Сабақ "Төрт түлігім ырысым"

 

 

      Тақырыбы:         Төрт түлігім –ырысым

Білім беру саласы:     Қатынас , әлеуметтік, шығармашылық

Ұйымдастырылған оқу іс-әрекеті:  Тіл дамыту, көркем әдебиет, сурет

Мақсаты:   Төрт түлік малдың әрқайсысының пайдасы, төлі, ерекшеліктері туралы білімдерін тереңдету, дыбыстарды  дұрыс және анық айтуға үйрету. Балалардың ой-өрісін, тілін, сөздік қорын дамыту. Жануарларға деген сүйіспеншіліктерін қомқорлық сезімін қалыптастыруға, оны бағып, күту қажеттілігін сезіндіру

Көрнекіліктері:           Төрт түлік малдың суреттері

Керекті құралдары:   Түрлі –түсті бояулар, қыл қалам, сүлгі, ыдысқа құйылған су

Әдіс-тәсілдері:      түсіндіру, сұрақ-жауап, ойын.

«Жылулық» шеңбері

Балалар, сендерді әке-аналарың, ата-әжелерің қандай сөздермен еркелетеді?

-         Мені әжем «құлыным» деп еркелетеді

-         Мені анам «кішкентай лағым»  деп еркелетеді

-         Мені әкем «қошақаным» деп еркелетеді

-         Мені атам  «ботақаным» деп еркелетеді

Сендерді үлкендер жақсы көріп, төрт түлік малдың сүйкімді төлдерінің аттарымен еркелетеді екен.

Енді , балалар, біз бір санамақ айтайық. Саусақ санау ойыны:  «Қуырмаш»

Қуыр-қуыр қуырмаш

Балаларға бидай шаш

Тауықтарға тары шаш,

Бас бармақ

Балан үйрек

Ортан терек

Шылдыр шүмек

Кішкене бөбек

Сен тұр- қойына бар!

Сен тұр- жылқыңа бар!

Сен тұр –ешкіңе бар!

Сен  тұр-сиырыңа бар!

Сен тұр- түйеңе бар!

Балалар, сүт, айран, қымыз, май, құрт сияқты тағамдар төрт түлік малдан алынады

Ұйымдастырушылық- ізденушілікте

-         Балалар, ежелден қазақ халқы мал шаруашылығымен айналысқан. Малды көлік ретінде пайдаланамыз, сүтін ішеміз, етін жейміз, терісінен киім тігеміз. Сондықтан да қазақтар малды жақсы көрген, төлдетуді, күтіп- бағуды, көбейіп өсіруді игерген. Халқымыз өздерінің тіршілік , шаруашылық өмірін осы мал өсірумен байланыстыра жасаған. Балалар, айтыңдаршы  жануарлар нешеге бөлінді?

-Жабайы және үй жануарлары болып екіге бөлінеді

-Дұрыс айтасыңдар, балалар, ал енді мен сендерге жұмбақ жасырайын, сендер соны тауып көріндер

Жұмбақ:

Мүйізі айдай иілген,

Мұрнын көкке шүйірген.

Сауғанда жаның сүйсінген,

Ірмішік  пен құрт, майы

Жегенде тілді үйірген

-Сиыр

-Дұрыс (суретін  көрсетеді), ал сиырдың төлін қалай айтамыз?

-Бұзау

-Дұрыс, сиыр мен бұзау қандай дыбыс шығарды?

-«Мө-мө-мө» деген дыбыс шығарды

-Сиырдың  адамға пайдасы көп екен, сүтін ішіп, етін жейміз, терісінен киім тігеміз, сондықтан да сиырды күтіп бағуымыз қажет. Сиырға жем шөп берерде , суарарда оны қалай шақыратынын білесіңдер ме?

-«Аухау-аухау» деп шақырды

Кішкене ғана бойы бар

Айналдырып киген тоны бар

-Бұл не?

-Қой

Жарайсыңдар, (балаларға  қойдың суретін көрсетіледі) ал қой қалай дыбыстайды?

-«мә-мә-мә»деп маңырайды

-Қой төлін не дейміз?

-Қозы қошақан

-Ал қалай шақырады?

-«Пұшайт-пұшайт» деп шақырады

Секең-секең секірген

Сақалы желмен желбіреген

Ақ мамықтай жүні бар,

Ішсең емдік сүті бар

-Балалар кім жауабын айтады? Бұл не?

-Ешкі

-Мүйізі

-Иегінде несі бар?

-Сақалы

-Ешкі төлін не

-Лақ

-Ешкіні, лақты қалай шақырамыз?

-«Шөре-шөре» деп шақырады

Мінсең желдей шабады,

Бәйгеден орын алады

-Бұл қай жануар?

-Жылқы , ат

-Дұрыс, жарайсыңдар, ал жылқы төлін не деп атаймыз?

-Құлын

-Жылқы мен құлын қандай дыбыс шығарды?

-Кісінейді

-Жылқыныдауыстап қалай шақырады?

-«Қырау-қырау»

Деп шақырамыз

Кезекті бір жануар,

Үстінде екі тауы бар

-Бұл қай жануар?

-Түйе

-Дұрыс, түйенің екі өркеші бар. Балалар сендер түйенің шұбатын ішіп көрдіңдер ме?