Математика әлемі
Білім беру саласы: «Таным», «Қатынас», «Шығармашылық»
Мақсаты:
1. Білімділік: Балалардың математикаға деген қызығушылығын арттыру, апта
кундерін ретімен жаңылмай айтуға, әр түрлі пішіндермен жұмыс істеуге, қарама -
қарсы сөздерді таба білуге, логикалық есептерді шығатуға
үйрету.
2. Дамытушылық: Сандар жайлы түсініктерін дамыту,
ойлау қабілеттерін, сөздік қорын дамыту.
3. Тәрбиелік: Үй жануарларына деген қамқорлық сезімдерін тәрбиелеу.
Қолданылатын әдіс: - тәсілдер: әңгімелесу, көрсету, түсіндіру, ойнату,
шығармашылықпен өз бетімен жұмыс істеу, бақылау, жапсыру, мадақтау.
Керекті құралдар: 1 - 10 дейін сандар, төрт түлік төлімен, төрт түлік
пірлері, хат, хат тасушы ата, «Танграмм»,
Балалар: 20 бала музыка әуенімен кіреді.
Шаттық шеңбері:
Арайланып таң атты,
Алтын сәуле таратты,
Жарқырайды күніміз,
Жарқырайды даламыз.
Қайырлы күн балалар!
Қайырлы күн қонақтар!
Тәрбиеші: - Балалар көңіл күйлерін қалай? Жылдың қай мезгілі? Қыстың қай айы?,
бір жылда неше ай бар? Осы 12 айдың ішіндегі ең күндері аз ай, қай ай?, бір
айда неше апта бар?, бір аптада неше күн бар?
Тосын сәт: (апта күндері әуенмен залға кіреді)
Апта күндері: - Сәлеметсіңдер ме, балалар?! Біз апта күндеріміз. Мен –
Дүйсенбі, мен – Сейсенбі, мен – Сәрсенбі, мен – Бейсенбі, мен – Жұма, мен –
Сенбі, мен – Жексенбі деп өздерін таныстырады.
Тәрбиеші: - Апта күндері бізге қонаққа келген екен, ендеше бір аптада өздерінің
жасаған жұмыстары туралы тақпақ айтып берсін.
Дүйсенбіде - бауға бардым.
Сейсенбіде – суға бардым.
Сәрсенбіде - картоп қаптап.
Бейсенбіде – бақша баптап.
Жұма күні тақпақ жаттап.
Сенбіде мен саған бардым.
Жексенбіде бір дем алдым.
Тәрбиеші: - Бұл кім екен, есік қағып тұрған?
Хат тасушы: - Сәлеметсіңдер ме балалар?! Мені ЕСЕП ата «Балықтар»тобының
балаларына хат апарып бер деп жіберді. Соны әкелдім. Тағыда хатты апаратын
жерлерім бар. Сау болыңдар балалар!
Тәрбиеші: Хатты оқып береді. - Бізге ЕСЕП ата төрт түлік туралы жұмбақтар
жіберіпті.
Жұмбақ
1 – Кішкене ғана бойын бар
Айналдырып киген тоны бар. (қой)
2 - Екі айнасы бар, екі найзасы бар,
Төрт сылдырмағы бар, бір желпуіші бар. (сиыр)
3 – Апан - апан, жыртық шапан (түйе)
4 – Басында екі таяғы бар,
Адам деуге болмайды
Бірақ сақалы бар. (ешкі)
Тәрбиеші: - Балалар төрт түліктің төлдері туралы кім өлең айтады?
Төлдер туралы тақпақтар:
1. Қошақаны қойдың, қайда қалып қойдың?
Бұлтиып тұр бүйірің, қай өрістен тойдың?
2. Секең – секең, ей лақ, жүрмін саған кейіп – ақ,
Тыным тапсаң болмай ма?
Секірмей – ақ бей уақ.
