Разработка+презентация урока марийского языка в 3 классе

• 1 слайд

  Кумшо пургыж.
  

• 2 слайд

  Предложенийысе рÿдӧ шомак-влакым ушештарымаш.
  УРОКЫН ТЕМЫЖЕ:
  

• 3 слайд

  Урокын сомылжо:
  - Туныктышо: предложенийыште рÿдӧ шомак-влакым муын моштымо навыкым пеҥгыдемдаш;
  - Шуарыше: предложений-влакым тÿрыснек чоҥен мошташ туныкташ;
  - Куштышо: пашам ыштыше еҥым пагалаш туныкташ.
  

• 4 слайд

  
  Рÿжге каласымаш:
  
  Оҥгыр йÿкшӧ шергылтеш,
  Парт коклаш шинчаш ÿжеш.
  

• 5 слайд

  
  УРОКЫН ДЕВИЗШЕ:
  
  «Кушто уло кумыл, тушто лиеш сай корно!»
  

• 6 слайд

• 7 слайд

  
  ТАКМАК
  
  ОЙ, ЛУЙ МОДЕШ,
  ЛУЙ МОДЕШ,
  КУГУ ЧОДЫРА ВУЙЫШТЕТ.
  ОЙ, МŐР КӰЭШ,
  МŐР КӰЭШ,
  СЫЛНЕ ОЛЫК ЛАПЫШТЕТ.
  
  

• 8 слайд

  
  МУТЕР ПАША:
  
  ЛУЙ -куница (зверёк с ценным пушистым мехом) 
  

• 9 слайд

  ЧИСТОПИСАНИЙ
  
  
  АЛ ОЛМА ГАЙ О БУКВАМ,
  ОМАК МОНДО НИГУНАМ!
  

• 10 слайд

• 11 слайд

  
  Нине мутлам кучылтын, предложенийым чоҥыза:
  
  Жап, погаш, шуын, олмам.
  
  
  
  

• 12 слайд

  
  
  Олмам погаш жап шуын.
  
  

• 13 слайд

• 14 слайд

  ПАР ДЕНЕ ПАША:
  Рвезе _______.
  Пушенге ____.
  Кайык ______.
  
  ______ лудеш.
  ______ пеледеш.
  ______ лектеш.
  
  

• 15 слайд

  РЕФЛЕКСИЙ
  

• 16 слайд

  СУРТ ПАША
  Янлык-влак нерген
  калыкмутым але туштым
  возен толаш
  
  

• 17 слайд

  УРОКЛАН, ТАУ!
  

Муниципальное бюджетное общеобразовательное учреждение

Средняя общеобразовательная школа села Чишма

муниципального района Бирский район Республики Башкортостан

Марий йылме дене 3-шо классыште

виш урокын конспектше

Предложенийысе рӱдӧ шомак-влакым ушештарымаш.

                                                                                            Урокым ямдылен да эртарен

                                                                         Памаш кыдалаш школын

  тӱҥалтыш классыште туныктышыжо

                                                                                    Янсубаева Снежана Леонидовна

Урокын эртымыже

Урокын темыже: Предложенийысе рӱдӧ шомак-влакым ушештарымаш.

Урокын ойыртемже: Шинчымашым ушештарымаш.

Урокын тÿҥ шонымашыже: шомаклаште гласный йӱк нерген шинчымашым ушештараш.

Урокын сомылжо:

- Туныктышо: предложенийыште рӱдӧ шомак-влакым муын моштымо навыкым пеҥгыдемдаш;

- Шуарыше: предложений-влакым тÿрыснек чоҥен мошташ туныкташ;

- Куштышо: пашам ыштыше еҥым пагалаш туныкташ.

Вучымо лектыш-влак:

Предметный: шомакым состав шот дене лончылымым ушештараш, икгай вожан мут мужырым палемдымашым пеҥгыдемдымаш.

Метапредметный:

*Регулятивный УУД: задачым шынден мошташ, пар дене пашам ыштен мошташ;

*Коммуникативный УУД: шке шонымым каласен мошташ, кутырен моштымым тÿрлӧ вере кучылташ;

*Познавательный УУД: мут-влакым ик тÿшкаш чумырен мошташ туныкташ, сÿрет почеш текстым чоҥаш.

Личностный: тунемме пашалан кумылаҥдаш, пашам йӧраташ туныкташ.

Кучылтшаш материал: Емельянов П.Е., Рыбакова Е.Я. «Марий йылме»

 3-шо класслан учебник, компьютерный презентаций, сÿрет, таблице «Гласный йӱк», канде, йошкар да ужар тыртыш-влак, тунемше-влаклан раздаточный материал, такмак, тÿрлö тÿсан тыртыш-влак, ноутбук.

                                  Урокын эртымыже

I.         Уроклан кумылаҥдымаш

 Рÿжге каласымаш:

Оҥгыр йÿкшӧ шергылтеш,

Парт коклаш шинчаш ÿжеш.

– Салам лийже тунемше-влак!

