Сабақ жоспары: Қоршаған ортамаен таныстыру.

ББС:«Әлеуметтік орта»

ҰОІӘ:    Қоршаған ортамаен таныстыру.

Тақырыбы:  «Менің жанұям»

Мақсаты:Балаларға отбасы туралы түсінік беру. Өз жанұясы  туралы әңгімелеп үйрену. Қонақ келгенде  амандасып, оларды күтуді үйрете білу.  Әдептілік әліппесін үйрету. Үлкенді сыйлау, кішіні құрметтеу. Отбасына деген мейірімділіктерін оятып, сүйіспеншілікке тәрбиелеу.

Әдіс – тәсілдер:  әңгімелеу, көрсету. Сұрақ – жауап.

Көрнекілігі:  көрме, суреттер, бәйтерек ағаштар

Билингвальды компонент:  отбасы – семья,  ата – дедушка, әже – бабушка,  әке – папа,  ана – мама.

Әрекет кезеңдері	Тәрбиешінің іс- әрекеті	Балалардың іс-әрекеті
Мотивациялық қозғаушы	Шаттық шеңбері: Көтеріліп шаңырақ Уықтары шаншылар Керегелер керіліп, Өрімдей боп өрілер. Бәріміз жүрсек айналып, Киіз үй болып көрінер	Балалар шаттық шеңберіне  тұрып, тәрбиешімен бірге өлең жолдарын қайталап, өлең жолдарына сай қимыл – қозғалыстар жасайды
Ұйымдас-тырушылық – ізденістік	Тәрбиеші:   - Балалар, мен сендерге бір жұмбақ жасырайын. Жұмбақ: Онсыз қызық жоқ маған. Онсыз бақыт жоқ маған Әр баланың панасы, Ол не екен, балалар!                 (отбасы) -         Дұрыс айтасыңдар, балалар, жұмбақтың жауабы – отбасы екен. -         Ал енді мына суретке назар аударайық. -         Бұл суретте сүйіспеншілігі мол, бір – біріне ыстық ықыласпен, аялы сезіммен қарап, дастархан басында отырған отбасы мүшелерін көріп отырмыз. -         Ал осы отбасы мүшелеріне кімдер жатады? Қостілділік компонент: Ғажайып сәт: Топқа Ата мен Әже кіреді. Ата: - Ассалаумағалейкум! Амансыңдарма, балалар! Әже:  - Амансыңдар ма, балапандарым! Ата:   - біздер осы балабақшаға немеремізді алып кетейін деп келіп едік. Осы жақтан сендердің дауыстарыңды естіп бұрылдық. Тәрбиеші:  - Қош келдіңіздер, төрлетіңіздер. (Ата мен Әже жоғары шығып отырады) Бүгін бізде ашық оқу іс – әрекеті өтіп жатыр. Ал сабағымыздың тақырыбы  «Отбасы» туралы. Әже:   -  ал , балалар, бізді немен қуантасыңдар? -         Балалардың отбасы мүшелеріне арнаған тақпақтары бар. Соны айтып берсін -         Атаға қалай амандасамыз? -         Дұрыс айтасыңдар, ата мен де әкемен де, өзімізден үлкен ер адамдарға ер балалар осылай амандасады екен -         Ал әже, мама, әпкелерге қалай амандасады екенбіз? -         Дұрыс айтасыңдар, үлкен әже, апкелерге солай амандасу керек екен. Балалар ата мен әжеге арналған тақпақтарын айтады: Дидактикалық ойын:  «Дүкен» Шарты:  сиқырлы дүкенге барып, отбасына сыйлық алу. Мыс: мен жүрекшкні әпкеме сыйлаймын. Әпкем мейірімді болсын деп. Ата, Әже: ой жарайсыңдар балалар. Әже:  сендерге мен отбасына байланысты мақал – мәтелдер айтып берейін. Балаларға мақал – мәтелдер айтып, түсіндіріп береді. -         Балалы үй  - базар, баласыз үй – мазар. -         Ата тілін алмаған ұлдан без, Ана тілін алмаған қыздан без. -         Ата көрген оқ жонар, ана көрген тон пішер Тәрб: Рахмет әже біз үлкендердің айтқанын тыңдаймыз, ақылды бала болып өсеміз. Отбасы мүшелері бір – біріне көмектесіп, қамқор бола білуі керек. -         Отбасында кімді жақсы көресің? -         Отбасыңда кімге сыйлық жасайсың? -         Анаңа қалай көмектесесің? -         Уйдегі өзіңнен кіші бөпеңе қалай қамқор боласың? Сергіту сәті: Атамның алып күрегін Ауланың ішін күредім Әжеме мен құдықтан Су әкеліп беремін Еденді де жуамын Шаң тозаңды қуамын. -         Балалар енді мына тақтадағы суретке назар аударайық. Бұл не? -         Дұрыс айтасыңдар, бұл жай ағаш емес, бұл – отбасы ағашы деп аталады. Егер біз отбасын зәулім терекке теңейтін болсақ, қараңыздаршы оның тереңге жайылған тамыры, мықты діңі, көптеген бұтақтары, сол бұтақтардан жайқалған жапырақтары бар. -         Осы үлкен ағаш қатты дауылдарда, желдерде құлап кетпес үшін тамырларын тереңге жіберіп, мықты қылып ұстап тұрады. Ал осы тамырды отбасы мүшелерінің қайсысына теңейміз? -         Ал діңін кімге теңейміз, себебі одан көптеген бұтақтар тарап жатыр? -         Ал бұтақтар мен жапырақтарды кімге теңейміз? -         Ата сіз балаларға бата беріңіз Ата мен әже балалармен қоштасып шығып кетеді. -         Ал, балалар, енді   жеке жұмсырманы орындайық.	Балалар жауабы. -         отбасы Суретте ата, әже, әке, ана, аға, апке барлығы шай ішіп отыр. Мен атамды жақсы коремін, мен әжемді жақсы көремін. -         Отбасы - семья -         Ата - дедушка -         Әже – бабушка -         Әке – папа -         Ана – мама. -         Аға – брат -         Апке – сестра Балалар келген қонақтармен амандасады. Алішер -Айтады ертек жан атам Ақ сақалы салалап. Құмарымды тарқатам, Жермен көкті аралап. С.Алдияр -Атам айтса «ұлым» деп, Әжем айтар «күнім»деп Екеуінен қаймығып, Айтады әкем «інім» деп Ғ.Алдияр -Әжемдей данадан Ертекке қанамын Шақырса даладан Жүгіріп барамын. Аблайхан: Ана деген ақылшың, Енаң барда батырсың Қасыңда кім болса да Тек анаңа жақынсың. Балалар дүкеннен сыйлықты алып, отбасына сыйлайды. Балалардың жауабы. -         Әкемді, анамды, атамды, әжемді жақсы көремін. -         Әжем мен анама сыйлық жасаймын. -         Өзімнен кіші бөпемді ойнатамын Балалар өлең жолдарын бірге қайталап,  қимылдар жасап көрсетеді. Балалар жауабы: -         Ағаш -         Ата мен әжеге -         Әке мен анаға -         Аға мен апкемізге, өзімізге Балалар тыңдайды, сұраққа жауап береді, отбасы суреттерін бәйтерек ағашына жапсырады. Балалар тыңдайды, атаның батасын қабыл алады. Ата мен әжемен қоштасады. Балалар берілген тапсырманы орындайды
Рефлексивті Коррекциялаушы (түзету)	Балалар бәріміз шеңберге тұрып әдептілік әліппесінен  Ермек Өтетілеуовтін  «Біздің шаңырақ» өлеңін бірге қайталап  айтайық. Атамнан басталар Әжеммен қосталар Отбасым мыналар Ең жақын адамдар Сұрақ – жауап арқылы сабақты қорытындылау. Балаларды мадақтау	Балалар өлең жолдарын бірге қайталап айтады. Берілген сұраққа жауап беріп өз түсінгендерін айтады.

Күтілетін нәтиже:

Біледі:  Өзінің отбасы, жақсы көретін адамдары, олардың жақсылығы мен қайырымдылығы туралы әңгімелей біледі.

Игереді:   отбасы мүшелерінің бір – біріне қалай қалай көмектесетіндерін.

Меңгереді:   отбасы мүшелеріне құрметпен, сыйластықпен қарауды, жақсылық, қайырымдылық жасауды.