Рефлексивный отчет по английскому языку с использованием 7 модулей

Оқушылардың білім алғандығының дәлелдемелері қамтылған тізбектелген сабақтар топтамасынан алынған бір сабақ бойынша рефлексивтік есеп

«Оқуды үйретудің» қозғаушы күші «метатану» болып табылады. Басқаша айтқанда, оқу бар, бірақ сонымен бірге оқуды үйрету де бар. Адамдар ойлауға қабілетті және ойлау туралы ойлануға да қабілетті. Тап осы сияқты танымдық қабілет бар да, сол сияқты танымды тану да бар. «Метатану» деп индивид қалай ойлайтынын, оқитынын қадағалау, бағалау, бақылау, кейінгі оқу үдерісінде мұндай ойлаудың нәтижелерін саналы қолдану үдерісі ретінде сипаттауға болады. Бұл үдерісте мұғалім оқушыға:

-білім міндетін қоятын талаптарды түсінуге;

-жеке ойлау үдерістерін және олардың жұмыс қағидаттарын зерттеуге;

-міндеттерді орындау стратегияларын әзірлеуге және ойластыруға;

-нақты міндет үшін сәйкес келетін стратегияларды таңдауға көмектеседі.

Осы төрт тармақты іске асыру үшін оқушылардан оқуды үйрену талап етіледі. Мұғалімдер, өз кезегінде, өзінің сабақ беруіне емес, оқушылардың оқу ептілігін дамытуға назар аударуы тиіс. Осы мақсатта мұғалім оқыту ортасын құру керек, соның арқасында оқушылар ақпаратты енжар қабылдамай, оқу үдерісіне белсенді қатысатын болады. Әңгімеге арқау болған бөлімнің негізгі идеясы ақпарат беріледі дегенге саяды, бірақ білім мен түсінік оқушы бойында қалыптасады, ал мұғалім – бұл үдерісте көмек көрсететін жан. (Мұғалімдерге арналған нұсқаулық, 32 бет) [1]

Қысқа мерзімді жоспарлау

Күні:	Пәні: Ағылшын тілі	Сынып: 7
Сабақтың тақырыбы	The green world. Saguaro
Сабақтың мақсаты	Жаңа тақырып туралы білімдерін жүйелеу, бекіту. Ауызша-жазбаша жүйелі сөйлеу тілін дамыту. Шығармашылық қабілеттерін шыңдау.
Оқытудың нәтижелері	Жаңа тақырып туралы білімдерін бекітеді. Жүйелі сөйлеу тілін дамытады. Шығармашылық қабілеттері шыңдайды.
Негізгі дерек-көздер	Плакат, маркер, бағалау парақшасы, стикерлер
Модульдің кіріктірілуі	Оқыту мен оқудағы жаңа тәсілдер, Сыни тұрғыдан ойлауға үйрету, Оқыту үшін бағалау және оқудағы бағалау, көшбасшылық

Сабақтың барысы

Сабақ бөлімінің кезеңдері	Уақыт	Мұғалімнің іс-әрекеті	Оқушының іс-әрекеті	Бағалау	Ресурстар, көрнекіліктер
Ұйымдастыру	2 мин 5 мин 3 мин	Good morning! How are you? Who is on duty? Who is absent? What is date today? Ынтымақтастық атмосферасын қалыптастыру Топқа бөлу	Good morning, teacher? We are OK. I’m on duty today! Шеңбер болып тұрып, бір-бірлеріне жылы лебіздер айтып, гүл беру арқылы сыныпта ынтымақтастық атмосферасын қалыптастырады. Кәмпиттермен 8  оқушыдан 2 топқа бөлінеді.		Гүлдер Кәмпиттер
Жаңа сабақты  түсіну	6 мин	«Ассосиация» әдісі бойынша кактус туралы постер жасату.	кактус туралы білгендерін постерге түсіріп, қорғайды.	Түстермен бағалау	Түрлі-түсті стикерлер, плакат, маркер
Жаңа сабақты қолдану	14 мин	«БББ»  стратегиясы бойынша мәтінмен жұмыс жасату.	Кактус туралы мәтінді түсінген, түсінбегені туралы БББ кестесін толтырады	Өзін-өзі бағалау	БББ кесте, мәтін
Жаңа сабақты Талдау Синтездеу Бағалау	6мин	«Ой қозғау» әдісі бойынша  кактус туралы  5 жолды өлең жаздыру.	Жаңа сөздерді қолданып, 5 жолды өлең жазады жазады.	Түстермен бағалау	Түрлі-түсті стикерлер, оқушы дәптері
	6мин	Эссе	Тақырыпқа эссе жазады		дәптер
	2 мин	Бағдаршам түстерімен бағалау, топ басшысы топ мүшелерін бағалайды	Оқу мотивациясы артады	ауызша	Бағдаршам түстері
	1 мин	Үйге тапсырма беру.	Күнделікке жазып алады		Күнделік

