Әрбір жан өз бақытының шебері

Алматы обылысы Талғар ауданы Бесағаш ауылы №29 орта мектеп педагог-психологы Жусы Самира Амантайқызы.

« Әрбір жан өз бақытының шебері»

Семинар-трениг

Тренингтің мақсаты: Жас мамандардың өздеріне деген сенімділіктерін арттыру, мақсаткерлік, кешірімділік туралы ойларын жетілдіру.

« Өмір теңіз – онда жүзем демеңіз, ізгіліктен жасалма са кемеңіз»

«Адамды, кісілікті терең ұғынған сайын, кісі өзіне жақсы төреші бола алады»

« Кімде – кім өз бойындағы адамды зерттеп білмесе, өзгені терең тануға ешқашан қол жеткізе алмайды»

« Адам өміріндегі ең тамаша нәрсе – ол басқа адамдармен қарым – қатынасы.

Сәлеметсіздер ме, құрметті жас мамандар. Бүгінгі тренингіміз «Әрбір жан өз бақытының шебері» деп аталады. Яғни, өз – өзіне деген сенімділікті арттыруға бағытталған. Қазақтың ұлы ақыны Абай Құнанбаевтың

Сенбе жұртқа, тұрса да қанша мақтап,

Әуре етеді, ішіне қулық сақтап.

Өзіңе сен, өзіңді алып шығар,

Ақылың мен еңбегің екі жақтап – деген шумақтарын еске ала отырып тренингімізді  бастаймыз.

« Мен өзімді... мақтаймын»  жаттығуы

Мақсаты: Танысу, өзін – өзі бағалау деңгейін арттыру.

Нұсқау: Әрбір қатысушы өз есімімен қоса есімінің алғашқы әріпі бойынша өз бойындағы жақсы қасиеттерін айтады. Мысалы: Самира – сабырлымын.

« Жол картасы»

Мақсаты: Өмірлік мақсаттары туралы ойын жинақтау, өмірлік кедергілерге дайындалу.

Нұсқау: Өмірдегі ең үлкен мақсатыңызды жазыңыз. Сол мақсатқа жету үшін қандай кедергілер кездесуі мүмкін? Берілген 5 аялдамаға жазып шығыңыз.

« Менің әлемім»

Мақсаты:Өмірлік құндылықтар туралы ойларын ортаға салу.

Нұсқау:Әр бөлек – бұл жеке әлем мекені:

Ұсыныстар әлемі (өмірлік ережелеріңіз, өмірлік қағидаларыңыз, өзіңіздің ғажайып ойларыңыз, мақсаттарыңыз, ұсыныстарыңыз ).

Адамдар әлемі (өзіңізге ой қалдырған таныс, бейтаныс адамдар, тірі және өмірден өткен адамдардың ең жоғары ерекшеліктері мінезі, жеке қасиеттері )

Заттар әлемеі( сіздің өміріңізге аса қажетті заттар ).

Жағдаяттан жол тауып шығу

Ұстаздық жолда, талай қиналасың,

Қиналасың артынан жол табасың.

Күтпеген жағдайларға кез боп талай,

Сол жағдайдан шыға алсаң , сыйлы адамсың.

Ендігі біздің шартымыз жас мамандарымыздың  жағдаяттан, яғни тығырыққа тірелер сәттен жол тауып шығуын сынап көрелік.

Жағдаят. Ата – ана жиналысында Сіз баласы туралы нашар пікір айттыңыз. Ата- ана баласын жақтап, мұғалімді кінәләді. «Білім, тәрбие бере алмайсыңдар», деп ашуланды. Барлық ата- ана сізге қарап отыр.Қандай жауып қайтарасыз, қандай әліс тәсілдерді қолданасыз?

Жағдаят Оқушылар мұғалім орындығына бор жағып қойған сіз байқамай отырдыңыз да киіміңізді бұлғап алдыңыз.Оқушылар байқап сізге ескертті.Қандай амал қолданасыз?Жаппай ұрысысыз ба?Басқа дп\а амал қолданасыз ба?

