Мақсаты: Оқушылардың Қазақстан Республикасының мемлекеттік тілі – қазақ тілі туралы түсінігін, оның қоғамдық өмірдегі алатын орынның мәртебесі жайлы ойларын тереңдету Сонымен бірге тақырып төңірегінде ой-өрісін қалыптастырып, қазақ тілінде таза, сауатты сөйлеуге, ойын ашық айтуға баулуды және ойлау қабілеттерін, тіл байлығын дамыту көзделеді.Һ
Көрнекілігі:Плакатқа жазылған ұлағатты сөздер.
Ана тілі жоқ жерде ұлт жоқ.
Ш.Айтматов.
Анамыздың ақ сүтімен бойымызға дарыған тілімізді ұмыту – бүкіл ата- бабамызды ұмыту .
Б.Момышұлы.
Ана тілін білмейтін адам мәдениетті адам санатына қосылмайды .
М.Әуезов.
Қазақстан Республикасының Тіл туралы заңы 1989 жылы 22 қыркүйекте қабылданды.
Сабақтың барысы:
Құрметті қонақтар , мұғалімдер мен оқушылар!
Қазіргі кезде еліміздің түкпір-түкпіріндегі мектептерде, әрбір сыныпта Қазақстан жеріндегі қанша ұлт болса соншама тілдің бар екенін айқындап , құрмет тұтуда . Бұл келешегімізде қазақ тілі , оның мәртебесі , ана тіліміз – мемлекеттік тіл қалай меңгеріп жатқандығы жайлы сөз болады.
Балалар, құтты болсын тілің бүгін,
Ашатын жан сарайын білімдерің .
Кешегі анаң айтқан , бабаң айтқан ,
Тіліне зер салыңдар бұрынғының.
Келесі кезекті оқушылардың өздеріне берейік.
1 оқушы : Қайырлы күн , ұстаздар мен қонақтар! Сіздерге арнап «Ана тілі – жүрек үні» атты тәрбие сағатымызды ашуға рұқсат етіңіздер!
2 оқушы :
Ана тілім – ақ қанатты тұлпарым ,
Биіктерге самғап ұшар сұнқарым.
Ана тілім – ақ сүт берген анамсың,
Ана тілім – махаббатым құштарым.
Ана тілім - әнге қосар ардағым ,
Тек өзіңмен қанаттанар арманым.
Туған тілім , бабам тілім , тал тілім ,
Қазақ үшін баға жетпес бар мәнің.
Тіл менің қасиетті бесігім,
Шаңырағым, ақ босаға есігім.
Ана тілім – ар ұятым, ожданым.
Жоқ қой оны білмегенге кешірім.
3 оқушы:
Ана тілің – арың бұл,
Ұятың боп тұр бетте.
Өзге тілдің бәрін біл ,
Өз тіліңді құрметте.
4 оқушы:
Ең бірінші бақытым – тілім менің,
Тас жүректі тіліммен тілімдедім.
Кей – кейде дүниеден түңілсемде,
Қасиетті тілімнен түңілмедім.
5 оқушы:
Ана тілім бірге жасар өзіммен,
Ана тілім қадір тұтам сені мен.
Ана тілім ардақтысың қашанда,
Орын берем жүрегімнің төрінен.
«Ана тілі» өлеңі.
Өмірге келдім, анамды көрдім,
Деді ол: «жаным, арайлы таңым»
Самал боп желпіп, жырымен ертіп,
Үйретіп тынбай, бал тілін, әнін.
Қ-сы.
Анамның тілі – айбыным менің,
Анамның тілі – ай, күнім менің.
Сүйемін байтақ елімді туған,
Сүйемін мәңгі өмірді думан.
6 оқушы:
Ақыл ойын даналық,
Ана тілден аламын.
Ана тілі ардақты,
Ақ сүтіндей ананың.
7 оқушы:
Өсірген ой – білімді,
Сүйемін туған тілімді.
Мақсат етем әр сөздің,
Мәнін терең білуді.
Үш би.
8 оқушы:
Қазқта атақты үш би бар.Олар:Төле би , Қазыбек би , Әйтеке би.Төле бидің бір сөзі мынандай:
Жаңбыр жаумаса жер жетім,
Басшы болмаса ел жетім,
Ұқпасқа айтқан сөз жетім...
