Тақырыбы:
«Гулдер біздің сәніміз»
Мақсаты:Гүлдердің
түрлерімен,күту ережелерімен таныстыру.Түстер туралы ұғымдарын кеңейту.Сөздік
қорын молайту, тілдік белсенділік қызметін арттыру. Есте сақтау, қабылдау,ойлау
сезімдерін дамыту. Туған елінің табиғатына, гүлдер мен өсімдіктерге қамқорлық
көрсетуге,күтуге, сүйіспеншілікке тәрбиелеу. Ой-қиялдарын дамыту.
Жаңа
сөздер:
қызғалдақ,күнбағыс,раушангүл,түймедақ,лалагүл,бәйшешек,бақытгүл.
Көрнекі
құралдар:
проекторға салынған гүлдердің суреттері,қойылған бөлме гүлдері, қиылған
гүлдердің суреттері.
Әдіс-тәсіл:
әңгімелесу,көрсету,түсіндіру,сұрақ-жауап.
Сабақ
барысы:
Балалар жарты шеңбер болып тұрып, бір-біріне күлімдеп, келген қонақтармен
амандасады.
Шаттық
шеңбер:
Жарқырап күн де
ашылады,
Айналаға гүл шашылды.
Біз - нәзік
қыздармыз!
Біз – ержүрек
ұлдармыз!
Қайырлы күн
достарым!
-Жарайсындар,
балалар, бүгін сендер өте мейірімдісіңдер, жүздеріңнен күн нұры төгіліп
тұрғандай,әсемдісіндер. Олай болса мейірімді жүзімізбен бүгінгі оқу іс-әрекетімізді
бастайық.
Жұмбақ
шешеміз.
Көрік берер
бөлмеге,
Хош иісін
сыйлайды.
Туған күн кешінде,
Сыйлыққа да
береді. (гүл)
-Балалар қазір
жылдың қай мезгілі? (Көктем)
-Көктем мезгілінің
неше айы бар? (Үш айы бар)
-Көктем мезгілінде
қандай өзгерістер болады?
Гүлдін әр
бөлшектеріне түсінік беру.Сабағы,гүлі,жапырағы,тамыры.
-Гүлдер дала және бөлме
гүлдері болып екіге бөлінеді. Бейнеде дала гүлдері бейнеленген. Дала гүлдері
көктем мезгілінде күн жылына бастаған кезде жайқалып өсе бастайды.Дала гүлдері
кең далада,өзен жағасында,орман алқабында өседі. Ал бөлме гүлдері адамның
көмегі арқылы үйде бөлмеде өседі, бөлмедегі гүлдерге назар аударту.
-Гүлді қалай
күтеміз? (су құямыз, топырағын қопсытамыз, шаның сүртеміз)
Гүлдерді біз
анамыздың мерекесіне,туған күнінде сыйға тартамыз. Осы кезде көктем мен
гүлдердің киімдерін киген қыздар келеді. Балалар орындарынан тұрып орындыққа
отырады.
Көктем: Балалар,
мен сендерге көктем гүлдерін алып келдім. Олай болса мен сендерді гүлдермен
таныстырайын.
Бәйшешек:
Бәйшешектен
білеміз,
Көктем
келіп қалғанын.
Мәз
боламыз,күлеміз,
Көрсек
гүлін жарғанын
Түймедақ:
Түймедейін
сары дақ ортасында,
Тарала
өскен ақ гүлі бар қасында.
«Түймедақ»
деп аталып кеткен екен,
Түймеге
ұқсас сол дақтың арқасында.
Қызғалдақ:
Қырқалардың
төрінен,
Лаулап
көзге ұрады.
Қызғалдақтар
өңірді,
Қып-қызыл
боп тұрады.
Лалагүл:
Лаулап
оттай шілде айында лалагүл,
Лалагүлмен
құлпырады дала бір.
Ләззат
алмау мүмкін болмас көркінен,
Лалагұл де
өзгеше әсем дара гүл.
Раушангүл:
Әдемімін,
менен қай гүл аса алған,
Әуелден-ақ
«Гүл патшасы» деп атанғам.
Әсемдікпен
хош иістен нәр аодым,
Әлемнің
көп жерінде таралғам.
Бақытгүл:
Бүл әсем
гүл күзде,ұзақ гүлдейді,
Басқа
гүлдей шілдеде өмір сүрмейді.
Бір мереке
бар жапондар елінде,
Бақыт гүлі
тұрады оның төрінде.
Тәжірибелік сәт:
«Гүл
отырғызайық» ойыны
Гүл
отырғызуды үйрету:
-қара топырақты
таяқшамен қазамыз;
-тұқымды себеміз;
-тұқымды
топыраұпен жабамыз;
-су құямыз;
-Жарайсындар,
балалар! Балалар шеңберге тұрып сергіту сәтін орындайды.
Біз
гүлдерше өсеміз,
Жапырағы
жайқалған,
Сабақтары
салалы,
Желмен
бірге жайқалған.
Балалар бәріміз «Түстерді
үйренеміз»
Атты слайдқа
қарайық
«Түсінді
тап» дидактикалық ойыны.
Тақтаға бес
түрлі түс ілінеді сары,қызыл,көк,жасыл,ақ.
Көкөністердің
түстеріне қарай орналастыру керек.
-Мынау не?
-Қияр
-Қиярдың түсі
қандай? Жасыл
-Жасыл түстің
тұсына орналастырамыз
-Мынау не? Қызанақ
Қызыл түстің
тұсына орналастырамыз.
Осылай ойын
жалғасады.
«Нәркес
гүлін» жапсыру.
Гүлді
жапсыратындарың хабарлайды. Жапсыру жолымен жасалған гүлдің үлгі суретін
көрсетіп, сипатталады. Балалардың оң қолдарын көрсетіп гүлді ауада салуды
ұсынады және гүлдің күлтешелері мен жапырағының қандай пішінге ұқсайтынын
сұрайды.
Гүл
жапсыру жолдары:
-кеңістікті
бағдарлап, қағаз бетін пайдалануды түсіндіру;
-гүлдің сабақтарын
жолақшалардан, жапырақтарын ұсақ сопақша пішіннен жапсырту;
-гүлді дөнгелек,
күлтерін сопақша пішінен жасату;
-үстінен сүлгімен
басу;
-Балалар өз гүлдерінің
орнын тауып, шеңберге тұру.
Көрме
ұйымдастырады. Балалардың жұмыстарын мадақтайды.
Оставьте свой комментарий
Авторизуйтесь, чтобы задавать вопросы.