904592
столько раз учителя, ученики и родители
посетили сайт «Инфоурок»
за прошедшие 24 часа
+Добавить материал
и получить бесплатное
свидетельство о публикации
в СМИ №ФС77-60625 от 20.01.2015
Дистанционные курсы профессиональной переподготовки и повышения квалификации для педагогов

Дистанционные курсы для педагогов - курсы профессиональной переподготовки от 5.520 руб.;
- курсы повышения квалификации от 1.200 руб.
Престижные документы для аттестации

ВЫБРАТЬ КУРС СО СКИДКОЙ ДО 70%

ВНИМАНИЕ: Скидка действует ТОЛЬКО сейчас!

(Лицензия на осуществление образовательной деятельности № 5201 выдана ООО "Инфоурок")

ИнфоурокДругоеКонспектыРазработка урока по осетинской литературе Балц Нарты бæстæм: Ацæмæз – Нарты Бонвæрнон, Нарты рухс хур.

Разработка урока по осетинской литературе Балц Нарты бæстæм: Ацæмæз – Нарты Бонвæрнон, Нарты рухс хур.

библиотека
материалов
Скачать материал целиком можно бесплатно по ссылке внизу страницы.

13



Ныхасы темæ:

Балц Нарты бæстæм: Ацæмæз – Нарты Бонвæрнон, Нарты рухс хур.


Грамматикон темæ: Сæрмагонд æмæ иумæйаг номдартæ

(Рацыд æрмæг фæлхат кæнын).

Урочы нысан: Иумæйаг æмæ сæрмагонд номдарты тыххæй скъоладзауты зонындзинæдтæ бафидар кæнын;

Хъомыладон куыст бакæнын: Адæмон сфæлдыстадæн аккаг аргъ кæныныл ахуыр кæнын; Нарты кадджытæм, нарты хъайтартæм уарзон цæстæнгас гуырын кæнын;

Цæстуынгæ æрмæг: Интерактивон фæйнæг слайдтимæ, фæйнæг.


Эпиграф урокмæ: Нарты кадджытæ сты … аив æмæ цымыдисаг таурæгътæ, хъусæн æхцон, зæрдæйæн – æхсызгон, адæймагæн хæссынц цин, æфтауынц æй сагъæстыл æмæ уæздан хъуыдытыл.

Джыккайты Ш.



Урочы цыд.

1. Орг.

2.Ахуыргæнæг: Æгас нæм цæут, нæ буц уазджытæ!

Кæддæр Ирыстонæй скъоладзаутæ уыдысты экскурсийы Латвийы. Фæцæйцыдысты горæттæй иуы уынгты, кæрæдзиимæ дзырдтой иронау. Бынæттон цæрджытæй сæ чидæр баурæдта æмæ сæ фæрсы, кæцон стут, зæгъгæ. Скъоладзаутæ сæхи бацамыдтой. Уæд сын сылгоймаг (чи сæ баурæдта, уый та сылгоймаг уыди) афтæ фæкодта:

-О, уæдæ Нарты кадджытæ сымах адæмы эпос сты? Иу таурæгъ-ма мын дзы радзурут. Ныфсæрмы сты лæппутæ æмæ чызджытæ. Уæд сæ иу райдыдта дзурын. Куы фæци дзырд, уæд сылгоймаг иу цъус алæууыд æнæдзургæйæ, стæй загъта: «Диссаджы таурæгъ. Уый æнхъæл нæ уыдтæн. Сымах стут тынг амондджын адæм, ахæм эпос кæмæ ис. Æмæ сæ уæхи мадæлон æвзагыл базондзыстут радзурын?

-О! Уæдæ! Æнæмæнгæй! – зæгъгæ та фæкодтой скъоладзаутæ.

- Гъемæ, хъахъхъæнут уе взаг дæр æмæ уæ адæмы диссаджы хæзна. Ахæм стыр хъæздыг культурæйы хицау уæвын! Амондджын стут!..

Цавæр таурæгъ ракодтой скъоладзаутæ сылгоймагæн? Уый уын фæстæдæр зæгъдзынæн.

