Логотип Инфоурока

Получите 30₽ за публикацию своей разработки в библиотеке «Инфоурок»

Добавить материал

и получить бесплатное свидетельство о размещении материала на сайте infourok.ru

Инфоурок Другое СтатьиРазвитие речи учащихся на уроках крымскотатарского языка

Развитие речи учащихся на уроках крымскотатарского языка













МЕТОДИК ТЕВСИЕЛЕР

КЪЫРЫМТАТАР ТИЛИНИ ОГРЕНГЕН ТАЛЕБЕЛЕРИННИНЪ НУТУКЪ ИНКИШАФЫ БОЮНДЖА ИШ ЧЕШИТЛЕРИ ВЕ МЕТОДИК УСУЛЛАРЫ



Д.К. Аметов

Сакъ район Къуру-Кенегез (Вересаево) умумтасиль мектебининъ алий категориялы оджасы

Талебелернинъ нутукъ инкишафы

Талебелернинъ нутукъ инкишафы - къырымтатар тилини огренювнинъ эсас меселеси. Нутукъ инкишафында оджанынъ эдебий тили нумюне оларакъ буюк хызмет косьтере. Макъсадымызгъа етмек ичюн чешит ишлер япмакъ мумкюн. Олардан эсаслары лугъат иши, джумлелер, нутукъ инкишафы устюнде ишлер. Бу иш чешитлери бири- биринен багълы. Лугъат- бу нутукъ инкишафы дереджесенинъ муим косьтергичлеринден бири.

Къырымтатартилини огренювнинъ биринджи кунюнден мектепни битиргенге къадар талебелернинъ лугъат байлыгъы кет- кете арта, сёзлернинъ догъру язылувы ве теляффузы огрениле, джумлелер мустакъиль тизиле. Талебелерде янъы сёзлерни менимсемек ичюн ашагъыдаки усулларны ишлетмек мумкюн.

  • Предметнинъ костерилюви;

  • Предмет я да онынъ арекетини тасвирленгенини косьтерюв;

  • Сёзлернинъ рус тилине терджимеси;

  • Оларнынъ синоним ве антонимлерини тапув.

Эр бир усулнынъ къулланувы талебелернинъ къырымтатар тилини насыл дереджеде бильгенинен багълы.

Бу усуллар окъугъан метинде янъы сёзлерни манасыны анъламагъа ярдым эте. Къавий менимсемек ичюн язувда, окъувда, лакъырды эткенде огретильген сёзлерни текрарлавыны темин этмек керек.

Янъны сёзлерни манасыны пекитювде ве талебелернинъ менивсевлерини тешкерюв усулларындан пек меракълы ве эффектив ишлерден бири «Сессиз» лугъат диктеси. О эр бир башлангыч сыныфларда кечириле. Бу дикте ичюн оджа предметли ресимлерни, я да «орта сыныф» талебелери ичюн сюжетли ресимлерни азырламакъ керек. Оджа ресимлерни косьтере, талебелер сессиз язалар, я да айры сюжетнен багълы джумлелер тизелер. Сонъ язылгъан ишлерни фронталь тешкерюви кечириле. Теджрибели оджалар дерске азырлагъанда анълатылайджакъ сёзлерни, суаллерни ве сёз бирикмелерини язып ала.

Юкъары сыныфларда лугъат ишини кечиргенде ашагъыдаки схеманы тевсие этем:








Къырымтатар сёзю

Терджиме

Анълатув

Сёз бирикме

яда джумле







Теджрибе косьтере талебелер бир къач мешгъулиеттен сонъ бойле лугъатларыны дерсте ве эвде мустакъиль алып баралар мумкюн. Китапнен, меджмуанен, газеталарнен, чалышкъанда бедий эдебиятны окъугъанда, талебелер анълаштырмагъан сёзлерни мустакъиль сечмеге огренелер. Бу ишлер къырымтатар тилини тез ве яхшы менимсемеге ярдым этелер.

Лугъат ишини планомер ве макъсадлы кечирильмеси талебелернинъ лугъат байлыгъына ве нуткъ инкишафына чокъ файдасы ола. Лугъат ишини кечиргенде чокъ маналы сёзлернинъ манасыны анълав буюк эмиетке малик ола. Биринджи невбетте оджа эсас манасыны, сонъ къалгъан маналарыны косьтермек керек. Чокъ маналы сёзлерни тасвирлегенде бир къач джумле алына, оларда огрениледжек сёз бир къач маналарында ишлетильген.

