Сабақ жоспары "Жобаны таңдап алу"

Тексерілді: Оқу ісінің меңгерушісі:                                                        Күні: 29.04.2017ж.

_________ Қайырова.Ж.У.                                                                          Сыныбы: 9а,б.

29.04.2017ж.

Сабақтың тақырыбы: Жобаны таңдап алу.

Сабақтың мақсаты: Жобаны таңдай білу.

а) Білімділік: Жоба таңдау  туралы толық мағлұмат беру. .   

ә) Дамытушылық: Оқушылардың логикалық ойлау қабілетін дамыта отырып, көргендерін есте сақтап, оны қайта жаңғыртуға үйрету.           

б) Тәрбиелілік: Оқушыларды еңбексүйгіштікке, ұқыптылыққа тәрбиелеу.

Сабақтың типі: Жаңа сабақ.

Сабақтың әдісі: Әңгімелесу, баяндау, сұрақ жауап.             

Құрал-жабдықтар, көрнекті құралдар: Жиһаз түрлерінің суреті.

Сабақтың өту барысы:

I.Ұйымдастыру кезеңі.

а.Оқушылармен амандасу.

ә.Түгендеу.

б. Оқушылардың назарын сабаққа аудару.

II.Үйге берілген тапсырманы тексеру.

§28.

III.Жаңа тақырыпты түсіндіру.

Сендер қалай ойлайсыңдар, адам қандай нәрселерді жобалай алады? Егер сендер мүмкін болғанның бәрін деп айтсаңдар, онда дұрыс жауап бересіңдер.

  Жоба – бұл адамның өз шығармашылық әлеуетін барынша ашу мүмкіндігі. Шығармашылық жоба өзін жекелей немесе топта көрсетуге, өз күшін байқап көруге, өз білімін, шеберлігін қолдануға, пайда әкелуге, қол жеткен нәтижелерді көрсетуге мүмкіндік береді.

   Жобаны таңдағанда адам мұқтаждықтар мен қажеттіліктерді сезіну қажет. Жобаны таңдағаннан кейін оны негіздеу, яғни таңдау себебін, дайындалу барысын, қолдану саласын өрсету керек.

  Материалдық – техникалық қамтамасыз ету мүмкіндіктерін , жобаны дайындаудың экологиялық мақсаттылығын ескеру қажет.   

Тұрмыстық техникада жиһаздардың әдемі болуы үшін, әрлеу жұмысына ерекше көңіл бөлуге тиістіміз. Әсіресе өрнектердің кесілуіне, байланысына, шпон немесе текстуралық қағаздың қапталуына т.б. жұмысарына назар аударуымыз қажет. Мұндағы қабырға жиһазының бұрыштарына немесе сатылы бөліктерінің жиектеріне қолданылатын өрнектердің қарапайым түрлеріне салуға болады.

  Әрлеу жұмыстарына өрнектердің түрлері қазақ халқында өте кең дамыған. Ежелгі шеберлер үй жиһаздарына өрнектерді ою арқылы нақыштаған. Мұндағы сандықтың түрлері, асадал, ағаш төсек т.б. сүйектен, күмістеп, алтындап та жасалған. Оның ішіндегі жағлан, қол сандықтар кітап, дәптер, т.б. оқу құралдарын жинауға өте қолайлы, әрі кез келген орынға жарастырып қоюға да ықшамды. Оларды қолдан жасау үшін, алдымен осы жиһаз түрлерімен танысайық.

  Қолөнерге шексіз бай қазақ халқының үй жиһаздарының ішінде сандық ежелден үш түрлі жасалып келген. Киім – кешек, әр түрлі уақ түйек бұйымдар сақтау үшін, үлкенді – кішілі, қол сандық, әбдіре сандық және жағлан пайдаланылған. Үлкен әбдіре – сандықтардың ұзындығы 90-100, биіктігі мен ені 45-50 см шамасында жұқа қарағай тақтайлардан жасалады. Олардың сырты түгелдей қызыл, жасыл немесе қара бояулармен боялатын да, бет жағы жез, күміс түсті тастармен безендірілетін. Бұлардың жалпы жасалу тәсілі бірдей болғанымен, көркемдеу стильінде, беттеріне жүргізілген ою – өрнектер мен күміс әшекейлердің айтарлықтай өзгешеліктері байқалады. Екеуіне де ортақ көрініс – әбдіре – сандықтардың бет жақ жиектеріне айнала жүргізілген дөңестеу жіңішке жез және күміс жолақтар. Мұның біреуінің беті екіге бөлініп, олардың әрқайсысынв шеңбер жасалған. Шеңбердің ортасына қызыл тас орнатылып, айналасына құйма күміспен ұшқан құстың, ашылған кітабының, жорғалаған қоңыздың бейнелері салынған. Екіншісінің беті үш үлкен текшеге бөлінген. Екі шеткі текшенің ортасына жүрек тәрізді қызыл түсті тастардан көз орнатылған. Ортадағы текше үшке бөлініп, ең ортасына 8 гүлді дөңгелек күміс жұлдыз орнатылған. Қалған үшбұрышты, төртбұрышты дөңгелек құйма күміс әшекейлер жоғарыда айтылған көздер мен дөңгелек жұлдыз төңірегінде симметрия заңдылығын сақтай әдемі орналастырылған. Екеуіне де құлып салуға арналған күмістелген темір ілгектер орнатылған. Олардың әдемі жасалғаны сондай, сандық беттеріндегі әшекейлердің композициялық тұтастығын бұзбайтын, бөлінбес бөлшегі ретінде орындалған.

IV.Машықтық кезең.

Таңдаған жобасының технологиялық картасын сызу.

V.Қорытынды.

1. Технологиялық карта дегеніміз не?
2. Шығармашылық жобаның тақырыбын кім таңдайды?

VI.Бағалау.  

Оқушылардың жұмыстарын тексеріп, бағалау, мадақтау.

VII. Үйге тапсырма.

§29.