Разработка по казахскому языку на тему "Менің Отаным"

«Менің Отаным - ҚАЗАҚСТАН»

4 «Б» сыныпта өткізілген қазақ тілінен сабақ

                                                                                            Қазақ тілі мұғалімі:

                    Қанапиева С.К.

Сабақтың тақырыбы: Менің Отаным - ҚАЗАҚСТАН

Сабақтың мақсаттары:Білімділік.Оқушылардың сұрақты саналы түрде түсініп, толық жауап беруін талап ету. Сөйлемдегі сөздердің орын тәртібін меңгерту, өткен сөздерді пайдалана отырып, сөйлем құра алуға дағдыландыру.

Дамытушылық. Ауызекі сөйлеу тілін дамыту; лексикалық тақырып бойынша сөйлей алу дағдысын қалыптастыру.

Тәрбиелік. Туған өлкесіне деген сүйіспеншілік, мақтаныш сезімдерін ояту.

Сабақтың типі: дәстүрлі емес сабақ

Сабақтың түрі: пысықтау сабақ

Пән аралық байланыс: тарих.

Сабақтың әдістері: Мәнерлеп оқу, сұрақ - жауап, аудару, ойын, жаттау, жазу.

Сабақтың көрнекілігі: Суреттер, фотолар,

Сабақтың барысы: І Ұйымдастыру кезеңі.

1.     Амандасу

2.     Кезекшімен сұхбаттасу

3.     Фонетикалық жаттығу. Дыбыстарды әндетіп айту.

Сабақтың ұраны:   

«Отан – жерім, Отан – суым,

Отан – қуат, нәр береді.

Отан – ұран, Отан – туым,

Отан мәңгі гүлденеді»

 Тақырыбы: Менің Отаным –Қазақстан

Мақсаты: Балаларға Қазақстан Республикасы туралы  білім беру.

Балалардың тіл байлығын,сөзді бйланыстырып сөйлеу қабілетін дамыту, туған елін,жерін сүюге тәрбиелеу.

Көрнекіліктері: рәміздер,суреттер, Отан  туралы мақал-мәтелдер.

-Арайлап таң атты,

Алтын сәуле таратты

Жарқырайды күніміз,

Жарқырайды  даламыз

Біз бақытты баламыз,-дей  отырып, « Менің Отаным –Қазақстан » атты сабағымызды ашық  деп жариялаймыз.

Қазақстан Респуликасының мемлекеттік әнұраны  орындалады.

-Балалар  ,сендер қандай ән орындадыңдар?

-Қазақстан Республикасының әнұранын орындадық.

Дұрыс айтасыңдар, балалар. Әрбір республиканың өз ерекшелігін білдіретін әнұраны, туы, елтаңбасы болады. Біз оны рәміздер деп атймыз. Осы рәміздер  туралы жеке-жеке түсінік беріп өтейін.

-Мынау – біздің туымыз. Тудың түсі аспанның түсіне ұқсайды. Көк аспандай көгілдір, ортасында күн, астында бүркіт  ұшып келе жатыр.

-мынау-елтаңбамыз. Елтаңбада шаңырақ, күн сәулесі, бес бұрышты жұлдыз, «Қазақстан » деген жазу бар.

-Балалар, біздің Отанымыздың астанасы қай қала ?

-Астана қаласы

-Ел бөбегі бүлдіршін жас баламыз,

Астанамыз Астана – бас қаламыз.

-балалар, үлкен  мерекелерде туымыз көтеріліп, әнұранымыз орындалады. Рәміздерімізді үлкен де,кіші құрметтеп жоғары ұстауы тиіс.Ал әнұранды  біз білеміз.Сендер елтаңба мен туды әрқашан  қастерлеуге тиіссіңдер.Қазақстан республкасының рәміздері туралы  кім тақпақ біледі?

Дамир:

Көк туымыз бетінде,

Қыран бүркіт қанатты.

Сол қырандай еркіндеп,

Біз өсеміз талапты.

Алена:

Айнымайды аспаннан,

Біздің тудың бояуы.

Оны  халық қашанда,

Биікке іліп қояды.

Виталий:

Елтаңбасы елімнің ,

Қандай әйбат әдемі

Тұнығындай  көңілдің ,

Ортада аспан әлемі

Данияр:

Құт береке шаңырақ,

Орын алған ол төрден.

Қанатты қос арғымақ,

Екі жақтан көмкерген.

-Жарайсыңдар, балалар. Біз Қазақстанда тұрамыз, демек, Отанымыз  -Қазақстан, халқымызда « Отан отбасынан басталады» деген мақал бар.Сендер үлкен болып өскенде Отанымызды қорғайтын азамат боласыңдар. Отан деген не? Қалай түсінесіңдер?

оқушы: Отан деген менің үйім,туған жерім.

оқушы: Менің жүрегім Отан деп соғады.

 Игорь:

Азаматқа лайық ,

Отанымның ұлымын.

Отанымды қорғайтын,

Азаматтың бірімін.

Отан деген –Атамекен,

Отан деген-туған жер.

Отан –ана,отан –үлкен,

Қазақстан – туған ел.

-Балалар ,Қазақстан Республикасының ел басшысы кім?

-Нұрсұлтан Назарбаев атамыз

Елбасымыз туралы кім тақпақ біледі ?

Алена :

Шықты тарап ой данадан,

Бер қарады жұлдыз беті,

Өзі қалап сайлап алған,

Елімнің бар президенті.

-Балалар,өте жақсы.Егеменді елдің басты белгісі-тіл.қазақ тілі мемлекеттік тіл болып саналады. Қазақ тілі –біздің ана тіліміз.

оқушы:

Тілім барда мақтанам,

Тілім менің аппақ ән

Бірлігім бүгінгі,

Ана тілім сақтаған.

Оқушы:

Ана тілің арың бұл,

Ұятың боп тұр бетте,

Өзге тілдің бәрін біл

Өз тіліңді құрметте.

-Балалар,сендер отан туралы жан-жақты білетіндеріңді көрсеттіңдер.Енді Отан туралы мақал-мәтел айтайық.

Отан –оттанда ыстық.

Отан –елдің анасы,

Ел-ердің анасы.

Туған елдей ел болмас,

Туған жердей жер болмас.

-Міне , балалар , өміріміздің жалғасы ,еліміздің қорғаны, тірегі болыңдар.

Абай атамыз айтқандай «Сенде бір кірпіш дүниеге,кетігін тапта ,бар қалан»деп ,бүгінгі балаларымыз қоғамымызға кірпіш болып қалана берсін деген тілекпен сабағымызды аяқтаймыз.