Сабақ жоспары 2 сынып

Сабақ жоспары

Пәннің аты: Ритмика

Сыныбы: 4 «ин»

Мұғалім: Сатбаева М.Б.

Күні, айы, жылы: 09.10.2015 жыл.

Сабақтың тақырыбы: Қозғалыс үйлесімділігіне жаттықтыру

Сабақтың мақсаты:         

1. Білімділік:

-          Сабақ бойынша алған білімі:  Ырғақты – қимыл қозғалыс арқылы дене сымбатын жақсартып, бұлшықеттерін, сіңірлерін бекітіп, тез қимылдауға, әдемі қозғалыстар жасауға ықпал ету..

2. Түзетушілік:

-          Денені тік ұстап шеңбер бойымен жүруге үйрету.

-          Дидактикалық ойын арқылы зейінін дамыту.

-          Есту, сөйлеу, ойлау, есте сақтау процестерінің жетілуіне ықпал ету..

3. Тәрбиелік:

-          Пәнге қызығушылығын арттыру.

-          Оқушыларды ептілікке, әсемділікке, әдептілікке татулыққа, достыққа тәрбиелеу.

Көрнекі құралдар: доп, шарлар, үнтаспа.

Сабақ барысы:

1. Ұйымдастыру кезеңі:

Баланы психологиялық жағынан дайындау.

Оқушылардың назарын аудару.

-          Қазір қай мезгіл?

-          Күз  мезгілінде неше ай бар? Атап шығайық.

-          Бізде қазір қандай сабақ?

-          4 –ші сағат – ритмика сабағы

2. Жаңа сабақты түсіндіру.

1.      Жаңа сабақтың тақырыбы: Қозғалыс үйлесімділігіне жаттықтыру

2.        Дидактикалық ойын:

І. Кеңістікті бағдарлауға үйрету. Залға саппен кіргізу.

             ІІ.  Оқушылар шеңбер жасап тұрып, допты кезек –кезек лақтырып жылы лебіздерін білдіреді.

-          Аспанымыз ашық болсын!

-          Елімізде бейбітшілік болсын!

-          Барлық бала бақытты болсын!

ІІІ. Тыныс алуға арналған жаттығулар.

-          Балалар, қазір бойымызды тік ұстап,демді мұрынмен ішке тартып, ауызбен ауа шығарамыз.

-          Қоңыз жаттығуы. Балалар тұрып, қолдарын жанына қояды. Енді қолымызды көтеріп демаламыз. Тынысымызды шығара, қоңыздың ызылдағанын көрсетеміз. Қолдарын бір мезгілде төмен түсіріп, ж-ж-ж деп айтады.

Ырғақты гимнастикалық жаттығулар.

-          Шеңбер бойымен жүру.

Дөңгелегі дөңгелеп,

Біздің поезд келеді.

Балаларды алысқа,

Апарғысы келеді.

Гу – гу, Гу –гу, Гу-гу

Жүгіреді паравоз

Балаларды алысқа

Апарады паравоз.

3.       Сергіту сәті: Мен қазақпын биі

4.       Бекіту: Доп кімде ойыны

Шеңбер болып отырып, допты бір-біріне жылдам береді. Кенет әуен тоқтағанда, доп кімде болса, сол өз айыбын өтеуі тиіс.

Шарлар ойыны.

Көк шар – шапалақтау

Жасыл шар – тебіну

Сары шар – үндемеу

Қызыл шар – алақай! – деп айқайлау.

5.        Қорытынды : Оқушылар, бүгін не істедік? Қандай жаттығулар жүргіздік? Ойын түрлері ұнады ма?

6.       Үйге тапсырма: Дене қимылдарына арналған жаттығуларды үйде қайталаймыз

7.       Бағалау: Мақтау, мадақтау.