Тачысе урокнан девизше – «Кушто уло кумыл, тушто лиеш сай корно!»

– Таче урокышто мом тунемме нерген ушештарена, садлан ме тендан дене пырля кыртмен пашам ышташ тÿҥалына.

– А полша мыланна весела айдеме – Смайлик.

Кö кузе пашам ышта - тудо аклаш тÿҥалеш.

– Те пашам ышташ ямде улыда? Тугеже корныш!

– Икте-весылан весела паша кумылым тыланена!

II.               Шинчымашым актуализироватлымаш

Айста шарналтена, сурт пашалан мо пуалтын ыле? /Такмакым возен толаш/

1.Такмак почеш паша:

Ой, луй модеш, луй модеш,

Кугу чодыра вуйыштет.

Ой, мöр кÿэш, мöр кÿэш,

Сылне олык лапыштет.

2.Мутер паша:

Луй- куница (зверёк с ценным пушистым мехом).

3.Арун да чаткан возымаш:

Оо буквам возымаш:

Ал олма гай о буквам, омак мондо нигунам (олма сÿрет).

Ик корно Оо возена.

Кокымшо корнеш - Ал олма гай о буквам, омак мондо нигунам.

4. Пуымо мутлам кучылтын, предложенийым чоҥаш:

- Айста мут-влакым лудын лектына.

- Мом каласен кертына?

Жап, погаш, шуын, олмам.

Олмам погаш жап шуын.

5. Проблемный ситуацийым чоҥымаш:

- А ынде предложений нерген мом каласен кертына?

/Предложений шонымашым кошартен каласа/.

- Предложенийыште могай шомакше рÿдӧ? Те кузе шонеда?

- Тачысе урокын темыже могай лиеш?

III.          Урокын темыжым да цельжым каласымаш

Предложенийыште рÿдӧ член-влакым каласымаш.

Тиде темым ушештараш могай цель-влакым шындена?

/ Тунемше-влак цельым шке каласышаш улыт/

1.Предложенийыште главный член-влакым муын моштымашым ушештараш.

2.Нуно могай лийыт, палаш.

3.Арун возен моштымашым пеҥгыдемдаш.

IV.          Проблеман вер гыч лекме проектым чоҥымаш

    Таблице почеш паша

- Рÿдӧ шомак-влак кузе маналтыт? /Подлежащий ден сказуемый/

- Кузе палемдалтыт? /Подлежащийым ик корно дене, сказуемыйым-кок    корно дене/

- Нунын йодышышт? / Подлежащийын – кӧ? мо?

                                       Сказуемыйын – мом ышта?/

V.            Шинчымашым учебник почеш пеҥгыдемдымаш

248-ше паша.

Схемым ончен, пуымо мут-влак дене предложенийым чоҥыза. /Доска воктене лончылымаш/.

Кайык, чоҥешта, изи, кÿшкӧ. /Изи кайык кÿшкӧ чоҥешта/.

Рвезе, лудеш, книгам, оҥай. /Рвезе оҥай книгам лудеш/.

Орола, пий, суртым, лузга. /Лузга пий суртым орола/.

      VI.              Физминутке

Модыш «Рÿдӧ шомак-влакым палыза:

Подлежащийым каласем гын, совыдам перыза; сказуемыйым гын, йол дене тавалтыза.

Кече, кава, лудеш, шудо, ошкылеш, мура, ур, ÿдыр, сÿретла, модеш.

    VII.          Творческий паша

Сÿретым ончен, изи текстым чоҥыза.

- Текстлан могай вуймутым пуаш лиеш?

VIII.       Умылымашым тергымаш

Группо дене паша:

Йошкарге дене – предметым ончыктышо мутым

Ужарге дене – действийым ончыктышо мутым

Канде дене – предметын палыжым ончыктышо мутым

Нарынче дене – почеш мутым.

тул	гыч			рывыж
		куржаш	чевер		тунемаш
	йошкарге			гана
			маска
шолташ		тамле			яклака
	воза
дене		ныжылге		мотор
	гоч		пöрт
пакча		онча

 – А ынде икте-весыдан пашадам вашталтен, тергыза!

    IX.         Темым пеҥгыдемдымаш

Пар дене паша:

Рвезе _______. ( модеш)

 Пушенге ______. (лойга)

 Кайык _______. (мура)

________ ( Кова) лудеш.

________ (Пеледыш) пеледеш.

________ (Кече) лектеш.

   X.     Урокым иктешлымаш

- Таче ме тендан дене мо нерген кутырышна?

- Урокышто мом уым пален налда?

- Шындыме цельышкына шуна мо?

      XI.  Рефлексий

– Тачысе урокышто чыла умылен, моштен пашам ыштенда гын, весела Смайликым налына. Але чылажак чын ыштен огыдал гын, шонышо Смайликым, а эше тыланда полыш кÿлеш гын, ойганыше Смайликым.

XII.        Cурт паша

Янлык-влак нерген калыкмутым але туштым возен толаш.

XIII.    Оценкым шындымаш

– Молодцы! Сай пашалан пеш кугу тау!