Сабақ талдауы "Матадан жасалған аппликация"

САБАҚТЫ ӨЗІНДІК ТАЛДАУ

Пәні: Еңбекке баулу және орыс тілі

Сабақтың тақырыбы: Матадан аппликация жасау

Мұғалімдер: А.Т. Токенова, Б.А. Малгаждаров

«Жезкент орта мектебі» КММ

2016 – 2017 оқу жылы

Сабақты  өзіндік  талдау

Пәні: Еңбекке баулу және орыс тілі

Мұғалімдер: А.Т. Токенова, Б.А. Малгаждаров

Сабақтың тақырыбы: Матадан аппликация жасау

Талдау элементтері	Қорытынды
Сабақтың мақсатының дұрыс қойылуы	Аппликацияның  түрлерін еске түсіре отырып, матадан аппликация жасау. Сабақты орыс тілі және ағылшын тілі пәндерімен байланыстыра отырып тілін дамыту, топпен жұмыс жасауға баулу.
Бағдарлама талаптары	Сабақ мақсаттары ҚР мемлекеттік стандарт негіздегі типтік жұмыс бағдарламасы талабына сай келеді.
Оқушылардың білімдері мен дағдыларының қажетті деңгейі	Оқушылардың біліміне, дағдысына, ұғымына сәйкес еңбекке баулу  пәнінің және орыс тілінің арнайы курсының  әрбір тақырыбы оқытылады.
Оқушылардың дайындық деңгейі	Әр оқушының қабілеті ескеріледі.
Оқытудың соңғы нәтижесі	Оқушылар дағдысын, шеберлігін қалыптастыру.
Оқушыларды мақсатқа жеткізудің әдістері мен формалары	Оқушыларға жеткізудің формасы мен әдістері анық, қарапайым түсінікке жеңіл ұйымдастырылады.
Қойылған мақсатқа жетудің сатылары	Қойылған міндеттерді түгел орындау.

