Сабақ жоспары "Рефлективті есеп -жемістер"

Рефлективті есеп

«Жемістер»

Бұл сабақтың ұйымдастыру кезеңін сыныптағы психологиялық ахуалды реттеумен бастадым. Сыныпты тақырыпқа сай суреттерді таңдату арқылы, екі топқа бөлдім. Бұл суреттерді алу себебім, сабақ соңында оқушылар осы суреттерді бүгінгі тақырыппен байланыстырып түсіндіреді.

Үй тапсырмасын «Кім жылдам» ойынын қолдана отырып,  сұрақ-жауап арқылы сұрадым. Сұрақ-жауап тәсілі бойынша олардың диалог арқылы сыни тұрғыдан ойлау қабілеттерін дамытамын, әрі жаңа сабаққа деген ынталарын оятамын. Сұрақтар  оқуышлардың диалог арқылы сыни тұрғыдан ойлау қабілеттерін дамыту барысында Александердің тәжірибесінде зерттеген диалогының бес түрінің бірі талқылауды жүзеге асырды. Оқушылар диолог арқылы сұрақты дұрыс, нақты қойып үйренеді және сұраққа ғылыми тілде жауап беруге жаттығады.

Мағынаны ашу кезеңінде оқушылар өздерінің «Шырынды жемістер», «Құрғақ жемістер» тақырыбы бойынша не білетіндерін жазып, қорғап шықты. Мұндай постермен жұмыстар оқушылардың есте сақтау қабілетін арттырып, ойындағысын жинақтап, дұрыс жеткізе білуге жетелейді деп санаймын.

 Одан кейін «Дәрумендер тәрелкеде» әдісі бойынша, тәрелкедегі дәрумендерге жасырылған сұрақтарға жауап берді.

Ой қорыту кезінде «Сәйкестік тестісін» оқушылар жұпта орындады. Жұптық жұмыстар оқушылардың бір-біріне деген сенімдерін арттырумен қатар Фирманның (1998)  ең үздік оқушыларды анықтайтын сенімді өлшемдерінің бірі ақпараттарды біліп қана қоймай, оны пайдалана алатынын жүзеге асыруға мүмкіндік береді.

Сергіту сәтінде оқушыларға жалпы жемістердің пайдасы туралы мағлұмат беріліп, адам организмінің кейбір мүшелері қай өсімдікпен сәйкес келеті туралы көрсетілді.

Одан кейін «Кім жылдам» әдісі бойынша тест жұмыстарын орындады.

Рефлексия кезеңін оқушыларға «Екі жұлдыз, бір тілек» әдісі арқылы аяқтадым. Флейвеллдің (1976) метатануының үш өлшемінің бірі оқушы  білім алу үдерісінде не ұнайтынын, не ұнамайтынын түсінеді деген қағаидасын орындай отыра, оқушылар өздерінің алған әсерлерін стикерлерге жазып, жапсырды. Бұл әдіс оқушылардың сабақтан алғандарына тағы бір мәрте есеп беру үшін керек. Осы арқылы оқушының не білгенін, нені білгісі келетінін білу үшін ұстазға көмек және мұғалімдер келесі сабақта жіберген қателерін қайталамауға, немесе келесі сабақты жоспарлауға мүмкіндік береді деп ойлаймын.

Бағалауда екі топ  бір-бірін бағалады. Бұндай бағалаулар оқушыларды пікір айтуға, өзгенің пікірімен яғни бағалауымен келісуге жетелейді.

Бұл сабақтан түйгенім: Сыни тұрғыдан ойлау модулінің әдіс-тәсілдерін қолдану, оқушыны еркіндікке, өз ойларын анық жеткізуге, сөйлеу мәдениетін қалыптастыруға, өзгелердің пікірімен санасып, өздеріне әділ баға бере білуге жетелейді.