Сабақ жоспары: «Менің Отаным - Қазақстан» 6 сынып орыс сыныптарындағы қазақ тілі

Телефон, үялы, е-mail	8-701 3132418,   [e-mail]
3*4 фотасы

Астана қаласы

№35 мектеп-лицейі

Сабақтың тақырыбы:

«Менің Отаным - Қазақстан»

6 сынып

   орыс сыныптарындағы қазақ тілі

 

Өткізген: қазақ тілі мен әдебиеті

пәні мұғалімі

Кариева Майра Амангельдиновна

Сабақтың тақырыбы: Менің Отаным - Қазақстан

Сабақтың мақсаты:

Білімділік: оқушылардың Қазақстан Республикасы туралы алған білімдерін пайдалана отырып, сөздік қорларын толықтыру,  ауызекі тілде еркін жеткізуді қалыптастыру.

Дамытушылық: ынтымақтастық атмосферасын қалыптастыру арқылы ұйымшылдық қабілеттерін ояту. Оқушылардың ой-өрісін, мәнерлеп айту, ауызекі сөйлеу дағдыларын дамыту, сөздік қорын молайту.

Тәрбиелік: Болашағымызды жалғастырушы ұрпақтардың бойында

Отансүйгіштік сезімдерін молайту, туған жерін, елін сүюге, табиғат әсемдігін таныта және оны қорғай білуге тәрбиелеу.

Сабақтың түрі: жаңа сабақ

Сабақтың әдіс-тәсілдері: топтық, жұптық, сұрақ-жауап, баяндау

Сабақтың көрнекілігі: интерактивті тақта, флипчарттар, суреттер

Сабақтың барысы:

1.Ұйымдастыру:

                     -   Амандасу.

                     -   Кезекшімен сұхбаттасу: Сыныпта бүгін кім кезекші?

                                                                    Сыныпта бүгін кім жоқ?

                                                                    Бүгін қарашаның нешесі?

                                                                    Аптаның бүгін қай күні?

2.Психологиялық ахуал. Оқушыларды шаттық шеңберіне шақыру.

- Біз күнде аспанға қарағанда нені көреміз?

- Күннің көзі бізге не береді?

- Күннің көзі бізді қалай жылытады?

Олай болса, жүректерімізді ұстап, жылуын сезінейікші. Жүрек жылуын бір бірімізге берейік. Бір- біріне тілектер айтқызу.

Ендеше мен де, сендерге,балалар біріге жұмыс істеп, өз білімдеріңді көрсетіп, жақсы баға алуларыңа тілектеспін.

Балалар орындарына отырады

Сұрақ-жауап

-         Біз тұрып жатқан республика қалай аталады?

-         Қазақстан республикасы қандай? 

-         Біздің республикамыздың президенті кім?

-         Алдымызда 1 желтоқсан мерекесі келе жатыр? Бұл қандай мереке?

-Балалар, Отан дегеніміз не?   

-Біздің Отанымыз қалай аталады?  

-Отанды сүю неден басталады?  

-Сен қай қалада тудың?

Балалар, адамның үлкен Отаны да, кіші Отаны да болады Үлкен отанымыз ол Қазақстан республикасы , ал кіші отанымыз Астана қаласы.

3. Үй тапсырмасын тексеру :  Үйге қосымша әдебиеттен Отан туралы өлең жаттап келу болған.

                     

4. Жаңа сабақ:

Бүгінгі біздің сабағымыз «Менің Отаным -Қазақстан» деп аталады.

Сабағымыздың мақсаты: өткен сабақта алған білімдерімізді әрі қарай жетілдіріп, дамыту, сабақ барысында жаңа сөздермен танысып, әр түрлі тапсырмалар орындап, әңгіме құрастырамыз. 

Сабағымыздың ойқазығы    «Отан оттан да ыстық »

Дәптерлеріңді ашып, бүгінгі күнді, тақырыпты жазып қойыңдар.

