы: Ортасында шегесі,

Жіп-жіңішке денесі. (Қаламсап)

2-бастаушы: Әліппе, кейде біздің әріптер айрысып та қалады. Енді солардың айтысын тыңдаңыз.

Әліппе: Жарайды, оны да тыңдайын!

11-оқушы: Алфавиттің "А" тұрады басында,

Әрқашанда "Ә" тұрады қасында.

Байқадың ба, "Б" тұрады үшінші

Ал осының сыры неде түсінші?

12-оқушы: "А" деген ол аналар ғой ардақты,

"Ә" деген ол әкелер ғой салмақты,

"Б" деген ол балалар ғой әдемі,

Біздің елде үшеуі де кәделі.

13-оқушы: Алшақ кетпей

Сондықтан да расында,

Тұрады олар алфавиттің басында.

Әліппе: Балалар, сендерге мен ризаиын. Мені жақсы игеріпсіңдер. Ана тілінде өте жақсы сөйлейді екенсіңдер. Талапты екенсіңдер. Енді басқа кітаптарды да мен сияқты оқыңдар!

Мұғалім: Балалар, сендердің білімдеріңді, өнерлеріңді көріп, Әліппе сендерге өте риза болып кетті.

Бұдан былай менің қолымдағы Ана тілі кітабын оқитын боласыңдар. Бұл пәнді де жақсы оқиды деп сенемін.

Оқушылар: Иә, апай, "Ана тілін" де жақсы оқимыз.

14-оқушы: Ана тілін біліп қой,

Бостандығың теңдігің,

Ана тілін біліп қой,

Мақтанышың елдігің!

15-оқушы: Ана тілің - арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте!

Ән: "Ананың тілі"

Мұғалім: Балалар, сендерге математика елінен математика қонаққа келіп тұр.

Оқушылар: Келіңіз, математика!

- Достарым, мені қалай меңгердіңдер?

- Жақсы меңгердік. Санаймыз, есеп шығарамыз.

Бір дегенім - бесік,

Шықтық содан өсіп.

Екі дегенім - елім,

Далам, тауым, көлім.

Үш дегенім - үміт,

Үміт артар жігіт.

Төрт дегенім - төзім,

Төзе білем өзім.

Бес дегенім - бақыт,

Бағалайтын уақыт.

Алтын дегенім - ақыл,

Тыңдағаның мақұл.

Жеті дегенім - жалау.

Жүректегі алау.

Сегіз дегенім - сөзің,

Серт беретін кезің.

Тоғыз деген - тоқтау,

Елдің жоғын жоқтау.

Математика:

Он дегенім - Отан,

Қорға соны ботам.

3- бастаушы: Балалардың алғашқы ұғынып, меңгерген асыл сөздері: Ана, Отан, Мектеп, Бала.

- Балалар осы сөздерді қатыстырып өлең, тақпақ жаттап оны мақтанышпен айтып жүр.

Отаным - алтын бесігім!

Ана - баланың бақыты!

Мектеп - білім бұлағы!

Бала - елдің болашығы!


Жарқын жүзді жан анам,

Сендей болсын бар адам.

Сендей болса бар адам,

Шаттық кетпес баладан.

Оқушы: Отан - менің ата-анам,

Отан - досым, бауырым,

Отан - өлкем, астанам,

Отан - туған ауылым.

Оқушы: Қош бол, Әліппем!

Көп нәрсені үйреттің.

Таныстырып әріппен

Тақылдатып сөйлеттің!

Бәрі: Қош бол, құтты Әліппем!

Ән. "Рахмет саған, Әліппе!"

Концерттік бағдарлама:

1. Вальс

2. Ән. "Ұстазым"

3. Би. "Отырар"

4. Ән. "Ақбұлақ"

5. Би. "Наурыз"

6. Ән. "Мен қазақтың қызымын"

7. Би. "Ша-ла-ла"

8. Ән. "Апатай"

9. Көрініс. "Шешендік сөз"

10. Вальс. "Нәзіктік"

11. Ән. "Бала тілегі"

Выберите курс повышения квалификации со скидкой 50%:

Автор
Дата добавления 07.11.2015
Раздел Начальные классы
Подраздел Другие методич. материалы
Просмотров301
Номер материала ДВ-131721
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх