Разработка 5 саны және цифры

5саны  және цифры

Бөлімі: ҚМТҚ

Саласы : Таным

Мақсаты: Балалардың қарапайым дағдыларын қалыптастыра отырып,санау ұғымын кеңейту.5саны және 1-ден 5ке дейінгі сандарды «Мақта қыз бен мысық» ертегісінің желісі бойынша қайталау,түсіндіру.Геометриялық пішіндер туралы білімдерін дамыту.Зейінін ,логикалық қабілеттерін жетілдіру. Бір-бірімен жақсы қарым-қатынаста болуға және бірлікке,сыйластыққа тәрбиелеу.

Шаттық шеңбері:

Шеңбер болып тұрайық жылы жүзбен

Бізге келсін қуаныш, нұр іздеген

Шуақ шашқан жанымыз, жүрегіміз,

Үлгі алсын көрген жан мына бізден.

Сәлеметсіздер ме, апайлар!

Сәлеметсіңдер ме, балалар!

Тәрбиеші: Жарайсыңдар, балалар отыра қойыңдар!Балалар мен сендерге жұмбақ жа- сырамын, жауабын табуға дайынсыңдар ма?

Туысқан бес кісі,

Бірінен бірі кіші

Бәрінің аты бір

Ең кішісі шеткісі

Балалар: Бес саусақ

Тәрбиеші: Дұрыс айтасыңдар! Бес саусаққа байланысты санамақ айтайық.

Балалар: Бас бармағым атам

Балан үйрек әжем

Отан терек әкем

Шылдыр шүмек анам

Кішкене бөбек мен.

Бір үйде біз нешеуміз?

Бір үйде біз бесеуміз?

Тәрбиеші: бес санының алдында қандай сандар бар?

Балалар: 1,2,3,4,

Тәрбиеші: Жарайсыңдар! Қане кім санамақ айтып береді?

(Балалар 1-ден 5ке дейін санамақ айтып береді)

(Осы кезде есік қағылып, мысық келеді)

Тәрбиеші: Балалар, қараңдаршы бізге не келді?

Балалар: Мысық

Тәрбиеші: Қане, мысықпен амандасайық

Балалар: Сәлеметсіз бе!

Мысық: Сәлеметсіңдер ме?

Тәрбиеші: Балалар, мысығымыздың көңіл күйі жоқ сияқты.Қане, сұрап көрейік.

Мысық: Мақта қыз екеуміз ренжісіп қалдық.Мақта қыздың қатығын төгіп алдым, ол менің құйрығымды кесіп алды. Құйрығымды қайтарып алу үшін оған қатық апарып беруім керек. Балалар сендер маған көмектесесіңдер ме?

Балалар:- Ия

Тәрбиеші: Қатық алу үшін қайда барамыз?

Балалар: Сиырға

Тәрбиеші: Балалар, қараңдаршы сиырдың тапсырмасы бар екен орындайық

1-ші тапсырма: «Кім ойлампаз»  Логикалық сұрақтарға жауап

Үш бұрыштың неше бұрышы бар?

Бағдаршамда неше көз бар?

Жұлдызшаның неше бұрышы бар?

Мысық: Сиыр,сиыр маған қатық берші?

Сиыр: Менің қарным ашып тұр маған жапырақ әкеліп бер.

Тәбиеші: Жапырақты қайдан аламыз?

Балалар: Ағаштан

Тәрбиеші: 2-тапсырма; Ағаштардың түбінде нелер жатыр?

Тәрбиеші: Қане, пішіндерді атайық

Балалар: Төртбұрыш, үшбұрыш, дөңгелек

Тәрбиеші: Жарайсыңдар

Мысық: Ағаш, ағаш жапырақ берші?

Ағаш: Мен шөлдеп тұрмын, маған су әкеліп бер

Тәрбиеші: Балалар,суды қайдан аламыз?

Балалар: Қыздардан

(Екі қыз су алып бара жатады)

Қыздар: Балалар,біздер шаршап келе жатырмыз

Тәрбиеші: Қыздармен сергіту сәтін орындап жіберейік

1,2,3, қарлығаш боп ұш

4,5,6, қарлығаш боп шалқы,

7,8,9,10 қарлығаш боп қон

Мысық: Қыздар,қыздар маған су беріңдерші?

Қыздар: Бізге сағыз әкеліп берсеңдер,су береміз

Тәрбиеші: Сағызды қайдан аламыз?

Балалар: Дүкенші, сатушы апайымыздан

Дүкенші : 3-тапсырма 1-ден  5-ке дейін орысша санау

Мысық: Дүкенші, дүкенші маған сағыз берші

Дүкенші: Маған жұмыртқа әкеліп берсең ,мен саған сағыз беремін.

Тәрбиеші: Жұмытқаны қайдан аламыз?

Балалар: Тауықтан

Тауық: 4-тапсырма;Менің тапсырмамды орындасаңдар 1ден 5ке дейін тура, кері санау

Балалар: 1-ден 5ке дейін тура және кері санайды

Мысық: Тауық ,тауық маған жұмыртқа берші

Тауық: Сен маған бидай әкеліп берсең, жұмыртқа беремін.

(Мысықтың көңіл- күйі түсіп кетеді)

Тәрбиеші: Мысық ренжеме, кел бізбен бірге ойын ойнайық

Ойын: «Өз орныңды тап»

(Бәр кезде мысық тышқанды көріп қалады, ол тышқанды ұстап алады да , бидай әкеліп беруін сұрайды)

Тышқан менің інімде бір уыс тары бар.

Мысық қуаным кетеді. Тышқан тары әкеліп береді. Оны тауыққы береді,тауық жұмыртқа береді.Жұмыртқаны дүкеншіге береді. Дүкенші сағыз береді. Сағызды қыздарға береді. Қыздар су береді: Суды ағашқа береді. Ағаш жапырақ береді. Жапырақты сиырға береді. Сиыр мысыққа қатық береді.

Қатықты алып , мысық балаларға рахметін айтады

Мысық: Балалар, өте ақылды,білімді екенсіңдер маған көп көмектестіңдер. Рахмет!

Мен енді кетейін мақта қызға қатығын апарап,құйрығымды алайын. Сау болыңдар!

Балалар: Сау болыңдар!

Тәрбиеші: Балалар, бүгінгі ашық ұйымдастырылған оқу іс-әрекетіміз ұнады ма?

                   Жарайсыңдар, мектепке барғанда бес деген баға алыңдар, «5» деген өте жақсы деген бағаны білдіреді, жақсы оқыңдар. Сондықтан да мен сендерге «5» деген баға алып жүріңдер деп ,мына жұлдызшаларды сыйға тартамын.

1-тапсырма: «Кім ойлампаз»

Логикалық сұрақтарға жауап

Үш бұрыштың неше бұрышы бар?

Бағдаршамда неше көз бар?

Жұлдызшаның неше бұрышы бар?

3тапсырма:1-ден  5-ке дейін орысша санау

4-тапсырма:  1ден 5ке дейін тура, кері санау