"Құс қанаты" шығармасындағы ұлттық құндылықтар 7-сынып

Аудандық « Кемел ойлы, көркем сөзді шежіре» атты

 Әбіш Кекілбайұлы шығармалары бойынша

 панорамалық сабақтар байқауы

Тақырыбы:

Ә. Кекілбайұлы

«Құс қанаты» шығармасындағы

ұлттық құндылықтар көрінісі

Дайындаған: С. Жаңғабылов орта мектебінің

   қазақ тілі мен әдебиеті пәні мұғалімі

Серикова Нұргүл Түйебайқызы

2019 жыл

Мектеп: С. Жаңғабылов орта мектебі Сынып: 7 Күні: 08. 10. 2019
Сабақтың тақырыбы:		Әбіш Кекілбайұлы «Құс қанаты» шығармасындағы ұлттық құндылықтар көрінісі (талдау сағаты)
Осы сабақта қол жеткізілетін оқу мақсаттары		7.3.3.3 Шығарманы ұлттық құндылық тұрғысынан талдап, әдеби эссе жазу;
Сабақтың мақсаты		Барлық оқушылар: шығармадан ұлттық құндылықтарды табады, әдеби эссе жазады. Көпшілік оқушылар: шығармаға ұлттық құндылық тұрғысынан талдау жасайды, әдеби эссе жазады. Кейбір оқушылар: ұлттық құндылықтарды өмірмен байланыстырып,салыстырады,  дәлелдер ұсынады, әдеби эссе жазады.
Бағалау критерийі		Шығармадан ұлттық құндылықтарды тауып, әдеби эссе жазады; Ұлттық құндылықтарға талдау жасай отырып, өз көзқарасын білдіріп, эссе жазады; Ұлттық құндылықтарды өмірмен байланыстырып, салыстырады, эссе жұмысында дәлелдер келтіреді.
Тілдік мақсаттар		Пәнге қатысты сөздік қор мен терминдер: киіз үй, қара шаңырақ, қара қазан, шошала, әбдіре, сүйінші, беташар, жеті шелпек т.б. Диалог құруға / шығарма жазуға арналған пайдалы тіркестер: Менің ойымша... Сол себепті... Қорыта айтқанда... Талқылауға арналған сұрақтар: «Қара шаңырақ» ұғымының киесі неде ? «Қара қазан» ұғымының қазақ үшін маңызы қандай? «Қара кемпір» ұғымы қандай мағынада қолданылған?
Құндылықтарға баулу		Тарихтың, мәдениет пен тілдің біртұтастығы
Ойлау дағдыларының деңгейі		Талдау, жинақтау, бағалау
Пәнаралық байланыс		Тарих, өзін – өзі тану, музыка
Тақырып бойынша алдыңғы білім		Ә.Кекілбайұлы «Құс қанаты» повесі
Сабақтың барысы
Сабақтың жоспарланған кезеңдері	Сабақта жоспарланған жаттығу түрлері				Ресурстар
Сабақтың басы	Ұйымдастыру кезеңі (5 мин) Психологиялық ахуал қалыптастыру Үй тапсырмасын сұрау «Сәлемдеме» әдісімен өткен сабақ бойынша қоржындағы сұрақтарға жауап береді. («Мереке» күйінің ырғағымен оқушылар «Сәлемдемені» бір – біріне ұсынады. Күй тоқтаған кезде «Сәлемдеме» кімнің қолында болса, сол оқушы сұраққа жауап береді. «Сәлемдеме» ішінде тосын сый бар. Ол – Әбіш әлеміне саяхат жасауға тегін жолдама.)    «Сәлемдеме» сұрақтары: 1.Ананың қалаға көшу себебі қандай? 2.Ана неге қара шаңырағын қимады? 3.Шығармада ана бейнесі қалай берілген? 4.Ана қала тірлігіне үйреністі ме? 5.Шығарманың «Құс қанаты» аталуының мәні неде? Дескриптор: * кейіпкер бейнесін ашады * шығармадан үзінді келтіреді * өз көзқарасын білдіреді « Әбіш әлеміне саяхат» Оқушылар шығарманы терең тану үшін Әбіш әлеміне саяхатқа аттанады. Саяхаттың әр маршрутында тапсырмалар орындайды.				Ә. Кекілбайұлы    Шығ.жинағы
Сабақтың ортасы	Жұптық жұмыс (5 – 7 мин ) «Түртіп алу» стратегиясы бойынша шығармада кездесетін көнерген сөздерді анықтайды. Жұптасып көнерген сөздердің  мағынасын ашады. Көнерген сөздер: Шошала – қазақ халқының көне баспаналарының  бірі. Құрылымы аңшы қосына ұқсас. Жүкаяқ – жиған жүктің астына қоюға арналған ағаш тұғыр. Жүкаяқ кепкен, мықты әрі жеңіл ағаштан, тегіс тақтайдан жасалады. Әбдіре – үй бұйымдары мен ұсақ бағалы заттарды сақтайтын, көлемі үлкендеу, үстіңгі қақпағы, бүйірлерінде бірнеше суырмалары бар үй жиһазы. Бәйбіше –  отбасылық дәстүрде қалыптасқан жұбай мәртебесі. Ел анасы болған ақылшы, беделді әйелдерді құрметпен бәйбіше деп атаған. Дескриптор: * жұптық талқылау жүргізеді. * көнерген сөздерді табады. * көнерген сөздердің мағынасын ашады. ҚБ: Жұптар бірін – бірі бағалайды Топтық жұмыс (10 – 13 мин) Берілген пазлдар бойынша үш топқа бөлінеді. Үш топқа шығармадан алынған үзінділер беріледі. «Пазл» әдісі арқылы тапсырмаларды орындап, пазл бөліктерін құрастырады. «Пазл» тапсырмалары: 1.