Балалар Отан деген сөзді естігенде ойларыңа қандай сөз келеді соны мына қағазға жазыңдар.

№1 флипчарт

 Екі топқа тапсырма беру. Отан дегенде ойларыңа қандай сөз келеді соны жаза беріңдер. 1 мин уақыт. Екі топтан бір баладан шығып кезек-кезек жазады.

Ассоциация.

                                   

                                                   ОТАН                            

 

№2 флипчарт

5. Сөздікпен жұмыс: 

- өзім оқып шығамын

- хормен қайталаймыз

- сөздерді жатқа сұрау

№3 флипчарт

6. Қазақтың белгілі жазушысы М.Мақатаевтың «Отан туралы» өлеңі берілген, сонымен танысайық. Мұғалім мәнерлеп оқып шығады,

Балалар, енді осы өлеңді топ ішінде оқыңдар, 4 жолдан бөліп, дауыстап, тізбектеп оқыңдар.

Тапсырма: Осы өлең бойынша презентация жасау. 7-8 мин 

7. Ал енді балалар, бір кішкене серігіп, дем алып алайық.

№4 флипчарт            

СЕРГІТУ СӘТІ   

№5 флипчарт

Кітаппен жұмыс

8. 2-тапсырманы орындау. Сөз тіркестерін дұрыс құраңдар.

Түнін сүйем

Қасиетті тілін

Оның құдіреті

Бәрі маған сыбырлаған

Шырылдаған бозторғай

Биік екен

Мәңгілік сүйіп өтем

                                  

№6 флипчарт

3 тапсырма. Топтық жұмыс.  Сөйлемдерді дұрыс құраңдар. Сөйлемдерге сұрақтар қойып, жауап беріңдер.

І топ

1. Маған / «Отан» / бәрі / сыбырлаған / деп.

2. Қазақстанның / кең-байтақ / жері.

3. Сіз / тұрдыңыз / Алматыда.

ІІ топ

4. Оқисың / сен / университетте.

5. Қазақстанда / тұрамын / мен.

6. Сүйеді / ол / Отанын / өзінің.

9. Грамматикаға қайталауға жіктік жалғау берілген, мен сендерге азамат деген сөз беремін, соны І топ жекеше, ІІ топ көпше түрінде жіктейсіңдер.

Ережені еске түсіру: І топ жекеше                          ІІ топ көпше

                                     азамат                                         азамат

10.

4- тапсырма. Сөйлемдегі зат есімнің нешінші жақта тұрғанын айтыңдар.

І топ. Мен оның қасиетті тілін сүйемін.

ІІ топ. Сен оның құдіретті үнін сүйесің.

 

Сабақты қорытындылау: 

-  Сонымен балалар бүгін сабақта қандай тақырыпты өттік?

-  Біздің Отанымыз қалай аталады? 

-  Отан дегеніміз не ?

-  Кімнің өлеңімен таныстық?

-  М.Мақатаев кім?

Енді балалар, Отан туралы мақал мәтелдерді еске түсірейікші, ол үшін мен сендерге мынадай тапсырма дайындап қойдым.

Отансыз адам

Ормансыз ...

Отан ... ыстық

Ел іші – алтын ...

Отан ... басталады.

Үйге тапсырма: Осы мақалдардың біреуін тақырып етіп алып, «Отан» тақырыбына шағын шығарма жазып келу.

Бағалау.

Астана қаласы

№35 мектеп-лицейі

2015-2016 оқу жылы

Ашық сабақ

қазақ тілі

4 «Б» сынып

Тақырыбы: Азық-түлік

11.12.15 жыл

Сабақтың тақырыбы:  Азық-түліктер

Сабақтың мақсаты:

Білімділік. Модуль бойынша оқушылардың алған білімдерін бақылау. Оқылым, тыңдалым, айтылым, жазылым әрекеттерінің меңгерілуін және білім сапасын тексеру.

