Іс-шараның тақырыбы: Өміріңді
сақтау қолыңда, жол тәртібін орында!
Мақсаты: Оқушылардың
жол-көлік жарақаттануының алдын алу жұмыстарын жандандырып, олардың жол
қауіпсіздігі ережелерін насихаттауға деген қызығушылықтарын арттыру.
Міндеттері:
-балалар жол-көлік жарақаттануының алдын алу;
-жас инспекторлар жасағының қызметін белсендіру;
-жолда жүру ережесін мемлекеттік автоинспектордың түсіндіруін
қамтамасыз ету;
-жасақ мүшелерінің білімін арттыру;
-танымдық көзқарастарын дамыту.
Түрі:
сайыс сабақ
Барысы:
1.Ұйымдастыру.
2.Кіріспе сөз. Сабақтың тақырыбы мен
мақсатын хабарлау.
-Балалар, бүгінгі сабақта біздер жолда жүру ережелер қаласына
барамыз. Жол ережелер қаласындағы сендерге дайындап отырған тапсырмалары
бар. Сендерді жол тәртібі бойынша білімдеріңді сынамақшы. Сыннан өтуге дайынбыз
ба?
-Жол ережелер қаласының тапсырмаларын 2-топқа бөлініп, сайысқа
түсеміз.
Бағдаршам аты,
Көп көзі бар батыр.
Тоқ болғанмен заты,
Өзінде көп ақыл,
Тұрады ол дәйім.
Бұрышында жолдың
Қиып өткен сайын
Қарайтұғын балғын.
-Сонымен балалар, біздер бағдаршамды «көп көзі бар батыр» екен
дедік. Кім айтады бағдаршамның неше көзі бар?
-Ендеше, біздің топтарымыз осы бағдаршамның көздеріне байланысты
атауларын алып отыр. Қай топтың мүшелері тапсырмаларын дұрыс орындаса, «Үздік
жүргіншілер» атағына ие болады.
- Сайысты бастамас бұрын әділқазылар алқасын сайлап алайық.
1. Мектептің тәрбие ісі жөніндегі орынбасары Қарашинова Алмагүл
Серікбайқызы
2. Мектеп инспекторы Мырзаболатов Берік Жұмаханұлы
3. Дене тәрбиесі пәнінің мұғалімі Жүсіпов Дәулет Ерсінұлы.
Арманға алда күткен асығармыз,
Біз талай толқын атпай басылармыз.
Жолда жүру ережесін жақсы біліп,
Сақтыққа тұра алатын жас ұланбыз.
Жалғайтын достастырып бар елменен,
Жолдардан тұрады ғой әлем деген,-деп
сайыстың кезеңдерімен таныстырып өтейін.
1.Реттеуші инспектор қызметкерінің сауалы
2. Қала әліппесі (топ басшыларымен жарыс)
3. МАИ емтиханы
4. Сен білесің бе?
5.Тапқыр болсаң, тауып көр! (жұмбақтар сайысы)
6. Шығармашылық жұмыс (өлең құрастыру)
Таңдап алған бағдаршамның көздерінің белгілеріне лайықты ма
екенін білейік .
Мұғалім: -Бағдаршамнан басқа жолда кім тұрады? Реттеуші инспектор
қызметкері ала таяғымен тұрады. Келесі сайысымыздың
бөлімі «Реттеуші инспектор қызметкерінің сауалы» деп аталады. Өздерің
қалап алған ұпай бойынша сұрақтарға жауап бересіңдер.
1. Мына белгі нені
білдіреді? (Абайла, балалар!) 5 ұпай
2. Мына белгі нені білдіреді?
(қозғалысқа тыйым салынады) 5 ұпай
3.Сымға асылып, жүр асығып. (троллейбус) 10 ұпай
4.Мына көліктер қалай аталады, көлік оқиғасына тап болған
адамдар қандай телефондарға қоңырау шалады? (Өрт сөндіру-101, жедел жәрдем-103,
МАИ-102 ) 10 ұпай
5.Автобусқа қай есіктен мініп, қай есіктен түседі? (алдан түсіп,
арттан мінеді) 15 ұпай
6. Жол белгілерін атқаратын қызметіне қарай неше топқа бөлінеді?
