Разработка урока по удмуртской литературе, 5 класс

Е. И.Гаврилова

Агрыз ёросысь Сарсак-Омга шоръёзо школаысь

удмурт кылъя но литературая дышетись.

Писпуос адями кадь уло.

(Кедра Митрейлэн «Сурсву» веросэзъя урок)

5-ти класс

Уроклэн мугъёсыз: Кедра Митрейлэн «Сурсву» веросэныз тодматон;

пиналъёслэсь малпаськон радзэс азинтоно; текстлэсь валтись малпанзэ

шедьтыса эскерон, лыдзон; инкуазез утён но сое гажан мылкыд пычатон.

Уже кутэм материал:

1. Сладъёс:»Кедра Митрейлэн портретэз», «Удмуртилэн картаез», «Анаез», «Гурт.Ошмес», «Сибирской тракт», «Кедра Митрей(Пан Реймит)», «Кызьпу суредъёс». «Кедра Митрей»Сурсву», «Уте писпуосыз,соос адями кадь уло»;

2. Кылбугор: Шербет-чечыен сурам ву

Сурсву-кызьпулэн вуэз

Сарва-кызьпу туйлэсь лэсьтэм куды

Кочем-кошкем

3. Кызьпу вай

4. Кызьпу суредъёс

5. С.Есенинлэн»Белая берёза» кылбур чуръёсыз

6. Удмурт писательёслэн кызьпу сярысь текстъёссы.

Уроклэн мынэмез

Дышетись. Асьмеос,нылпиос,азьланьтиськомы вераськонмес верос сярысь.Туннэ

тодмадскомы на эшшо одиг веросэн.Нош азьло кылзиськом монэ.

Доскаын ошемын портрет.

1-ти слайд.

«Удмуртилэн картаез» (сьод гожен висъямын «Игра» ёрос) Дмитрий

Иванович Корепанов вордиськиз Игра селоын. Семьяязы 7 нылпи вал, 6 ныл но

пи вордиськемезлы анаез туж шумпотиз.

2-ти слайд.

«Анаез» тыршиз котькуд нылпизэ визьмо но адямилы кулэ, пайдаё луись дышетыны.

3-ти слайд.

«Гурт. Ошмес». Пичи Митрей-Митя туж яратэ вал корка дорысь ошмессэс. Тулыс вуэ ке, со ачиз сое сузялляз, котьку утьыса возиз.

4-ти слайд.

«Сибирской тракт».Дышетскись лыдзе сообщенизэ тракт сярысь:

«Митя пинал дыръяз адзылиз,кызьы со сюрес вылти эрико улон понна

нюръяськисьёсты каторгае келяллязы…»

Дышетись. Нош малы меда сыче псевдоним аслыз понэм Дмитрий Иванович-Кедра

Митрей?

5-ти слайд.

»Кедра Митрей»(Пан Реймит»)

(2 нылпиос верало сообщение псевдоним сярысь)

Дышетись.Кедра Митрей туж яратэ вылэм нылпиосты. Соосын чем шудылэм. Малпа вылэм мадиськонъёс.

Нош ти, нылпиос, яратиськоды-а мадиськонъёсты?

Бусыын егит нылаш

Мозмыса пуке огназ.

Вож буртчин йырсиосыз

Лэзьылэмын кускозяз. (Кызьпу)

Нылпиос.Кызьпу.

6-ти слайд.

»Кызьпуос»

Дышетись.Учке. Тодмо кызьпуосты од адзе-а?

Нылпиос верало:

-Адзимы, соос асьме школа азбарысь пыриллям.

Нылпиос гожъямзэс лыдзо. Собере вераськиськом, кинлэн умойгес пормиз., кинлэн оз.

Дышетись.Нош кызьы гожто меда удмурт писательёс кызьпуос сярысь? (Дышетись сётэ текстъёс: В.Возняков»Кызьпу», Ф.Васильев»Кызьпу»).

Лыдзе но гожтэ текстъёсысь кельшись чуръёссэ асьтэлы. Ойдолэ чошатом зуч поэтлэсь С.Есенинлэсь «Белая берёза» но удмурт текстъёсты.

Дышетись.Маин яке кинэн чошатэмын кызьпуос?

Нылпиос:адямиен.

Дышетись.Шонер. Юнме уг шуо ук «писпуос адями кадь уло». Кыче художественной амал кутэмын?

Нылпиос: олицетворение.

Дышетись.Нош мартэк адями уг быгаты улыны?

Нылпиос: вутэк,сиёнтэк.

Дышетись.Нош писпу мартэк уг быгаты улыны?

Нылпиос: вутэк. Со басьтэ ву омырысь, музъемысь, инбамысь.

Дышетись.Писпулэн вуэз марлы порме?

Нылпиос: сурсвулы.

Дышетись.Шонер. Туннэ эскероно веросмы но герзаськемын сурсвуэн.

7-ти слайд.

Дышетись.Ойдолэ тодматскоме та веросэн но, солэсь азьло учке ти доска шоры. Пумиськозы валантэм кылъёс. Лыдзиськомы веросэз «вераны кутски ке, дас ар чоже дугдылытэк вераны тырмоз» дорозь. Ужаськом пуштросэзъя, собере тодьы куаръёс сётъясько но соос вылэ гожъяло продолженизэ.

Мар вералоз меда та кызьпу? Кызьы со жожтиськоз меда?

Сочинение гожъямзы бере, дышетись вера:

-Кылем арняе вал со. Школае мыныны поти. Выль лымы усеем. Вуисько шур пала но адзисько: лымы улысь сьод виштыосын тодьы вайёс мычиськиллям. Тодэме, адземе потиз, маар со. Мыни но чабъяса потти. Кин ке коралтыса кызьпу ваез куштэм Шур дуре. Жаль потиз, синкылие ик васькиз. Малпай: шуныт школае вайыны. Тани со ти азьын. Мынам потэ сое улзытэме. Ойдолэ гожтэм сочинениостэс лыдзе но писпуэ ошылэ. (Лыдзо но куаръёссэс ошыло).

Дышетись.Нылпиос, та вал тиляд малпанъёсты кызьпулэн жожтиськемез сярысь. Нош тодэмды потэ-а, кызьы чынзэ жожтиське кызьпу?

Нылпиос: Потэ.

Дышетись.Соку доре уж: лыдзоно пумозяз, устно малпаськоно, кыче шуг-секытъёс пыр ортчем на кызьпу.

8-ти слайд.

«Ойдолэ утёме писпуосыз». Соос адями кадь уло.

Уроклы йылпумъян

-Йылпумъяса, тодэме потэ, мар ти урокын:

а) валады

б) шодиды

в) мар сярысь малпаськиды

г) мар лэсьтэмды потиз

Приложение