Шығармадан ұлттық құндылық элементерін табу 2. Құндылықтардың қолданылу аясын анықтау 3. Құндылықтардың жаңашылдығын салыстыру Дескриптор: * ұлттық құндылық элементтерін табады * қолданылу аясын анықтайды * құндылықтардың жаңашылдығын салыстырады ҚБ: «Қуат көзі» әдісі. Топтар бірін – бірі бағалайды Сергіту сәті (2 мин) «Кереге, уық, шаңырақ» сөздерін қайталап айта отырып, оқушыларға қимыл – қозғалыс жасату. Кереге дегенде қолдарын бір – бірінің иықтарына қояды, уық дегенде қолдарын жоғары көтереді, шаңырақ дегенде бір – бірінің қолдарынан ұстайды.  Жеке жұмыс (10 мин)  «Эссе» әдісі арқылы шығармадағы ұлттық құндылық сипатын бүгінгі күнмен салыстырып, дәлелдер келтіріп, «Ұлттық құндылықтар – ұлы қазына» тақырыбына әдеби эссе жазу.  (90 – 100 сөз)               Дескриптор: * берілген тақырып  бойынша  әдеби эссе жазады. * шынайы өмірмен салыстырады . * өз ойын дәлелдермен келтіреді . ҚБ: Мұғалімнің бағалауы «Т – П – Д» (тұжырымдама, пікір, дәлел)                                     стратегиясы      Мұғалім бүгінгі алынған білім бойынша ортаға тұжырым тастайды.Оқушы пікір мен дәлел келтіреді. Тұжырымдар: Ата  дәстүр – тәрбиенің тұнығы Ана – адамзаттың ұлысы Ұлттық құндылық – ұрпаққа аманат				СТО технологиясы Ә. Кекілбайұлы Шығ.жинағы «Құс қанаты»       пов үзінді
Сабақтың  соңы       Үйге тапсырма Рефлексия	«Синквейн» тәсілі бойынша ұлттық құндылықарға бес жолды өлең жазып келу.        1 Зат есім        2 Сын есім        3 Етістік        4 Түйін        5 Синоним немесе метафора «Тазалық» рефлексиясы (3 мин)
Саралау-Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?			Бағалау-Сіз оқушылардың материалды игеру деңгейін қалай тексеруді жоспарлап отырсыз?	Пәнаралық байланыс – Денсаулық және қауіпсіздік, АКТ-мен байланыс. Құндылықтармен байланыс (тәрбие элементі).
Арнайы нәтижеге бағытталған сабақ мақсаттарына сай берілетін білімді оқушыларға меңгертудің тиімді тәсілдері алдын ала сараланып алынды.Жас ерекшеліктері ескеріле отырып, тапсырмалар қарапайымнан күрделіге қарай құрылды. Шығарманы талдау сабағы болғандықтан, топтық, жұптық, жеке жұмыстар «түртіп алу» стратегиясы, «пазл», «Эссе» әдістері арқылы жүзеге асырылады			Сабақты жоспарлауда оқу мақсаты нақтыланып, сабақ мақсаты жүйеленіп, бағалау критерийі мен дескрипторлар  мақсатқа сай құрылды. Жаңа сабақты меңгерту барысында әрбір тапсырмаға сай жасалған дескрипторлар бойынша оқушыларға қалыптастырушы бағалау жүргізіліп отырады. Қалыптастырушы бағалау  топтың бірін-бірі бағалауы, жұптың бағалауы, мұғалімнің бағалауы арқылы жүргізіледі. Топтық жұмыста оқушылар топты «Қуат көзі» әдісімен бағалайды.Жұптық жұмыста жұптар бірін – бірі дескриптор бойынша бағалайды. «Эссе» жұмысы мұғалімнің бағалауы арқылы жүргізіледі.   Эссе жұмысын орындауға қойылған дескрипторларға сүйене отырып, мұғалім  тарапынан оқушы жұмысы  бағаланады.Қалыптастырушы бағалау ескертпелер мен ұсыныс, мадақтау түрінде жүргізіледі.	Тарих, өзін – өзі тану, музыка пәндерімен байланыс жасалады. АКТ-ны қолдану барысында қауіпсіздік шаралары сақталып, таныстырылым, сурет, кесте көрсетуде ұтымды пайдаланылады. Шығарманы ұлттық құндылық тұрғысынан талдауда тарихтың, мәдениет пен тілдің біртұтастығы құндылығы басшылыққа алынды.
Сабақ бойынша рефлексия Сабақ мақсаттары немесе оқу мақсаттары шынайы, қолжетімді болды ма? Барлық оқушылар қу мақсаттарына қол жеткізді ме? Егер оқушылар оқу мақсатына қол жетпеген болса, неліктен деп ойлайсыз? Сабақта саралау дұрыс жүргізілді ме?Сабақ кезеңдерінде уақытты тиімді пайдаландыңыз ба? Сабақ жоспарынан ауытқулар болды ма және неліктен?			Бұл тарауды сабақ туралы рефлексия жасау үшін пайдаланыңыз. Сол бағандағы өзіңіз маңызды деп санайтын сұрақтарға жауап беріңіз.
Жалпы бағалау Сабақта ең жақсы өткен екі нәрсе (оқыту мен оқуға қатысты)? 1. 2. Сабақтың бұдан да жақсы өтуіне не оң ықпал етер еді (оқыту мен оқуға қатысты)? 1. 2. Осы сабақтыңбарысында мен сынып туралы немесе жекелеген оқушылардың жетістіктері/ қиыншылақтары туралы нені аяқтадым, келесі сабақтарда не нәрсеге назар аудару қажет?