Разработка по развитию речи

Тіл дамыту. 3-сынып.

Сабақтың тақырыбы: Өнерпаздық дәстүрлер.

Сабақтың мақсаты: 1. Оқушыларға Қазақстандық өнер адамдарының өнегелі істерін үлгі

ету.

Сабақтың міндеті: 1. Өнерге, өнер адамдарына құрмет сезімін қалыптастыру.

2. Дәлелді, көркем, байланыстырып сөйлеуге дағдыландыру;

3. Өнерді сүюге, бағалауға және өз бойларына сіңіре білуге

тәрбиелеу.

Сабақтың түрі: тренинг-сабақ.

Сабақтың әдісі: сөздік, «бес жолды өлең», «топтастыру» стратегиялары ,»ой шақыру».

Сабақтың көрнекілігі: С.Асанова, Құрманғазы, Ә.Қастеев суреттері, Ж.Баласағұни

нақыл сөзі, «Алтын адам» , домбыра, бейнелеу өнері суреттері.

Пәнаралық байланыс: музыка, сурет, еңбек.

Сабақтың барысы:

І. Қызығушылықты ояту

Ой шақыру. Бесік жыры.

«Әлди, әлди, ақ бөпем,

Ақ бесікке жат бөпем.

Жылама, бөпем, жылама,

Жілік шағып берейін,

Байқұтанның құйрығын

Жіпке тағып берейін.

Өнерлі бол, ақ ботам,

Бақытты бол, ақ қозым» (әнімен айту).

-Бұл қандай әуен?

-Аналарымыз сәби күнімізден бізді қандай болып өскенімізді армандайды?

-Неге?

-Өнер дегенді қалай түсінесіңдер? Өнерпаз дегенді ше? Сонда бүгінгі сабақ тақырыбымыз қандай?

-Бүгінгі сабақтан не білгілеріңіз келеді?(Оқушы пікірі)

ІІ. Мағынаны тану. Өнер түрлеріне тоқтала отырып , гүл құрастыру.

Топтық жұмыс.

Конверт таратып, ішіндегі қима қағаздарды құрастырып,сол шыққан сурет бойынша білгендерін ортаға салады.

(Конверттегі суреттер І топ-домбыра бейнесі, ІІ топ-Алтын адам, ІІІ топ-бейнелеу өнерінде қолданылатын құралдар шығады)

Домбыра бойынша: - Домбыраға жан бітіре сөйлеткен кім?Күйлері?

«Екі ішектің бірін қатты,

Бірін сәл-сәл кем бұра,

Нағыз қазақ- қазақ емес,

Нағыз қазақ- домбыра».

Ітоп. Айтыс өнерінен ақпарат берді. Домбыра құрылысына тоқталу. Домбыра тарта алатын өнерлі оқушыларға домбыра шерткізуге болады.

ІІ топ . Қолөнер.

Жерлесіміз Сабыркүл Асанованың жетекшілігімен қазақтың ұлттық киім үлгілері шетелдік көрмелерге шығарылып, алдыңғы қатарлы жүлделерге иеленуде. Ол ұлттық киім үлгілерінің 500-ден астам үлгілерін енгізді.

Қолөнер- халық өмірімен, тұрмыс тіршілігімен біте қайнасқан өміршең өнер.

Асанова Сабыркүл Жайлаубекқызы – біздің мақтанышымыз!

Жамбыл облысы, Мерке ауданында туып-өскен.

Мәскеу тоқыма институтын, механико-технологиялық факультетінің тоқыма өндірісінің инженер-технолог мамандығы бойынша 1964-1969 жылдары бітірген.

1964-1969 жылдары – Мәскеу тоқыма институтында оқу

1990 жылдан бері уақытта «Сымбат» сән Академиясының Президенті, «Сымбат» сән

бизнесі Академиясының Президент-ректоры.

Бейнелеу өнері

пейзаж

ІІІ топ .Бейнелеу өнері

Тұрмыстық

жанр

натюрморт

Портрет (келбет)

Ә. Қастеев есімі қазақ үшін әрқашан ерекше болған және болып қала бермек. Әбілхан Қастеев- қазақтың атақты , шыншыл, талғамы бөлек суретшісі. Қазақ бейнелеу өнерінің көш басында тұрған халық суретшісі. Көзден кетсе де, көңілден кетпес мәдени мұра қалдырған ұлы тұлға.

Оның өнері: Таудың бұлағынан

Қойдың құлағынан

Әжемнің киізінен,

Ешкінің мүйізінен – туындаған десек те болар.

Әр топтың өнерінің осы салалары бойынша өнерлерін тамашалау.

І топ. «Ақындар айтысы»

ІІ топ. Ою-өрнекті қарындашпен сызбай, бірден қайшымен қиып,ою;

ІІІ топ. Көркем сөз өнері.

«Суретші ата-Қастеев» өлеңін жатқа оқу.

Сергіту сәті.

ІІІ. Ой толғаныс.

1. Эссе жазу. (Өзінің қандай өнерге бейім екендігі немесе қандай өнер адамына ұқсайды, ұқсағысы келеді).

2. «Бес жолды өлең» стратегиясына салу.

1. Өнер.

2.Сарқылмас, әсерлі.

3.Көрсетілді, бағаланды, таңқалдырды.

4.Өнер алды - қызыл тіл.

5.Өшпес шырақ.

Ақ параққа сурет салуға бейім оқушыларға сурет салдыруға болады.

Кері әсер парағын жинау. Сабақты қорытындылау.