Қазыбек би дауысының саздылығына орай Қаздауысты Қазыбек деген атқа ие болған.
Алтын үйің – Отан қымбат,
Құт береке – атаң қымбат, - деген сөзі қалған.
Асыл сөздің қадірін білген Әйтеке би:
Ашу деген ағын су,
Алдын ашсаң арқырар.
Ақыл деген дария,
Алдын тоссаң тоқырар, - депті.Ел аузында үш би туралы :
Төле би тауып айтады,
Қазыбек би қазып айтады,
Әйтеке би жарып айтады, - деген сөз қалған.
Көрініс.
Төле бидің жұмбағы.
Сахнада күй орындалады.Үш би шығады.
Төле би:Уа, халқым, сөз қадірін білесің. Сөз танығыш жастарға 10 түрлі жұмбағым бар.
Әйтеке би : Айтсам жұмбағым мынау:
1,2,3,4,5,6,7,8,9,10.
Дауыс:Осындай жұмбақ болама екен?
Қазыбек би:Ұлы аға бұл жұмбақты мен шешейін, рұқсат етіңіз.
Төле би: Рұқсат, қаз дауысты Қазыбегім.
Қазыбек би:
1дегенің – бірлігі кеткен ел жаман,
2дегенің – егесіп өткен ер жаман.
3дегенің – үш бұтақты шілдерден шошынған ат жаман.
4дегенің – төсектен безген жас жаман.
5дегенің – белсеніп шыққан жау жаман.
6дегенің – асқынып кеткен дерт жаман.
7дегенің – жас келіншек жесір қалса,сол жаман.
8дегенің – серпілмеген қайғы жаман .
9дегенің – торқалы той , топырақты өлімге бас көрсетпесе сол жаман.
10дегенің – кәрілікке дауа болмас.
Төле би:Рахмет, дәл тауып шештің, ойы да , тілі де жүйрік тұлпарым менің.
Қазыбек би:Ал Әйтеке би, халқыңа сен не айтасың ?
Әйтеке би: Уа, халайық!
Көсіліп шабар жерің бар,
Тау көтерген елің бар.
Атадан қалған сара жолың бар.
Тіл қадірін білер болсаңдар!
Қыздар би тобы.
9 оқушы:
Тілді жасаушы халықтың өзі.Сондықтан халыққа қызмет етеді.Ана тілін қадірлемеген халықтың болашағы жоқ.Бұл пікірді растаған Абай атамыз болатын.
10 оқушы: Қазақ тілінің байлығы қазақ ұлтының байлығы.Осы байлықты бағалай білуіміз керек.
Мақал – мәтелдер.
1 Білім кілті – тіл.
2 Жеті жұрттың тілін біл,
Жеті түрлі білім біл.
3 Ана сүті бой өсіреді,
Ана тілі ой өсіреді.
4 Тіл қылыштан өткір.
5 Өнер алды – қызыл тіл.
6 Тіл – көңілдің ажары.
11 оқушы:
Ана тілі – біздің туған анамыз!
Анамыздай сыйлап , бағып – қағамыз,
Ана тілін бағаласақ қалай біз,
Өзіміздің сондай болмақ бағамыз.
12 оқушы: Ана тілім!
Дана тілім - бақ тілім.
Сенсіз бақыт дүниеден тапты кім?
Сенсің менің қасіретім, шаттығым.
Сенсің менің тазалығым, пәктігім.
Мұғалім:Сонымен, балалар,тіл халықтың қазынасы. Тілді таза ұстап, қастерлеп, құрметтеуіміз қажет.Мемлекеттік тілді жоғары дәрежеде меңгерейік.
13 оқушы:
Алтын бесік – ағайын, жұрт туғаным!
Дос бөліссе қыза түсер думаның.
Барлық ұлттың өкілдері жарасып,
Асырайық іс жүзінде Тіл заңын !
«Атамекен» өлеңі.
Жасыл жайлау түкті кілем, көк кілем,
Көк кілемде көп ойнаймын , көп күлем.
Айдарымнан сипап өткен самалды,
Қазағымның алақаны деп білем!
Қ – сы.
Қайда жүрсең , атамекен .
Көкейіңде жатады екен.
Күннің өзі қимай оны.
Ұясына батады екен!
Оставьте свой комментарий
Авторизуйтесь, чтобы задавать вопросы.