Дамытушылық. Сөйлету, ойлау арқылы оқушылардың ой-өрісін кеңейту, өз ойын еркін жеткізу дағдысын жетілдіру, ауызекі сөйлеу дағдыларын, логикалық ойлау қабілеттерін дамыту.

Тәрбиелік. Тілге деген қызығушылығын арттыру, топтық жұмыс арқылы достық қарым-қатынасқа, сыпайы болуға тәрбиелеу, асты қадірлеуге, қастерлеуге тәрбиелеу.

Сабақтың түрі: сайыс сабақ

Сабақтың әдістері: сұрақ-жауап, жұптық, топтық, ой-қозғау

Сабақтың көрнекілігі: интерактивті тақта, азық-түлік суреттері, карточкалар

Сабақтың барысы:

І. Ұйымдастыру кезеңі. 1. Сәлемдесу.

- Қалдарың қалай?

- Сабаққа дайынсыңдар ма?      

- Қазір қандай сабақ?

ІІ. Кезекшімен сұхбаттасу.

-         Сыныпта бүгін кім кезекші?

-         Сыныпта бүгін кім жоқ?

-         Бүгін желтоқсанның нешесі?

-         Бүгін аптаның қай күні?

ІІ. Психологиялық ахуал:

 Балалар, мен сендерді қазір «Шаттық шеңберіне» шақырамын.

Сыныпты екі топқа бөлу.

Бүгін бізде ерекше сабақ, сайыс сабағы. Сайысқа «Жемістер» мен «Көкөністер» тобы түседі.

Алдымен үй жұмысын тексеріп алайық. Сонымен үй жұмысына не берілді?

ІІІ. Үй тапсырмасын тексеру. Өтілген модуль бойынша қайталап келу

    Сұрақ-жауап               №1 слайд (сұрақтар)

1. Палау, тұшпара, мәнті қай тағамдар түріне жатады?

2. Айран, қаймақ, ірімшік қай тағамдар түріне жатады?

3. Нан, тоқаш, құймақ қай тағамдар түріне жатады?

4.     Тамақты қалай ішу керек?

5.     Палаудың түрлерін ата.

6.     Палау дайындау үшін не керек?

7.     Борщ дайындау үшін не керек?

8.     Ботқаның түрлерін ата.

9.     Шай тәтті болу үшін не қосамыз?

Жаңағы айтылған атауларды бір сөзбен қалай айтамыз?    

ІҮ. Бүгінгі біздің сабағымыздың тақырыбы:  Азық-түлік

Сабағымыздың мақсаты: « Тағамдар, азық-түлік»  модулі бойынша алған білімдерімізді қайталап, түрлі тапсырмаларды орындай отырып, сөйлеу тілдерімізді  әрі қарай  жетілдіріп дамыту.

Дәптерлеріңді ашып, бүгінгі күнді, тақырыпты жазып қойыңдар.

-Балалар, біз осы азық-түліктерді  қайдан аламыз? Азық-түлік дүкенінен аламыз.  Ендеше біз азық-түлік дүкеніне барамыз.    

                                                                                     №2 слайд (дүкен суреті)

Сабағымыз әрі қарай сайыс түрінде өтеді. Бүгін сендердің білімдерің азық түліктің бір түрі кәмпиттермен бағаланады. Екі вазаға салынады.

№3 слайд

Нан иісі

Есіңде болсын, балам,

Нан-қастерлі тағам.

Қоқымын оның шашпа,

Жерге түссе баспа,-

Дейді атам маған.  (Ә.Бостубаев)

                                                                               №4слайд    (нан тағамдары бөлімі)

І сайыс. Нанға байланысты «Мақал-мәтелдер сайысы»

№5слайд

           Балмұздақ

Балдай тәтті балмұздақ,

Сүттей дәмді балмұздақ.

Балалардың сүйікті

Тағамы ғой – балмұздақ.

Дәмі оның балдай,

Өзі аппақ қардай,

Суық екен мұздай,

Тәп-тәтті ғой сондай!

                               (Ә. Шапағат)

                                                                            №6слайд (сүт тағамдары)

ІІ сайыс. Сүт тағамдары «Грамматикалық сайыс»

Қазақ тілінде жалғаудың неше түрі бар?

Атап беріңдер?  Септік, көптік, тәуелдік, жіктік

Соның ішінде біз осы модульда септік жалғауын өттік.

Қазақ тілінде неше септік бар?

Қымыз                                                  Шұбат  сөздерін септеу

Қымыз, шұбат дегеніміз не? Сусындар

Қымыз ненің сүтінен жасалады ?

Шұбат ненің сүтінен жасалады?

 №7слайд Алма өлеңі

Алма

Қараймын тауға,                                              Осындай алма

Қараймын бауға.                                              Сендерде бар ма?

Өсіп тұр онда,                                                   Гүлденсін аула,

Қып-қызыл алма.                                              Егіңдер алма.

                                                                                              (Б.Шопашев)

Өлең не туралы?

Ендеше біз қай бөлімге барамыз?

Жеміс –жидектер неге бай?   дәруменге 

                                                                                        №8слайд (жеміс-жидектер)

ІІІ сайыс. Жемістер-көкөністер «Салат жасау»  сайысы

Тапсырма: Жемістер тобы ЖЕМІСТЕР салатының рецебін, Көкөністер тобы КӨКӨНІСТЕР салатының рецебін жазып , қалай жасадыңдар соны айтып бересіңдер.

Сергіту сәті

Жұмбақ жасыру

Дәмі де жоқ, түсі жоқ,

Пайдаланбас кісі жоқ.                                          

  №9слайд

                                                                              №10слайд (сусындар)

ІҮсайыс. Сусындар «Пайдасы мен зияны» деп аталады

Ү сайыс. Азық- түліктердің ішінде ең жақсы көретін тағамдарың не?

 Кәмпит печенье бөлімі.

Мұнда мен мәтін оқимын. Сендер мәтінді мұқият тыңдайсыңдар. Осы мәтін ішінен есте қалған сөздерді қағазға жазасыздар. Қай топ көп сөз жазса сол топ жеңімпаз атанады.

Бүгін жексенбі. Біз анам екеуіміз кәмпит алуға азық-түлік дүкеніне келдік. Кәмпиттер бөлімінде кәмпиттің түрлері көп.Біз өзімізге  сникерс,барбарис, каракум, ирис кәмпиттерін сатып алдық . Үйге келгесін әркім өзінің ұнаған кәмпитімен шай іштік. Жексенбі күн көңілді өтті.

Сабақты қортындылау:                         

1.     Дастарқанның басты асы.     

А) қант     Б) сүт     В) май         Д) нан

      2.. Дәмін таттсаң –тәтті-ақ,
          Түсін көрсең- әппақ.
           А) қант        Б) тұз    В) ұн      Д)

      3. Мен ... палау жедім.

          А) театрда     Б) аулада    С) асханада       

          Д) дүкенде

     4. Ас адамның ... .

          А) күші              Б) көркі       С) 

          денсаулығы        Т) арқауы 

     5. Алмада ... көп.

         А) дәрумендер       Б) қант     В) су      Д) май

     6. ... ет тағамына жатады.

          Д) қаймақ        С) шырын   Р) тұшпара        Т) алмұрт

     7. Қалың киім ұнатады
         Шешіндірсең жылатады.

          К) орамжапырақ         Л) қияр   М) қарбыз     Х) пияз

     8.   Сырты жасыл қатты
           Іші қызыл тәтті.
           А) қарбыз      Б) алма      В) алмұрт     Д) қияр

     9.  Шұбат ненің сүтінен жасалады

          А)Ешкінің    В)  Биенің      С) сиырдың     Н) түйенің

 ДАСТАРҚАН СӨЗІ  ШЫҚТЫ

 Үй жұмысы:    «Дүкенде» тақырыбына диалог құрастырып келу