Рефлексия коучинга "Lesson Study (зерттеу сабақтары)"

"Шеберлік сыныпқа" рефлексивтік есеп

     Мектептің даму жоспарын іске асыру мақсатында өтетін әдістемелік айлықтар да жақындады. Сондықтан Lesson Study (зерттеу сабақтары) туралы толық мәлімет беру үшін шеберлік сынып өткізуді дұрыс деп санағанбыз. Тақырыбы"Оқыту мен оқу үдерісін жақсарту

мақсатында Lesson Study-ді қолдану" деп аталды. Жалпы мақсаты "Ынтымақтастықтағы мұғалімдер оқу сапасын арттыру үшін белгілі бір тәсілді қалай дамытуға болатындығын анықтау мақсатында оқушылардың оқу үдерісін зерделеуді үйренеді."деп аталады. Қолданатын  материалдарды 1-3деңгейдің "Мұғалімдерге арналған нұсқаулық" кітабы мен таратпа материалдардан алдық.

          «Қос шеңбер» деген ойын ұйымдастырылды. Мұғалімдердің әріптесіне жақсы тілектер тілеуі жақсы ынтымақтастық ортаның қалыптастыруын нығайтты. Ал топқа ұстаздардың өздеріне таныс патриоттық "Атамекен" әнінің шумақтары бойынша  бөлінуі де оң ықпал етті. Топ мүшелері қызметін де бөлісті. 1топ " Lesson Study жоспарлау, бақылаудағы оқушыны анықтау , 2-топ   " Lesson Study -жүргізу оқушы пікірін білу",3-топ" Lesson Study -ден кейінгі талдау ", " Lesson Study -ді ұйымдастыру  " тақырыптарындағы мәтіндермен жұмыс жасады. "Автобус аялдамасы" арқылы топтар бір-біріне түсіндірді. Ал топаралық бағалау "Тир" арқылы жүргізілді.Бұл тапсырманы мұғалімдер жоғары қызығушылықпен орындады.  Осыдан кейін "Атамекен " әнін орындау арқылы сергіту сәтін жасадық.

   Келесі тапсырмаларды орындау барысында 1-топ "Зерттеу сабағы бойынша мұғалімдердің бірлесе жұмыс жасауына ықпалететін, бөгет жасайтын, ықпал ететін жағдайлар", 2-топ "Ашық сабақтар мен Lesson Study арасындағы айырмашылық ", 3-топ " Lesson Study мұғалімдерге несімен тиімді" 4-топ " Lesson Study мектеп мәдениетінқалай қалыптастырады?" деген тақырыптарда постер, кластер құрастырды.   Бұл тапсырма арқылы жұмыс қызу түрде өтті. Топ мүшелерінің жұмысын бақылау кезінде әрқайсысының өз ойларымен бөліскендерін көрдім.  Бұл жұмысты "Галарея" бойынша  топтар бағалады. Бұл түрдегі бағалауды үлкен қызығушылықпен орындады. Өз ұсыныстарын жазды. Бұл әдіс өз нәтижесін берді. 

    Рефлексияны "Құнарлы жерге үйіңді сал" тақырыбында "Үй" стикеріне жазды.   Кері байланыс арқылы

   Кері байланыс алуымның нәтижесінде жұмысымыз қызықты және нәтижелі болды деп есептейміз. Ұстаздар осындай жұмыстарды күтетіні де қуанышты жағдай деп есептейміз.