Разработка к уроку "Анне"

Ах, аннеçĕм, анне

Ырă чунлă анне.

Эп сана юратса

Çак сăвва шăрçалап.

Çырла пек сан туту

Чечек пек сан сăнну.

Юмахри Пирĕшти

Эсĕ маншăн анне

Сан утту акăш пек

Утса мар, ярăнса

Эс пыран урампа

Куллупа илĕртсе.

Эсĕ ăшă хĕвел

Çутă çăлтăр пулан.

Сан пекки пурнăçра

Текех çук тĕнчере.

Ирхине эс тăран

Ĕçсене пуçтаран.

Ыр сăмах каласа

Шкулалла ăсатан.

Эс, анне, чи хитри

Юрататăп сана

Яланах пиллĕкпе

Саăнтарăп сана.

Çемьери ачсене

Юратан эс пĕр пек.

Пурте-чи çывăххи

Пурте – чи лайăххи

Ах, мĕн чухлĕ ĕçсем

Кунĕпе эс тăван.

Мĕнлерех ĕлкĕрен

Пур ĕçе эс тума.

Утса мар, эс чупса

Кашни кун-çке çапла

Вăй-хăват иксĕлми

Сан тапать-çке пĕвре.

Е ачу чирлесен

Çĕрĕпе куç хупмасть.

Ах, мĕнле сыватам

Шухăшлан ир те каç.

Ял çинче хисепре

Эс пулатăн анне.

Ваттипе –ватти пек

Çамрăкпа- çамрăкла.

Утмăла эс çитен

Лăш курман-çке ларса.

Паян кунта санра

Вăй тапать чĕрере.

Эс ан ватăл, анне

Çамрăк пул яланах.

Пурнăç çук тĕнчере

Сансăр пĕртте анне

Аннене хисепле

Хăвнах ыра пулĕ

Ахальтен каламан

Ваттисем çак с(ă)маха.

Юратар аннене

Юратар аттене

Вĕсен ăшă кулли

Савăнтарччăр пире.

Сыв пулсан аннесем

Сыв пулаç ачисем

Телей çеç эп сунам

Манăн хаклă çынсем….