Жағдаят. Оқушы сіздің сабағыңыздан үнемі қашып кетеді. Жетекшінің, мектеп директорының ескертуінен еш нәтиже шықпады. Мектеп әкімшілігі оқушыны қызықтыра алдмадың деп сізді кінәлады.Басқа оқушылар сіздің сабағыңызды ұнатады. Әлгі оқушымен қандай жұмыс атқарасыз және қандай шара қолданасыз?

Жағдаят. Сіз үйге тапсырма бердіңіз, Оқушы үй тапсырмасын реферат түрінде, оқулықтан тыс материалмен, ғылыми деректермен дәлелдеп жазып келген, сіз ол деректер жайында білмейсіз. Оқушы жұмысын қалай бағалайсыз? Білмейтініңізді білдірмей қалу керек пе?

Жағдаят.  Сабақ үстінде балалар бір келеңсіз іс істеді. Сіз бір оқушыны кінәлі деп тауып, оған ұрса бастадыңыз. Қатты – қатты сөз айттыңыз. Бір уақытта басқа бір оқушы ол істі өзінің істегенін мойындады. Ал сіз ашуыңызды бірінші оқушыға көрсеттіңіз.Не істейсіз? Бірінші оқушыдан кешірім сұрайсыз ба? Екінші оқушыға ұрыса бастайсыз ба?

Жағдаят. Сіз бүгін қандй да бір жағдаймен сабаққа дайын емессіз.Өзіңіз жас маман болғандықтан, жоспарсыз сабақ өту сізге қиындық келтіреді.Сабаққа келсеңіз сабағыңызға кісі қатысып отыр. Не істейсіз? Жаағдаяттан қалай шығасыз?

Сұраққа жауап.

Ұстазсың ба, болуың керек, жан- жақты,

Кездестіресің өмірде талай сұрақты.

Білімділік керек саған жас ұстаз,

,Жылдамырақ тауып көрші жауапты.

Әрбір жас маманға жылдам жауап беруге арналған сұрақтар ұсынылады.

1.Оқушыларды халықтық педагогикамен тәрбиелеуге негізделген бағдарламаның аты қандай?  ( Атамекен бағдарламасы ).

2.Шоқанның шын аты км?  Мұхамедқанафия.

3.Мемлекеттік бас құжат не ?  Конституция.

4.Қазақтың ән өнерін алғаш шетелге танытқан әнші кім? Ә Қашаубаев.

5. «Жұқа тақтай бөлшегі, ұзындықтың өлшемі» ол не?  Сызғыш.

6. Абылай ханның шын аты кім?  Әбілмансұр.

7.Дүниенің төрт бұрышын ата.  О.С.Ш.Б.

8. «Еркек тоқты құрбандық, атам десең атыңдар» кімнің сөзі? Қ Рысқұлбеков.

9.Қожа Ахмет Яссауи кесенесін тұрғызған кім?  Әмір Темір.

10.Жол сілтер жұлдыз қалай аталады?  Жеті қарақшы.

11.Қазақтың тұңғыш би өнерін дамытушы кім?  Шара Жиенқұлова.

12.Абайдың шын аты кім?  Ибраһим

13.Қазақ алфавитінің негізін салушы кім?  А Байтұрсынов.

14. «Жеті жарғыны жазған кім?  Тәуке хан

15. «ақтабан шұбырынды, Алқакөл сұлама» оқиғасынан туған ән?  Елім – ай.

16. Түркі елінің рухани астанасы.  Түркістан.

17Көп түкірсе не болады?  Көл.

18. Әлемнің кереметі нешеу?  Жетеу.

«Қошеметтер» жаттығуы.

Мақсаты: Қатысушыларды бір – бірін қошеметтеуге баулу.

Нұсқау:Өз жандарыңызда отырған қызметтестеріңізге қошемет сөз айтып шығыңыздар.Мүмкін өз қошеметіңізді бір сөзбен немесе бірнеше сөзбен жеткізерсіз,өз еркіңізде. Қошемет алған адам өз алғысын білдіреді.

Талдау: Қошемет айтқан жеңіл ме, әлде оны қабылдаған жеңіл ме?

Қорытынды: Семинардан алған әсерлерімен бөлісу.