Сабағымды әдеттегідей амандасудан, кезекшіден сабақта жоқ оқушыларды сұраудан бастадым. Сыныпта жағымды ахуалды қалыптастыру үшін шеңбер болып тұрып, бір-бірімізге жылы лебіздер айтып, гүл беру арқылы сыныпта ынтымақтастық атмосферасын қалыптастырадық. Мысалы, You are nice. Good luck. Be happy. Smile. Осылайша оқушылардың көңілі көтеріліп, әрі сабақтан тыс сөйлемдермен сөз қорларын байытады. Алайда, барлық оқушылар шет тілінде сөз тіркестерін, сөйлемдерді айта білмейді, сондықтан бір оқушы бірнеше тілектен айтты.

Сыныптағы оқушылардың жас ерекшелігін, білім деңгейін ескере отырып 16 оқушыны екі түсті кәмпит түрлерімен 8  оқушыдан 2 топқа бөлдім. Бұл оқушыларға тосын жағдай болды, себебі, тәттіні олар ұнатады, әрі ББжБАЖТ жаңа тәсілдердің бірі еді.

Білу кезеңінде жаңа тақырыпың мақсатына шығу үшін оқушылардың өздерінен не білетіндерін «Ассоциация» әдісі бойынша кластер жасауды тапсырдым. Мұндай тапсырма оқушыларға орындау қиын емес, алайда сабақ ағылшын тілінде болғандықтан, білмейтін сөздері бар, керекті сөздерді аударып отырып орындайды, ол көп уақытты қажет етеді. Сондықтан бұл тапсырмаға  уақытты көбірек беруге тырысамын. Әр топ мүшесі кластерін қорғап болғаннан кейін, басқа топ мүшелері алдарындағы түрлі-түсті қағаздарды көтеріп, бағалайды. Осылайша топтар арасында өзара бағалау орын алады. Мұнда ББЖТ, СТО, ОүБжОБ модульдері орын алды. Тақырыпты қолдану кезеңінде кактус туралы мәтін берілді. Оқушылар мәтінді оқып шығып, түсінеді. Бірақ, мәтінде жаңа сөздер кездесетіндіктен, алдымен жаңа сөздерді дыбыстатамын, және аудармасын айтып беремін, себебі сөздерді аудару уақыт алады. Сатау С., Ибрагим С., Камариденов С., Жақсылық Г., Ибрагим А., Имантай Д., сынды оқушыларға мәтінді толық түсіну үшін әр сөзді аудару керек және бір сабақтың ішінде ол мәтінді аударып үлгермейді. Мәтінді түсініп болғаннан кейін БББ кестесін толтырады, бұл жерде мәтінді түсініп барып кестені толтырған оқушылар Жекенаев Н., Бейсембай А., Утепова С., Маданиева А., Жақсылық Л., Нығыманова А. Ал, Сатау С., Ибрагим С., Камариденов С., Жақсылық Г., Ибрагим А., Имантай Д. топтық жұмыс болғандықтан, мәтінді оларға топ мүшелері түсіндіріп берді. Осы тапсырмада оқушылар арасында өзара бағалау, ЖЕСО, көшбасшылық модульдері көрініс тапты. Бұл кезеңде сабақтың сәтті өткен жері ол – мәтінді түсінгендері, яғни жаңа тәсілді қолдану арқылы өзара бағалау жүргізілсе, сәтсіз жері – топ болып, шет тілінде талқыға түсе алмады.