Меселя: Алтын табиатлы адам. Алтын кузь

Эр бир конкрет фурсатта сёзлернинъ манасыны менимсемек керек. Талебелернинъ лугъат байлыгъыны активлештирюв макъсадынен «лугъат оюнларыны» кечирмек мумкюн. Бир талебе къырымтатар сёзлерини айта, экинджиси рус тилине терджиме эте учюнджиси бу сёз ве сёз бирикмелерни тахтада яза. Бир къач талебе шу сёзлернен чешит шекильде джумлелер тизе (исим олса текликте ве чокълукъта, чешит келишлерде, фииль олса –шимдики, келеджек, кечкен заманларда).

Сёзлернинъ менимсиклигини тешкерювинде диктантлар языла ве бу сёзлерни тапмакъ вазифеси, озь лугъат дефтерине манасы, терджимесини язув амелият ишлери кечириле.

Талебелернинъ агъызавий нутукъ инкишафы, эстетик тербиелев, ахлякъ ве миллий тербиелев ичюн аталар сёзлери, айтымлар, фразеологизмлерни огренюв ве менимсев буюк эмиет бере. Бу фольклор жанрлар тильде озюне хас ерини ала, халкъны икметини тасфир эте. Грамматик малюматларыны огренюв де аталар сёзлеринен, айтымларнен къулланмакъ мумкюн. Меселя: достлукъ, Ветан, эмек акъкъында айтымлар.

«Акъыл яшта дегиль, башта»

«Дост агълатып айтар, душман кульдерип»

«Аз берген джандан берер, чокъ берген малдан берер»

Къырымтатар тилинде озь фикирлерини агъзавий ве язма шекильде беян этмек ичюн ашагъыдаки иш чешитлерини кечирмек тевсие этиле:

  1. Субет: мевзулары чешит тюрлю ола биле. Субетнинъ кечирюв методикасы бойле:суаль къоюв, джеваплар, тюзетювлер, екюн.



  1. Икяе этмек: Нутукъ инкишафы ишнинъ эсас макъсады- талебелерни окъугъан я да корьгенлеринен багълы икяе этмекни огренюв. Икяе этмеге агъзавий суаль-джеваптан, план ве плансыз икяе этмектен башламакъ керек. Икяе этюв индивидуаль я да талебелернен берабер олмакъ мумкюн. Теле ве радио яйынлар эшиткенден, эсерни окъугъандан, сеяаттан сонъ коллективли музакере кечириле. Яхшы джумлелер дефтерлерде языла. Нетиджеде кичкене инша пейда ола.



  1. Ресим боюнджа иш. Бу чешит оджалардан махсус азырланувны талап эте. Ресим боюнджа ишни ашагыдаки схемагъа эсасланып кечирмек мумкюн.

1.Оджа сёзю. 2.Янъы сёзлернинъ анълатув. 3.Талебелер ресимни козьден кечирелер. 4.Ресимни мундериджеси боюнджа субет. 5.Ресим боюнджа икяе. 6.Ресим боюнджа инша.

Оджа грамматик хаталарыны алдыны алув ичюн орфографик ишини унутмай алып бармакъ керек.

  1. Шиирлер ве парчаларны эзберлев. Мевзулы ве шиирий дакъкъалардан сонъ субет.

  2. Берильген мевзуларгъа диалог тизмек.

А) Талебелернинъ мустакъиль диалог тизюви. Оджа ярдым эте, догъурлай, ёнъельте.

Б) Метинден файдаланып диалогнынъ джевапына репликалар къошув.

Меселя:

из къайда яшайсыз ?

- . . . . . . . .?

-Къырымгъа не вакъыт ве къаерден кельдинъиз?

- . . . . . . .?

В) Суаль репликаларыны диалогкъа къошув.

- . . . . . . .?

-Янъы йыл-мен ичюн энъ севимли байрам.

-. . . . . . .?

-Бизим миллий байрамларымыз да пек меракълы кече.

Г) Диалогны девам этюв.

Д) Диалогны роллер боюнджа окъув.

Е) Мевзу боюнджа диалог тизюв.

Меселя:

  1. Сиз достунъызны догъгъан куньге теклиф этесиз.

  2. Достунъыз озь шиирини косьтере.

  3. Ана бабанъыз акъшам дискотекагъа бармагъа рухсет бермей.

  1. Ситуатив вазифелерни беджерюв.

Меселя:

Телевизорнынъ биринджи каналында бедий фильм кете, экинджисинде- концерт. Къайсы телеяйыннынъ сечип алырсынъыз ве не ичюн?

Джевабынъзны аргуметлештиринъиз.

  1. Джумлелер устюнде иш.

Бу иш чешити тильни менимселикнинъ эсасы. Талебелер джумлени тизюв услюблери яваш-яваш менимсемек кереклер: еньгильден къыйынгъа, аддийден муреккепке.

Меселя:

А)Джумлелерни тахтадан я да дерсликтен кочюрмек.

Б) Джумлелерни язып битирмек.

В) Нумюнеге бакъып джумлелер тизмек.

