Разработка урока на тему "Башҡортостан тәбиғәте. Ҡушма исемдәр."

Тема: Башҡортостан тәбиғәте. Ҡушма исемдәр.

(5 класс)

Маҡсат: Башҡортостан тәбиғәте һәм ҡушма исемдәр тураһында төшөнсә биреү.

Бурыстар: 1) тәбиғәткә һаҡсыл ҡараш тәрбиәләү өсөн шарттар тыуҙырыу;

2) Башҡортостан тәбиғәте менән танышыу; “ҡушма исемдәр” темаһын үҙләштереү; өҫтәлмә мәғлүмәттәр биреү, тыуған-яҡ атамаларына, унда үҫкән ағастарға иғтибар тәрбиәләү, тыуған ергә һөйөү тәрбиәләү;

3) телмәр үҫтереү, һүҙлек байлығын арттырыу, уҡыу техникаһын камиллаштырыу, һүҙлек менән эшләү күнекмәләрен нығытыу, уҡыусыларың  һүҙлек эше аша башҡорт һүҙҙәренең мәғәнәләренә иғтибарын, ҡыҙыҡһыныуын үҫтереү, һүҙ тойғоһо, тел тойғоһо тәрбиәләү.

Дәрес төрө: яңы материал менән танышыу дәресе.

Уҡытыу алымдары: әңгәмә, һорау-яуаптар, тиҙәйткестәр, таҡтала һәм дәфтәрҙә эш, һүҙлек менән эш, тәржемә итеү, уҡытыусының тасуири уҡыуы, ИКТ ҡулланыу, ял минуты, “Башҡортостан буйлап сәйәхәт”, “Парын тап” уйындары, бүләктәр биреү, ижади эш, презентация.

Уҡытыу методы: уйын, күрһәтеү-аңлатыу, эҙләнеү методтары.

Предмет буйынса нәтижәләр: башҡорт теленең һүҙ төҙөлөшө үҙенсәлектәре, ҡушма һүҙҙәрҙең яһалышы тураһында белем биреү, һәм киң ҡуллана белеү;

телмәр үҫтереү, һүҙлек байлығын арттырыу, уҡыу техникаһын камиллаштырыу.

Метапредмет буйынса нәтижәләре: дәрестә ҡуйылған маҡсатты аңлау, уны тормошҡа ашырырға тырышыу, кәрәкле мәғлүмәтте таба белеү, үҙ эшеңде, парыңдың эшен тикшерә алыу, предметты белдерә торған һүҙҙәрҙе телмәрҙә ҡулланыу, үтелгән материалды тормош менән бәйләй белеү, һорауҙарға яуап биреү.

Шәхси нәтижәләр: һүҙ, тел тойғоһо тәрбиәләү.

Предмет ара бәйләнеш: туған телебеҙҙең матурлығын аңлау.

Принциптар: фәннилек, теория һәм практика берлеге, эҙмә-эҙлеклелек, коммуникатив.

Һүҙлек: актив: тәбиғәт, тау, йылға, күл, ағас, ҡарағас, бейек, оҙон;

              пассив: һандуғас, һайрай, сүп-сар, ултыртырға, ҡош, оя, яһарға, ҡырҡмаҫҡа, таҙартырға, аға, ҡарағай, шыршы, ҡайын.

Йыһазландырыу: тыуған-яҡ атамаларына, унда үҫкән ағастарға арналған һүрәттәр, китаптар, һүҙлектәр, компьютер, презентация материалдары (теманы аңлатыуға ҡоролған схемалар, викторина, Башҡортостандың картаһы, тематик һүрәттәр), интерактив таҡта, мультимедиа проекторы, темаға яраҡлы карточкалар, буклеттар, таҡта, аҡбур.

Дәрес барышы:

I. Психологик инеш.

Уҡытыусы: Һаумыһығыҙ, уҡыусылар!

 Ниндәйҙер эш алдынан кешеләр бер-береһенә яҡшы теләктәр теләй. Бер- беребеҙгә ҡарап йылмаяйыҡ, тик изге теләктәр менән дәресебеҙҙе башлайыҡ.

(Уҡыусыларҙың кәйефен күтәреү, рухи күтәренкелек барлыҡҡа килтереү.

Уҡытыусыларҙың бер-береһенә ҡарап йылмайыуы, изге теләктәр әйтеүе.)

II. Уңыш ситуацияһы тыуҙырыу.

 Артикуляцион күнегеүҙәр:

а) башҡорт теленең үҙенсәлекле өндәрен ҡабатлау;

б) тиҙәйткес әйтеү:

Һалҡын һыулы Һаҡмарҙа

Һайрай һары һандуғас.

III. Дәрестең маҡсатын билдәләү. Уҡыу мәсьәләһен ҡуйыу. Актуалләштереү.

1)      Видеоролик ҡарау