Сабақ жоспар: "Көпмүше және оларға амалдар қолдану"

Пәні: ___________

Сыныбы: _______

Күні: __________
Сабақтың тақырыбы: Көпмүше және оларға амалдар қолдану.
Сабақтың мақсаттары:

v     Білімділік: көпмүше, көпмүшенің ұқсас мүшелері, көпмүшенің ұқсас мүшелерін біріктіру, көпмүшенің стандарт түрі, көпмүшенің дәрежесі, көпмүшелермен орындалатын амалдармен (қосу, азайту, көбейту, дәрежеге шығару) танысып, көпмүшеге байланысты есептерді шығара білу. 

v     Дамытушылық: ұқыпты тыңдауға, сұрақтарға нақты жауап беруге, өздігінен ойлау және есеп шығару икемділігін қалыптастыру. 

v     Тәрбиелік: біліміне жауапкершілікпен қарауға, жинақылыққа, өз ісін қорытындылай білуге, жолдастарының іс-әрекетін бағалай білуге баулу, шығармашылық қабілет дамытуға мүмкіншілік жасау. 
Сабақтың түрі: аралас сабақ
Сабақтың әдіс-тәсілдері: сұрақ - жауап, жеке ізденушілік , түсіндіру, есептер шығару.

Сабақтың көрнекілігі: кеспе қағаздар, плакаттар, слайдтар
Сабақтың барысы:
І. Ұйымдастыру кезеңі.
- Сәлеметсіңдер ме балалар!
- Біз қандай тарауды өтудеміз?
- Бірмүше мен көпмүше туралы білімдеріңді байқап көрейік.

Психологиялық дайындық.
Оқушылар назарын сабаққа аудару.
Сабақтың мақсатын нұсқау.
Қызығушылық ояту сәті.
1. Бір кісі үйге кірді, ол үйде шам мен керосин лампысы тұр. Ол нені бірінші жағады?
Жауабы: шырпыны.
2. Отбасында 4 ұл бала бар. Олардың әрқайсысының 1 қарындасы бар. Отбасында неше бала бар?
Жауабы: 5 бала.

ІІ. Үй тапсырмасын тексеру № 96 есеп
ІІІ. Жаңа сабақ

1. Көпмүше  деп бірмүшелердің қосындысын атайды. 
2. Көпмүшені құрастыратын бірмүшелерді көпмүшенің мүшелері деп атайды. 
Мысалы: ,     ,

т.с.с. өрнектері көпмүше болып табылады. 
3. Егер көпмүше екі мүшеден тұратын болса, оны екімүше деп, ал үшмүшеден тұратын болса, онда үшмүше деп атайды. Бірмүшені бір ғана мүшеден тұратын көпмүше деп санайды. 
4. Коэффициенттерімен өзгешеленетін бірмүшелер ұқсас деп аталады. Алгебралық өрнекті ықшамдау үшін, ондағы ұқсас бірмүшелерді олардың алгебралық қосындысы болатын бірмүшемен алмастыра білу қажет. Ұқсас бірмүшелердің алгебралық қосындысын бір ғана бірмүшемен алмастыру арқылы көпмүшені ықшамдау ұқсас мүшелерді біріктіру деп атайды. Мысалы:     3m-2m+5m=(3-2+5)m=6m . 
5. Көпмүшені стандарт түрге келтіру. 
ІV. Сабақты бекіту. Есептер шығару № 102-103
V. Кері байланыс

1. «Бірмүше» және «Көпмүше» ұғымдарының арасында қандай байланыс бар?
2. Көпмүшенің дәреже көрсеткіші қалай анықталады?
3. Көпмүшелерді қосу, көбейту амалдары мен жақшаны ашу түрлендіруінің арасында қандай байланыс бар?
VI. Бағалау.

Сабаққа белсенді қатысқан оқушылар бағаланады.

VII. Үйге тапсырма: №104, 106