Г) Айры- айры сёзлерден джумлелерни тиклемек.

Д) Аддий джумлени кенишлемек.

Е) Берильген синтактик схемагъа айт джумлелер тизмек:

Муптеда: Хабер:

экинджи дередже экинджи дередже азасы

азасы экинджи дередже азасы

Ё) Джумлелернен иджадий мешгъулиетлер.

Меселя: Кочюрильген лафны къыя лафнен денъиштирмек ве аксине.

8. Иш кягъытлары анълатув, ариза, тарифлелме, терджимейиал, телеграмма адрес.

9. Масалларны, эфсанелерни, бедий эдибеяттан парчаларны саналаштырув.

10. Беян. Окъугъан я да диньлегенини, озь фикирлерини беян этмеге огрете, агъызавий ве язма нутукъны инкишаф эте.

Дерсте беян язув устюнде иш ашагъындаки боюнджа кечереле.

  1. Оджа сёзю.

  2. Оджа метинни окъуй.

  3. Лугъат иш.

  4. Метинни мупдериджеси боюнджа субет.

  5. План тизюв.

  6. Агъызавий икяе я да суаллерге джевап бериле,метинни текрар окъув.

  7. Беян язувгъа орфографик язырланув.

  8. Беянны язув.

  9. Талебелер ишлерини текширелер.



11.Инша. Инша - иджадий иш. О талебенинъ мустакъиль олмасыны, активлигини, метинге озь фикирлерини кирсетювини талап эте.

12. Метиннен ишлев.

Метиннен ишлев макъсады - динълев ве айтув, окъув ве язув, монолог ве диалогларны мукеммелештирюв, фонетика, лексика, грамматика, сёз япылувдаки бильгилерни системалаштырув ве теренлештирюв. Метин устюнде ишлевден эвель вазифелер олмакъ керек. Оларнынъ макъсады къыйынлыкъларны чыкъармакъ. Бу чешит тюрлю лугъат ишлер: сёзнинъ манасы, сёз ве сёз бирикмелернинъ манасыны анълатмакъ.

Метинни окъув, субет, суаллерге джевап, метиннинъ эсас фикирини тапмакъ иши кете. Метинден сонъ мешгъулиетлер япыла.

Меселя:

1. Метинден план боюнджа малюмат тапмакъ.

А) . . . . . . . . .

Б) . . . . . . . . .

2. Метинден хитап олгъан джумлелерни язып алмакъ, сызмакъ, токътав ишаретлерни анълатмакъ.

3. Джумлелерни денъиштирюв ве фаркъларны анълатмакъ.

4. Беш фиильни язып алмакъ, оларнынъ заманынен бельгилемек ве башкъа фииль заманларыны тешкиль этмек.

Метинлерни азырлав вакъытында оладжакъ грамматик вазифелерни тюшюнмек ве метин мундериджесинде тербиелев, огренюв манасына козьде тутмакъ. Бу къырымтатар дерслеринде пек муим. Чешит тюрлю карточкаларынен къулланув окъув процессинде буюк ярдым эте. Оларнынъ текрарлав макъсадынен ярыш оюнлары кечирмек яхшы.

  1. Эстафета - эр бир сыра вазифели карточкалар ала: берильген сёзнен ибаре язмакъ,сёз бирикме язмакъ я да икяени девам этмек. Талебе карточканы алып вазифесини беджере ве башкъасына бере. Эр бир талебе бир сёз, сёз бирикме, ибаре я да джумле яза биле. Тез ве хатасыз вазифени япкъан группа гъалебе къазана.

  2. Энъ яхшы ким?

Талебелер озь-ара ярыш кечирелер, ким яхшы ве тез тарифлеме, мектюп, хайырлав я да башкъа иш кягъытларыны язар.

Талебелер озьлери мешгъулиет ве текрарлавгъа суаллер тизелер. Энъ яхшы тешкиль этильген мешгъулиетлер я да суаллер вариантлары окъула ве баалана.

Просмотрено: 0%
Просмотрено: 0%
Скачать материал
Скачать материал

Найдите материал к любому уроку, указав свой предмет (категорию), класс, учебник и тему:

5 496 073 материала в базе

Скачать материал

Другие материалы

Вам будут интересны эти курсы:

Оставьте свой комментарий

Авторизуйтесь, чтобы задавать вопросы.

  • Скачать материал
    • 26.02.2019 322
    • DOCX 41.8 кбайт
    • Оцените материал:
  • Настоящий материал опубликован пользователем Аметов Дамир Кашифович. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт

    Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.

    Пожаловаться на материал
  • Автор материала

    Аметов Дамир Кашифович
    Аметов Дамир Кашифович
    • На сайте: 2 года и 10 месяцев
    • Подписчики: 0
    • Всего просмотров: 363
    • Всего материалов: 1