Сабақтың тақырыбы :иық бұйымдар (7 сынып)

         «№1 мектеп-гимназиясы» КММ

Ашық сабақ

Иық бұйымдарының түрлері және сипаттамасы

                                                 Сыныбы : 7а

Технология пәні мұғалімі:Құдайбергенова Д.Қ

                                                    Шалқар қаласы

                                               2016-2017 оқу жылы

     Тақырып: Иық бұйымдарының түрлері және сипаттамасы

Сабақтың мақсаты: Иық бұйымдары түрлерімен таныстыру, киімге қойылатын талаптармен таныстыру, қазақ ұлттық киімін дайындаудың ерекшеліктерін ашып көрсету. Конструкторлық ойлай білуді, дербестікті, моторлық біліктерді, байқағыштықты дамытуға жағдай жасау. Зейіндікке, жұмыс атқару кезінде жауапкершілікке, мұқияттылыққа, дәлдікке, сенімділікке, жұмыс мәдениетіне тәрбиелеу
Сабақтың типі: жаңа материалды меңгерту.
Сабақтың түрі: жаңа сабақ.
Пәнаралық байланыс: тарих, бейнелеу.
Көрнекілігі: интерактивті тақта, суреттер, кестелер, сыр сандық.
Сабақтың барысы:
I. Ұйымдастыру кезеңі.

2-топқа бөлу

Бір-бірімен амандасу
ІІ. Актуалдау

Киім дегеніміз не?

 Киім дегеніміз – адамды қолайсыз қоршаған орта әсерлерінен сақтайтын денедегі жамылғылардың жиынтығы.Костюм дегеніміздің өзі – «.... адамның немесе адамдардың қоғамдық тобының өзіндік бір даралығын сипаттайтын киім мен аяқ киім бөлігінің белгілі бір бейнелік-көркемдік жүйесі». «Костюм» ұғымына киім мен аяқ киім ғана емес, сондай-ақ адамның шашы, бас киімі, қолғабы, безендіру заттары мен косметика да енеді. Белгілі бір мағынада костюмнің адам денесімен байланысы барынша тығыз әрі кең түрде болып келеді.
а) Қандай киім түрлерін білесіңдер?
ә) Белдік бұйымдар дегеніміз не?
б) Белдік бұйымдарға қажетті негізгі өлшем?
в) Белдік бұйымдарды ата?
ІІІ. Жаңа сабақ.
Иық бұйымдары деп, аты айтып тұрғандай, иыққа киілетін барлық бұйымдарды айтады. Оларға көйлек, халат, шапан, камзол, тон жейде, костюм т. б жатады.

Киім шығу тарихымен танысу. Өткен жылы белдемшелі бұйымдармен, олардың тігілу тәсілдерімен таныстыңдар. Иық бұйымдарының айырмашылығы - мұнда мойын ойындысы, қолтық ойындысы, жаға, өңір болады. Сонымен қатар иық бұйымдары қолдану орнына, сәніне қарай ұзын, қысқа, жеңі жоқ, жағасы да әртүрлі пішінде тігіледі. Ер және әйел киімдерінің өзіндік конструкциялық ерекшеліктері болады.
Киімнің конструкциялық ерекшеліктері
Әйелдер киімі:
Кеуде, бел, иық бүкпелері болады
Ерлер киімі
Иығы кең, түймелік орны солдан оңға қарай бағытталған
Адамның жас ерекшелігіне қарай:
- Мектепке дейінгі балалар киімі
- Мектеп жасындағы балалар киімі
- Ересектер киімі
Силуэт бойынша:
- Қынамалы - Жартылай қынамалы - Тік
Пішімі бойынша:
Тұтас пішілген, бел сызығы бойынша кесілген, қысқа немесе ұзын жеңді, қондырма жеңді, реглан жеңді, құрастырмалы пішілген, қысқа немесе ұзын жеңді, жеңсіз, жағасыз, тік жағалы, шәл жағалы.
Көйлек көбінесе белдемшеден және үстіңгі бөліктен құралады. үстіңгі бөлік артқы - алдыңғы бөліктерден, жең, жағадан тұрады. Белдемше тұтас пішілген немесе бірнеше бөліктен тұруы мүмкін.
Белдемшелердің сынасының санына қарай көйлектер бір, екі, көп тігісті болады. Сонымен, қатар тік, кең етекті, қатпарлы, бүрмелі, ши бүрмелі, гофре, бедерлі түрінде кездеседі. Белдемше мен лиф бел сызығы арқылы біріктіріледі немесе біртұтас пішіледі.
Жеңнің аузы пішіміне, ұзындығы мен кеңдігіне қарай қайырылады, түймеленеді, тік және өрнектеліп, қималанады.
Иық бұйымдарын өңдеп - әшекейлеу олардың түрі мен қолдану орнына байланысты.
Киім қолданылуына қарай: тұрмыстық, күнделікті, салтанатты болып бөлінеді.
Иық бұйымдарына жататын қазақтың ұлттық киімдерінің бір түрі - камзолға тоқталайық. Камзол жеңді, жеңсіз, жеңі иықтан сәл түсіңкі түрінде тігіледі. Камзолдың материалы - көбіне түкті пүліш, барқыт, шұғадан тігеді. Ол міндетті түрде бір түсті матадан тігіледі. Әйелдердің жасына қарай камзолдың түсі өзгеріп отырады. Қыздар көбіне алқызыл түсті, орта және үлкен жастағы әйелдер негізінен көк, жасыл, сарғыш түсті камзолдар киеді. Камзолға жаға салынбаған. Камзолдың өңіріне, етегіне ою - өрнек жүргізілген. Жылтыр матадан немесе сәнді жіптермен әр түрлі оюлар жасаған. Камзолға түйме салынбаған, оның орнына ұсталар соққан қарсы ілгектер тағылған.

