Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Классному руководителю / Конспекты / Разработка внеклассного мероприятия "Калмыцкий чай"

Разработка внеклассного мероприятия "Калмыцкий чай"



  • Классному руководителю

Поделитесь материалом с коллегами:

Кичәлин төр: ЦӘ- ИДӘНИ ДЕЕҖ.

Кичәлин күцл:

- Экнрин, ээҗнрин дөңгǝр сурһульчнрин үгин көрңгинь байҗах;

-Келлһнә дасмҗ өөдлүлх.

Дөңцлмүд: үзгүд :« Цә - идәни дееҗ, презентац, болhсн олн зүсн цǝ, боорцгуд.

Кичәлин йовуд:

Багш:

Зальта зандн цәәһәсн

Зулд деегшән өргий,

Бәәсн хотыннь дееҗ

Бурхндан нерәдҗ тәвий!

Уурта хотыннь дееҗинь

Ууһн өвкнртән нерәдий!

Үлдснь шавхр-талвринь

Үрн-садтаһан эдлий!

Аавнр- эээҗнрән күндлҗ,

Ааһта цәәһинь бәрүлий,

Еңсгәр чееҗәсн тәвсн,

Йөрәлинь соңсҗ байрлий!

Күүндвр:

-Күүкд, хальмг улс ямаран хот эдлдгиг тадн меддвт? (Махн, шөлн, боорцг, цә, бөөрг.)

-Ямаран хот бидн өдр болһн эдлнәвидн? (цә)

-Герт гиич эс гиҗ йирин күн ирхлә, бидн түрүләд ю кеҗ өгнәвидн? (цә)

-Өрүн орҗ ирсн күн цә амсад һардмн. « Өрүн цә ууһад һархла, керг күцдг.»-гиҗ хальмг күн келдг.

-Тадн яһҗ цә чадгинь гертән үзсн болхт. Цә чанхларн ю олзлна? ( күүкд хәрүһинь өгнә) Эн тǝǝлвртǝ туулин тǝǝлврнь келтн:

Буслҗах уснд орна,

Бийән шаталго һарна

Халун цә самрна,

Хот төгәчкәд амрна (шаңһ)


Цǝǝhин авъяс

Эк Иджилова Валентина Павловна:

hello_html_c353c45.jpg

-Цә болһчкад, зөв эргүләд самрдмн. Юңгад гихлә, хальмг улс ю болвчн нар дахҗ күцәдг авьяста.

Цә самрчкад, халун цәәһәр олн бурхдт дееҗ бәрдмн. (Күүкдт келәд үзүлнǝ)

Сурһульч: Цә кеҗ өгхләрн иим зокал тодлтн.

Кезәнә мана аав-ээҗнр модн ааһас цә уудг бәәҗ.(агч ааһ үзүлх). Ода бидн чолун ааһас уунавидн.( чолун ааһ үүзүлх)Бүтн, кемтрхә биш ааһд цә кедмн, цальгруллго, дундинәр кех зөвтә.

Мел юм хучлад йовдгтан хумха хурһн бузрт тоолгдна. Цәәтә ааһиг хойр һарарн чееҗ тусад бәрҗ өгх кергтә.( гиичнрт, багшнрт, эк-эцкнрт, күүкдт цә кеҗ өгнә).

Цә авчах күн бас хойр һарарн авдмн. Медәтә күн барун һариннь нерн уга хурһарн цацл цацад, йөрәл тәвдмн

Цәәһин йөрәл.

  1. Кезә чигн улан зандн цәәһән ууҗ,

Көлсән һарһҗ, маңна тиньгр, седкл таварн,

Нег негндән халун уурта цәәһәр тоож, сән амулң бәәх болтн!


2.Цә шингн болвчн-идәни дееҗ,

Цаасн нимгн болвчн- номин көлгн.

Улан цәәһәс ахллго,

Өмн-өмнкәснь хөөткнь сән болҗ,

Цуһар амулң эдлх болый!


Хальмг цǝ олн зүсн болна

Эк Очирова Екатерина Егоровна :


hello_html_m5ca3c5b0.jpg

- Ɵдр болhн болhдг цǝǝhин тускар таднд келнǝв:

Хальмг цǝ

Хǝǝснд ус кеhǝд, цǝ, давс тǝвǝд, буслhх кергтǝ. Буслсна хөөн, цǝǝhин аг hархла, үс кеhǝд, үстǝhинь буслhдмн. Цǝ шүүhǝд, тос тǝвǝд ,дееҗ бǝрǝд, ааh болhнд кеhǝд цутаднь өгдмн. Түрүн ааhта цǝ медǝтǝ күүнд кеҗ өгдмн.

