Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Другое / Другие методич. материалы / Разработка на тему "Армысың,әз науырыз!"

Разработка на тему "Армысың,әз науырыз!"

  • Другое

Поделитесь материалом с коллегами:

Сабақтың тақырыбы: Армысың, Әз Наурыз!

Мақсаты: Оқушылардың наурыз мерекесі жөніндегі білген – түйгендерін толықтыру, мерекедегі айтылатын ұлағатты салт – дәстүрді құрметтеуге тәрбиелеу.

Көрнекілігі: « Ұлыс оң болсын,ақ мол болсын!» мақал – мәтелдер,жұмбақтар,ұлттық киімдер,құрақ көрпеше, бесік.

Жүргізуші: Құрметті оқушылар! Наурыз мерекесі құтты болсын!Күлімдеген шуақты көктеммен бірге қазақ даласына жаңа жыл келді.Әр адам келер жылдан үлкен үміт күтіп,оны ақ тілекпен,ақ ниетпен қарсы алады.

1 –оқушы: Бүгін күн – түн теңелді,
    Жер шуаққа кенелді,
    Соны тойлар ел енді.

Жүргізуші: 22 наурыз күн мен түн теңелетін күн. Ендеше күн мен түннің әңгімесін тыңдайық.

Күн: Сәулесі мол күнмі 
Түн : Жұлдызы мол түнмін.
Екеуі: Бірдей болып бізде 
            Теңелеміз бүгін

Түн: Ал ертен күн ұзақ 
Күн: Түн қысқарар бірақ
Екеуі: Ұйқы қанбай қалып,
Жүрмеңдер тек жылап

2 – оқушы: Өмір бағы жайнасын,
                     Бақта бұлбұл сайрасын
    Өркендесін тіршілік,
    Өсіремін бір шыбық

3 – оқушы: Тыныш болсын даламыз,
    Таза болсын ауамыз!
    Түгел болсын нуымыз,
    Тұнық болсын суымыз.

4-оқушы:Келді наурыз жар салып,
        Би билейік, ән салып
        Жылда келсін Ұлыс күн
        Тұрайық есен қарсы алып.



Би: «Қара жорға»

Ән: «Наурыз»

Жүргізуші: Тойды одан әрі « Бесікке салу» ырымымен жалғастырсақ деген тілек бар.

Үйдің ішінде дастархан жаюлы.Қыз – келіншектер кәде – жораларым, шашуларын алып келіп жатыр.                                                                                                                       Келгендер: Сәбидің бауы берік болсын! 
Үйдегілер: Төрлетіңдер, төрлетіңдер!
Дастархан басындағы әңгіме: 
Әжесі: Баланы бесікке салайық.Баланы алғашқы бөлеу ұрпақ өсірген үбірлі – шүбірлі қадірмен апаға тапсырылатын ырымы бар.Ендеше Амина апа сіз көпті көрген, ұлын ұяға, қызын қияға қондырған қадірменді апасыз. Бесікке сіз салыңыз, мына қыз – келіншектерге сіздің жолыңызды берсін.

Амина апа: Кәне, бесікті әкел.Бесік - өмірге жаңа келген періште сәбидің ақ отауы,оны ер      жеткенде ардақ тұтар асыл бұйымы,мұны білген абзал.

Балалар: Апа мына бесік тесік қой.
Амина апа: Ол әдейі жасалған тесік. Бұл тесік балаларға алаңсыз ұйқы сыйлайды.Алдымен тыштырма жасайық./ тыштырма ырымы түбектің тесігінен «тышты ма?» деп тәтті тағамдар өткізіп, балаларға үлестіріледі/Бұл жас нәрестенің ішкі ағзалары ауырмасын дегендігі.

Амина апа енді отқа табыну ырымдары бар деп, от жағып бесікті бәле - жәледен аластайды.Аластап болғаннан кейін, нәрестені бесікке бөлейді.

Әжесі: Ал Амина мынау сенің сыйың апаға және оның немерелеріне  көйлек жабдық сияқты сый тартылады.


Әжесі бата береді:

Сәбиіміз сүйкімді болсын,
Өнер білімге икемді болсын,
Бәйтеректей бойшаңданып,
Өрен, өршіл,өркенді болсын!
Жақсы жолды таңдасын,
Жамандықтан тәлім алмасын! 

Әжесі: - Ал енді, қызым бесік жырыңды айтып,сәбиіңді ұйықтата қой.
Амина апа: Сәби бесікте жатқанда анасының ұлағатты әнін естіп бойына тәрбиелік , рухани ана тілінде қабылдайды.

Қыз – келіншектер: Рахмет сіздерге . Бүгін біз сіздерден көп нәрсе үйрендік.

Әжесі: Біз сіздерге көп нәрсе үйретеміз,сіздер балаларыңызға үйретіп отырыңыздар.Сонда ата – бабамыздың қалған қазақтың әдет – ғүрпы,дәстүрі,мәдениеті,тілі өлмейді.

Ал балалар! Біз бүгін көп дүниені білдік.


Хор: « Анашым»

Ұлттық ойын: « Қамшы алу».

Ойын шарты:Балалар екі топқа бқлінеді.Әр топтан екі немесе төрт баладан ортаға шығады.Бір-біріне арқаларын тіреп тұрады, қамшыны аяқтарының ортасына қояды.Берілген белгі бойынша қамшыны жылдам алып, жоғары көтеру керек. Кім тез алып көтерсе,сол баланың епті болғаны.


Жүргізуші: Құрметті көрермендер, бүгінгі біздің кешіміздің мақсаты- Ұлтымыздың салт – дәстүрін еске салып, ұлттық мұраны қайта жаңғарту.Осымен ұлыстың ұлы күніне арналған «Армысың,Әз Наурыз,» -атты кешіміз аяқталды. Жылдан жылға аман – есен жете берейік! Келіп тамашалағандарыңызға рахмет! «Үлыс оң болсын, ақ мол болсын» еліміз тыныш болсын! Сау болыңыздар.


Выберите курс повышения квалификации со скидкой 50%:

Автор
Дата добавления 19.01.2016
Раздел Другое
Подраздел Другие методич. материалы
Просмотров108
Номер материала ДВ-356023
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх