Сабақ жоспары Іскер Кибермэн

Сабақтың тақырыбы: «Іскер Кибермэн»  Сабақтың мақсаты: оқушылардың ойлауын, компьютерлік сауаттылығы мен іскерлігін, танымдық қабілетін, логикалық сауаттылығын дамыта отырып, олардың пәнге деген қызығушылығын, белсенділігін арттыру.  Сабақтың міндеттері:  Білімділік: оқушылардың лидерлік қасиетін ұштап, аналитикалық қабілетін ашу, интеллектуалдық деңгейін арттыру.  Дамытушылық: логикалық ойлауын, танымдық қызығушылығын, оқушылардың ақыл - ойын жан - жақты дамыту.  Тәрбиелік: пәнге, білімге, шығармашылыққа, ойын еркін жеткізе білуге, топта бірлесе жұмыс істеуге тәртіптілікке, ұқыптылыққа тәрбиелеу.  Сабақтың түрі: сайыс сабақ  Сабақтың әдіс - тәсілдері: топтастыру, сұрақ - жауап, ойын элементтері, баяндау әдісі.  Сабақтың көрнекілігі: интерактивті тақта, компьютер, слайдтар.  Сабақтың барысы: Сәлеметсіздер ме құрметті ұстаздар мен оқушылар! Бүгінгі біздің «Іскер Кибермэн» сайысымызға қош келдіңіздер!  Армысыздар осында жиналғандар  Сіздерді қызықтырар небір сыр бар  Рұқсат берсе, біздерге көрермендер  Кешімізді басталық қатысушылар - дей келе сайысымыздың шарттарымен таныстырып өтейін.  «Іскер Кибермэн» » сайысына 7 ,8,9,10- сыныптарынан құралған оқушылар қатысады. Сайыс 4 турдан бойынша өткізіледі.  І. тур. «Ойлан тап!»  ІІ. тур. «Дода»  ІІІ. тур. «Тіл өнер».  ІV. тур. «Компьютер 2030».  Информатиканың сырлары  Қызықтырды біздерді  Ойынға бірге қатысуға  Шақырамыз сіздерді - дей отырып, топтың білім мен тапқырлығына баға беретін әділқазылар алқасымен таныс болыңыздар.  І. кезең. «Ойлан тап!» сұрақ жауап бөлімі. Бұл бөлімде әр оқушыға сұрақ қойылады. Әр дұрыс жауапқа 10 ұпайдан беріледі.  1. Ең бірінші программа құрған оқымысты........... (Ада Лавлейс)  2. Алгоритм сөзі қай ғасырда кімнің есіміне байланысты пайда болған? (IXғасыр, Әл - Хорезми)  3. Программа неше бөліктен тұрады? (3 тақырыбы, сипаттау бөлімі, операторлар бөлімі.)  4. Программамен басқарылатын аналитикалық машинаны ойлап шығарған ағылшын ғалымы... (Чарльз Бэббидж)  5. АҚШ - тың IBM фирмасы қай жылдан бастап дербес компьютерлерді шығара бастады? (1980)  6. Деректерді уақытша сақтауға арналған құрылғы (Жедел Жады)  7. Операциялық жүйе дегеніміз не? (Бұл компьютерді іске қосқан кезде жүктелетін және оның барлық құрылғыларының жұмысын басқаратын арнайы бағдарлама)  8. Электронды есептеуіш машинаның даму буындары нешеге бөлінеді? (4 буынға)  9. Дүниежүзілік компьютерлер арасындағы байланыс ортасы (интернет)  10. Деректер бойынша шамамен жасы 2000 - 5000 жыл болатын құрал?(Есепшот)  Білім деген биік шың  Бақытқа сені жеткізер  Білім деген ақылшың  Қиындықтан өткізер - дей отырып, келесі ойын кезеңін бастаймыз?  ІІ. кезең. Дода кезеңінде оқушылар таңдауы бойынша тақырыптар алады. Сол сұрақтарға жауап беру арқылы ұпайлар жинайды. ІІІ. кезең. Тіл өнер кезеңінде оқушылар үш тілде жауап беруі тиіс. Енді келесі VІ кезеңіміз «Үй тапсырмасы» яғни бұл кезеңде әр оқушы үйден салып келген «Компьютер - 2030» суретін қорғайды. Жақсы суретке 10 ұпайдан беріледі.  Сонымен бүгінгі сайысымыз өз мәресіне де келіп жетті. Келесі кезек, бүгінгі сайысымыздың жеңімпазы кім екенін анықтау үшін, сөз кезегі әділқазылар алқасына беріледі.  Осыменен бұл ойынды тамамдасақ  Бұл жайды айтамыз ба жаман болсақ,  Үйрендік білмегенді осы жолы,  Тағы үйренеміз аман болсақ  Шыңымыз биік болар, білім қусақ  Осымен «Озық ойлы дарындылар» атты сайсын «Білім марапатқа жету үшін емес, парасатқа жету үшін керек» деген керемет сөзін есімізге берік ұстанып, сайысымызды аяқтаймыз. Жеңімпаздар марапатталады! Сау болыңыздар!