Сабақ жоспары,әдебиеттік оқу "Сатқын жапалақ"ертегі

Сабақ жоспары

Сынып 4 « В » Пәні:Әдебиеттік оқу күні: « 29 » 09 2015 ж

Тақырып: Сатқын жапалақ( Ертегі)

Негізгі идея: Ертегідегі оқиғаға өз көзқарастарын білдіреді.Оқушы оқығанын түсініп,қолдана алады.Ертегі кейіпкерлеріне сипаттама бере алады.

Оқу мақсаты :Оқушылар адалдыққа,батылдыққа,нысапшылдыққа тәрбиеленеді.Ертегідегі оқиға желісінің байланысын,ертегідегі кездесетін оралымды сөз мағыналарын ұғынады,түсінеді.

Табыс критериі

Барлық оқушылар

Оқушылардың көпшілігі

Жекелеген

Оқушылар

Ертегі түрлерін біледі.Ертегі түрлерін ажырата алады.

Әдеби ертегі мен халық ертегісінің ұқсастығы мен айырмашылығын анықтай алады.Ертегіні оқып,мазмұнын түсініп,мазмұндай алады.

Өзі ертегіні әрі қарай ауызша жалғастыра алады.Ертегі мазмұны бойынша сұрақтарға толық,нақты жауап береді.

Сабақ кезеңдері

Мұғалім не

істейді?

Оқушылар не істейді?

Ресурстар

Ұйымдастыру кезеңі

5 мин

Оқушыларға жағымды ахуал туғызу үшін,психологиялық жаттығу жүргізеді.

Мұғалім тапсырмасымен бір-біріне қарап,жымиып,бір-біріне күлкі сыйлайды.Бір-біріне жақсы тілектер айтады:

-Мен саған көтеріңкі көңіл сыйлаймын.

-Мен саған бүгін тек жақсы бағалар алуыңа тілектеспін.т.б.

Үй тапсырмасын тексеру

3 мин

Үйге берілген;Батыр балаБөген мен Шұбар ат

жырының мазмұнын,жоспарын сұрайды.

Кестеге Шұбар атты әсірелеу сөздерімен сипатайды.Жырдың мазмұны бойынша жоспар құрады:1.Шұбар аттың сөзі.2.Баланың Шұбар аттан айырылып қалуы.3.Шұбар аттың қайта оралуы.4.Шұбар атты әсірелеу.

Шұбар ат суреті

Білімді, Білуді, Дағдыны тексеру

3 мин

Халық ауыз әдебиетіне қандай шығармалар жататынын сұрап,үш топқа шығарма түрлерін бөліп,ерекшеліктерін сұрайды.1-топ.айтыс туралы.2-топ.Шешендік сөздер туралы.3-топ.Батырлар жыры туралы.

Өткен сабақтарды еске түсіреді.Әр топ өздеріне бөлінген тақырыптар бойынша мысалдар келтіре отырып тапсырмаға жауап береді.

Сызба

Жаңа білімді игеру

10 мин

Ертегі мазмұнын мұғалім әңгімелеп айтып береді.

Ертегіні іштей оқып шығуға уақыт бөледі.

Оқушылар ертегіні іштей оқып шығады.

«Сатқын Жапалақ»ертегісі жан-жануарлар туралы ертегі екендігін дәлелдеп ,айтады.

Өйткені,ертегідегі кейіпкерлер-Құстар.

«Сатқын жапалақ»

Ертегісіндегі кейіпкерлерінің суреттері.

Түсінуін тексеру

7 мин

«Сатқын жапалақ»ертегісі бойынша сұрақтар қояды.

-Сүлеймен патша қандай бұйрық берді?

-Үкі інілерін қайда жасырады?

-Құстарды қыру міндеті кімге тапсырылады?

-Жапалақ байғыз інісіне қандай опасыздық жасайды?

-Ертегі кейіпкерлері арқылы адамның бойындағы қандай мінездерді байқауға болады?

Қойылған сұрақтарға нақты,дәл жауап беруге талпынады:

-Ылғи бас сүйектен,сарғаймаған жас сүйектен сарай салынсын!-деді.

-Жапалақты жардың жарығына,Байғызды тастың қуысына жасырды.

-Құстарды қыру Көкжендет деген қанды балақ құсқа тапсырылды.

-Жапалақ Көкжендетке Байғыз інісін ұстап береді.

-Үкінің мінезі бауырмал,сабырлы,өжет.

-Көкжендет- өтірікші,пасық,мейірімсіз.

-Жапалақ –ақылсыз,ерме,нысапсыз.

Ертегі кейіпкерлерінің суреттері(Үкі,Жапа-

лақ,Байғыз,Кокжен-

дет)

Жаңа материалды бекіту

10 мин

Оқушыларға «Сатқын жапалақ » ертегісі бойынша өзіндік жұмыс жасауға тапсырып,жұмыстарын бақылайды.

Ертегідегі Сүлеймен патшаның жарлығын сызба бойынша дәптерге жазады.

Сызба

Үй тапсырмасын орындау жөнінде нұсқау

2 мин

Ертегідегі Көкжендеттің,Жапалақтың,Үкінің сөйлеген сөзіне,істеген әрекетіне қарап,мінездеме жазу тапсырылады.

-Көкжендет қандай?

-Жапалақ қандай?

-Үкі қандай?

Оқушылар ертегі мазмұнын айтуды,ертегі кейіпкерлеріне мінездеме беруді,өз ойын,пікірін айта білуге дағдыланады.

Қорытынды

сын шығару

5 мин

Оқушылардың сабаққа араласуын ескере отырып, тиісті бағалары қойылады.

Сабаққа араласуға ынталанады.

Оқушы күнделігі.

Тексерілді:

Сабақтан кейін ойланатын сұрақтар:

Не сәтті болды?

Оқушылардың барлығы ертегінің мазмұнын айтуға белсенді қатысты.

Не сәтсіз болды?

Уақытты тиімді пайдалана алмадық

Нені жақсартуға болады?

Дәптермен,өзіндік жұмысты көбірек жүргізуге болады

Нені өзгертуге болады?

Пән мұғалімі: Айтбаева Рабиға