Сабақ: "Қызанақ пен қияр"

Технологиялық карта

Күні:

Білім беру саласы: Шығармашылық. Таным.

Бөлімі: Мүсіндеу

Тақырыбы: «Бақшадағы қызанақ пен қияр»

Мақсаты: көкөністің адам ағзасына пайдасы туралы мағлұмат беру; көкөніс түрлері туралы білімдерін дамыту; ермексазды алақан арасына салып есу, домалақтау тәсілдерін меңгеру. Тілдерін дамыту. Саусақтың ұсақ бұлшық еттерінің қозғалысын жетілдіру. Көкөністі жуып жеуге, тазалық сақтауға тәрбиелеу;

Қажетті құрал-жабдықтар: көкөніс түрлерінің суреті, үлестірмелі материал, ермексаздың қызыл, сары, жасыл және қоңыр , қара түстері , тақтайша, ермексаз кесуге арналған құрал, сулық, тақтайша

Билингвальді компонент: бақша-огород, қызанақ-помидор, қияр-огурец

Кезең	Мұғалімнің іс-әрекеті	Баланың іс-әрекеті
Мотивациялық -қозғаушылық	Жылулық шеңбері: Бақша біздің жаман емес Бұршақ және сәбіз бар, Пияз бенен қызылша Қызанақ пен қияр бар Балалар , бізге келіңдер. Дәмін татып көріңдер?	-Шеңберге тұрады. -қимылмен көрсетеді.
Ұйымдастырушы-лық- ізденістік	-күзде бақшада нелер піседі? -көкөністерді не үшін өсіреді? -Көкөністердің адам ағзасына қандай пайдасы бар? Көкөністерді көп жеу керек. Көкөністі күнделікті падаланатын адамның денсаулығы мықты болады. Дидактикалық ойын: «Сиқырлы қапшық»     Қапшықтың ішіне қияр мен қызанақ салынады. Балаларға қапшықтың сыртынан ұстап,  қияр мен қызанақты ажыратып, сипаттама берулерін сұрайды.	-сұрақтарға жауап береді. -мұқият тыңдайды. -ойын шартымен танысып,ойынды қызыға ойнайды
Ұйымдастырушылық ізденістік	-Қызанақ пен қиярды көрмей-ақ қалай ажыраттыңдар? -Олардың түсі қандай? -Екеуін қосып, не жасауға болады? -Көкөністерді қай кезде жинайды? Үлестірмелі материалмен жұмыс:      -Атайдың бақшасындағы көкөністері пісіпті. Біз де атайға көкөніс жинауға көмектесейік.      -жинаған қиярымызды бірінші қызанақты екінші жәшікке саламыз. Қияр мен қызанақ жасау үшін қандай түсті таңдаймыз Қызанақты қалай мүсіндейміз?     -Осы домалақтың сабағы тұратын орныны саусақ ұшын батырып, сәл шұңқырлаймыз. Шұңқырға кішкентай сабағы мен жапырағын орналастырамыз.     -Қиярды өзіміз білетін қандай тәсілмен жасаймыз? Қиярдың кішкентай сабақшасын жасаймыз. Енді атайға жәшіктің ішін толтыруға көмектесуіміз керек. Жасаған көкөністерді жәшікке саламыз.	-сұрақтарға жауап береді. Ынталарын білдіреді. Қызыл және жасыл Ермексаз бөлігін алақанға салып, айналдыра домалақтаймыз Ермексаз бөлігін алақан арасыа салып есіп, сопақша пішінге келтіреміз.
Рефлекстік түзетушілік	Қорытындылау:      -Балалар, қараңдаршы, қандай көп көкөніс жинадық. Бізге ғана емес, бүкіл балабақша балаларына жетеді. Атай да сендерге алғысын білдіріп жатыр	Қуаныштарын білдіреді Бір-бірінің жұмыстарын қарайды.

біледі: ермексазды алақан арасына салып есу, домалақтау тәсілдерімен қызанақ пен қиярды мүсіндейді;

игереді: ұқыпты жұмыс істеуді; көккөністің адам ағзасына пайдасын;

меңгереді: домалақ және сопақ пішіндер жасауды;

Толтырған: Жердентапқанова Г.О.

Тексерген: Апбасова Г.Қ.