Разработка открытого урока на тему: Параллелепипед и его свойства (11 класс)

Сабақтың тақырыбы: Параллелепипед: тік, тікбұрышты, куб. Параллелепипедтің қасиеттері

Сабақтың мақсаты:

1) білімділігі: Призма туралы түсініктерін кеңейту. Параллелепипед және олардың қасиеттері туралы ұғым беру. Параллелепипедтің диагоналдарының қасиетін дәлелдеу.

2) тәрбиелігі: Эстетикалық және ғылыми көз-қарастарын қалыптастыру, есте сақтау қабілеттерін молайту. Тез ойлап, тез қорытуға және сөйлеу мәнеріне тәрбиелеу. Мамандыққа баулу. Өз ойын жеткізіп, басқаның сөзін бағалауға, талдауға тәрбиелеу.

3) дамытушылығы: Математикалық ойларын дамыту, пәнге деген қызығушылығын арттыру. Теореманы өз бетімен дәлеледеу дағдыларын қалыптастыру.

Сабақтың міндеттері:

ü  Параллелепипедтің анықтамасын білу;

ü  Параллелепипедтің элементтерін білу;

ü  Диагоналдарының қасиеттерін білу;

ü  Теоремаларды өз бетінше дәлелдей алу;

ü  Тік параллелепипедтің өлшемдерін білу.

Сабақтың типі: Аралас сабақ

Оқытудың әдісі: Сын тұрғысынан ойлау технологиясының стратегиялары, сұрақ-жауап, топпен жұмыс

Сабақтың көрнекілігі: геометриялық фигуралар, слайдтар, үлестірме қағаздар, дербес компьютер, интерактивті тақта

Сабақтың жүру барысы:

Ұйымдастыру

Студенттерді сабаққа дайындау. Сабақтың барысымен таныстыру. Топқа түс бойынша бөлу. Түстін мағынасын ашып айту.

Шаттық шеңбері (5 минут)

Студенттерді шеңбер тәрізді тұрғызып, жанындағы досына бүгінгі күнге сәттілік тілейді

Сабақтың шарты:

Бір бірімізді тыңдаймыз, ойымызды бөлісеміз, белсенді араласамыз, «Білмеймін» сөзін айтпаймыз. «Дұрыс емес» ұғымын ұмытамыз.

Сабақ үш фазадан тұрады

І.   Қызығушылықты ояту.

ІІ.  Мағынаны ажырату

ІІІ. Ой –толғаныс

Үй тапсырмасын тексеру

І. Қызығушылықты ояту

Ой шақыру (2 минут)

1. Призма дегеніміз не?

2. Призманың қандай түрлерін білеміз?

3. Призманың жазбасын қалай бейнелейміз?

4. Призманың бүйір бетінің ауданы қалай есептелінеді?

5. Тік призма мен дұрыс призманың айырмашалығы қандай?

Стратегия «Иә» немесе «Жоқ» (2 минут)

1. Бүйір қырлары табандарына перпендикуляр призмалар тік призма деп аталады.___(Иә)

2. S = Ph формуласы призманың толық бетінің ауданын есептейді. ___(Жоқ)

3. Әрі тік, әрі табаны дұрыс көпбұрыш болатын призманы тік призма деп атайды. ___(Жоқ)

4. Куб және параллелопипед призмалар тобына жатады. ___ (Иә)

5. Призманы атуын табан қабырғаларының санына байланысты анықтайды. ___(Иә)

Үй тапсырмасының есебін шығару. (5 минут)

Оқулықтың №19, 28 (16-17 беттер) [1]

№19

Дұрыс төртбұрышты призманың бүйір бетінің айданы 32 см², ал толық бетінің ауданы 40 см². Призманың биіктігін табыңдар.

№28

Үшбұрышты дұрыс призманың бүйір жағының диагоналы d –ға тең және табан жазықтығымен φ бұрыш жасайды. Призманың бүйір бетінің ауданын табыңдар.

Шығармашылық тапсырмаларды тексеру: (8 минут)

1. Қоғамдағы призмаға ұқсас заттарға мысалдар келтіру. (фото суреттер)

2. Призмалардың жазбасын пайдалана отырып, макеттер жасау.

Призманың макеттерін пайдаланып есеп құрастыру және оны шешу.

Бағалау парағы:

Жаңа сабақты түсіндіру

ІІ.  Мағынаны ажырату

INSERT стратегиясы бойынша студенттердің жаңа тақырып бойынша білімдерін анықтау.

Студенттерге жаңа сабақтың материалын таратып, оқуға 2 минут беріледі. Кестені толтыру. Талқылау. Ой бөлісу. (10 минут)

Дәптермен жұмыс (20 минут)

Теореманы дәлеледеу «Өзім үшін жазып алу» стратегиясы арқылы жүргізіледі

Жазғандарын талқылау. Пікірлесу.

Топтастыру стратегиясы. (4 минут)

Кластер. Мәтіндегі параллелопипедтің элементтерін топтастыру.

Сергіту сәті. Табиғат құбылысын бейнелеу (2 минут)

Бекіту

ІІІ. Ой –толғаныс

Математикалық диктант (5 минут)

Интер активтік тақтамен жұмыс.

1. Табаны параллелограм болатын призманы ______________ деп атайды. (параллелепипед)

2. Параллелепипедттің барлық диагоналдары бір нүктеде ______________ және осы нүктеде _____________. (қиылысады, қақ бөлінеді)

3. __________________ деп аталады, егер параллепипедтің бүйір қырлары табан жазықтығына перпендикульяр болса. (тік параллелепипед)

4. ________ - үш өлшемі бірдей тік бұрышты параллелепипед. (Куб)

5. Бір төбесінен шығатын үш қырының ұзындығы ___________________________ деп атайды. (тікбұрышты параллелепипедтің өлшемдері)

Топтық жұмыстармен жұмыс. Оқулықтан есептер шығару. (15 минут)

№11, 12, 13, 18,  16-17 беттер.

Бағалау (6 минут)

Бағалау парағы бойынша қорытынды ұпайларын анықтау.

Өте тамаша! Жарайсын!

17-18 ұпай

Тақырыпты толық меңгеріп, сабаққа сараптама жасай отырып, логикалық ойлау қабілеті дамыған, өзіндік ойы бар студент.

Тамаша! Алға!

14-16 ұпай

Тақырыпты толық меңгерген есеп шығара алатын оқушы.

Ойлану керек! Қатардан қалма!

10-13 ұпай

Әлі де дайындалуды қажет ететін оқушы.

Үй тапсырмасын беру. (1 минут)

2.2 тақырып бойынша дайындалу. [1] №21, 23 есептер (17 бет)

25-27 тақырыптар бойынша қайталау. [2] №219 есеп (66 бет)

Қорытындылау (3 минут)

Нені білеміз?, Не білдік? Не білгіміз келеді?

Оқушылардың көңіл күйлерін тексеру. Рефлекция (1 минут)

Әдебиеттер тізімі

1. В.Гусев, Ж.Қайдасов, Ә.Қағазбаева, Геометрия – 11, Жаратылыстану-математика бағыты, Алматы, Мектеп-2011 ж. 12-14 беттер,

2. Л.Атанасян, В.Бутузов, С.Кадамцев, Л.Кисилева, Э.Позняк, Геометрия 10-11, Алматы, Мектеп-2001