Ацы цау мын радзырдта мæ ахуыргæнæг, æвæццæгæн, ма сымах карæн куы уыдтæн, уæд. Æмæ мæ зæрдæйы арф ныххызт, нæ мæ рох кæны.

Абон та цæмæн æрлæууыд мæ зæрдæйыл?

Ракæсут-ма цы фыстæг æрбацыд не скъоламæ:

Кæсæм: Дзæуджыхъæуы лицейы 5 «А» къласы ахуырдзаутæн Зондабийæ.


Уæ бон хорз, мæ зынаргъ хæлæрттæ!

Хъыг мын у, сымах зонындзинæдтæм зæрдиагæй кæй нал тырнут, уый.

Нал фæзонут бахъуаджы рæстæг цы хауы адæмон сфæлдыстадмæ, кæм æмæ цы уавæры хъæуы пайда кæнын сæрмагонд номдартæй, иумæйаг номдартæй, комкоммæ ныхасæй.

Раст куы нæ разыниккой ацы ныхæстæ, уæд мын тынг æхсызгон уаид.

Зæрдиагæй уын æнхъæлмæ кæсын уæ дзуаппмæ.

Уæхи ЗОНДАБИ.


Цæй, æмæ абон афтæ бакусæм æмæ нын Зондабийæ худинаг куыд нæ уа. Дзуаппæн та йын арвитдзыстæм диск нæ урокимæ.

Ахуыргæнæг: Уæдæ райдайæм кусын.

Куыд уæм кæсы, цæуыл цæудзæн ныхас абон нæ урочы?

Дзуапп: Номдарты тыххæй

Сæрмагонд æмæ иумæйаг номдарты тыххæй.

Комкоммæ ныхасы тыххæй

Адæмон сфæлдыстадыл.


Ахуыргæнæг: Раст зæгъут.

Фæйнæгмæ-ма ракæсут æмæ нæ урочы темæтæ бакæсæм:

hello_html_742f4295.png


Ныхасы темæ: Балц Нарты бæстæм: Ацæмæз – Нарты Бонвæрнон, Нарты рухс хур.


Грамматикон темæ: Сæрмагонд æмæ иумæйаг номдартæ (Рацыд æрмæг фæлхат кæнын).


Æцæгæйдæр, абон мах сымахимæ хъуамæ сфæлхат кæнæм сæрмагонд æмæ иумæйаг номдартæ, балцы ацæуæм Нарты бæстæм.


Ахуыргæнæг: Ныр та уал афыссут уæ тетрæдты абоны нымæц.

Фæйнæгыл уынæм дзырдтæ. Сæ иутæ фыст сты стыр дамгъæйæ иннæтæ та гыццыл дамгъæйæ.

Цымæ цæмæн?

hello_html_21dfa4be.png

Балц, хистæртæ, Сырдон, хох, Сау хох, Сатана, хæзна, уалдзæг, сырдтæ, мæргътæ,бæхтæ, Уырызмæг.


Ахуыргæнæг: Зæгъут, цы хонæм номдар?

Дз.

Ахуыргæнæг: Сæрмагонд номд.?

Дз.

Ахуыргæнæг:Иумæйаг номд.?

Дз.

О, хæдæгай, мæнæ ма фæйнæгмæ ракæсут. Цы æнахуыр мæсыг нæм ис, уымæ. Ацы мæсыг у


ЗОНЫНДЗИНÆДТЫ МÆСЫГ.


Уынут, афтид бынæттæ дзы ис. Уыдонæй цалдæр баххæст кæндзыстæм абон. Æмæ дзы фыццаг цы дур сæвæрдзыстæм, уымæн йæ ном –НОМДАр.

Ныр та ма мын зæгъут, цы у адæмон сфæлдыстад?


Дз.

Ахуыргæнæг: Нарты кадджыты кой ракодтат. Бакæсæм-ма фæйнæгыл эпиграф нæ урокмæ.

(кæсæм эпиграф: Нарты кадджытæ сты … аив æмæ цымыдисаг таурæгътæ, хъусæн æхцон, зæрдæйæн – æхсызгон, адæймагæн хæссынц цин, æфтауынц æй сагъæстыл æмæ уæздан хъуыдытыл.

