Тау, «Азбука»!
Королёва
Эльвира Ивановна, Морко район, Коркатово школ, тÿналтыш класслаште туныктышо
Сылнын
сöрастарыме зал. Пырдыжышке «Азбука» учебникын обложкыжым сÿретлен сакыме,
пеледыш да шар дене сылнештарыме. Йырвашыже икмыняр буквам сакалыме.
Туныктышо: Салам
лийже! Ме таче тендам «Азбукылан» пöлеклаште пайремышкына ÿжын улына. Мемнан
пеш кугу куан: икымше классыште тунемше йоча-влак эн первый книгаштым - «Азбукам»
тунем пытареныт.Ынде нуно шкеак книгам лудын моштат.
Айста колышт лектына,
мом нуно тиде кÿчык жапыште тунем шуктеныт.
1-ше тунемше: Сылне шыже
кечын
Авам
школышко конден.
«Ынде
школьник мый улам!»-
Кугешнен
ойлен кертам.
2-шо тунемше: Кажне
кечын мый эрден
Школышко вашкем.
Сÿретлем, лудам,возем,
Сылне мурым муралтем.
3-шо тунемше: Курчакем
воктек шындем
Да
буквам мый туныктем.
«Теве
А, а теве У,
А
пырля лиеш АУ.»
«Кушто
А букваже» муро йонга.
4-ше тунемше: Ме тунемше
улына,
Книгам
лудаш йöратена.
Туныктышым
колыштына.
Визытаным
налына.
5-ше тунемше: Ынде мый
изижак омыл,
Улам
чулым первоклассник.
Уло
мыйын карандаш
Возгалаш да сÿретлаш.
6-шо тунемше: Ой, книга,
книга!
Чылажымат
тый кертат.
Чыла
еным туныктет,
Чыла
еным тый нöлтет.
1-ше тунемше: А кушто
мемнан «Азбукына»? Тудын деч посна мемнан пайремнажат пайрем гай
огеш чуч.Айста чыланат рÿжге кычкыралына.
Чылан: Азбука!
Азбука! Кушто улат?
2-шо тунемше: Огеш кол
ала-мо.Айста вес семын шÿден ончалына. Ме налына кÿлешан буква-влакым да сценыш
лектын ряд дене шогалына-АЗБУКА мут лектеш.
Азбука: (возымым лудеш
да лектеш) Поро кече, йоча-влак, уна-влак! Саламлем йоча-влакым икымше сенымаш
дене- «Азбука» книгам лудаш тунемме дене! Умбакыжат сайын тунемаш, шуко книгам
лудаш, ава-ачан да туныктышын мутшым колышташ тыланен кодам.
А ынде туштым
туштем , паледа мо?
1-ше тушто: Ош пасу,шем туш.
(книга)
2-шо тушто: Изи пöртым кидышем
Кажне кечын
коштыктем.
Тудо пöртыштö
илат
Альбомат,
ручкат, книгат. (портфель)
3-шо тушто: Шем тÿрван Йыван- пу
тувыран,
Нержым кушко
тушкалта, шем тамгам ыштен кода. (карандаш)
4-ше тушто: Кÿ пашкар шулен пытен
Доскаштет кышам
коден. (пор)
5-ше тушто:Сумкаштет ласкан кием,
Тунемат кузе-
ойлем. (дневник)
6-шо тушто: Тупшо пÿгыр, а картузым
Шöрынрак чиен
шынден.
Мый дневникым
почым-ужым,
Тунеммет мылам
келшен. (визытан)
Азбука: Ой пеш
молодец улыдас! Ончен куанет тендам. Вот те ойледа , что «Азбука» учебникым
лудын пытарен улыда. А букважым чыла паледа мо? Мый тендам изиш терген
налнем.Могай кок тÿшкалан буква-влакым шелаш лиеш?
Чылан: Гласный да
согласный!
Азбука: Пешак чын.
Молодецак улыда аман. А эше мыйым ик семын куандарыза: тунемме кажне буква-
влакым шарналтыза.
3-шо тунемше: Заданийым
шукташ ямде улына.
4-ше тунемше: Буква-влак,
алфавит радам дене выступатлаш ямдылалтса!
