«Сабақта оқушылардың белсенділігін арттыруда диалогтік оқытудың рөлі »тақырыбындағы коучинг жоспары

Коучинг жоспары

Коуч: Сарсенгалиева Асем – І деңгей мұғалімі

Тақырыбы	«Сабақта оқушылардың белсенділігін арттыруда диалогтік оқытудың рөлі »
СМАРТ мақсаты	Мұғалімдерге диалогтік оқыту және оның әдістері, факторлары  мен формалары туралы түсінік беру және оның маңызын түсіндіру; ғылыми зерттеулерге сәйкес сыныптағы оқушылармен қарым-қатынас жасау жөніндегі өзіндік тәсілді ойластыруға және шығаруға көмектесу, оқытудың диалогтік әдістерін енгізуге арналған тәсілдерді тиімді педагогиканың бөлігі ретінде ұғындыру, диалогтік оқытудағы жоғары, төмен деңгейлі сұрақтар және сұрақ қою техникалары жайлы мәлімет беру
Құрал-жабдықтар	интербелсенді тақта, маркерлер мен плакаттар, тақырып бойынша ресурстар: бейнероликтер мен 2-деңгейдегі МАН бойынша таратпа материалдар.
Дереккөздер	Мұғалімдерге арналған нұсқаулық. Ғаламтор материалдары (видеороликтер).
Негізгі түйінді идеялар	Диалог–балалардың оқуға деген ынтасын оята алатын пәрменді тетік. Сұрақ қою маңызды дағдылардың бірі, себебі сұрақ дұрыс қойылған жағдайда оқытудың тиімді құралына айналады және де оқушылардың оқуына қолдау көрсетіп, оны жақсарта және кеңейте алады.
Коучингте қарастырылатын негізгі мәселелер	1.«Оқытудағы диалогтың» мәні 2. Диалогтік оқытудың оқушы мен мұғалім үшін маңызы 3.Жоғары және төмен дәрежелі сұрақтар 4. Сұрақ қоюдың техникалары
Оқыту нәтижелері Коучинг соңында мұғалімдер:	1. Білім беруде оқушыға жеке көңіл бөлуді дамытуға ықпал ететін оқыту әдісі ретінде әңгімелесуді қалайша тиімді қолдануға болатыны туралы өз түсінігін қалыптастырады. 2.Білім алу тәжірибесіне диалогтік әдістер енгізіледі. 3. Сыныптағы диалогтік әдістер бағаланады. 4. Диалогтік әдістердің оқуға көмегін түсіндіруге дайын болады. 5. мұғалімдер диалогтік оқытудағы жоғары, төмен деңгейлі сұрақтар туралы меңгереді және сұрақ қою техникаларын ажырата алатын болады.
Коучинг барысы	Коучтің  әрекеті	Коучингке қатысушылардың әрекеті
Жағымды психологиялық ахуал туғызу	Қатысушыларды ортаға шақырып, бір-бірімен танысуға тапсырма береді және әңгіменің 3 түрі жазылған кеспе қағаздарды таңдау  арқылы топқа бөлуді тапсырады.	Танысады және кеспе қағаздарды таңдау арқылы топтарға бөлінеді 1 топ- әңгіме –дебат 2 топ- кумулятивтік әңгіме 3 топ- зерттеушілік әңгіме
Топ мүшелерінің міндеттерін бөлу және топ ережесін құру	Барлық қатысушыға жұмыс парағы таратып, топ мүшелерінің міндеттерін түсіндіреді және топ ережесі туралы нұсқау береді	Топ мүшелері өзінің  міндеттерін бөліп алады,топ ережесін жасайды
Ой қозғау «Тотықұстар» диалогі	Танысудың қалай жүзеге асқандығы туралы мұғалімдерге сұрақтар қояды. -Сіз қалай таныстыңыз? -Неге осылай танысу түрін таңдадыңыз? -Қандай тақырыптар  қозғалды? -Сіз мұғалімдермен қалай сөйлестіңіз? -Сіз танысқан мұғаліміңіз туралы баяндап беріңізші. -Видеодан нені байқауға болады? -Қандай тақырыпта ой қозғалды? -Сөйлесу оларға не үшін қажет болды? -Сөйлеу білмесе де олар бір-бірін түсінді. Қалайша?	Мұғалімдер өз ойларын ортаға салады. Тотықұстардың сөйлеу білмесе де өзара түсінісе білуінің себептерін ашады.
Жұптық жұмыс	«Оқытудағы диалог»  ұғымын қалай түсінетіндігі туралы стикерге жазуға тапсырма береді.	Өз пікірлерін ортаға салып, диалог туралы ұғымды топтастырады, өзара ортақ пікірге келеді.
Топтық жұмыс. Белсенді және белсенді емес сынып қандай болады?	Топтарға белсенді және белсенді емес сыныптарды сахналауды тапсырады	Әр топ өзіне берілген тапсырманы орындайды І топ-Белсенді сынып ІІ топ-Белсенді емес сынып ІІІ топ-Сарапшылар тобы
Таныстырылым	Диалогтік оқытуды ұйымдастыру формалары мен факторлары туралы таныстырылым жүргізеді. Диалогтік оқытудың сабақта оқушылардың қызығушылығын арттырумен қатар, олардың білім деңгейінің өсуіне үлес қосатындығын, ересектермен интерактивті қарым-қатынас жасау және достарымен бірігіп жүргізілген жұмыстың балалардың оқуына және когнитивті дамуына әсер ететіндігі жайлы деректер келтіреді.	Берілген тақырыптар бойынша теориялық ақпарат алады және пікірлерін білдіреді
Сергіту сәті (физикалық жаттығулар)	Сергіту сәтін жүргізеді	Ортаға шығып, сергіту сәтін өткізеді
Топтық жұмыс	1 топқа берілген топтық талқылаудың әңгіменің қай түріне жататындығын айқындау және дәлелдеу 2 топқа  суретті карточкаға қарай отырып, диалог құрастыруға және оны сахналауды тапсырады 3 топ – мұғалім мен оқушылар арасында болған диалогты оқуға және мұғалімнің оқушыларға сұрақты қалай қоятынына түсініктеме беруге тапсырма береді.	Әр топ өзіне берілген тапсырманы орындайды және бағалайды
Таныстырылым	Жоғары және төмен дәрежелі сұрақтар, сұрақ қоюдың техникалары туралы таныстырылым жүргізеді	Таныстырылымнан біршама теориялық мағлұмат алып, алдағы жұмыста пайдаланады
Жеке жұмыс. Жауап алудың тиімді дағдыларын қалыптастыру	Мұғалімдерге 3 циклді сұрақтар құрастыруға тапсырма береді	3 циклді сұрақтар құрастырады
Кері байланыс «Қандай сезімде болдың?» әдісі	Мұғалімдермен кері байланыс жүргізу мақсатында  қаншалықты сенімді болғандығын көрсетуді сұрайды.	Өз сезімдерін арнайы бағанға стикер жабыстыру арқылы көрсетеді.
Видеопозитив	Видеоролик көрсетіп, қатысушыларды әрдайым қорқынышты жеңіп, сенімді болуға  шақырады	Видеороликті тамашалайды