Сабақты  ұйымдастыру  және құрылымына талдау

Сабақтың құрылымы мен сәйкестігі	Сабақ құрылымын жасауда орыс тілі пәнінің мұғалімімен білесе отырып жұмыс жасап, екі пәнді біріктіріп өткізетін бинарлы сабақ жоспарын құрдық,  сабақ типіне сәйкес келеді.
Көрнекіліктері	Жыл мезгілдеріне арналған үлгілер, бейнеүзік, фетр матасы, презентация, ойынға арналған киімдердің суреттері.
Күтілетін нәтиже	Үлгіге қарап, матадан аппликацияны өз бетімен жасап үйренеді. Үлгілерді дұрыс қиюға машықтанады.
Сабақтың этаптарына уақытты бөлудің мақсаттылығы	Психологиялық ахуал  - 2 минут Қызығушылықты ояту, блиц – сұрақтар – 8 минут Топқа бөлу - 2 минут Мағынаны тану - 15 минут Бой сергіту жаттығулары - 1,5  минут Ой бөлісу - 6 минут Ой толғаныс  - 4,5 минут ИГРА:  «Найди одежды  по сезонам» Ой тұжырымдау - 2 минут Бағалау - 1,5 минут  Үйге тапсырма беру – 1 минут Кері байланыс - 1,5 минут
Оқушылар мен мұғалімнің еңбекті ғылыми тұрғыда ұйымдастыруы	Сыныпта ынтымақтастық атмосферасы ұйымдастырылды. Үй тапсырмасын тексеру мақсатында блиц сұрақтар қазақ тілінде қойылып, жауаптары орыс тілінде берілді. Сабақтың бұл кезеңін орыс тілі пәні мұғалімі орындатты. Топқа бөліну кезеңінде оқушылар төрт түрлі түстер арқылы бөлінді. Бұл түстер жыл мезгілдеріне байланысты болды. Таңдап ал,ан түстерінің артында ұпайлар берілген сол ұпайларға байланысты сұрақтарға жауаптар берілді. Әр топ сыныпта белгіленген орындарына жайғасты.
Мағынаны тану кезеңі	Оқушыларға алдыңғы сабақтардан бері танысып келе жатқан аппликацияның түрлерін қайталап түсіндіре отырып, бүгінгі жұмысымыз матадан аппликация жасау екендігі түсіндірілді. Арнайы тақырыпқа түсірілген бейнеүзікті тамашалау арқылы оқушылар матадан аппликация жасаудың жолдарымен таныстырылды. Мұғалімнің алдын ала дайындаған шаблон үлгілері бойынша балалар жұмысты бастауға дайындығын көрсетті. Алдымен оқушыларға қайшымен және желіммен жұмыс істеу кезіндегі қауіпсіздік ережелері де түсіндірдім. Жұмысқа кіріскен оқушыларға апликация жасап отырған «фетр» матасы туралы да түсініктер айттым. Оқушылар жұмысты қызығушылықпен орындады.
Бой сергіту жаттығулары	«Времена года»  әнін караокемен қосылып айтты. Бұл орыс тілі пәні мұғалімі Бауыржан Абайкановичтің қатысуымен орындалды. Қызығушылық танытқан оқушылар, тіпті келесі жұмыс барысында да ыңылдап әннің әуенін айтып отырды.
Ой бөлісу	Әр топ өздерінің жасаған аппликацияларын қорғайды. - әр мезгілдің ерекшеліктерін айтады. - өз мезгіліне байланысты үш тілде тақпақ айту керек. Оқушыларға үйден жыл мезгілдеріне байланысты үш тілде тақпақтар жаттап келуі тапсырылған. Бұл тапсырманы да ойдағыдай жақсы орындап шықты. Жасаған жұмыстарын топ мүшелері де жыл мезгілдері туралы білімдерін ортаға сала білді.
Ой толғаныс	ИГРА: «Найди одежды  по сезонам» Ойлан! Топтас! Талқыла! Ойынды шығармашылық тапсырма ретінде орыс тілі мұғалімі ойнатты. Ойнай отырып, ойланып жұмыс жасауға бағыттаған ойын арқылы әр жыл мезгілдерінде киетін киім түрлерінің суреттерін әр топ өз мезгіліне лайығын табу керектігі түсіндірілді. Шатасқандары да, дәл тапқандары да болды.
Ой тұжырымдау	5 сұрақты тест орындату Орындалған тестті сағат тілімен алмастырып, жанындағы отырған оқушы слайд арқылы тексереді бағалайды. «5» -  қатесі жоқ;   «4» -  бір қате; «3» -  екі қатесі;    «2» -  үш және одан көп болса; Тест орындау барысысында да оқушылар әділ жұмыс жасады.
Бағалау Үйге тапсырма беру	Оқыту үшін бағалау және оқуды бағалау Топты және оқушыларды жеке бағалау; Әр топ жұмысын сараптау, және тест жұмысын бағалап, ортақ баға  шығару. Матадан заттық аппликация құрап келу
Кері байланыс	«Көңіл күй аралдары» Бірнеше көңіл күй белгілеріне қарай аралдарға орналасу. «Қуаныш», «Сенімділік»,  «Күмәндану». Сабақтан алған әсерлерін әр оқушы таңдаған аралға  стикелерін жапсыру арқылы білдірді. Сыныптағы барлық оқушылар «Сенімділік» аралына жайғасты.

Қорытынды.

Біздің Бауыржан Абайканович екеуіміз бірлесіп өткізген бинарлы сабағымыз оқушыларға да және сабаққа қатысқан басқа мұғалімдерге де ұнағандарын білдіріп жатты. Сабақ жоспар бойынша бөлінген уақыттарымен сәйкес келіп жүргізілді.  Жоспарланған тапсырмалардың барлығы дерлік орындалды. Сабақ уақытымен аяқталды. Оқушылар өз білім деңгейлерін екі пән бойынша да көрсете білді, белсенділік танытып отырды. Сабақ қорытындыланып, рефлексия жасау арқылы аяқталды.