Талдау кезеңінде «Ой қозғау» әдісі бойынша оқушыларға 5 жолды өлең құрастыру тапсырмасы берілді. бұл тапсырма Бұл тапсырма Сымбат, Айдана, Амина, Аяжан, Нұралы сынды оқушыларға орындау жеңілдеу болды, себебі, олардың сөз қоры молырақ, сөз табын біледі. Ал, жұмыс жеке, дара орындалғандықтан Дильназ, Гүлназ, Амина, Сабыржан, Алиби, Сұңғат сынды оқушылар үшін қиын, алдымен жаңа сөздердің аудармасын іздеу керек болды. Бірақ, жұмыс оқушыларды сыни тұрғыдан ойлауға, сөз қорын байытуға жетелейтін тапсырма, әр оқушыны жеке жұмыс істеуге жетелеу болатын. Сабақтың сәтті жері – 5 жолды өлеңді құрастырып білетін оқушылар бар, сәтсізі – көп оқушы уақытты үнемдемейді. Өлең жолын құрастырған оқушы тақпағын оқып шықты, басқалары тапсырманы орындаған оқушыны түрлі-түсті стикерлермен бағалады, яғни, жасыл түс – өте жақсы, сары – жақсы, қызыл –орташа дегенді білдіреді. Мұнда топпен қарағанда кейбір оқушыларға тапсырманы жеке орындау әлдеқайда қиын екені көрініп тұрды. Сондықтан барлық оқушы тапсырманы орындай алмады.

Синтездеу барысында 5 жолды өлеңді арқау етіп, шет тілінде эссе жазу. Әрине, бұл тапсырманы өлең құрастырған оқушылар ғана орындай алды. Олар сөйлем құру ережесі, тәртібі, шақ құрылымдары естерінде. Сабақтың синтездеу кезеңіндегі тапсырма күрделі, әрі шет тілінде болғандықтан, орындай алмаған оқушыларға уйде аяқтап келуге берілді. ал, сабақ үстінде олар кактусты сипаттайтын жаңа сөздердің синонимін тауып аудару тапсырмасын орындап, Сұңғат, Алиби, Жан, К.Сымбат, Ырысты, Нұрай жақсы деген баға алды, әрі оларға сабақ ұнады, себебі, тапсырма жеңілдетіліп берілді. мұнда ББЖТ, ЖЕСО, СТО модульдері орын алды.

Бағалау кезеңінде орташа оқитын оқушылар өздерін жоғары бағалады, себебі, олар орындаған тапсырма деңгейі жеңіл болды деп топ басшысы түсіндіріп өтті. Жалпы, «бағдаршам» әдісімен бағалауда барлық оқушы тақырыпты түсініп, қосымша керекті мағлұмат алғандарын стикерге жазып, бағдаршамның жасыл, сары түстеріне жабыстырды.

Бірақ, оқушылардың сөз қорының аздығынан, тапсырманы орындау қабілеттерінің орташалылығынан, әлде тапсырманың қиын болуынан уақыт жетпеді, сондықтан уақытты үнемдей отырып, оқушылардың барлығынан тапсырма толық сұралмады. Бұл осы сабағымда анықталған тағы бір кедергінің бірі болып шықты. Бағалауда оқушылар бойында СТО үйрену тәсілі орын алды. нәтижесінде жаңа тақырып туралы білімдерін бекіте алды, шығармашылық қабілеттері артып,  эссе жаза алды. Ал, эссе жаза алса, демек сөйлеу мәнерін де дамытты.

            Үй тапсырмасында тапсырманы орындап шыққан оқушыларға ұнаған өсімдігі туралы мәлімет әкеліп, сол туралы әңгімелеп беру, қалғанына 5 жолды өлең тапсырмасын жалғастыру болды. Яғни, үй тапсырмасы оқушылардың білім деңгейіне байланысты деңгейлеп берілді.

 Кездескен кедергілер: сөз қорларының жетіспеушілігінен мәтінді барлық оқушы түсіне алмағаны; уақытты үнемді пайдалана алмадық.

     Шешу жолдары: өзім сабақ жоспарымда шығармашылық, күрделі тапсырмаларды көп алып қойдым, себебі, оқушыларды сыни тұрғысынан ойлату арқылы шығармашылық тапсырмаларды көп орындау керек деген мақсатпен болатын; бұл сабақта формативтік бағалау критерийін қолданбағандықтан, үлгерімі төмен, тапсырманы орындай алмаған оқушылар өздерін асыра бағалады, бағалау критерийін сабақта үнемі қолданысқа енгізіп отыру жолдарын қарастыру керек.

      Келесі қадамым: сабақтардағы кемшіліктерді болдырмау, модульдерді тиімді пайдалана білу.

Пайдаланылған әдебиеттер тізімі:

1.     Мұғалімдерге арналған нұсқаулық [1]