3. Ботақаны нардың, жарға неге бардың,
Тілерсегің дірілдеп секіре алмай қалдың.
4. Құлыншағым - құндызым,
Құлдырайды, шабады.
Жылтылдаған жұлдызым,
Құстай қанат қағады...
Тапсырмалар:
Қой: «Қарама – қарсы сөздерді ата» (доппен ойнату)
Сиыр: «Кубизм» (төрт түлік мал туралы әңгімелеу)
Түйе: 3 - тапсырма.
Логикалық есептер.
1. Мұз айдынындағы үш бала,
Асыр сап жүр сырғанап.
Сырғанамай екі бала,
Жағалауда тұр қарап.
Енді осы бар баланың,
Санын айтсаң жарадың.
2. Үйге кірді Алдияр,
Оған қоса Мадияр.
Кейін келді Айдана
Қанша болды бар бала?
3. Табақта төрт алма,
Қолымда бір алма.
Барлығын қосқанда,
Болады неше алма
Жылқы: 4- тапсырма:
Ойын: «Көршісін тап»
Ортаға бес бала шығып сандарды суырып тұрады, балалар мына сандарды ретімен кім
орналастырады?
Бұл сандарды тура, кері кім санайды?
Сандардың көршілерін тауып көрейік.
Ал енді осы 1 - 5 ке дейінгі сандарға арналған балалардың тақпақтары бар.
1. Достар мені бір дейді,
Қарайды да бүй дейді,
Мұқтажсың қол аяққа,
Ұқсап тұрсың таяққа.
2. Мен екімін балалар,
екі деген баға бар.
Аз болған соң талабы,
үлгіре алмай қалады.
3. Мен ғой үштің таңбасы,
зейін қойып тыңдашы.
Екі қисық қосылған,
үш жазылған осыдан.
4. Бірақ үшке ағамын,
Жақсысымын бағаның.
Оқуға дос барғанда, риза мені алғанда.
5. Бір мен екі алмаңдар,
Үшке алданып қалмаңдар.
Төрттік баға алғандар,
Мені ғана армандар.
Қараңдаршы қоянның екі аяғын құрастырдық.
Сергіту сәті: 1, 2, 3 ал кәнеки ұш.
4, 5, 6, 7 мынау ауыл шеті.
8, 9, 10 ал кәнеки қон.
Тәрбиеші: - Балалар, біз төрт түліктің пірлерін атап берейік.
Қой атасы – Шопаната
Ешкі атасы – Сексеката
Сиыр атасы – Зенгібаба
Түйе атасы – Ойсылқара
Жылқы атасы – Қамбар ата
Шопаната: «Пішіндерден сурет құрастыр»
Зеңгі баба: «Жаңа ғана шалғында жеті бұзау жүр еді, кетіп қалды екеуі, қалды
енді нешеуі?» (5 цифрын көрсету)
Ойсылқара: «Менде қанша бота?». Алтыдан көп, сегізден аз. (жеті цифрын көрсету)
Қамбарата: «Құлыншақтарды салыстыр» (аз – көп таңбасын қою)
Сексеката: «Сынарың тап» (сурет бойынша төлдерін табу)
Тәрбиеші: - ЕСЕП атаның келесі тапсырмасы төрт түлік малды жұлмалау арқылы
жапсыру. (сиыр, түйе, ешкі, жылқы)
Қорытынды: - Балалар, бүгінгі сабақ ұнады ма? Бүгінгі сабақтан алған
әсерлерің қандай? Не істедік? – Қалай ойлайсыңдар ең көп жауап берген, белсенді
қатысқан балалар кімдер?
Тәрбиеші: Орындаған тапсырмамызды хатқа салып ЕСЕП атаға беріп жіберейік, ал
ЕСЕП ата сендерге мынадай тәтті сыйлық беріп жіберіпті.
Оставьте свой комментарий
Авторизуйтесь, чтобы задавать вопросы.