Джыккайты Ш.)

hello_html_m4b4dfaf6.png

Ф.: Цымæ цæмæн æрцыд æвзæрст ацы эпиграф нæ урокмæ

Дзуапп: Нарты кадджытæ мах æфтауынц алыхуызон рæсугъд хъуыдытыл.

Сты аив.

Адæймаджы фæфæнды, цæмæй нæртон хъайтартæ æцæгæйдæр нæ дуджы уой.

Нарты кадджыты алчидæр зоны æмæ уарзы.


Фарст: Зæгъут Нарты кадджытæ, зæгъгæ. Цымæ базондзыстут нывты Нарты хъайтарты

hello_html_m377a429.pnghello_html_m527a5339.pnghello_html_46f7f133.pnghello_html_m2371c301.pnghello_html_f115d25.pnghello_html_786d0677.png

( фæйнæгыл Сатана, Уырызмæг, Сослан, Батрадз, Сырдоны къам

Нарты кадджыты ацы хъайтарты тыххæй фехъуыстаиккат кæстæр кълæсты дæр æмæ ма дарддæр дæр зонгæ кæндзыстæм семæ, фæлæ ма ацы аз базонгæ стæм ноджыдæр иу нæртон лæппулæгимæ

æмæ фæстагмæ Ацæмæзы къам)


Ацæмæзы ном баст у йе стырдæр хæзна, йæ уадындзимæ. Ахæм зæрдæмæдзæугæ сты дыууæйæ дæр æмæ сын сæ ныв бирæ алыхуызон нывгæнджытæ скодтой, фæлæ сæ æппæтæй зындгонддæр у Тугъанты Махарбеджы конд ныв.

hello_html_m7154323d.png

Тугъанты Сафары фырт Махарбек

( 1881 – 1952)

Уыд зындгонд нывгæнæг, график, ирон адæмы сфæлдыстад чи æмбырд кодта, уыдонæй иу. Скодта иллюстрацитæ НАРТЫ КАДДЖЫТÆМ.


Мæнæ ма мæм ис ацы мотивы руаджы цавæрдæр зæрингуырды зæрдæйы цы ныв сæвзæрд, уый дæр.( Æвдисын чеканкæ)


Раздæр уын цыц ау дзырдтон, уый дæр баст уыд ацы таурæгъимæ.


Фæстаг слайдыл нæмттæ хицæнæй:


Сатана

Уырызмæг

Сослан

Батрадз

Сырдон

Ацæмæз hello_html_7f886520.png

Ахуыргæнæг: Зæгъут, адон цавæр ныхасы хаймæ хауынц

Дз. Сты номдартæ

Ахуыргæнæг:Цæмæн сты фыст стыр дамгъæйæ? Æви рæдыд у?

Дз. Фыссæм сæ стыр дамгъæйæ, уымæн æмæ сты сæрмагонд номдæртæ.


Ахуыргæнæг: Лæвæрд уын сты дзырдтæ дыууæ рæнхъæй. Саразын сæ хъæуы дзырдбæстытæ. Цымæ сæ кæмæ цы миниуæг ахæсдзыстут


hello_html_m797899e7.png


(кусынц скъоладзаутæ)

Сатана, Уырызмæг, Сослан, Батрадз, Сырдон, Ацæмæз.


Тыхджын, бæркадкъух, хинæйдзаг, хъæбатыр, чысыл, куырыхон.


Бæркадкъух Сатана

куырыхон Уырызмæг

тыхджын, хъæбатыр Сослан

тыхджын, хъæбатыр Батрадз

хинæйдзаг Сырдон

чысыл Ацæмæз


Афтæ дæр ма сæ ис схонæн: Сатана – уæздан, рæдау, бæркадкъух рæсугъд;

Сырдон – хинæйдзаг, æрхъуыдыджын, амалджын, зондджын;

Сослан – тыхджын, нæртон, хъаруджын;

Батрадз- хъæбатыр, æгъдауджын;

Уырызмæг – куырыхон, зондджын, æгъдауджын;

Ацæмæз – чысыл, хорз, æмгарджын, амондджын.


