Сабақтан тыс іс-шара. Тақырыбы: "Информатика әлемі - компьютердің мәнері" (5 сынып)

«Д.Бабатайұлы атындағы жалпы білім беретін орта мектеп» КММ

                                       Дайындаған: информатика пәнінің мұғалімі

                                                              Тулеугазинова Қ.Б.

                    

Тақырыбы: «Информатика әлемі – Компьютердің мәнері»

Сабақтың түрі: Сыныптан тыс жүргізілетін сайыс сабақ.

Көрнекіліктер: Компьютер, интерактивті тақта, суреттер, үлестірме

                            қағаздар, слайд.

Бүгінгі сайысымызға «Монитор» және «Сканер» топтары қатысқалы отыр, әр топта 6 оқушыдан қатысады.

Мынау ұшқыр заманда

                                            Жаңалық енді ғаламға

   Компьютер тілін меңгеру

                                           Қажеті туды адамға

Сайыстың жоспары:

1.     «Өзге емес, өзім айтам өз жайымды»

2.     «Кім жылдам»

3.     «Ғажайып алаң»

4.     «Компьютермен жұмыс»

5.     «Зерделілер сайысы»

6.     «Ойлан да, тап»

7.     Қорытынды.

1-кезең. «Өзге емес, өзім айтам өз жайымды». Бұл кезеңде әр топ басшысы өз тобын таныстыра отырып, өздерінің эмблемаларын және дайындаған газеттерімен таныстырады.

2-кезең. «Кім жылдам» Екі топқа 10 сұрақ интерактивті тақтада көрсетіліп тұрады. Әрбір оқушы жылдам әрі дұрыс жауап береді. Дұрыс жауапқа бір ұпайдан беріліп отырады.

1. Ақпараттың ең кіші өлшем тбірлігі? (бит)

2. Ақпарат шығару құрылғысы? (басып шығарғыш)

3. Сурет салуға арналған программа? (Paint)

4. Дүниежүзілік байланыс желісі? (интернет)

5. Дыбыс шығару құрылғысы? (дыбыс шығарғыш)

6. Ең алғашқы программаны жазған әйел адам? (Ада Лавлейс)

7. «Microsoft» фирмасының президенті? (Билл Гейтс)

8. Гректер есептер құралын не деп атады? (абак)

9. 19 жасында дүниежүзінде бірінші рет қосу машинасын ойлап тапқан ғалым? (Блез Паскаль)

10. Ақпарат сөзі қай тіоден шыққан? (латын)

3-кезең. «Ғажайып алаң» ойынымыздың бұл кезеңінде әрбір топ интерактивті тақтада көрсетілген ұяшықтардың бірін таңдап, жауап беруі қажет. Жауап дұрыс болса, сол ұпай топ есебіне жазылады, ал қате болса, шегіріледі.

АҚПАРАТ

10 ұяшық. Адам ақпаратпен не істей алады? (ақпаратты сақтайды,

                    ақтаратады, өңдейді)

 20 ұяшық. Ақпараттық процестерді ата? (ақпарат алу, сақтау, беру, өңдеу).

 30 ұяшық. Бұл ұпай сіздікі

ТАРИХ

10 ұяшық. Есептеуіш техника қай ғасырда қарқындап дами тастады? (ХІХ ғ.)

20 ұяшық. Компьютердің атасы кім? (Чарлз Бэббидж)

30 ұяшық. Ең алғашқы есептеу құралы? (саусақ)

ҚҰРЫЛҒЫ

10 ұяшық. Дисплей басқаша қалай аталады? (монитор)

20 ұяшық. Телефон желісі арқылы интернетке қосылу құрылғысы. (модем)

30 ұяшық. Ақпарат енгізу және шығару құрылғыларын ата? (енгізу:

                    пернетақта, сканер, шығару: монитор, басып шығарғыш)

ӘР ТҮРЛІ

10 ұяшық. Компьютер жанындағы өсімдік? (кактус)

20 ұяшық. ЭЕМ көмегімен ақпараттық процестерді зерттейтін ғылым.

                    (информатика)

30 ұяшық. Қарапайым есептеулер жүргізетін программа? (калькулятор)

4-кезең. Компьютермен жұмыс. «Суретшілер» сайысы. Әр топтан екі оқушыдан шығып, тақтадағы суреттің бірін таңдап, суретте жасырылған тапсырманы Paint графикалық редакторында орындайды.

1. «Ауылым – алтын бесігім»

2. «Астана- арман қала»

3. «Ою өрнек» немесе «құрақ құру»

4. «8 наурыз халықаралық әйелдер күні» арнап сурет салу.

5-кезең. Зерделілер сайысы.

1. Бар құрылғыны басқаратын, кеудесін қасқаятын ми. (процессор)

2. Саусақтарды билететін, экранға мәтінді сый ететін, жоқ деп мүлде айта алмайтын, иәні қолдап қайталайтын. (пернетақта)

3.Пернеден жасқанатын, адам көмегімен басқарылатын, қорқақ компьютердің кенже баласы. (тінтуір)

4. Тінтуірдің ең жақын туысы. (трекбол)

5. Қағазға тоймайтын құрылғы. (басып шығарғыш)

6. Басып шығарғыштан асып түсетін құрылғы. (сканер)

6-кезең. «Ойланда, тап» бұл кезеңде топ бпсшылары Ребус шешеді.

«Монитор» тобы.                                         «Сканер» тобы.

№	Ауысқан әріптер	Дұрыс сөздер	№	Ауысқан әріптер	Дұрыс сөздер
1	Магрампро	Программа	1	Магрампро	Программа
2	Дакротре	Редактор	2	Дакротре	Редактор
3	Енюм	Меню	3	Енюм	Меню
4	Ншытақ	Тышқан	4	Ншытақ	Тышқан
5	Такедис	Дискета	5	Такедис	Дискета
6	Нофроким	Микрофон	6	Нофроким	Микрофон
7	Ledete	Delete	7	Ledete	Delete
8	Fsthi	Shift	8	Fsthi	Shift
9	Ретпьюком	Компьютер	9	Ретпьюком	Компьютер
10	Оонлкка	Колонка	10	Оонлкка	Колонка

Қорытындылау және Марапаттау кезеңі.