5-ше тунемше: Марий
йылме алфавит
Кумло
куд букван улмаш.
Шонет,
паленам мый вик?
Ик
ий коштым тунемаш.
Тунемше-влак черет
дене кажне буква нерген изирак почеламутым каласкалат. Тидын годым ойлышо йоча
буквам вуй ÿмаланже ончыкта.
А Ай,автобус
куатан.
Шич-ян тушко, агытан.
Б Б-ботинкым
эрыктем:
Банке тичак уло крем.
В В манам
гын, вараксим.
Вашлияш ит лек сарсим.
Г Г,
гармоньым шупшыл колто,
А кертат- гитарым шокто.
Д Д буквам
ончыктымек,
Доска дек, дежурный, лек.
Е «Е
буква» рÿж манылдалын,
Ойлена э йÿкым талын.
Ё Ёлка,лётчик,самолёт
Ё буквам возаш ячат.
Ж Ж-жирафым
ужынат7
«Шÿйжö кужу» манынат?
З Зина з
буквам монда гын,
Зебрым веле шарналта.
И И-и-го-го,и-и-го-го
Изи имне магыра.
Й Й-
кÿшыч-кÿшыч, колышт, йÿксын
Йонгалтеш ший онгыр йÿкшö.
К К- каза
йышт ковыштам,
Паледа те. Мом ышта?
Л Л букваже,
ончет, лудын,
А вот лудо ок керт лудын.
М М-молан
маска, меран
Мемнан деч илат коран?
Н Н-нера
гын изи кол,
Нелеш тудым вик нужгол.
Н Н буква
молан шортеш?
Мут тÿналтыш ок верешт.
О О-онай шол
обезьян,
Рÿза онгырым тазан.
Ö Ö-лан
öршым пуэна,
Öпке ок лий,шонена.
П П-палет,
пийна опта.
Пырысна колям покта.
Р Р-лан
рывыж, паледа?
Рокеш рожым ыштеда.
С С шкежат
чылт сорла гай.
Сима, сайын солен кай.
Т Т-тага,тага
тÿк-тÿк.
Тудын дечын мый ом лÿд.
У У ужгам
изи урлан
Кö урген тыге устан?
Ÿ Ÿ-огеш кÿл
ÿчашаш:
Ÿшкыж ÿскырт, такат раш.
Ф Ф-лан
флагше лойгалтеш.
Федя флагым ончалеш.
Х Х-хоккей
ден модаш сай
Хоккеист Харламов гай.
Ц Ц-лан
цифрым ончыктем.
Кÿлеш циркуль- кучыктем.
Ч Ч-чыпча йÿр,
вÿд, Чачи.
Ночко чыве тый ит лий.
Ш Шаньык ш
гай кум пÿян.
Шоншо, пуштым шолто-ян.
Щ Щ буква
келша кöлан
Щётка лач полша тудлан.
Ъ Твердый
знак шенгел тÿкан,
Лудшын йылмыжым тÿка.
Ы «Ыз-з»
манын, изи мÿкш
Ызгалтен колтас.
Ь Ь-мягкий
знакын уло пале.
Йÿкшö уке, тидым пале.
Э Мут
тÿналтыш э йÿкан,
Э буква лиеш тунам.
Ю Ю- юалге
юж Юрам
Покта молан южгунам?
Я Яшлык
тичак я буква.
Яша толын ястара.
Азбука: Молодцы!
Те чынжымак буквамат паледа, лудашат тунем шуында.Ынде мый ласка чон дене
сентябрь марте каналтенат кертам. А вара адакат тендан гаяк изи ньога-влакым
туныкташ полшем.
6-шо тунемше: Ме,
тунемше-влак, чылан
Йöратена
шкенан школнам-
Волгыдо
кумда класснам
Да
икымше туныктышынам!
7-ше тунемше: А эше она
мондо нигунам
Икымше
тунемме книганам.
Кумда
тÿням почметлан
Чылан: Тау,
АЗБУКА, тылат!
Ик тунемше
Азбукалан шке ыштыме пеледыш аршашым кучыкта.
Школ нерген муро дене пайрем мучашлалтеш.
Оставьте свой комментарий
Авторизуйтесь, чтобы задавать вопросы.