Сабақ жоспары 9 кл Атқарушы ұғымы, атқарушы командалар жүйесі

№6 сабақ Мұғалімі: Мухамбеталиева А Бекітемін: __________

10,12.10. 2015жыл

Информатика

9 б,в,д сыныптар

Сабақтың аты:

Атқарушы ұғымы, атқарушы командалар жүйесі

Жалпы мақсаты

Балаларға атқарушы ұғымы, атқарушы командалар жүйесі туралы білімдерін қалыптастыру болып табылады.

Сілтеме

• Мұғалімге арналған нұсқаулық.

• «Информатика және ақпараттық технология»

9- сынып, Рахманбердиева Д.С.

• 9-сыныпқа арналған информатика оқулығы

// авторлары Б.Бөрібаев, Б.Нақысбеков//

• Электронды оқулық, Информатика 9-сынып

Оқыту нәтижесі

• Алгоритмге өмірде кездесетін мысалдар келтіру;

• Қарапайым алгоритмдерді құру;

• Алгоритмнің негізгі қасиеттерін білу

Түйінді идеялар

Алгоритмдеу негіздері және алгоритм құру технологиясын үйрету

Сабақта қолданатын материалдар

ЕТ кешені, оқулық, жұмыс дәптері, практикум, деңгейлік тапсырмалар, электрондық оқулық

Оқыту әдістері

Түсіндірмелі – иллюстративті, көрнекілік, сұрақ -жауап

1. Жеке жұмыс

2. Топтық жұмыс

3. Сыныппен жұмыс

Дерек көздері

Электрондық оқулық 9-сынып

Тапсырмалар

Сөзжұмбақ, деңгейлік тапсырма, семантикалық карта, графикалық диктант, 9 сынып электрондық оқулығынан тест

Сабақ бойынша мұғалім мен оқушының іс-әрекеті:

Сабақ: 08.00-08.45

Оқушыларға психологиялық ахуал туғызу.

Сабақ алдында бір-бірімізге сәттілік тілейік.

Ұйымдастыру кезеңі

а) оқушылар тізімі; ә) кабинет жағдайы; б) сабақ барысымен таныстыру.

Топтау

/«Алгоритм», «Программа» атаулары бойынша үлестірме арқылы екі топқа бөлу/

Үй тапсырмасын тексеру.

1. Алгоритм дегеніміз не? Алгоритм сөзі қайдан шыққан?

2. Программа дегеніміз не?

3. Алгоритмнің негізгі қасиеттері қандай?

4. Алг. үзіктілігі дегенді қалай түсінесің? Мысал келтір.

5. Алг. бірмәнділігі дегенді қалай түсінесің? Мысал келтір.

6. Алг. ортақтығы дегенді қалай түсінесің? Мысал келтір.

7. Алг. нәтижелігі дегенді қалай түсінесің? Мысал келтір.

Жаңа тақырып.

Электрондық оқулықтан «Алгоритм» тарихын тыңдау.

Ой шақыру («Алгоритм» ұғымын қалай түсінесің? моделін жасап қорғау)

Алгоритм атқарушысының рөлін адам немесе автоматтандырылған құрылғы: компьютер, робот және т.б. орындайды. Мысалы,

у = (ах+b)(сх -d) функциясын есесптеу үшін келесі қарапайым әрекеттерді орындау керек:

1) а- ны х-ке көбейтіп, оны У деп белгілеп аламыз;

2) У – ті b –ға қосып, оны У1 деп белгілейміз;

3) с – ны х – ке көбейтіп, оны У2 деп белгілейміз;

4) У2 –ден d – ны алып тастаймыз, оны У3 деп белгілейміз;

5) У1 –ді У3 –ке көбейтіп, нәтижені У4 деп белгілейміз.

Көрсетілген пункттерді өзгертуге болмайды. Олар дәл осы қалпында орындалуы қажет. Сонда ғана қажетті нәтижеге жетуге болады.

Қалааралық телефонды қолдану алгоритмі.

1. Телефон тұтқасын алу;

2. 8 санын теру;

3. Үзіліссіз үнді күту;

4. Керекті қаланың кодын теру;

5. Абоненттің телефон нөмірін теру;

6. Абонент жауабын күту;

7. Сөйлесу батырмасын басу;

8. Сөйлесуге болады.

Осы мысалдағы әрекеттерді орындау үшін алдын-ала абоненттің телефон нөмірін, тұратын қала кодын білу қажет.

Жалпы алғанда, өміріміздің барлығы алгоритм тізбектерінен тұрады десек те болады.

Алгоритм орындалу барысында атқарушы қандай инструкция келесі орындалу керектігін біледі. Атқарушы орындай алатын командалардың жиынын атқарушы командалар жүйесі деп атаймыз. Сонымен, алгоритм атқарушысы алдын-ала қойылған әрекеттерді орындап, нәтижеге жететін адам, компьютер немесе техника болуы мүмкін. Егер есепті шешу үшін техникалық құралдар пайдаланылса, орындалатын әрекеттер тізбегі нақты және түсінікті болу керек. Қаншалықты әрекеттер түсінікті де, нақты болса, соншалықты нәтижеге жету тез және дұрыс болады.

Сергіту жаттығулары (5 мин)

Жұптық жұмыс. Тапсырмалар:

Тапсырма №1 Жұмыс дәптеріңе орында.

Өзіңе таныс бірнеше (3) алгоритмді мысалға келтір. Жұмыс дәптеріңе пункттер бойынша жаз.

Тапсырма №2

У функциясының мәнін табу алгоритмдерін жаз:

а) y=(5x² – 4)(x² + 7);

b) y=(4x + 2)² + x³;

Тапсырма №3

Келесі алгоритм бойынша У функциясының формуласын тап.

а)

1) х – ті х – ке көбейтіп, нәтижені а₁ деп белгілеу;

2) а₁ – ді 5 –ке көбейтіп, нәтижені а₂ деп белгілеу;

3) а₂ – ден 6 – ны алып тастап, нәтижені а₃ деп белгілеу;

4) а₁ – ге 4-ті қосып, нәтижесін а₄ деп белгілеу;

5) а₂ – ні а₄ – ке бөліп, нәтижені У деп белгілеу.

б)

1) х – ке 1-ді қосып, нәтижені b₁ деп белгілеу;

2) 1 – ді b₁- ге бөліп, нәтижені b₂ деп белгілеу;

3) b₂ – ден 1 –ді алып тастап, нәтижені b₃ деп белгілеу;

4) b₂ –ге 1 –ді қосып, нәтижені b₄ деп белгілеу;

5) b₃ – ті b₄ – ке бөліп, нәтижені b₅ деп белгілеу;

6) b₅ – тен 1-ді алып тастап, нәтижені У деп белгілеу.

Жеке жұмыс. Электрондық оқулықтан шағын тест тапсыру

Қорытындылау:

Кері байланыс сұрақ – жауап (5 мин.)

1. Атқарушы дегеніміз не? Мысал келтір.

2. Алгоритм командасы дегеніміз не?

3. Атқарушы – адам мен атқарушы – машина айырмашылығы қандай?

4. Атқарушы командалар жүйесі дегеніміз не?

Үйге тапсырма:

1.2-тақырып, 10 беттегі 4,5-тапсырмалар

Келесі оқылым:

Алгоритм типтері

Бағалау:

Бағалау парақтары бойынша жауаптарын бағалау

Кері байланыс:

Оқушылардың сабақтан алған әсері туралы ойларын анықтау.