Ахуыргæнæг: Афыссæм-ма сæ нæ тетрæдты


1. Ахуыргæнæг: Фæсурокты кастыстæм таурæгъ «Ацæмæз æмæ Агуындæ – рæсугъд». Нæ зæрдыл æрлæууын кæнæм цыбырæй йæ мидис.

Фæйнæгыл уынæм ацæргæ нæлгоймаджы къам, уый у


hello_html_5bde581e.png


Саламты Къола

(1922 – 2003) – ирон кино æмæ театры актер, режиссер, драматург, ахуыргæнæг. Хъыгагæн, абон немæ нал и, фæлæ махимæ баззад йæ хъæлæс. Байхъусæм-ма.


(Фыстмæ хъусæм 1мин.30 сек.)


Фарст: Ацæмæзы цагъдмæ йæ алыварс цавæр ивддзинæдтæ æрцыдис?

Дзуапп: -Æрдз райхъал

-сырдтæ кафын систой

-æрсытæ райхъал сты

-кæрдæг цы бынæтты нæ уыд, уым цъæх адардта зæхх

-мæргътæ сæ зарджытæ кодтой Ацæмæзæн



Ахуыргæнæг:Ссарут-ма тексты Ацæмæз уадындзæй кæм цæгъды, уыцы бынæттæй иу. Райдайы…

Гæмæх быдырты…


Гæмæх быдырты уæд алыхуызон рæсугъд дидинджытæ куы равзæрынц. Сæ алыварс гæлæбутæ æмæ стонг мыдыбындзытæ гуывгуывгæнгæ ратæх-батæх уæд куы байдайынц. Сау хъæды мæргътæ Сау хъæд сæ сæрыл куы сисынц æмæ Ацæмæзæн сæ алыхуызон хъæлæстæй хъырнын куы байдайынц. Гуымы быдырты цъæх дудахъхъытæ æмæ сау совахъхъытæ кафын куы райдайынц.


Гæмæх быдырты уæд алыхуызон рæсугъд дидинджытæ куы равзæрынц. Сæ алыварс гæлæбутæ æмæ стонг мыдыбындзытæ гуывгуывгæнгæ ратæх-батæх уæд куы байдайынц. Сау хъæды мæргътæ Сау хъæд сæ сæрыл куы сисынц æмæ Ацæмæзæн сæ алыхуызон хъæлæстæй хъырнын куы байдайынц. Гуымы быдырты цъæх дудахъхъытæ æмæ сау совахъхъытæ кафын куы райдайынц.


Ахуыргæнæг: Ссарут-ма ацы скъуыддзаджы иу цалдæр иумæйаг номдары


hello_html_1a9f40ae.png


Быдырты, дидинджытæ, гæлæбутæ, мыдыбындзытæ, мæргътæ, сæрыл, хъæлæстæй, дудахъхъытæ, совахъхъытæ.


Ахуыргæнæг: Байхъусæм æмæ ма бакæсæм скъуыддзагмæ мультипликацион ныв «Волшебная свирель»- æй

(кæсæм скъуыддзагмæ)


hello_html_70d0a865.png



Фарст: Чи ма нæ фæлæууыд Ацæмæзы зардмæ?

Дзуапп : Агуындæ. Сайнæг-æлдары чызг Агуындæ


Фарст: Цы бацагуырдта чызг лæварæн?

Дзуапп: Æнусон сызгъæрин уадындз


Фарст: Радта Ацæмæз Агуындæйæн уадындз? Цæуылнæ?

Дзуапп: Хохы тигъыл æй ныццавта. Нæ йын æй радта, уымæн æмæ йæхицæн йæ фыдæй баззад. Хæзна уыд. Æфсатийы лæвар уыд.


Фарст: Дарддæр цы æрцыд?

Дзуапп: Агуындæ уадындзы сæстытæ æрæмбырд кодта.

Ехсæй сæ æрцавта.

Уадындз куыд уыд афтæ фестад

Ацæмæз амбæлд Уастырджи æмæ Ныкколайыл.

Уыдон ын минæвар ацыдысты Сайнæг-æлдармæ.

Агуындæ бацагуырдта, цæмæй Ацæмæз æрæмбырд кæна сæдæ иуазыккон сагтæ.

Æфсати баххуыс кодта Ацæмæзæн сагтæ æртымбыл кæнын.

Чындзæхсæвы Ацæмæзæн лæгъстæ кæнынц, цæмæй сын ацæгъда йæ уадындзæй.

Агуындæ рахаста уадындз.

Таурæгъ фæвæййы стыр чындзæхсæвæй.


4. Ахуыргæнæг: Куыд бахъуыды кодтат текст, уый базоныны тыххæй ныртæккæ скæндзыстæм цыбыр кроссворд



Фæрсырдæм:

2. Зæронд Ацæйы фырты ном;

3. Лæгтыдзуары æндæр ном;

4. Чи балæвар кодта Ацæмæзы фыд Ацæйæн æнусон уадындз?


Бынмæ:

1. … (чи?) æмæ Уастырджи сæ бæхтыл æрбацæйцыдысты. Фæндагыл амбæлдысты Ацæмæзыл.

2. Ацæмæз курынмæ цыд Сайнæг –æлдары чызг …

3. Ацæмæз Сау хохы тигъыл асаста сызгъæрин (цы?) …


hello_html_25faeaf6.png

5. Ахуыргæнæг: Хорз, скодтам кроссворд. Æрныхас кæнæм ном «Ацæмæзы» этимологийыл.


Ном «Ацæмæз»-ы этимологи.

Профессор Гуыриаты Тамерлан Алыксандры фырт йæ чиныг «Проблемы Нартиады»- йы куыд зæгъы, афтæмæй: «Æнæмæнгæй бæрæггонд у уый, æмæ ацы ном фæзынд мах эрæйы фыццаг æнусты. Дæллаг Дон æмæ Сау денджызы былыл.

Скифаг-алайнаг æвзæгты æмбæлы куыд Atamaz (Атамаз). Афтæ йæ дзырдтой уымæн, æмæ грекъаг дамгъуаты нæ уыд мыр ц æмæ йæ бацамонынæн æндæр æвзагæй ист дзырдты ц –йы бæсты фыстой t . ( скифты историйы уыд ахæм легендарон хъайтар Атей. Уый уыд скифаг паддзах. Фæмард тохы быдыры. Уæд ыл цыд 90 азы. Æхæм адæймаг уыд таурæгъты хъайтар суæвыны аккаг.


6. Ахуыргæнæг : Хорз, скодтам кроссворд, базыдтам ном Ацæмæзы этимологи. Ныр та мæ фæнды базонын тексты цауты цыд (хронологи) раст хъуыды кæнут, æви нæ.

hello_html_m525074ec.png

1. (4)Ацæмæзæн баззад йæ зæронд фыд Ацæйæ сызгъæрин уадындз.

2. (2) Ацæмæз сфæнд кодта фæцæуын Сау хохмæ йæ уадындзимæ.

3. (6)Ацæмæзы зардмæ æрдз райхъал, хъæддаг цæрæгойтæ кафын райдыдтой.

4. (1.)Ацæмæз Агуындæйы ныхæстæм смæсты ис æмæ уадындз Сау хохы тигъыл ныццавта.

5. (5)Агуындæ æрæмбырд кодта уадындзы сæстытæ.

6. (3)Ацæмæзыл амбæлдысты Ныккола æмæ Уастырджи.


1.Ацæмæз Агуындæйы ныхæстæм смæсты ис æмæ уадындз Сау хохы тигъыл ныццавта.

2.Ацæмæз сфæнд кодта фæцæуын Сау хохмæ йæ уадындзимæ.

3. Ацæмæзыл амбæлдысты Ныккола æмæ Уастырджи.

4.Ацæмæзæн баззад йæ зæронд фыд Ацæйæ сызгъæрин уадындз.

5.Агуындæ æрæмбырд кодта уадындзы сæстытæ.

