Сабақ. "Графикалық сурет салу".

Бейнелеу өнері   5-сынып                                                                              күні:                                Тексерілді:

Сабақтың тақырыбы: Графикалық сурет салу.  

Сабақтың мақсаты:

Білімділік: Графика өнері туралы мағлұматтар беру, графикалық жұыс істеу тәсілдерін түсіндіру.

Дамытушылық:.  графикалық материалдармен жұмыс істеуді түсіндіре отыра өнерге деген сүйіспеншілігін арттыру.

Тәрбиелік:.эстетикалық талғамдарын қалыптастыру, пәнге деген қызығушылықтарын арттыру..

Сабақтың түрі: жаңа сабақ

Сабақтың көрнекігілігі: графика өнерінің суреттері..

Пәнаралық байланыс: сызу

Сабақтың барысы:

І. Ұйымдастыру.

.Оқушылардың сабаққа дайындығын тексеру.

ІІ. Жаңа сабақ.

          Графика – бейнелеу өнерінің көне түрі. Ежелгі суретшілердің үңгір  ішіндегі қабырғаларда қалдырған суреттері, көне грек құтыларындағы ою-өрнектер, қайта өрлеу дәуіріндегі көрнекті қылқалам шеберлерінің  гравюралары мен суреттеріннің бәрі тамаша графикалық туындылар болып есептеледі.   Қарапайым сөзбен айтқанда, «графика» дегеніміз – ақ түсті қағазға немесе картонға қарындашпен, қаламұшпен, көмірмен салған көркем суреттер. Графикада қолданылатын басты тәсіл: штрих сызығы, ақ қара дақ, таңба.Графика гректің «грапо» деген сөзінен шыққан, қазақша «жазамын», «сызамын», «суретін саламын» деген мағынаны білдіреді. Қарындашпен, тушьпен салынған сурет немес гравюралар графикаға жатады. Ол бейнелеу өнерінің бір саласы болып табылады. Кітаптағы иллюстрациялар, газеттегі суреттемелер мен карикатуралар, түрлі товарлардың орауыштарын безендіру, көшедегі плакаттар – осының бәрі график суретшілерінің туындылары.

     Графикаға гравюраның барлық түрлері (литография,  линогравюра,  ксилография),  плакаттық, сатиралық сурет түрлері жатады. Бейне қарындашпен, көмірмен, бормен, қаламұшпен тікелей қағазға түсіріледі немесе арнайы өңделген тақталарға (гравюра) немесе тасқа (литография) бедерленіп, қағазға содан басылады, кейде баспалық-механикалық әдіс арқылы көбейтіледі. Бейнелеу құралдарының қарапайымдылығымен әрі көп таралыммен басып шығаруға ыңғайлылығымен графика бұқаралық байланыс, ақпарат саласында (плакаттар, пошта маркалары, экслибристер, газет-журналдар), кітаптарды, әдеби шығармаларды безендіру үшін, әр түрлі тақырыпқа карикатура, шарж, жалпы нобай,композициялық эскиздер салу үшін, т.б. заттарды көркемдеуде кеңінен қолданылады. Графикада кескіндеме жанрындағыдай акварель, гуашь, пастель пайдаланылады.

Қарандашпен графикалық сурет салу. (еркін тақырып)

ІІІ.Сабақты қорытындылау.

-қандай құралдармен графикалық сурет салуға болады.

ІV. Бағалау.

-оқушылардың суреттерін тексеру баға қою

V.Үйге тапсырма: Әр түрлі графикалық материалдармен жұмыс істеу тәсілдері.