 IV Сабақты бекіту

«Бәйге» ойыны

1.       Романтикалық стиль мен спорттық стильдің айырмашылығы неде?

2.       Стиль дегеніміз не?

3.       Силуэттің  қандай түрлері бар?

4.       Қолдану мақсатына қарай киім қандай топтарға бөлінеді?

5.       Киімге қандай талаптар қойылады?

6.       Киімдегі негізгі стильдерді ата.

7.       Сәнді салтанаты кештерге киілетін желбіршекті, шілтерлі ,жылтыр маталардан тігілген, моншақтармен әсемделген көйлек қай стильге жатады?

8.       Киімнің жайлылығы,ауа өткізгіштігі,ылғалды жақсы сіңіруі қай талаптың орындалуын қамтамассыз етеді

9.       Киімге қандай  эксплуатциялық талаптар қойылады?

V. Өзіндік жұмыс.

1-тапсырма. Берілген сурет бойынша киімге сипаттама беру.

1.      Бұйым аты,қолданылуы, матасы.

2.      Силуэті,стилі.

3.      Қиылуы (жаға , жең , ілгектенуі және т.б.)

4.      Пішім бөлігінің ерекшелігі

   Артқы бой

               Алдыңғы бой

                Жең

                Жаға

    5.   Әшекейленуі

2-тапсырма.Берілген силуэт бойынша әр оқушы киім үлгісін салады.

                                    

3-тапсырма. Графикалық диктант

1.      Спорттық стильдегі костюмде желбіршек бар

2.      Иық бұйымдарына шалбар,белдемше,туфли жатпайды.

3.      Гигиеналық талап-киім әдемі заманға сай болуы қажет.

4.      Камзол спорттық стильге жатпайды.

5.      Иық бұйымдары белдік бұйымдардан ерекшеленбейді.

6.      Көйлектің  жағасы бар.

VІ. Қортынды

Мен білдім

Мен үйрендім

Маған қажет болады

Оқушыларды бағалау
VIІ. Үйге тапсырма.
Үлгі шаблон   дайындау

Сантиметрлік таспа

Сызба қағазы

Сызғыш,өшіргіш,карандаш

«Бағалау парағы»

Пән:  технология

Сабақтың тақырыбы:_______________________________________

Топ_________     

№	Оқушының аты-жөні	Бәйге ойыны	1- тапсырма	2-тапсырма	3-   тапсырма
1
2
3
4
5

 «Бағалау парағы»

Пән:  технология

Сабақтың тақырыбы:_______________________________________

Топ_________     

№	Оқушының аты-жөні	Бәйге ойыны	1- тапсырма	2-тапсырма	3- тапсырма
1
2
3
4
5

«Бағалау парағы»

Пән:  технология

Сабақтың тақырыбы:_______________________________________

Топ_________     

№	Оқушының аты-жөні	Бәйге ойыны	1- тапсырма	2-тапсырма	3-     тапсырма
1
2
3
4
5