6. Ацæмæзы зардмæ æрдз райхъал, хъæддаг цæрæгойтæ кафын райдыдтой.



Ахуыргæнæг: Хорз, текст зонут. Ныр та уал ногæй фæйнæгмæ бакæсæм.

Фæйнæгыл уынæм дыууæ хъуыдыйады. Бакæсæм-ма сæ.куыд уæм кæсы, раст фыст сты? Цавæр æрхæцæн нысæнттæ дзы нæ фаг кæны? Ссарут-ма сæ сæрмагонд номдартæ



1. Ныхасы адæм дзырдтой Уæлæ фæсрагъæй Бонæвæрнон скасти.

2. Дæ фæндаг раст уа, чысыл Ацæмæз! Сдзырдтой дауджытæ Ацæмæзмæ.


hello_html_m5e4093d9.png

Сраст сæ кæнæм. Интерактивон фæйнæгыл.

Æмæ та нæ мæсыджы ноджыдæр иу дур бавæрæм.



Ахуыргæнæг: Уæдæ ахæм æрхæцæн нысæнттыл кæм æмбæлæм?

Дзуапп:


Ахуыргæнæг: Ныр мах скæндзыстæм цыбыр куыст. Фæйнæгыл уынæм хъуыдыйæдтæ. Сраст ма кæнæм рæдыдтытæ.


hello_html_71c16e80.png

Антидиктант.

Нарты Ацæйы фырт чысыл Ацæмæз æрбамæсты ис уыцы дзырдтæм, Сау хохы тигъыл йæ сызгъæрин уадындз ныццавта, æмæ уадындз лыстæг муртæ баци. Йæхæдæг уыцы мæстыйæ фездæхти, сæргуыбыр æмæ уæнтæхъилæй, æмæ сæхимæ рараст ис.

(н,Н)арты (А,а)цæйы …(фыртчысыл, фырт чысыл) (а,А)цæмæз æрбамæсты ис уыцы дзыр(дт,тт)æм, (с,С)ау хохы тигъыл йæ сызгъæрин уадындз ныцца(в,ф)та, æмæ (У,у)адындз лыстæг муртæ баци. Йæхæдæг уыцы мæстыйæ фездæхти, сæргуыбыр …(æмæ уæнтæхъилæй,æмæуæнтæхъилæй), æмæ сæхимæ рараст ис.


Ахуыргæнæг: Ратдзынæн уын сыфтæ уыдоныл фыст нывæцæны раидиан. Сымах æй хъуамæ кæронмæ ахæццæ кæнат.


Цардис æмæ уыдис иу лæппу. Тынг цымыдис уыдис. Уарзта чингуытæ кæсын. Иу хатт йæ къухмæ бахауд чиныг «Нарты кадджытæ». Рафæлдæхта фыццаг чиныг æмæ …


(Кусынц)


Урокæн хатдзæгтæ скæнын


Ахуыргæнæг: Фæстæмæ раздæхæм нæ урочы райдайæнмæ. Æмæ нæ эпиграф нæ зæрдыл æрлæууын кæнæм.


(Кæсæм эпиграф)

hello_html_5d2c5fa2.png


Эпиграф урокмæ: Нарты кадджытæ сты … аив æмæ цымыдисаг таурæгътæ, хъусæн æхцон, зæрдæйæн – æхсызгон, адæймагæн хæссынц цин, æфтауынц æй сагъæстыл æмæ уæздан хъуыдытыл.

Джыккайты Ш.

Ахуыргæнæг: Куыд уæм кæсы, æцæгæйдæр раст равзæрстам эпиграф нæ урокмæ?

Дз. О, раст.

Æцæгæйдæр, тынг цымыдисаг таурæгътæ сты.

Адæймагæн хæссынц циндзинад.


Ахуыргæнæг: Уæдæ абон нæ урочы ногæй цы базыдтат? Цæуыл цыд ныхас нæ урочы?

Дз. Ном Ацæмæзы этимологийы тыххæй.

Тугъанты Махарбеджы конд ныв кæй у зындгонд нывы автор.

Скодтам кроссворд.

Сфæлхат кодтам сæрмагонд æмæ иумæйаг номдартæ.

Сæвæрдтам дуртæ Зонындзинæдты мæсыджы


Ахуыргæнæг: Нарты персонажтæй уæ кæй хуызæн фæнды суæвын. Æмæ цæмæн?


Ахуыргæнæг: Мæ зæрдæ уын зæгъы, цæмæй уæ зонындзинæдты мæсыг уæлдæрæй уæлдæр куыд кæна. Нарты адæм нæ хастой сæ сæрмæ æгад митæ æмæ сæ сымах дæр ма кæнут. Уарзут сфæлдыстад: Нарты кадджытæ, нывкæнынад, музыкæ… Уыдон уын стыр æххуыс уыдзысты царды мидæг.


Хæдзармæ куыст

Кæронмæ ныффыссын нывæцæн. Ном ын æрхъуыды кæнын.

Бæрæггæнæнтæ сæвæрын.


Агуындæ

уадындз

арæхстджын

рæсугъд

Сызгъæрин

чысыл

Гуырвидауц

Æнусон

Хъæбатыр

Даргъдзыкку

Зынаргъ

Хæрзконд

Нарæгастæу

зындгонд

Кæстæр

Цæрдæг


хорз

хæрзконд


Нæртон



Аив



Æгъдауджын



æмгарджын



амондджын






Общая информация

Номер материала: ДБ-383884

Вам будут интересны эти курсы:

Курс «Менеджер по продажам»
Курс «Правовое обеспечение деятельности коммерческой организации и индивидуальных предпринимателей»
Курс профессиональной переподготовки «Клиническая психология: организация реабилитационной работы в социальной сфере»
Курс повышения квалификации «Экономика и право: налоги и налогообложение»
Курс повышения квалификации «Управление финансами: как уйти от банкротства»
Курс повышения квалификации «Этика делового общения»
Курс повышения квалификации «Организация практики студентов в соответствии с требованиями ФГОС медицинских направлений подготовки»
Курс повышения квалификации «Правовое регулирование рекламной и PR-деятельности»
Курс профессиональной переподготовки «Организация маркетинга в туризме»
Курс повышения квалификации «Организация маркетинга в туризме»
Курс профессиональной переподготовки «Корпоративная культура как фактор эффективности современной организации»
Курс профессиональной переподготовки «Управление информационной средой на основе инноваций»
Курс профессиональной переподготовки «Организация системы менеджмента транспортных услуг в туризме»
Курс профессиональной переподготовки «Технический контроль и техническая подготовка сварочного процесса»
Курс профессиональной переподготовки «Управление корпоративной информационной безопасностью: Администрирование и эксплуатация аппаратно-программных средств защиты информации в компьютерных системах»

Благодарность за вклад в развитие крупнейшей онлайн-библиотеки методических разработок для учителей

Опубликуйте минимум 3 материала, чтобы БЕСПЛАТНО получить и скачать данную благодарность

Сертификат о создании сайта

Добавьте минимум пять материалов, чтобы получить сертификат о создании сайта

Грамота за использование ИКТ в работе педагога

Опубликуйте минимум 10 материалов, чтобы БЕСПЛАТНО получить и скачать данную грамоту

Свидетельство о представлении обобщённого педагогического опыта на Всероссийском уровне

Опубликуйте минимум 15 материалов, чтобы БЕСПЛАТНО получить и скачать данное cвидетельство

Грамота за высокий профессионализм, проявленный в процессе создания и развития собственного учительского сайта в рамках проекта "Инфоурок"

Опубликуйте минимум 20 материалов, чтобы БЕСПЛАТНО получить и скачать данную грамоту

Грамота за активное участие в работе над повышением качества образования совместно с проектом "Инфоурок"

Опубликуйте минимум 25 материалов, чтобы БЕСПЛАТНО получить и скачать данную грамоту

Почётная грамота за научно-просветительскую и образовательную деятельность в рамках проекта "Инфоурок"

Опубликуйте минимум 40 материалов, чтобы БЕСПЛАТНО получить и скачать данную почётную грамоту

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.