Сабақ тақырыбы " Төбешік пен түтікше".

Күні: 22.09.2015

Тақырыбы: Артикуляциялық жаттығулар: «Төбешік», «Түтікше» жаттығулары.

Сабақтың мақсаты: Баланы артикуляция мүшелерімен таныстыру (тіл,ерін,жұмсақ таңдай, қатты таңдай альвеола, тіс).

Әрекет кезеңі: түсіндіру, үйрету, көрсету.

Көрнекіліктер: суреттер, видео-ролик.

Іс-әрекеттер кезеңдері	Логопедтің іс-әрекеті	Баланың іс-әрекеті
Мотивациялық-қозғаушы кезең	-Сәлеметсіңбе балақай? -Көңіл-күйің қалай? -Бірге айтайықшы, менен кейін қайтала! Сәлем,сәлем,сәлем, Дейді мынау Әлем! Жақсы көңіл-күймен, Сәттілік саған тілеймін мен! Жарайсың,балақай! Балақай, соңғы сабақта үйренген артикуляциялық жаттығуларды есімізге түсірейікші.  « Тәтті тосап». Бұл жаттығудың жасалуы: Жалпақ тілді шығарып, жоғарғы ерінді жалап, тілді ауыз қуысына тереңірек апару керек. «Күрекше» жаттығуы. Жасалуы: Жалпақ тілді астыңғы ерінге ұстап тұру керек. Кәнекей бірге жасап көрейік. Баламен бірге жасаймыз.	-саламатсызба? -жақсы -иә Сәлем,сәлем,сәлем, Дейді мынау Әлем! Жақсы көңіл-күймен, Сәттілік саған тілеймін мен! -Иә! Бала апаймен қайталайды.
Ізденуші-ұйымдастырушы кезең	-Балақай, бүгін біз  арткуляциялық мүшелермен танысамыз. Оларға (ерін,тіл, таңдай, тіс, альвеола жатады).  Суреттерімен көрсетемін. Балақай, мына суретке қарашы, бала не істеп тұр? Бала тәтті тосап жаттығуын жасап тұр. «Төбешік». Ауызды жартылай ашып, тілдің екі жақ шетін жоғарғы азу тістерге жабыстырып, тілдің ұшын астыңғы тіске тіреп ұстау керек. Ал «Түтікше» жаттығуы. Жасалуы жалпақ тілімізді ауыз қуысынан шығарып, тілдің бүйір жақтарын көтеріп түтікше тәріздес қылып үрлеу. Кәнекей бірге жасап көрейік. Баламен бірге жасаймыз.	-Ернін жалап тұр! Балақай, менімен бірге айна алдында жасайды.
Рефлекцифті коррекциялаушы  кезең	- Сонымен бүгін біз сабақта  не істедік? -қандай жаттығулармен таныстық? «Түтікше», «Төбешік». Тағы бір рет айна алдында жасап көрейік. -Осымен оқу-іс әрекетіміз аяқталды, сау бол балақай.	Жаттығулар. «Түтікше», «Төбешік». Айна алдында баламен жасаймыз. -Сау болыңыз!

Күтілетін нәтиже:

Білуі керек: жаттығу атауларын. «түтікше, төбешік».

Не игеру керек: артикуляциялық жаттығуды жасауды.

Не меңгеру керек: Артикуляциялық мүшелерді меңгеріп, жаттығулырды дұрыс жасауды.