(7 топқа) 15ұпай
-Балалар, жол ережелер қаласында да қала әлііппесі бар. «Жол белгілерді» қала
әліппесі дейміз.
-Ендеше, «Жол белгілер» атты бөлімде топ басшылары сайысқа түседі. «Жол
ережелері»
қаласындағы жол белгілер бойынша білімдерін сыналады. Өздерін таңдап алған
белгілер
бойынша белгілерді тауып жинақтап МАИ бастығына тапсырасыздар. Жол белгілерін тапқандарын
тексеріп жіберейік:
Тыйым салу белгісі
Қызылмен
боялған шеңберім аумақты,
Тыйымшыл
белгімін, қаталмын, салмақты.
Мен
тұрған жерлерде хақың жоқ жүруге,
Қауіп
бар бағдарла, көз салып жан-жақта.
Көрсеткіш белгісі
:
Баратын жерінің бағыты тұрағын
Үн-түнсіз жол сілтеп, жол нұсқап тұрамын.
Күндіз де, түнде де от болып жанады,
Көк түске боялған төртбұрыш шырағым.
-Адамға машинаны жүргізуге қандай құжат керек? Жүргізуші
куәлігі. Ендеше, келесі 4-кезеңіміз МАИ емтиханы. МАИ етиханын сәтті тапсырсаңдар,
МАИ бастығы жүргізуші куәлігін табыс етеді.
3-кезең МАИ емтиханы. Сауалнама
1.Жүргіншілер деген кім?
А) машина жүргізетін адамдар В) көшеде жаяу жүрген
адамдар С) белгілер
2. Мына белгі нені
білдіреді?
А) кіруге тыйым салынады В) басты жол С) жол
беріңіз!
3. Көлік жүріп келе жатқанда жолаушыға жүргізушімен сөйлесуге
болады ма?
А) болады В) болмайды С) білмеймін
4.Жолаушылар таситын қоғамдық көлікті қай жерден күтіп, міну
керек?
А) аялдамалардан В) кез-келген жерден С) дүкен
алдарынан
5. Қала көшелерінде жаяу адамдар қандай жолмен жүруге тиіс?
А) кез-келген жолмен В) тротуармен С) автомобиль
жолдарымен
6. Қала көшелерінде велосипедпен жүруге неше жастан бастап рұқсат
етіледі?
А) 10 В) 12 С) 14
7. Дөңгелек шеңбер түрінде қызыл түспен белгіленген белгілер
қандай ұғымды білдіреді?
А) ескерту белгілері В) көрсеткіш белгілер С)
тыйым белгілері
8. Мына жол неше қозғалысты? А) 4 В)
2 С)1
9. Қай түс жанғанда машиналар жүреді?
А) сары В) жасыл С) қызыл
4-кезең «Сен білесің бе?». Бұл кезеңде берілген тапсырмаларды сандар, белгілер
арқылы жауаптарын көрсетесіздер. Әр
дұрыс жауап 5 балдық жүйемен бағаланады
5 кезең «Тапқыр болсаң,
тауып көр!» Бұл кезеңде
оқушылар алдына берілген конверттердің біреуін таңдап алады. Ішінде берілген
жұмбақтың шешуін табу керек.
Бағыт беретін белгілер
Ескерту
белгілері
Келесі соңғы 6- кезең «Шығармашылық жұмыс»
Жол ережесіне байланысты тірек сөздермен өлең құрастыру
----------- балалар,
----------- тротуар.
----------- ұмытпа,
-------------- сақта!
Жол тәртібі кімге керек, бірге ойланып көрелік,
Әрқайсысын қылығына әділ баға берелік.
Ережені жақсы білген ортаға шық жас ұлан,
Әділқазы алқасында келесі сөз кезегі деп сөзді әділқазыларға
береміз.
«Үздік жүргіншілерді» анықтау.
Қорытынды:
Қай көше, қалаға барсаңыз да,
Қай ақыл өлшеміне салсаңыз да.
Жол жүру ережесі Заңды тәртіп,
Ол ортақ үлкен-кіші, баршамызға! -дей отыра
әрқашанда жол ережесін сақтап жүріңіздер дегім келеді.
Оставьте свой комментарий
Авторизуйтесь, чтобы задавать вопросы.