Сабақтың тақырыбы: "Компьютерлік графика"

С.Есқараев атындағы №27 орта мектеп

Тақырыбы: Компьютерлік графика

Пәні: Информатика

Сыныбы: 8

Пән мұғалімі: Мысаева Р.

Сабақтың тақырыбы: Компьютерлік графика

Сабақтың мақсаты:

Білімділік: Оқушыларды компьютерлік графика ұғымымен таныстыра отырып, графиканың түрлері, редакторлары туралы білімдерін қалыптастыру;

Дамытушылық: Оқушылардың компьютерлік графикамен жұмыс істеу принциптерін меңгерту арқылы теориялық білімін, ой-өрісін, шапшаң ойлау қабілетін дамыту;

Тәрбиелік: Оқушылардың эстетикалық талғамын қалыптастыра отырып, жан-жақты болуға, техникалық құрылғыларды пайдалану барысында ұқыптылыққа тәрбиелеу;

Сабақтың түрі: аралас сабақ

Сабақтың әдісі: интерактивтілік, түсіндірмелі-суреттемелік, сұрақ-жауап

Көрнекіліктері: компьютер, интерактивті тақта, презентация, тапсырмалар, стикерлер

Сабақтың барысы:

I. Ұйымдастыру кезеңі

- сыныппен амандасу, түгендеу;

- топқа бөлу;

Компьютердің құрылғыларын құрастыруға байланысты сыныпты топқа бөлу.

1топ –монитор 2топ –жүйелік блок 3топ –пернетақта

II. Үй тапсырмасын сұрау

Оқушыларға сұрақ қойып, берген жауаптарын смайликтермен бағалау

- Архив дегеніміз не?

- архиватор дегеніміз не?

- сығылған файл әдеттегі файлдан қалай ерекшеленеді?

- архиватор программаларды атаңыз?

III. Жаңа сабақ

«Компьютерлік графика» деген сөз тіркесі қазіргі уақытта жиі қолданылады. Компьютерлік графика дегеніміз не? Қандай түрлері бар?

Компьютерлік графика – әр түрлі кескіндерді (суреттерді, сызбаларды, мультипликацияларды) компьютердің көмегімен алуды қарастыратын информатиканың маңызды саласы.

Түс ерекшелігіне байланысты:

Ақ –қара Түрлі түсті

Қазіргі компьютерлік графика қолданылу әдісі бойынша мынадай негізгі салаларға бөлінеді:

Ғылыми графика, іскерлік графика, көркемдік графика

Растрлық кескін дегеніміз – түрлі түсті нүктелердің (пиксельдердің) жиынтығы. Олардың саны бейненің өлшемі мен шешімі арқылы анықталады. Растрлық графикада кескіндер түрлі-түсті нүктелердің жиынтығынан тұрады. Растрлық кескінді құрайтын әрбір пиксельдің өз орны мен түсі болады және әр пиксельге компьютер жадында бір ұяшық қажет. Растрлық кескіннің сапасы сол кескіннің өлшеміне (тігінен және көлденең орналасқан пиксельдердің саны) және әр пиксельді бояуға қажетті түстердің санына тәуелді болады. Өңдеу редакторлары: Adobe Photoshop, Corel PhotoPaint

Векторлық кескіндер, бұл - сызық, доға, шеңбер және тікбұрыш сияқты геометриялық объектілер жинағынан тұратын кескіндер. Бұл жерде вектор дегеніміз - осы объектілерді сипаттайтын мәліметтер жиынтығы. Векторлық графиканың басты артықшылығы оған кескін сапасын жоғалтпай өзгеріс енгізуге, оңай кішірейтуге және үлкейтуге болатындығы. Векторлық кескіндер СorelDRAW, Adobe illustrator секілді векторлық графикалық редакторларда жасалады.

Фракталды графиканың жасалу әдісі сурет салуға немесе безендіруге емес,програмалауға негізделеді. Егер растрлық графикада растр (пиксель), ал векторлық графикада сызық базалық элемент болып табылса, фракталдық графикада математикалық формуланың өзі базалық элемент болып табылады, бұл компьютердің жадында ешқандай объект сақталмайды, кескін тек қана теңдік бойынша салынады деген сөз .

Ақпараттың өлшем бірлігі:

8 бит – 1 байт 1024 Кб – 1 Мб

1024 байт – 1 Кб 1024 Мб – 1 Гб

Графиканың өлшенуі

Тігінен және көлденең нүктелер санын көбейтіп, оны ақпараттың өлшем бірліктеріне айналдырамыз.

Мысалы: 640 * 350 = 224 000 бит : 8 = 28 000 байт : 1024 = 27,3 Кб

640 * 350 * 4 = 896 000 бит : 8 = 112 000 байт : 1024 = 109, 3 Кб

IV. Жаңа сабақты бекіту

Оқушыларға өткен тақырып бойынша сұрақтар қою, тапсырмалар орындату. «Домино» ойыны

2 тапсырма.

3 тапсырма.

4 тапсырма.

Есептер шығару. Ақпараттың өлшем бірліктеріне айналдыр.

• 580*750

• 690*480

• 245*379

• 782*145*4

• 450*500*200

V. Үй тапсырма

«Компьютерлік графика» тақырыбын оқу, мазмұндау, қорытындылау

Графика түрі

Ерекшеліктері

Өңдеу редакторлары

Растрлық графика

Векторлық графика

Растрлық графика мен векторлық графиканы салыстыру

Кескінді ұсыну әдісі

Растрлық

Векторлық

Шынайы суреттерді бейнелеу мүмкіндігі

Кескіндерді өңдеу мүмкіндігі

Кескіндердің басып шығарылу ерекшеліктері

VI. Бағалау

Оқушыларды жинаған смайликтерін есептеп бағалау