Сабақ жоспары: "Екі сауысқан"

Бекітілді	6 сынып Қазақ әдебиет
Сабақтың тақырыбы	Мазмұндама «Екі сауысқан»
Жалпы мақсаттары	Оқушыларды жазбаша байланыстырып сөйлеуге, жазбаша тілін қалыптастыру, оқып берген мәтіннің мазмұнын, негізгі кезеңдерін ашу.
Күтілетін нәтиже	Әр оқушы жоспар құруға дағдыланады. Жазбаша арқылы тілін дамытады.Жазба барысында баланың ойын дәрежесін білу.
Негізгі идеялары	Мазмұндама-сауаттылықты тексеру жұмысы,оқушылар жұмыстарының қалай бағаланатынын біледі.Жазбаша жазу арқылы ой-өрісі дамиды.
Дереккөздері сілтемелер	5-9 сыныптарға арналған мазмұндамалар жинағы И.Б.Гүлшахар
Тұсаукесер	Мазмұндаманың мақсатымен таныстыру, бағалау критерийлерін бірігіп жасау.
Мағынаны тану	Екі сауысқан (Мысал) Бірде аңшының әкесі қатты ауырып қалады.Емшілердің бірі: -Егер де әкеңе сауысқаның өтін ішкізсең,ауруынан құлан таза жазылып кетеді,-дейді Аңшы емшінің айтқанын орындамақ болады.Сауысқандарды аңдыды.Бір кезде үйінің жанындағы ағаш қораның үстіне екі сауысқанның қатар келіп қонғанын байқайды.Екеуі шықылықтап,бірауық отырады. Аңшы мылтығын көздеп, шүріппені баспақшы болғанда,мал айдап бара жатқан баланы көзі шалып қалды. Атудың ретін таппаған аңшы күтпеген кедергіге бола, қатты өкінеді. Әйтсе де, қос сауысқан ұшып кеткенімен, сәлден соң-ақ, баяғы орындарына қайта қонды. Екеуін ажал айдап келді-ау шамасы, аңшы мылтығын оларға кезеп, шүріппені басып қалды. Сауысқанның бірі ағаш қораның арғы тасасына құлап түсті. Екіншісі ұзап ұшып кетпей, сол тұсқа айналсоқтап қайтадан ұшып келді. Аңшы ағаш қораның арғы бетіне барғанда аман қалған сауысқанның оқ тиіп, жаралы болған сауысқанды тұмсығын іліп, ары қарай сүйрелеп, әкетіп бара жатқанын байқайды. -Апырым-ай, - дейді аңшы қайран қалып, - сауысқанды өте сақ деуші еді. Ал мынаған не дерсің. Олар сонымен бірге бір-біріне өте мейірімді екен-ау. Жаралы серігін жолда қалдырғысы келмей, өлермен халде өзімен бірге әкетіп бара жатқанын қарасаңшы! Аңшы сол күні алғаш рет емшінің айтқан сөзін орындауға шынайы пейіл танытпады. (172 сөз)

Екі сауысқан

(Мысал)

Бірде аңшының әкесі қатты ауырып қалады.Емшілердің бірі:

-Егер де әкеңе сауысқаның өтін ішкізсең,ауруынан құлан таза жазылып кетеді,-дейді

Аңшы емшінің айтқанын орындамақ болады.Сауысқандарды аңдыды.Бір кезде үйінің жанындағы ағаш қораның үстіне екі сауысқанның қатар келіп қонғанын байқайды.Екеуі шықылықтап,бірауық отырады.

Аңшы мылтығын көздеп,шүріпаені баспақшы болғанда,мал айдап бара жатқан баланы көзі шалып қалды. Атудың ретін таппаған аңшы күтпеген кедергіге бола, қатты өкінеді. Әйтсе де, қос сауысқан ұшып кеткенімен, сәлден соң-ақ, баяғы орындарына қайта қонды.

Екеуін ажал айдап келді-ау шамасы, аңшы мылтығын оларға кезеп, шүріппені басып қалды. Сауысқанның бірі ағаш қораның арғы тасасына құлап түсті. Екіншісі ұзап ұшып кетпей, сол тұсқа айналсоқтап қайтадан ұшып келді.

Аңшы ағаш қораның арғы бетіне барғанда аман қалған сауысқанның оқ тиіп, жаралы болған сауысқанды тұмсығын іліп, ары қарай сүйрелеп, әкетіп бара жатқанын байқайды.

-Апырым-ай, - дейді аңшы қайран қалып, - сауысқанды өте сақ деуші еді. Ал мынаған не дерсің. Олар сонымен бірге бір-біріне өте мейірімді екен-ау. Жаралы серігін жолда қалдырғысы келмей, өлермен халде өзімен бірге әкетіп бара жатқанын қарасаңшы!

Аңшы сол күні алғаш рет емшінің айтқан сөзін орындауғашынайы пейіл танытпады. (172 сөз)