Эк Мангашова Светлана Борисовна хуурсн цǝ яhҗ болhдгинь келх:

hello_html_m65edd7c3.jpg

Хуурсн цǝ

Хǝǝснǝ йоралд шар тос хǝǝлǝд, невчк hуйр хаяд, шарх кергтǝ.Түүнǝ хөөн ус кеhǝд, , цǝ, давс тǝвǝд, буслсна хөөн үс кеhǝд буслhад уудмн.Ɵткн шимтǝ хуурсн цǝ уусна хөөн үд күртл хот хǝǝгдхш.Эн учрта: кезǝнǝ хальмгуд өрүhǝр иим цǝ уучкад. Үд күртл хөөhǝн хǝрүлǝд геснь цатхлң йовдг бǝǝсмн.

Эк Менкенова Байрта Владимировна «Махта цǝ» болhад авч ирв:

hello_html_m54e511a4.jpg

Борцлсн цǝ

Кезǝнǝ хальмгудт киитрүлǝч уга бǝǝсмн. Тиигǝд махн элвг болхла, борцлад давслдмн. Тернь хатад харлад уданд хадhлгдмн. Борцлсн махан чанад, давста шөлнд цǝ тǝвǝд, буслhад, үс кеhǝд чанҗ уудмн. Эннь цǝ чигн биш, шөлн чигн биш.

Ээҗ Цеденова Галина Алексеевна Цаhана боорцгудын тускар таднд цǝǝлhк:

hello_html_m58bc676b.jpg


Цаһан Сарин байр сәәхн авъяста. Олн зүсн янзта боорцг кенә. Боорцгудт эдлҗ йовсн юмна янзс орулна. Үлгүрнь: хуцин толһа, темән боорцг, мөрнә кит, шор, мошкмр, җола, һалун, хорха боорцг болн нань чигн. Онц чинртә боорцг – целвг. Орчлңгин гегән – нарн целвг боорцгт орна. Шор белг – эн боорцгиг хойр таласнь җидин үзүр дуралһад кенә. Хортн дәврхлә, терүг дарх зер-зев манад олдх гисн йортаһар кегднә. Хорха боорцг – үрн-садна то, малын төл олн болтха гиснә темдг. Өвртә тоһш – үкрин өвр дуралһҗ кенә. Үстә хот элвг болтха гиснә темдг. Кит – мөрнә дотрин хамгин әмтәхн хот. Мөрн мал магтҗах темдг. Хуц – ик чинртә мал. Хөн малын өслт өргҗтхә гиснә темдг. Темән - өврмҗтә мал. Дөрвн зүсн малын негнь. Мошкмр – хөөнә нәрн гесн. Хуцин толһа, целвг, мөрнә кит, җола болн цөөкн тоһш боорцгудар дееҗ өргнә. Өдгә цагт дееҗд балта-нуһл, улан, цаһан деншгүд болн цаасн мөңг тәвнә.

Бидн бичкн цагтан гермүд эргǝд цаhалдг, маднд келкǝтǝ боорцгуд белглдг билǝ. Би тадниг бас Цаhанла йөрǝhǝд келкǝтǝ боорцгуд белглҗǝнǝв.

Багш -Хальмг улс цәәдән дурта. Цә унд хәрүлнә. Эн йир сән аммта, каңкнсн сәәхн үнртә. Мана бичәчнр, шүлгчнр, билгтнр цәәһин тускар шүлгүд, дуд үүдәсмн.







Эк Боваева Любовь Борисовна Саңhҗин Боосян «Хальмг цǝ» шүлг келҗ өгх:

hello_html_m39cc8747.jpg

1.Хальмг цә. Саңһҗин Бося

Кезә, кенә хальмг,

Келхд, үүдәсинь медхшив.

Зуг өрүн болһн

Зандрсн цәәһән буслһнав.

Давста, үстә, тоста.

Таварн сууһад уухла,

Танд юуһинь келхв.


4. Хальмг цә. (дууһар кичәлән төгсәх)

Үгнь Саңһҗин Б.

Айснь Ильцарана В.

Киитн үвлин салькнд,

Шатсн халун нарнд

Ууҗ ханшго хальмг цәәһәс

У-өргн теегтм бәәхий?

Хальмг цә(2 дәкҗ)

Үстә, тоста, давста,

Хальмг цә(2 дәкҗ)

Ууҗ ханшго хальмг цә.

Улан зандн хальмг цәәһән

Эргәд сууһад эдлий.

Маңна тиньгр седкләрн.

Эңкр Таңһчан байсай!





Автор
Дата добавления 12.09.2016
Раздел Классному руководителю
Подраздел Конспекты
Просмотров69
Номер материала ДБ-189465
Получить свидетельство о публикации


Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх