Сабақ жоспар "Етістік" 4 - сынып

Алматы қаласы Әуезов ауданы «Жаңа Ғасыр» №175 гимназия бастауыш сынып мұғалімі Дуйсебаева Айгул Аптикамаловна

Сыныбы:                              Күні:                        Пәні: қазақ  тілі

Сабақтың т:	Етістік  365-369 жаттығулар
Сабақтың мақсаты:	1 Етістік туралы түсінік әрі қарай жетілдіру.  Жаттығу жұмыстарын орындау барысында сөйлем ішінен етістікті таба білуге дағдылану. Сөздерге сұрақты дұрыс қоя білуге үйрену  2 Оқушының ой-өрісін, сөздік қорын, сөйлеу мәдениетін, шығармашылығын дамыту. 3 Ұқыпты, жинақы, таза, әдепті болуға тәрбиелеу.
Сабақтың типі:	Саяхат  сабақ
Сабақта қолд. Әдіс-тәсілдер:	жаңа әдіс-тәсілдер, СТО, (миға шабуыл, механикалық есте сақтау, декламация, талқылау, диалог), ОүБ, ОЖЕСО.
Сабақтың көрн:	кесте
Күтілетін нәтиже:	Етістік туралы білім қалыптасады. Сұрақтарын біледі. Сөйлем ішінен етістікті табуға үйренеді. Етістікті қатыстырып сөйлем құрай алатын болады.
Сабақтың барысы	Іс-әрекеттер
І Ұйымдастыру	Оқушының сабаққа дайындығын тексеру. Психологиялық ахуал, топқа бөліну.
ІІ Қызығ. ояту	Бүгінгі  сабағымыз ерекше болмақ. Саяхатқа шыққыларың келе ме? Ата-әжеміздің ауылына қыдырып қайтсақ қалай қарайсыңдар? Ол үшін автобусқа билет алайық. Билет алу үшін мына тест жұмысына назар аударып, тез орындап жіберейік. Декламация әдісі бойынша: тест жұмысын алу. Миға шабуыл:  өткен сабақтарды еске түсіру Суретпен жұмыс. Олар не істеп жатыр? (балаларды тыңдау) Біз қай сөз табымен танысып жатырмыз? «Сөз ойла, тез ойла» ойынын ойнау. 1-т кез келген етістік  айтады 2-т. Сол сөзге сұрақ қояды 3-т сол сөзге сөйлем құрап айтады. Етістік дегеніміз не? Зат есім дегеніміз не? Көптік жалғауларын атаңдар.
ІІІ Мағынаны тану	Ал, балалар, ауылға келіп қалдық. Ата-әжеміз күтіп отыр екен. Бұл кісілердің көңіл күйлері жоқ екен, себебі, төрт түлік малдары жоғалып кетіпті. Табуға көмектесеміз бе? Ендеше жолға шығайық. Жылқының  тапсырмасы:  Сабақты 365-жаттығудан бастау. Өлеңді мәнерлеп оқып, көшіріп жазады. Етістіктерді табады. Етістіктердің қай сөзбен байланысып тұрғанын сызбамен көрсет. Түйенің тапсырмасы: 366-жатттығу. Не істеді?  сұрағына жауап беретін сөздерді не істейді? сұрағына жауап беретіндей өзгертіп жаз. Көрді-көреді, боздады-боздайды, баптады-баптайды, емдеді-емдейді, ойнады-ойнайды, жазды-жазады. Сиырдың тапсырмасы: Сергіту «Кім шапшаң?»  ойынын ойнайық. Берілген етістіктерге мағынасы қарсы етістік тауып айтайық. Кірді- Келді- Тұрды- Алды- Күлді- Ауырды- Ешкінің тапсырмасы: 367-жаттығу. Сурет бойынша  сөйлемдер құрастыр. 368-жатығу. Жұмбақты оқып, шешуін табу. Сөйлемдерді етістіктерсіз айтып көр. Етістіктің не үшін керек екенін салыстыру арқылы түсіндір. Етістіктер сөйлемнің толық аяқталуын қамтамасыз етеді, ол болмаса сөйлем түсініксіз болады. (оқушылар өздері қорытындылайды) Қойдың тапсырмасы: «Тез тауып, бөгелмей айт» ойыны Жел ....                                            Найзағай ..... Күн ...                                              Әтеш .......... Жаңбыр ....                                    Таң ........ Қоңырау.....                                   Қой ......... Тапсырма ........                             Би ......... 3 топқа тапсырма: 1-топ: бес жолды өлең құрастыру 2-топ: сендер төрт түлік малыңның бірін базарға алып бардың делік. Соған жарнама жасаңдар. 3-топ: зат есім туралы не білесіңдер? Ережені айт, жалқы, жалпы есім туралы ,зат есімнің жекеше көпше түрі жайлы білетініңді ортаға сал. Көптік жалғауларын айт.
ІҮ Ой толғаныс	Ата-әжеміздің төрт түлік малын тауып бердік. Енді үйімізге қайтайық. Ол үшін тағы да автобусқа мінуіміз керек. Оған билет керек. Ол үшін мына тапсырманы орындап жіберейік. “Кім көп біледі?” дидактикалық ойын. •         1-тапсырма: Мақал-мәтел айт, оның ішінде заттың қимылын білдіретін сөз болсын. •         2-тапсырма: Жұмбақ жасыр. Жұмбағыңда заттың сынын   білдіретін сөз болсын. •         3-тапсырма: Жаңылтпаш айт, заттың қимылын білдіретін сөзді тап. Мектебімізге жеткенше қарап отырмайық. «Үш қадам сұхбат» әдісімен сабақты қорытындылау. Ол үшін хабар жүргізушісі, ғалым, тілші керек. Үшеуі бірлесіп, ақылдасып «Жүздесу» бағдарламасын жүргізеді.
Ү Бағалау	Топ басшылары топ мүшелерінің бүгінгі еңбектенген жұмыстарын бағалап отырады.
ҮІ Үйге тапсырма:	369-жаттығу. Ережелерді қайталау.
ҮІІ Рефлексия	Не нәрсе жақсы өтті? Нені мен келесі сабақта өзгертемін?